ಪ್ರಕಟನೆ 1:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;

ಪ್ರಕಟನೆ 1:5 ပူးပေါင်းရင်းမြစ်များ

ಮತ್ತಾಯ 20:28

ತೆನೈಸೊ ಮನಕ್ಹನೊ ದಿಕ್ರೊ ಸೆವೆ ಕರೈಲಿವಾನಾಹುತಿ ಆಯೊ ನತ್ತಿ, ಸೆವೆ ಕರಾನಾಹುತಿಬಿ, ಘನಾಜ಼ನಾವೊನೆ ಬಿಡುಗಡೆನಾಹುತಿ ತಿನೊ ಜ಼ಲಮ ದಿವಾನೆ ಆಯೊ ಕೈನ ಕದ್ಯೊ.

ಮತ್ತಾಯ 28:18

ತಿನಾಹುತಿ ಯೆಸು ತ್ಯುನೊಕನ ಐನ, ಸ್ವರ್ಗ ವರಿ ಎ ದುನಿಯಾನಿ ಕ್ಹಾರಿ ಅದಿಕಾರ ಮನೆ ದಿದಲ ಛೆ.

ಯೊಹಾನ 13:1

ಫಸ್ಕ ಸನ್ನ ಯಕ್ಕ ದಿನ್ನ ಪೈಲಾನು ದಿನ್ನ ಐಯುತು. ತೆ ಎ ಜಗತ ಛೊಡಿನ ಬಾ ಕನ ಜಾ಼ವಾನೊ ಟೈಮ ನಜಿಕ ಆಯುಸ ಕವಾನು ಯೆಸುನೆ ಗ್ವತ್ತ ಥಯು. ಎ ಲೊಕಮಾ ರ‍್ಹಯಲ ತಿನಾ ಮನಕ್ಹೊನೆ ತೆ ಹಮೆಶಾಬಿ ಮಯಾ ಕರ್ತೊತೊ. ವರಿ ತೆ ತ್ಯುನೊನೊಪರ ರ‍್ಹಯಲ ಘನ್ನಿ ಮಯಾ ದೆಕಾಡ್ಯೊ.

ಯೊಹಾನ 13:34

ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ಲಿಂಗತ ಮಯಾ ಕರುಜ.

ಯೊಹಾನ 15:9

"ಕಿಮ್ಮ ಬಾ ಮನೆ ಮಯಾ ಕರಸ ತಿಮ್ಮಜ ಮಿ ತುಮೊನೆ ಮಯಾ ಕರುಸ. ಮಾರಿ ಮಯಾಮಾ ರ‍್ಹವೊ.

ಯೊಹಾನ 18:37

ಪಿಲಾತನ"ತಿಮ್ಮ ರ‍್ಹಯುಮ ತು ರಾಜೊ಼ ವ್ಹೈ ಸು? ಕದ್ಯೊ. ಯೆಸು ತಿನೆ"ತುಜ಼಼ ಮನೆ ರಾಜೊ಼ ವ್ಹೈ ಕೈನ ಕವಾಡ್ಯೊಸ. ಮಿ ಮನಕ್ಹೊನೆ ಕ್ಹರಿ ಹುತಿ ಕವಾನೆ ಮಿ ಎ ದುನಿಯಾಮಾ ಹುಟ್ಯೊಸ. ಕ್ಹರಿಮಾ ರ‍್ಹಯಲ ಹರಿ ಯಕ್ಲೊ ಮಿ ಕದಲ ಐಕಸ ಕೈನ ಕದ್ಯೊ.

ಯೊಹಾನ 3:11

ಮಿ ತುನೆ ಕ್ಹರಿಜ ಕೌಸ. ಅಪೊನೆ ಗ್ವತ್ತ ರ‍್ಹಯಲನಾ ಹುತಿ ಅಪೆ ಬೊಲಿಯೆಸ. ಅಪೆ ದೆಕಲನೆ ಸಾಕ್ಷಿ ದಿಯೆಸ. ತೆನೈಸೊ ಹಮೆ ಕವಾನು ತುಮೆ ಸ್ವಿಕಾರ ಕರ್ಲೆತಾ ನೈ.

ಯೊಹಾನ 3:16

ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ.

ಯೊಹಾನ 3:32

ತೆ ದೆಕಲ ಕ್ಹಾರಾನಾ ಹುತಿ ವರಿ ಐಕಲ ಕ್ಹಾರಾನಾ ಹುತಿ ಸಾಕ್ಷಿ ದಿವಸ. ತೆನೈಸೊ ತಿನಿ ಸಾಕ್ಷಿನೆ ಮನಕ್ಹೊ ಸ್ವಿಕಾರ ನೈ ಕರ‍್ತಾ.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಅಪೊಸ್ತಲೊ 26:23

ಕ್ರಿಸ್ತಾ ದುಕ ಕರಲಿನ ಮರಿನ ಮರೆಲಮಾತೊ ಪೈಲಾನೊ ಥೈನ ಉಟಿನ ಐನ ಯೆಹುದಿಯೊನೆ ವರಿ ಯೆಹುದಿಯೊನೆ ನೈಸೊ ಮನಕ್ಹೊ ಕ್ಹಾರಾ ರಕ್ಷಣೆ ಉಜಾಲು ಲಾವಸ ಕೈನ ಪ್ರಸಿದ್ದಿ ಕರಾವಾಲೊ ಥಾಶಿ ಕೈನ"

ರೊಮಾಪೂರ 3:25

ಕ್ಹುದಾ ಬರೊಕ್ಹಾನಾ ಮುಕಾಂತರ ಮನಕ್ಹೊನಾ ಪಾಪೊನೆ ಮಾಫ ಕರಾನಿ ವಾಟ ದೆಕಾಡ್ಯೊಸ. ತೆ ವಾಟ ಯೆಸು ಕ್ರಿಸ್ತ ವ್ಹೈ. ಕ್ಹುದಾ ಯೆಸುನು ರಗತನಾ ಮುಲಕ ಪಾಪ ಮಾಫ ಕರಸ. ಕ್ಹುದಾ ಕರಾನು ಕ್ಹಾರುಜ಼ ಚೊ಼ಕೊಜ಼ ವ್ಹೈ. ವರಿ ಕ್ಹರಿಕ್ಹು ರ‍್ಹವಸ ಕವಾನು ಎ ದೆಕಾಡಿನ ದಿವಸ. ಕ್ಹುದಾ ಪಾಚ಼ಲ್ಯಾ ಕಾಲಮಾ ತಡ್ದಿಲಿವಾನು ಮನಕ್ಹೊನಾ ಪಾಪನೆ ದಂಡದಿದ್ಯಾವಾಚಿ ಜಾ಼ತಾಮಾ ತೆಳಾಮಾಬಿ ಕ್ಹುದಾ ನಿತಿವಂತವಾಲೊ ವ್ಹತ್ತೊ.

ರೊಮಾಪೂರ 8:37

ತೆನೈಸೊ ಅಪೊನೆ ಮಯಾ ಕರಲವಾಲಾ ಕ್ಹುಜ಼ ಎ ಕ್ಹಾರಿ ವಿಷಯಮಾ ಜಯಾ ಛೆ.

1 ಕೊರಿಂಥ 6:11

ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಎಫೆಸ 2:4

ತೆ ನೈಸೊ ಮರಗಾನೊ ಮಾಲಕ ಥಯಲ ಕ್ಹುದಾ ಅಪೊನೆ ಘನ್ನೊ ಮಯಾ ಕರ‍ಸ ಕೈನ ದೆಕಾಡಿನ ದಿದ್ಯೊಸ

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಕೊಲೆಸ್ಸೆ 1:18

ಸಬೆ ಕವಾನು ಅಂಗನೆ ತೆ ಮಾತು ಥಯೊಸ. ಕ್ಹಾರಾವೊಮಾ ತೆಜ಼ ಪೈಲಾ ವ್ಹೈ. ಮರಲವಾಲಾವೊಮಾತೊ ತೆಜ಼ ಜಿವ್ತೊ ಥೈನ ಉಟಿನ ಆಯಲವಾಲೊ ತೆಜ಼ ವ್ಹೈ.

1 ತಿಮೊತಿ 6:13

ಪೊಂತ್ಯ ಪಿಲಾತನನಾ ಕ್ಹಾಮೊ ಸಾಕ್ಷಿ ದಿದಲ ಕ್ರಿಸ್ತ ಯೆಸುನಾ ಸನ್ನಿಧಾನಮಾಬಿ ಕ್ಹಾರಿ ಸೃಷ್ಟಿನೆ ಜ಼ಲಮ ದಿದಲವಾಲಾ ಕ್ಹುದಾನಿ ಸನ್ನಿಧಿಮಾಬಿ ಮಿ ತುನೆ ಕವಾನು ಸುವೈ ಕದ್ಯಾಮ,

1 ತಿಮೊತಿ 6:15

ಕ್ಹುದಾ ಕರೆಟ್ಟ ಟೈಮಮಾ ತೆ ಕರಸ. ತೆ ನಸಿಬವಾಲೊ ಯಕ್ಲೊಜ಼ ರಾಜಾ಼ವೊನೊ ರಾಜೊ಼ ಪ್ರಭುವೊನೊ ಪ್ರಭು ಥಯೊಸ.

ಇಬ್ರಿಯ 10:29

ತಿಮ್ಮ ರ‍್ಹತಾಮಾ, ಕ್ಹುದಾನಾ ದಿಕ್ರಾನೆ ಕ್ಹುಂದಿನ, ತಿನಾಕ್ಹು ತೆ ಶುದ್ಧ ಕರಲಿನ ಒಂಡಬಡಿಕೆನಾ ರಗತನೆ ಅಶುದ್ಧ ವ್ಹೈ ಕೈನ, ಕ್ಹುದಾನಿ ಮರಗಾ ರ‍್ಹಯಲ ವರಾನೆ ಆತ್ಮಾನೆ ಠುಕ್ರಾವಸ ಸು, ಹಜು಼ನ ಕೆವಾ ಖತರನಾಕ ಶಿಕ್ಷಾನೆ ಗುರಿ ಥಾವಸ ಕೈನ ತ್ಯುಮೆಜ ವಿಚಾರ ಕರಿನ ದೆಕೊ?

ಇಬ್ರಿಯ 9:14

ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.

1 ಪೆತ್ರಾ 1:19

ಪುರಾ ಅಂಗಥಯಲ ವರಿ ಪರಿಶುದ್ಧ ಥಯಲ ಬಕ್ರಾನು ಬಚ್ಚು಼ಥಯಲ ಯೆಸುನಾ ರಗತಕ್ಹು ತುಮೊನೆ ಮುಕ್ತಿ ಮಳಿ.

1 ಯೊಹಾನ 1:7

ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.

1 ಯೊಹಾನ 4:10

ಅಪೊಪರ ರ‍್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ‍್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.

ಪ್ರಕಟನೆ 11:15

ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ"

ಪ್ರಕಟನೆ 11:3

ಕೊತ್ಳಾ ಘಾಲ್ಲಿದಲ ಮಾರಿ ಬೆ ಸಾಕ್ಕಷಿಯೊನೆ ಅದಿಕಾರ ದ್ಯುಸ. ತ್ಯುನೆ ಬಾರಾಕ್ಹೊನ ಕ್ಹಾಟ ದಿನ್ನ ಪ್ರವಾದನೆ ಕರಸ"

ಪ್ರಕಟನೆ 17:14

ತ್ಯುನೆ ಕ್ಹಾರಾ ಬಕ್ರಾನು ಬಚ್ಚು಼ ಥಯಲ ಕ್ಹಾದ್ದ ಕರಸ. ತೆನೈಸೊ ಬಕ್ರಾನು ಥಯಲ ವಾಲೊ ಪ್ರಭುವೊನೊ ಪ್ರಭು ರ‍್ಹಯಲ ಹುತಿ ರಾಜಾ಼ವೊನಪರ ರಾಜೊ಼ ರ‍್ಹಯಲ ಹುತಿ ತ್ಯುನೊನೆ ಸೊಲ್ಸಾವಸ. ತಿನಾ ಕ್ಹಾತೆ ತೆ ಬಲಾಯಲ ಮನಕ್ಹೊ ವರಿ ತಿನೆ ಬರೊಕ್ಹೊ ಕರಿನ ತಿನಾ ಪಾಚಾ಼ ಆಯಲ ಮನಕ್ಹೊ ವರಿ ತೆ ಇನಿಲಿದಲ ಮನಕ್ಹೊ ಬಿ ವ್ಹತ್ತಾ "ಕೈನ ಕದ್ಯೊ"

ಪ್ರಕಟನೆ 19:11

ಪಾಚಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ.

ಪ್ರಕಟನೆ 19:16

ತಿನಾ ಮ್ಹಟಾ ಅಂಗ್ಡಾಪರ "ರಾಜಾ಼ವೊನೊ ರಾಜ಼ೊ ವರಿ ಪ್ರಭುವೊನೊ ಪ್ರಭು" ಕೈನ ಬರ್ದಲ ರ‍್ಹೈ.

ಪ್ರಕಟನೆ 2:13

"ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ.

ಪ್ರಕಟನೆ 3:14

ಲವೊದಿಕಿಯಾ ಸಬೆನಾ ದುತನೆ ಆ ಪತ್ರ ಬರದ; "ಆಮೆನ ಕವಾಲೊ ಕದ್ಯಾಮ ಬರೊಕ್ಹಾವಾಲೊ ಕ್ಹರಿನಿ ಸಾಕ್ಷಿ ಕ್ಹುದಾನಿ ಸೃಷ್ಟಿನೆ ಅದಿಪತಿ ಥಯಲವಾಲೊ ಕವಾನು ಸು ವ್ಹೈ ಕದ್ಯಾಮ;

ಪ್ರಕಟನೆ 7:14

"ಸ್ವಾಮಿ, ತ್ಯುನೆ ಕುನ ವ್ಹೈ ಕವಾನು ತುನೆ ಗ್ವತ್ತ ಛೆ "ಕೈನ ಮಿ ಕದ್ಯೊ. ತೆಳಾಮಾ ತೆ ಶಾನೊ"ಎ ಮನಕ್ಹೊ ಘನ್ನೊ ತ್ರಾಸ ಖೈನ ಆಯಲವಾಲಾ ವ್ಹೈ. ತ್ಯುನೆ ಬಕ್ರಾನು ಬಚ್ಚಾ಼ನಾ ರಗತಕ್ಹು ತ್ಯುನಾ ವಣ್ಣಾ ಧ್ವಲಿದ್ಯಾಸ. ಹಮ್ನಾ ತ್ಯುನೆ ಹಸಾ ಥಯಾಸ ವರಿ ಧೊಳಾ ಥಯಾಸ.