ಫಿಲಿಪ್ಪಿ 2:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

ಫಿಲಿಪ್ಪಿ 2:16 ပူးပေါင်းရင်းမြစ်များ

ಮತ್ತಾಯ 10:27

ಮಿ ಅಂದಾರಾಮಾ ಎ ವಾತೊ ತುಮೊನೆ ಝಾಕಿನ ಕವಾಡೊಸ. ತೆನೈಸೊ ತುಮೆ ಎ ವಾತೊ ಉಜಾಲಾಮಾ ಕೌ ಕೈನ ಮಾರಿ ಆಸ ವ್ಹೈ. ಮಿ ತುಮೊನೆ ಎ ವಿಶಯೊ ತುಮೊನೆ ಹಲ್ಲು ಕವಾಡೊಸ. ತೆನೈಸೊ ತುಮೆ ಎ ವಿಶಯೊ ಕ್ಹಾರಾ ಮನಕ್ಹೊನೆ ಜೊ಼ರ ವದ್ರಿನ ಕವೊ.

ಲುಕ ಬರ್ದಲ ಸುವಾರ್ತಾ 12:8

"ಮಿ ತುಮೊನೆ ಸು ಕೌಸ ಕದ್ಯಾಮ, ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ವ್ಹೈ ಕದ್ಯಾಮ ಮನಕ್ಹನೊ ದಿಕ್ರೊ ಬಿ ತೆ ಮನಕ್ಹನೆ ದೆವದುತೊನಾ ಕ್ಹಾಮೊ ತಿನೆ ಮಾರೊ ವ್ಹೈ ಕೌಸ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಯೊಹಾನ 6:68

ಸಿಮೊನ ಪೆತ್ರಾ ಯೆಸುನೆ"ಪ್ರಭು, ಹಮೆ ಕಿಕನ ಗಯ್ಯೆ? ಹಮೆಶಾನೊ ಜ಼ಲಮ ದಿವಾನಾ ವಾತೊ ತಾರಾಮಾ ಛೆ.

ಅಪೊಸ್ತಲೊ 13:26

"ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ.

1 ಕೊರಿಂಥ 1:8

ಯೆಸು ತುಮೊನೆ ಲಾಸ್ಟ ಲಕ್ಕಾ ವಚಾ಼ಡಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ನ್ಯಾಯನೊ ಫೈಸಲಾನಾ ದಿನ್ಮಾ ತುಮೆ ನಿರದೊಷಿಯೊ ಥಾವೊಶಿ.

1 ಕೊರಿಂಥ 9:26

ಮಿ ತುಬಿ ಗುರಿ ಗ್ವತ್ತ ನೈಸೊ ನ್ಹಾಟತೊ ನೈ, ವಾರಾನಾ ಕ್ಹಾತೆ ಗುದ್ಯಾಡಾಲಾವೊನಾ ಲಿಂಗತ ಹೊರಾಡತೊ ನೈ.

2 ಕೊರಿಂಥ 1:14

ತುಮೆ ಹಮೊನೆ ಕ್ಹಾಲಿ ನಕ್ಕರ ಕಳಿಲಿದ್ಯಾಸ ಲಾಸ್ಟಲಕ್ಕಾಬಿ ಒಪ್ಪಿಲಿವೊಶಿ ಕೈನ, ಅಪ್ನೊ ಪ್ರಭು ಥಯಲ ಯೆಸು ಆವಾನಾ ದಿನ್ನೆ ತುಮೆ ಹಮಾರಿ ಘಮಂಡ ಕರಾನೆ ಕಾರಣ ಥಯಲಲಿಂಗತ ಹಮೆಬಿ ತುಮಾರಾ ಘಮಂಡ ಕರಾನೆ ಕಾರಣ ಥಯೆಸ ಕೈನ ತುಮೆ ಒಪ್ಪಲಿವೊಶಿ.

ಗಲಾತ್ಯ 2:2

ಮಿ ಜೌ಼ಸ ಕೈನ ಕ್ಹುದಾ ಮನೆ ಕದಲ ಹುತಿ ವಿಸ್ವಾಸಿಯೊಪರ ಮ್ಹೊಟಾ ರ‍್ಹಯಲ ವಾಲಾ ತೆ ಮನಕ್ಹೊಕನ ಗಯೊ. ಹಮೆ ಯಕ್ಲಾಜ಼ ರ‍್ಹತಾಮಾ, ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನಿ ಸುವಾರ್ತೆ ಇವ್ನೊನೆ ಕದ್ಯೊ. ಮಿ ಪೈಲಾ ಕರಲ ಸೆವೆ ವರಿ ಹಮ್ನಾ ಕರಾನಿ ಸೆವೆ ಹಾಳ ಥೌ ನೈ ಕವಾನಾ ಉದ್ದೆಶಕ್ಹು ಇವ್ನೊನೆ ಕಳಲ ಲಿಂಗತ ಮಾರಿ ಸೆವೆನಾ ಹುತಿ ಕದ್ಯೊ.

ಗಲಾತ್ಯ 4:11

ತುಮಾರಿ ವಿಷಯಮಾ ಮನೆ ಭುಚ್ಕಾ಼ನೆ ವಾಟಾಡ್ಯುಸ. ತುಮಾರಾ ಹುತಿ ಮಿ ಕರಲ ಮ್ಹೈನತ ವ್ಯರ್ಥ ಥಾವಸ ಕೈನ ಮನೆ ಭೆಂ ಛೆ.

ಫಿಲಿಪ್ಪಿ 1:10

ಚೊಕ್ಹು ಕೆಟನು ವಳಕಾನು ಫರಕ ಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ.

ಫಿಲಿಪ್ಪಿ 1:6

ಎ ಚೊ಼ಕು ಕಾಮ ತುಮೊಮಾ ಶುರುಕರಲವಾಲೊ ತೆ ಚ಼ಲೈಲಿನ ಜ಼ಾವಲೊ ಯೆಸು ಕ್ರಿಸ್ತ ಆವಾನಾ ದಿನಮಾ ಪುರ್ಣತನೆ ಲಾವಸ ಕೈನ ಮನೆ ಬರೊಕ್ಹೊ ಛೆ.

1 ಥೆಸಲೊನಿಕ 2:19

ಯೆ ಥಯಲ ಪರ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ಆಯಲಪರ ಹಮೆ ತಾರಿಫ ಕರಲಿವಾನಿ ಹಮಾರಿ ಆಸ, ಹಮಾರಿ ಖುಶಿ, ಹಮಾರಿ ಕಿರಿಟ ತುಮೆಜ಼ ವ್ಹೈ.

1 ಥೆಸಲೊನಿಕ 3:5

ತಿನಾಹುತಿ ಹಜು ತಡ್ದಿಲಿದೆ ವಾಚಿ ಯಕ್ಕ ಟೈಮ್ಮ ಸೈತಾನ ತಮನೊನೆ ಶೊದನೆ ಲಿದೆಲಕ್ಹು ಹಮೆ ಕರಲ ಕ್ಹಾರು ಹಾಳ ಥೈಗಯು ಸುನೈ ಕೈನ ತಮಾರಾ ಬರೊಕ್ಹೊನಾಹುತಿ ಮಿ ತಿಳ್ದಿಲಿವಾನಾಹುತಿ ತೆ ಮಿ ತುಮೊಕನ ವಳೈನ ದಿದ್ಯೊ.

ಇಬ್ರಿಯ 4:12

ಕ್ಹುದಾನಿ ವಾಕ್ಯಾಮಾ ಜುವ ಶೆ ತೆ ಕಾಮ ಕರಾಲು ವ್ಹೈ, ವರಿ ಘನ್ನಿ ಧಾರ ರ‍್ಹಯಲ ತಲ್ವಾರತಿಬಿ ಖತರ್ನಾಕ ವ್ಹೈ, ಜ಼ಲಮ ಆತ್ಮಾವೊನೆ ಹಡಕಾ ಮಾಕ್ಹನೆ ಕಾಟ್ತು ಜಾ಼ವಸ. ಮನಸಮಾನಾ ವಿಚಾರೊನೆ ವರಿ ಉದ್ದೆಶನೆ ವಳಕಸ.

1 ಪೆತ್ರಾ 1:23

ತುಮೆ ನವೊ ಜ಼ಲಮ ಲಿನ ಹುಟ್ಟಲ ಲಿಂಗತ ವ್ಹೈ. ಎ ನವೊ ಜ಼ಲಮ ಹಾಳಥಾವಾನೊ ಜ಼ಲಮಕ್ಹು ನತ್ತಿ ಲಿದ್ಯಾ. ತೆ ಜ಼ಲಮ ಹಾಳ ನೈ ಥಾವಾನು ಜ಼ಲಮಕ್ಹು ಲಿದ್ಯಾಸ. ಜ಼ಲಮ ರ‍್ಹಯಲ ಹಮೆಶಾ ರ‍್ಹಯಲ ಕ್ಹುದಾನಿಯೊ ವಾತೊಕ್ಹು ತುಮೆ ನವೊ ಜ಼ಲಮ ಲಿದ್ಯಾಸ.

1 ಯೊಹಾನ 1:1

ಎ ಜಗತ ಶುರು ಥಾವಾತಿ ಅಗ್ದುರಜ಼ ರ‍್ಹಯಲ ಜ಼ಲಮ ರ‍್ಹಯಲ ಕ್ಹುದಾನಿ ಹುತಿ ಹಮೆ ತುಮೊನೆ ಬರ್ದಾಡ್ಯಾಸ; ಎ ಕ್ಹಾರು ಕಾನೊಕ್ಹು ಐಕ್ಯಾಸ; ಡೊಳಾಕ್ಹು ದೆಕ್ಯಾಸ; ಧ್ಯಾನ ದಿನ ದೆಕ್ಯಾಸ, ಹತೊಕ್ಹು ಮುಟ್ಟಿನ ದೆಕ್ಯಾಸ.

ಪ್ರಕಟನೆ 22:17

ಪವಿತ್ರ ಆತ್ಮಾ ಹಿವಾನಿ ನೌರಿ"ಆ" ಕವಸ ಎ ಐಕಾಲೊ ಹರಿ ಯಕ್ಕ ಮನಕ್ಹ"ಆ" ಕೈನ ಕೌ. ತರಕ್ಹ ಲಾಗಲವಾಲೊ ಮಕನ ಆವಾದೆ; ತಿನೆ ಮನಸ ರ‍್ಹಯುಮ ಜಿವಜಲ ಪುಶಕ್ಕಯಾಟಿಲಿವಾದೆ.