ಫಿಲಿಪ್ಪಿ 2:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ಮಾರು ಕಮಿ ನಿಗಾನೆ ತಮ್ಮೆ ವಳಾಯೆಲ ಮಾರಾ ಭಾಯೊ ಮಾರಾ ಕ್ಹಾತೆ ರ‍್ಹಯಲ ಸೆವಕೊ ಸಹಸೆನಾನಿ ಥಯಲ ಎಪಫ್ರೊದಿತನೆ ತಮನೊ ಕನ ವಳಾವಾನು ಅವಶಕ್ಯ ವ್ಹೈ ಕೈನ ಮಿ ವಿಚಾರ ಕರ‍್ಯೊಸ.

ಫಿಲಿಪ್ಪಿ 2:25 ပူးပေါင်းရင်းမြစ်များ

ಯೊಹಾನ 13:16

ಮಿ ತುಮೊನೆ ಕ್ಹರಿಜ ಕೌಸ. ಸೆವಕ ಮಾಲಕ್ತಿ ಮ್ಹೊಟೊ ನ್ಹವೈ. ತಿನಾಹುತಿ ಸಂದೆಶ ಹುತಿ ಆಯಲವಾಲೊ ಮೊಕ್ಲಲವಾಲಾತಿ ಮ್ಹೊಟೊ ನ್ಹವೈ.

ಯೊಹಾನ 17:18

ತು ಮನೆ ಎ ದುನಿಯಾಮಾ ವಳಾಯಲ ಲಿಂಗತ ಮಿ ಇವ್ನೊನೆ ಎ ದುನಿಯಾಮಾ ಮೊಕ್ಲೊಸ.

ರೊಮಾಪೂರ 16:3

ಪ್ರಿಸ್ಕಿಳನೆ ಅಕ್ವಿಳನೆ ಮಾರಿ ವಂದನಾ ಕವೊ. ತ್ಯುನೆ ಕ್ರಿಸ್ತ ಯೆಸುಮಾ ಮಾರಾ ಕ್ಹಾತೆ ಸೆವೆ ಕರಾಡಾಸ.

ರೊಮಾಪೂರ 16:9

ಉರಬಾನನೆ ಬಿ ಮಾರಿ ವಂದನಾ ಕವೊ. ತೆ ಕ್ರಿಸ್ತನಾ ಹುತಿ ಮಾರಾ ಕ್ಹಾತೆ ಸೆವೆ ಕರ್ತೊತೊ. ಮಾರೊ ಮಯಾನೊ ದೊಸ್ತ ಥಯಲ ಸ್ತಾಖುನೆಬಿ ಮಾರಿ ವಂದನಾ ಕವೊ.

1 ಕೊರಿಂಥ 3:9

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

2 ಕೊರಿಂಥ 2:13

ರ‍್ಹೈತುಬಿ ತ್ಯಾ ಮಾರೊ ಭೈ ತಿತ ನೈ ಮಳಲಕ್ಹು ಮನೆ ಸಮಾದಾನ ಥಯು ನೈ ತಿನಾ ಹುತಿ ತ್ಯಾ ರ‍್ಹಯಲ ಕ್ಹಾರಾವೊನೆ ಮಳಿನ ತ್ಯಾಂತೊ ಮೆಕೆದ್ಯೊನೆ ಆಯೊ.

ಫಿಲಿಪ್ಪಿ 2:26

ತೆ ತಮಾರಾ ಹುತಿ ಮಾಯಾ ಕರಾಡೊತೊ ವರಿ ತೆಬಿ ಅರಾಮ ನೈರ್‍ಹಯಲ ಸುದ್ದಿ ತಮೆ ಐಕೆಲಕ್ಹು ತೆ ದುಖ ಕರಲಿದ್ಯೊ.

ಫಿಲಿಪ್ಪಿ 4:18

ಎಪೆಫ್ರೊದಿತ ತುಮೆ ದಿದಲ ಮನೆ ಲೈನ ದಿದಲ ಹುತಿ ಚಾ಼ಯೆ ಥಯಲಮ ತೆಕ್ಲು ಘನ್ನು ಛೆ. ತುಮೆ ದಿದಲ ಕ್ಹಾರು ಕ್ಹುದಾನೆ ಛಡಾಯಲ ಪರಿಮಳ ರ‍್ಹಯಲ ಬಲಿ ಥೈಸ. ಎ ಕ್ಹುದಾನೆ ಪಸಂದ ಥೈಸ.

ಫಿಲಿಪ್ಪಿ 4:3

ಮಾರಾ ದೊಸ್ತ, ತು ಮಾರಾ ಕ್ಹಾತೆ ಕಾಮ್ಮಕರಾವಾಲೊ ಥೈನ ಸೆವೆ ಕರೊತೊ ರ‍್ಹೈಹುತಿ ಯೆ ಬಾಕಡಿನೆ ಬಿ ಮದತ ಕರು ಕೈನ ತುಕನ ಮಾಂಗಿಲ್ಯುಸ. ಯೆ ಬಾಕಡಿಯೊ ಮಾರಾ ಕ್ಹಾತೆ ಸುವಾರ್ತೆನಾ ಹುತಿ ಸೆವೆ ಕರಿಯೊಸ. ಮಾರಾ ಕ್ಹಾತೆ ಸೆವೆ ಕರಾತ್ತಾ ರ‍್ಹಯಲ ಕ್ಲೆಮನ್ಸ ವರಿ ಬಿಜಾ಼ ಸೆವಕೊನೆ ಕ್ಹಾತೆ ಯೆ ಬಾಕಡಿಯೊ ಸೆವೆ ಕರಿಯೊಸ. ಯೆ ಬಾಕಡಿಯೊನು ನಾಮ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ.

ಕೊಲೆಸ್ಸೆ 1:7

ತಮೆ ಎಪಫ್ರದಿಕ್ಹು ಕ್ಹುದಾನಿ ವರಗಾ ತಿಳ್ದಿಲಿದ್ಯಾಸ. ತೆ ಹಮಾರಾ ಕ್ಹಾತೆ ಸೆವೆ ಕರಾಡ್ಯೊಸ. ಹಮೆ ತಿನೆ ಮಯಾ ಕರೆಯೆಸ. ತೆ ಹಮಾರಾಹುತಿ ಕ್ರಿಸ್ತನೊ ಬರೊಕ್ಹೊವಾಲೊ ಸೆವಕ ಥಯೊಸ.

ಕೊಲೆಸ್ಸೆ 4:11

ಯುಸ್ತನ ಕವಾಲೊ ಯೆಸು ತುಮೊನೆ ನಮಸ್ಕಾರ ಕರಸ. ಖತ್ನಾ ಕರಿಲಿದಲವಾಲಾ ಇವ್ನೆಜ ಕ್ಹುದಾನಿ ರಾಜ್ಯ ಭಾಂದಾನೆ ಸಾತ ದಿದಲವಾಲಾ ವ್ಹೈ, ಅವ್ನೊಖು ಮನೆ ಘನ್ನು ಚೊ಼ಕು ಥಯುಸ.

1 ಥೆಸಲೊನಿಕ 3:2

ಅಪೆ ಅಪ್ನಾ ಕ್ರಿಸ್ತನಾ ಬರೊಕ್ಹೊಮ್ಮಾ ವರಿ ಕ್ಹುದಾನಾ ಹುತಿ ಹಮಾರೊ ಭೈ ವ್ಹೈ. ತೆ ಕ್ಹುದಾನಾ ಹುತಿ ಹಮಾರಾ ಕ್ಹಾತೆ ಕಾಮ ಕರಾಡ್ಯೊಸ. ಕ್ರಿಸ್ತನಾ ವಿಷಯನಿ ಸುವಾರ್ತೆ ಮನಕ್ಹೊನೆ ತಿಳ್ಸಾವಾನೆ ಹಮೊನೆ ಮದತ ಕರಾಡ್ಯೊಸ. ತುಮಾರೊ ಬರೊಕ್ಹೊನಾ ಘಟ್ಟ ಕರಾನೆ ವರಿ ತುಮೊನೆ ಖುಶಿ ಕರಾನೆ ತಿಮೊಥೆನೆ ವಳಾಯಾಸ.

ಫಿಲೊಮನ 1:24

ಮಾರ್ಕ, ಅರಿಸ್ತಾಕ, ದೆಮನ, ಲೊಕ, ಇವ್ನೆ ಕ್ಹಾರಾ ತುನೆ ನಮಸ್ಕಾರ ಕದ್ಯಾಸ. ಇವ್ನೆ ಕ್ಹಾರಾ ಮಾರಾ ಕ್ಹಾತೆ ಕಾಮ ಕರಾಲಾ ಥಯಾಸ.

ಇಬ್ರಿಯ 3:1

ತಿನಾಹುತಿ ಮಾರಾ ಭಾಯೊ ಭೆನೊ, ಪರಿಶುದ್ಧ ರ‍್ಹವಾನಾ ಹುತಿ ಕ್ಹುದಾಕ್ಹು ಬಲೈ ಲಿದಲವಾಲಾ ಥಯಲ ತುಮೆ ಯೆಸುನಾ ಹುತಿಜ಼ ವಿಚಾರ ಕರೊ. ಕ್ಹುದಾ ತಿನೆ ಅಪೊಕನ ವಳಾಯೊ. ತೆ ಅಪೆ ಬರೊಕ್ಹೊ ಮ್ಹೆಲಲ ಖಾಸ ಯಾಜಕ ವ್ಹೈ.