20 ಮಾರಾ ಭೈ, ಪ್ರಭುಮಾ ಮಿ ತಾರಾ ಕ್ಹು ಮದತ ಹೊಂದಿಲ್ಯುಸು? ತೆ ಸುವೈ ಕದ್ಯಾಮ ಮಾರಾ ಮನಸ್ನೆ ಕ್ರಿಸ್ತಮಾ ಜತ್ತನ ಕರ.
ತ್ಯುನೆ ಮಾರಿ ಆತ್ಮಾನೆ ವರಿ ತುಮಾರಿ ಆತ್ಮಾವೊನೆ ತಂಪ ಕರ್ಯಾಸತೊ. ಇಮ್ಮ ರ್ಹಯಲಕ್ಹು ಹವಾವೊನೆ ಗ್ವತ್ತ ಕರಿ ಲಿವೊ.
ಮಿಜ಼ ತುಮೊನೆ ದುಖ ದಿದ್ಯೊಮ, ಮನೆ ಕುನ್ನ ಖುಶಿ ಕರಸ? ಮಾರಾಕ್ಹು ದುಖಮಾ ಪಡಲವಾಲಾ ತುಮೆ ನ್ಹವೈ ಸು?
ವಚ್ಮಾ ನೈ. ತುಮ ಕ್ಹಾರ ತಿತ ಮನಸ ವಳಕ ಹುತ ಹುತಿ ತಿನಾ ಯಕ್ ಖುಶಿ ದೆಕಿನ ಅಪೆ ವರಿ ತೃಪ್ತ.
ಕ್ರಿಸ್ತ ಯೆಸು ರ್ಹಯಲ ಮರಗಾಕ್ಹು ತುಮಾರಾಹುತಿ ಕೆಕ್ಲೊಕೆ ಆಸ ಕರುಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ.
ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ.
ತಿನೆ ಹಮನ್ಆ ತುಕನ ಫರಿನ ಮೊಕ್ಲಾಡ್ಯೊಸ. ತಿನಾ ಕ್ಹಾತೆ ಮಾರಾ ಮನಸ್ನೆಬಿ ತುಕನ ಮೊಕ್ಲಾಡ್ಯೊಸ.
ಮಾರಾ ಭೈ, ಕ್ಹುದಾನಾ ಮನಕ್ಹೊ ತು ಮಯಾ ದೆಕಾಡಿನ ತ್ಯುನಾ ಮನ್ಸೊನೆ ಸಮಾಧಾನ ಕರಲ ದೆಕಿನ ಮನೆ ಘನ್ನಿ ಖುಶಿ ಥೈಸ.
ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ್ಹವಾನು ತುಮೊನೆ ಫೈದೊ ನತ್ತಿ.
ಎ ದುನಿಯಾಮಾ ಸೌಕಾರ ರ್ಹಯಲ ಕುನಬಿ ಕೊರೆತೆಮಾ ರ್ಹಯಲ ತಿನಾ ಭೈನೆ ದೆಕಿನಬಿ ಮದತ ನೈ ಕರ್ಯಮ ತಿಮಾ ಕ್ಹುದಾನಿ ಮಯಾ ರ್ಹವಾನೆ ಸಾದ್ಯ ಛೆ ಸು?
ಮಾರಾ ಬಚ್ಚಾ ಕ್ಹರಿ ಲಿಂಗತ ಚಾ಼ಲಿನ ಜಿವ್ನಾ ಕರಾಡಾಸ ಕೈನ ಐಕಿನ ಥಯಲ ಖುಶಿ ಯಕ್ಲಿ ಬಿಜಿ ಖುಶಿ ನತ್ತಿ.