ಮಾರ್ಕ 9:32 - ಕ್ಹುದಾನಿ ಕ್ಹರಿನಿ ವಾಕ್ಯಾ

³² ವರಿ ತೆ ವಾತೊ ತ್ಯುನೊನೆ ತಿಳದ್ಯಾನೈ ಮತ್ಲಬ ತಿಳದ್ಯು ನೈ ವರಿ ತ್ಯುನೆ ತಿನೆ ತೆ ವಾತನೊ ಮತ್ಲಬ ಪುಚ್ಚಾ಼ನೆ ಭುಚ಼್ಕ್ಕಯಾ.

ಮಾರ್ಕ 9:32 ပူးပေါင်းရင်းမြစ်များ

ಮಾರ್ಕ 16:14

ಲಾಸ್ಟೆ ತ್ಯುನೆ ಗ್ಯಾರಾ ಜ಼ನಾ ಶಿಷ್ಯಾ ಖಾವಾನೆ ಬೈಟಲ ಟೈಮಮಾ ತ್ಯುನೊನೆ ತೆ ದಿಖ್ಯೊ. ತೆ ಜಿವ್ತೊ ಥೈನ ಉಟಲ ದಿಕ್ಹಲ ವಾಲಾವೊನಿ ವಾತಪರ ನೈ ಬರೊಕ್ಹೊ ಕರಲಕ್ಹು ತ್ಯುನಿ ಯಕ್ಕ ಅಪನಂಬಿಕಿಕ್ಹು ತ್ಯುನಾ ಘಟ್ಟ ಥಯಲ ಮನಸೊನೆ ಭುಚ್ಕಾ಼ಡ್ಯೊ.

ಮಾರ್ಕ 7:18

ಯೆಸು ಶಿಷ್ಯಾವೊನೆ ಕದ್ಯೊ. ತುಮೊನೆ ತೆಕ್ಕಲಿಬಿ ಗ್ಯಾನ ನತ್ತಿಸು? ತುಮೊನೆ ಗೊತ್ತ ಥಾತು ನೈಸು ಯಕ್ಕ ಮನಕ್ಹನಾ ಮ್ಹೈಜಾ಼ವಾನು ಕ್ಹರಿಮಾಜ಼ ತಿನೆ ಹೊಲಸ ನೈ ಕರತು. ತೆವೊ ಸುಜ಼ ನತ್ತಿ ಭಾರಾತು ಮನಕ್ಹೊನಾ ಮ್ಹೈ ಜಾ಼ವಾನು.

ಮಾರ್ಕ 8:33

ತೆಳಾಮಾ ಯೆಸು ಶಿಷ್ಯಾವೊನೆ ಪಾಚೊ಼ ಫರಿನ ದೆಕಿನ ಪೆತ್ರಾನೆ ಸೈತಾನ. ಮಾರಾ ಕ್ಹಾಮೊ ಹುಬ್ರೌ ನಕೊ. ಜಾ಼. ತಾರಿ ವಿಚಾರ ವ್ಹೈ ಕ್ಹುದಾಕಂತು ಆಯಲ ವಿಚಾರ ನ್ಹವೈ ಕೈನ ಗದರಶೊ.

ಮಾರ್ಕ 9:10

ತ್ಯುನೆ ತಿನಿ ವಾತ ಐಕ್ಯಾ. ತೆ ವಾತ ಧರಿನ ಮರಿನ ಜುತೊ ಥಾವಸ ಕದ್ಯಾಮ ಸುವೈ? ಕೈನ ತ್ಯುನೊಮಾಜ಼ ಬೊಲ್ಲಿದ್ಯಾ.

ಲುಕ ಬರ್ದಲ ಸುವಾರ್ತಾ 18:34

ಅಪೊಸ್ತಲೊ ಆ ವಾತ ತಿಳದಿಲಿವಾನೆ ಕೊಶಿಶ ಕರ‍್ಯಾ ತಬಿ ತಿವ್ನೊಕನ ಥೈಯು ನೈ, ಕಾಕದ್ಯಾಮ ತಿನು ಮತ್ಲಬ ತ್ಯುನೊನೆ ಗ್ವತ್ತ ನ್ಹೊತು.

ಲುಕ ಬರ್ದಲ ಸುವಾರ್ತಾ 2:50

ತೆನೈಸೊ ತಿನಿಯೊ ವಾತೊ ತ್ಯುನೊನೆ ತಿಳದಿಯೊ ನೈ.

ಲುಕ ಬರ್ದಲ ಸುವಾರ್ತಾ 24:45

ಪಾಚಲ್ತೊ ಯೆಸು ಪವಿತ್ರ ಗ್ರಂಥಮಾ ರ‍್ಹಯಲ ತಿನಾ ಹುತಿ ಬರ್ದಲ ಶಿಷ್ಯಾವೊನೆ ತಿಳಶ್ಯೊ.

ಲುಕ ಬರ್ದಲ ಸುವಾರ್ತಾ 9:45

ತೆನೈಸೊ ಶಿಷ್ಯಾವೊನೆ ತಿಳದ್ಯುನೈ ಕಾಕದ್ಯಾಮ ತೆ ವಾತೊನೊ ಮತ್ಲಬ್ ಝಕಾಯಲ ವ್ಹತ್ತು ವರಿಬಿ ಯೆಸುನಾ ಶಿಷ್ಯಾ ತಿನೆ ಪುಚ್ಚಾ಼ನೆ ಭುಚ್ಕ್ಕಯಾ.

ಯೊಹಾನ 12:16

ಯೆಸುನಾ ಶಿಷ್ಯಾ ತೆ ಟೈಮಮಾ ಎ ತಿಳ್ದಿಲಿದ್ಯಾ ನೈ. ತೆನೈಸೊ ಯೆಸು ಮಹಿಮಾತೊ ಉಟಿನ ಆತಾಮಾ, ಎ ಸಂಗತಿಯೊ ತಿನಾ ಹುತಿ ಧರ್ಮ ಶಾಸ್ತ್ರಮಾ ಬರ್ದಲ ಛೆ ಕವಾನು ಶಿಷ್ಯಾವೊನೆ ಶೆ ಆಯಿ; ವರಿ ಮನಕ್ಹೊ ತಿನಾ ಕ್ಹಾತೆ ಅಮ್ಮ ಕರ‍್ಯಾತಾ.

ಯೊಹಾನ 16:19

ಶಿಷ್ಯಾ ಇನಾಹುತಿ ತಿನೆ ಪುಚ್ಚಸ ಕೈನ ಯೆಸುನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ"ದಕ್ಹಿಯೆಳ ಥಯಲ್ಪರ ತುಮೆ ಮನೆ ನೈ ದೆಕ್ತಾ. ತೆನೈಸೊ? ಪಾಚಾ಼ತಾ ದಕ್ಹು ಟೈಮ ಥಯಲ್ಪರ ಮನೆ ದೆಕೊಶಿ "ಕೈನ ಮಿ ಕದಲನು ಮತ್ಲಬ ಸು ವ್ಹೈ ಕೈನ ತುಮೆ ಯಕ್ನೆ ಯಕ್ಕ ಪುಚ್ಚಾಡ್ಯಾಸ ಸು?

ಯೊಹಾನ 4:27

ತೆ ಟೈಮ್ಮಾ ತಿನಾ ಶಿಷ್ಯಾ ಫರಿನ ಆಯಾ. ಯೆಸು ಯಕ್ಕ ಬಾಕ್ಡಿನಾ ಕ್ಹಾತೆ ಬೊಲಾನು ದೆಕಿನ ಘನ್ನಾ ಘಾಬ್ರಾ ಥಯಾ. ತೆನೈಸೊ ತ್ಯುನೆ, ತುನೆ ಸು ಚಾ಼ಯೆ? ಕೈನ ತು ತಿನಾ ಕ್ಹಾತೆ ಸು ಬೊಲಾಡೊಸ? ಕೈನ ತ್ಯುನೆ ಕುನ್ನಜ ತ್ಯುನೊನೆ ಪುಚ್ಯಾ ನೈ.