ಫಿಲಿಪ್ಪಿ 3:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ.

ಫಿಲಿಪ್ಪಿ 3:19 ပူးပေါင်းရင်းမြစ်များ

ಮತ್ತಾಯ 16:23

ಯೆಸು ತೆಳಾಮಾ ಪೆತ್ರಾನೆ, ಸೈತಾನ, ಮನೆ ಛೊಡಿನ ಜಾ಼. ಮನೆ ತು ಅಡ್ಡಿ ಥಯೊಸ, ಕಾಕದ್ಯಾಮ ತು ಕ್ಹುದಾನಾ ವಿಚಾರಕ್ಹು ಸೊಚಾ಼ನು ಛೊಡಿನ ಮನಕ್ಹನಾ ವಿಚಾರೊ ನಿಂಗತ ವಿಚಾರ ಕರಾಡೊಸ ಕೈನ ಕದ್ಯೊ.

ಮತ್ತಾಯ 25:41

ಪಾಚಾ಼ತೊ ಡಾವಾಬಗಲ ರ‍್ಹಯಲವಾಲಾವೊನೆ, ಶ್ರಾಪ ಹೊಂದಲವಾಲಾ ಮನೆ ಛೊಡಿನ ಪಿಶಾಚಿನೆ ತಿನಾ ದುತೊನೆ ತಯ್ಯಾರ ಕರಲ ಹಮೆಶಾನಿ ಆಗ್ಮಾ ಜಾ಼ವೊ.

ಲುಕ ಬರ್ದಲ ಸುವಾರ್ತಾ 12:19

ಪಾಚಲ್ತೊ ಮಿ ಮಾರಾ ಹುತಿ ಘನ್ನಾ ವರಕ್ಹ ಚಾ಼ಯೆಥಯಲ ಅನಾಜ಼ ಕುಡ್ಸಿನ ಮ್ಹೆಲ್ಯೊಸ, ಖಾ. ಪಿ. ಖುಶಿ ಕರ! ಕೈಲ್ಯುಸ, ವಿಚಾರ ಕರಲಿದ್ಯೊ.

ಲುಕ ಬರ್ದಲ ಸುವಾರ್ತಾ 16:19

ವರಿ ಯೆಸು ತ್ಯುನೊಕನ ಅಮ್ಮ ಕದ್ಯೊ" ಯಕ್ಲೊ ಸೌಕಾರ ವ್ಹತ್ತೊ, ತೆ ಸೌಕಾರ ಘನ್ನಾ ಚೊ಼ಕಾ ವಣ್ಣಾ ಘಾಲ್ಲೆತೊತೊ. ತೆ ಘನ್ನೊ ಸೌಕಾರ ರ‍್ಹಯಲ ಹುತಿ ತೆ ದಿನ್ನೆಬಿ ಚೊ಼ಕು ಚೊ಼ಕೊಜ಼ ಅನ್ನ ಖಾತೊ ಖುಶಿ ಕರ್ತೊತೊ.

ಲುಕ ಬರ್ದಲ ಸುವಾರ್ತಾ 18:4

ತೆನೈಸೊ ತೆ ನ್ಯಾಯಾ ಕರಾಲೊ ತೆ ಬಾಕಡಿನೆ ಧ್ಯಾನ ದಿದ್ಯೊ ನೈ. ವರಿ ದಕ್ಹಾ ದಿನ್ಪರ‍ ತೆ ನ್ಯಾಯಾ ಕರಾಲೊ ತಿನಾ ಮನಸ್ಮಾ ವಿಚಾರ ಕರಲಿದ್ಯೊ ಮಿ ಕ್ಹುದಾಕ್ಹು ಬಿ ಭುಚ್ಕೊತೊ ನೈ ವರಿ ಮನಕ್ಹೊನೆ ದಾದ ನೈ ಕರತೊ.

ರೊಮಾಪೂರ 16:18

ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.

ರೊಮಾಪೂರ 6:21

ತುಮೆ ಹಮ್ನಾ ಸರಮಾವಾನಾ ಕಾಮೊ ಕರೆ ನೈಸೊ ತುಮೆ ಸು ಪಡ್ದಿಲಿದ್ಯಾಸ? ತೆ ಕಾಮೊನು ಪರಿಣಾಮ ಮೌತ ವ್ಹೈ!

1 ಕೊರಿಂಥ 3:3

ತುಮೆ ಹಜು಼ನಬಿ ದುನಿಯಾನಾ ಮನಕ್ಹೊ ಲಿಂಗತ ರ‍್ಹವಾಡಾಸ. ತುಮಾರಾ ವಚ್ಮಾ ದ್ವೆಶ, ವಾದ ವಿವಾದ ಛೆ ತುಮೆ ಹಜು಼ನಬಿ ಸಾಧಾರಣ ಮನಕ್ಹೊ ಲಿಂಗತ ದೆಕಾಡಾನೆ ದೆತು ನೈಸು?

1 ಕೊರಿಂಥ 5:2

ತೆನೈಸೊ ತುಮೆ ತುಮಾರಾ ವಿಷಯಮಾ ಹಜು಼ನಬಿ ಹೆಮ್ಮೆ ಪಡ್ದಿಲಿವಾಡಾಸ. ತುಮೆ ದುಖಕ್ಹು ರ‍್ಹವಾನು ವ್ಹತ್ತು. ತೆ ಪಾಪ ಕರಲ ಮನಕ್ಹನೆ ತುಮಾರಾ ಅನ್ಯುನ್ನತೆಮಾತಾ ಭಾರಾ ಘಾಲಾನು ವ್ಹತ್ತು.

1 ಕೊರಿಂಥ 5:6

ತುಮೆ ಅಹಂಕಾರ ಥಾವಾನು ಚೊ಼ಕು ನ್ಹವೈ ದಕ್ಹೊ ಖಾವಾನೊ ಸೊಡೊ ಪುರಾ ಲೊಟನೆ ಪುಗ್ಗಾಡಸ ಕವಾನಿ ವಾತ ತುಮೊನೆ ಗ್ವತ್ತ ಛೆ.

2 ಕೊರಿಂಥ 11:12

ತೆನೈಸೊ ನೈ ಮನೆ ನೈ ಕರಾ ಮದತ ನೈ ಕರಾ ದೆಕ ಕಯು ಪಗ್ಗ ಫರಿನ ಮಳೆ ನೈಸೊ ಮಿ ಕರಾ ನೈ ಕೈಲಿ ಅಗೊ.

2 ಕೊರಿಂಥ 11:15

ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ.

ಗಲಾತ್ಯ 6:13

ಸುನ್ನಿತಿ ಕರೈಲಿದಲವಾಲಾ ತ್ಯುನೆಜ಼ ಧರಮಶಾಸ್ತ್ರನೆ ವಿಧೆಯ ಥಾವಾಡ್ಯಾನತ್ತಿ. ತೆನೈಸೊ ತುಮೊನೆ ಸುನ್ನತಿ ಕರೈನ ತಿನಾ ಹುತಿ ಅಗು ಥೌ ಕೈನ ತ್ಯುನಿ ಆಸ ವ್ಹೈ.

ಫಿಲಿಪ್ಪಿ 2:21

ಕ್ಹಾರಾಜ಼ನಾ ತ್ಯುನಾಕಾಮ್ಮಾ ಮನಸ ಮ್ಹೆಲಸ ಹೊರತ್ತಾಗಿ ಯೆಸು ಕ್ರಿಸ್ತನಾ ಕಾಮ್ಮಪರ ಮನಸ ನೈಮ್ಹೆಲತ್ತಾ.

ಕೊಲೆಸ್ಸೆ 3:2

ಭುಲೊಕಮಾ ರ‍್ಹಯಲ ಸಂಗತಿಯೊನಾ ಹುತಿ ನೈ, ಪರಲೊಕಮಾನಾ ಸಮಗತಿಯೊನಾ ಹುತಿ ವಿಚಾರ ಕರೊ.

2 ಥೆಸಲೊನಿಕ 1:9

ತ್ಯುನೊನೆ ಪ್ರಭುನಾ ಕ್ಹಾತೆ ರ‍್ಹವಾನೆ ತ್ಯುನೊನೆ ಮೌಕೊ ಮಳ್ತೊ ನೈ ವರಿ ಹಮೆಶಾನಿ ಶಿಕ್ಷಾ ಥಾವಾಸ. ತೆ ತಿನಿ ಮ್ಹೊಟಿ ತಾಕತನಾ ಕ್ಹಾತೆ ತ್ಯುನೊನೆ ದುರ ಮ್ಹೆಲಸ.

2 ಥೆಸಲೊನಿಕ 2:12

ಕ್ಹರಿನೆ ಬರೊಕ್ಹೊ ನೈ ಕರಾಲಾ ಪಾಪ ಕರಾಮಾ ಕ್ಹುಶಿ ರ‍್ಹವಾಲಾ ಮನಕ್ಹೊ ಶಿಕ್ಷಾನೆ ಗುರಿ ಥಾವಸ.

2 ಥೆಸಲೊನಿಕ 2:8

ಧರಮನೆ ವಿರೊದ ರ‍್ಹಯಲವಾಲೊ ದಿಕ್ಹಸ ಪ್ರಭು ಥಯಲ ಯೆಸು ಆತಾಮಾ ತಿನೆ ಮ್ಹೊಡಾನಾ ವಾರಾಕ್ಹು ಖಲಾಸ ಕರಿಪಾಡಸ. ತಿನಿ ದಿಕ್ಹಾನಿ ಮಹಿಮಾಕ್ಹು ತಿನೆ ಹಾಳ ಕರಸ.

1 ತಿಮೊತಿ 6:5

ಎನೈಸೊ ಕೆಟ್ಟ ಜ಼ನಾವೊಮಾ ವಾದವಿವಾದ ಹುಟ್ಟಸ. ತೆ ಮನಕ್ಹೊ ಕ್ಹರಿನೆ ಛೊಡಲವಾಲಾ ವ್ಹೈ. ಕ್ಹುದಾನಿ ಸೆವಾ ದೊಕಡಾ ಕಮಾವಾನಿ ಯಕ್ಕ ವಾಟ ವ್ಹೈ ಕೈನ ತ್ಯುನಿ ವಿಚಾರ ವ್ಹೈ.

2 ತಿಮೊತಿ 3:4

ಲಾಸ್ಟನಾ ದಿನೊಮಾ ಮನಕ್ಹೊ ದೊಸ್ತೊನೆ ಮೊಸ ಕರಾಲಾ ರ‍್ಹವಸ; ದುಡಕಿನ ಪಿಸಾಳಾವೊಲಿಂಗತ ಕಾಮೊ ಕರಾಲಾ ರ‍್ಹವಸ; ಅಹಂಕಾರಕ್ಹು ಫುಗ್ಗಾಲಾ ರ‍್ಹವಸ; ಕ್ಹುದಾನೆ ಮಯಾ ಕರ‍್ಯಾವಾಚಿ ವ್ಯಭಿಚಾರನೆ ಮಯಾ ಕರಾಲಾ ರ‍್ಹವಸ;

ಯಾಕೊಬ 4:16

ತೆನೈಸೊ ತುಮೆ ತುಮಾರಾ ಅಹಂಕಾರಕ್ಹು ತುಮಾರಾಹುತಿ ಹೊಗಳಿ ಲಿವಾಡಾಸ. ತ್ಯವಿ ಹೊಗಳಕಿ ಕ್ಹಾರಿ ಕ್ಹುದಾನಾ ಕ್ಹಾಮಿ ಕೆಟ್ಟಜ಼ ವ್ಹೈ.

2 ಪೆತ್ರಾ 2:1

ಪೈಲಾನಾ ಕಾಲ್ಮಾ, ಕ್ಹುದಾನಾ ಮನಕ್ಹೊಮಾ ಸುಳ್ಳ ಪ್ರಾದಿಯೊ ವ್ಹತ್ತಾ. ಹಮ್ನಾಬಿ ಛೆ ತುಮೊಮಾ ದಕ್ಹಾ ಸುಳ್ಳ ಪ್ರವಾದಿಯೊ ಛೆ. ಮನಕ್ಹೊನೆ ಹಾಳಮಾ ಚ಼ಲಾವಾನು ಸುಳ್ಳ ಭೊದನೆ ತ್ಯುನೆ ಕವಸ. ತ್ಯುನೆ ಸುಳ್ಳ ಭೊದನೆ ಕರಾಲಾ ನ್ಹವೈ ಕೈನ ತುಮೊನೆ ತೀಳದ್ಯಾವಾಚಿ ತ್ಯುನೆ ಭೊದನೆ ಕವಸ. ತ್ಯುನೆ, ತ್ಯುನೊನೆ ಬಿಡುಗಡೆ ಲೈನ ದಿದಲ ವಾಲಾನೆಜ಼ (ಯೆಸುನೆ) ನೈ ವಪ್ಪಿಲೆತಾ. ತಿನಾಹುತಿ ತ್ಯುನಾಕ್ಹು ತ್ಯುನೆಜ಼ ಹಾಳ ಕರಲಿವಸ.

2 ಪೆತ್ರಾ 2:13

ತ್ಯುನೊಕ್ಹು ಘನ್ನಾ ಮನಕ್ಹೊ ತ್ರಾಸ್ಮಾ ಪಡಸ. ತ್ಯುನೆ ಕರಲ ತೆಜ಼ ಪ್ರತಿಫಲ ರ‍್ಹವಸ. ಎ ಸುಳ್ಳ ಬೊದಕೊ ಮನಕ್ಹೊನಾ ಕ್ಹಾಮಾ ಕೆಟ್ಟ ಕಾಮೊಮಾ ಖುಶಿ ರ‍್ಹವಸ. ತ್ಯುನೊನೆ ಖುಶಿ ಕರಾನು ಕೆಟ್ಟ ಕಾಮೊಕ್ಹು ತ್ಯು ಖುಶಿ ಥಾವಸ.

2 ಪೆತ್ರಾ 2:3

ಸುಳ್ಳ ಭೊದೊಕೊನೆ ಚಾ಼ಯೆಥಯಲ ಕ್ಹಾಲಿ ತುಮಾರಾ ದೊಕ್ಡಾ ವ್ಹೈ. ತಿನಾಹುತಿ ಕ್ಹರಿ ರ‍್ಹಯಲ ವಾತ ನೈ ಕೈನ ತುಮೊನೆ ಉಪಯೊಗ ಕರಲಿವಸ. ತೆನೈಸೊ ಘನ್ನಾ ದಿನ್ತೊತಿಬಿ ತೆ ಸುಳ್ಳ ಭೊದೊಕೊನಾ ವಿರುದ್ದ ಫೈಸಲೊ ತೈಯ್ಯಾರ ಥಯೊಸ. ತ್ಯುನೆ ಹಾಳ ಥಾವಾಲಾನಾ ಹತೆ (ಕ್ಹುದಾ) ತ್ಯುನೆ ಚು಼ಕೈಲಿವಾನೆ ಥಾತು ನೈ.

ಯುದ ಬರ್ದಲ ಪತ್ರ 1:10

ತೆನೈಸೊ ಎ ಮನಕ್ಹೊ ನೈ ಕಳಲನೆ ಟಿಕಾ ಕರಸ ತ್ಯುನೊನೆ ದಕ್ಹುಜ಼ ಗ್ವತ್ತ ಥಾವಸ. ತೆನೈಸೊ ಗ್ಯಾನ ನೈಸೊ ಪ್ರಾಣಿಯೊ ಲಿಂಗತ ಸಹಜ಼ ಪ್ರವೃತ್ತಿಕ್ಹು ಕಳೈಲಿವಸ ಯಕ್ಕಜ಼ ಮನಸಕ್ಹು ಕಳೈಲೆತಾ ನೈ. ಎಜ಼ ತ್ಯುನೊನೆ ಹಾಳ ಕರಸ.

ಯುದ ಬರ್ದಲ ಪತ್ರ 1:16

ಎ ದುರ್ಭೊದಕೊ ಗುಣ ಗುಟ್ಟಾಲಾ ತಪ್ಪ ಹುಡ್ಕಾಲಾ ಕೆಟ್ಟ ಆಸಮಾ ಪಡಲವಾಲಾ ಮಿ ವ್ಹೈ ಕೈನ ಕವಾಲಾ ಮ್ಹೊಡು ದೆಕಿನ ಬೊಲಾಲಾ ಥಯಾಸ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.

ಪ್ರಕಟನೆ 18:7

ತೆ ತಿನೆ ಘನ್ನಿ ವೈಭವಕ್ಹು ಜಿವ್ನಾ ಕರಿ. ತಿನಾಹುತಿ ತಿನೆ ತಿನಾ ತಕ್ಕ ತಿನೆ ತ್ರಾಸ ವರಿ ಸುಖಾ ಆವಾನಾ ವರಕ್ಹು ಕರೊ. ‘ಮಿ ಸಿಂಹಾಸನ್ಪರ ಬೈಟಲ ರಾಣಿ ವ್ಹೈ. ಮಿ ರಾಂಡಿ ನ್ಹವೈ, ಮಿ ಕೆಳಾಮಾಜ಼ ರೊತಿ ರ‍್ಹತಿ ನೈ’ ಕೈನ ತಿನಾಕ್ಹು ತೆಜ಼ ಕೈಲಿವಸ.

ಪ್ರಕಟನೆ 19:20

ತೆನೈಸೊ ತೆ ಜಾನ್ವರನೆ ಸುಳ್ಳ ಪ್ರವಾದಿಯೊನೆ ಧರ‍್ಯಾ. ಎಜ಼ ಸುಳ್ಳ ಪ್ರವಾದಿ ಜಾನ್ವರನಾ ಹುತಿ ಅದ್ಭುತ ಕರಲವಾಲೊ. ಎ ಸುಳ್ಳ ಪ್ರವಾದಿ ಜಾನ್ವರನಿ ವಳಕ ಘಲೈಲಿದಲವಾಲೊ ವರಿ ತಿನಾ ಮೊರತಿಯೊನೆ ಆರಾಧನಾ ಕರಲ ಮನಕ್ಹೊನೆ ಮಳ್ಳ ಕರಾನಾಹುತಿ ಎ ಅದ್ಭುತ ಕರ‍್ಯೊ. ಎ ಸುಳ್ಳ ಪ್ರವಾದಿನೆ ಜಾನ್ವರನೆ, ಆಗನಿ ಇರಮಾ ಜಿವ್ತಾವೊನೆ ನಾಕಿಪಾಡ್ಯಾ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.

ಪ್ರಕಟನೆ 22:15

ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.