ಮಾರ್ಕ 8:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ತೆಳಾಮಾ ಯೆಸು ತೆ ಮನಕ್ಹೊನಾ ಗುಂಪನೆ ಜಿಮಿನ್ಪರ ಬೈಟೊ ಕೈನ ಅಪ್ಪಣೆ ದಿನ್ನ ತೆ ಕ್ಹಾತ ರೊಕ್ಲಾ ಲಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕ್ಲಾ ಭಾಗಿನ ತಿನಾ ಶಿಷ್ಯಾಯೊನಾ ಹತ್ಮಾ ವಾಟಾಹುತಿ ದಿದ್ಯೊ.

ಮಾರ್ಕ 8:6 ပူးပေါင်းရင်းမြစ်များ

ಮತ್ತಾಯ 26:26

ತ್ಯುನೆ ಅನ್ನ ಕ್ಹಾತಾ ಟೈಮ್ಮಾ ಯೆಸು ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕರಿನ ತೆ ತೊಡಿನ ಶಿಶ್ಯಾವೊನೆ ದಿನ, ಕಾಡಿಲಿವೊ, ಕ್ಹಾವೊ, ಎ ಮಾರು ಅಂಗ ವ್ಹೈ ಕದ್ಯೊ.

ಮಾರ್ಕ 8:20

ವರಿ ಕ್ಹಾತ ರೊಕ್ಲಾ ಚಾರ ಹಜಾ಼ರ ಮನಕ್ಹೊನೆ ವಾಟಲಮಾ ಉಗ್ರಲ ಕೆಕ್ಕಲೆಯೊ ಟೊಪ್ಲಿಯೊ ಭರ‍್ಯಾ ಕೈನ ಪುಚ಼ತಾಮಾ ತ್ಯುನೆ ಕ್ಹಾತ ಟೊಪ್ಲಿಯೊ ಕದ್ಯಾ.

ಮಾರ್ಕ 8:5

ಯೆಸು ತ್ಯುನೊನೆ ಪುಚ್ಯೊ ತುಮೊಕನ ಕೆಕ್ಲಾ ರೊಕ್ಲಾ ಛೆ ಕೈನ ತ್ಯುನೊನೆ ಪುಚ಼ಲಕ್ಹು ತಿವ್ನಾ ಕ್ಹಾತ ಛೆ ಕದ್ಯಾ.

ಮಾರ್ಕ 8:7

ತ್ಯುನೆ ತೆ ಗುಂಪಮಾ ರ‍್ಹಯಲವಾಲಾವೊನಾ ವಾಟಿನ ದಿದ್ಯಾ. ಎನೈಸೊ ತಿವ್ನೊಮಾ ದಕ್ಹಿಯೊ ನ್ಹಾನಿಯೊ ಮಚ್ಲಿ಼ಯೊ ವ್ಹತ್ತಿಯೊ ಯೆಸು ಲಿನ ಕ್ಹುದಾನೆ ಸ್ತೊತ್ರಾ ಕೈನ ತ್ಯುನೊನೆ ವಾಟಾನೆ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 12:37

ಮಾಲಕ ಐನ ಕಯೊ-ಕಯೊ ಆಳ ಹುಶಾರ ಛೆ ಕೈನ ದೆಕಸ. ತೆಜ಼ ಆಳೊ ಧನೈ ವ್ಹೈ. ತೆಜ಼ ವಣ್ಣಾ ಘಾಲ್ಲಿನ ತೆಜ಼ ಆಳೊನೆ ಮಾಲಕ ತೆ ಆಳೊನೆ ಬಲೈನ ಬೈಟಾಡಿ ಅನ್ನ ಘಾಲಿನ ದಿವಸ ಕೈನ ಮಿ ತುಮೊನೆ ಕ್ಹರಿಜ಼ ಕೌಸ.

ಲುಕ ಬರ್ದಲ ಸುವಾರ್ತಾ 24:30

ಯೆಸು ತಿವ್ನಾ ಕ್ಹಾತೆ ರೊಕ್ಲೊ ಖಾವಾನೆ ಬೈಟ್ಯೊ. ತೆ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತ್ಯುನೊನೆ ದಿದ್ಯೊ.

ಯೊಹಾನ 2:5

ಯೆಸುನಿ ಯಾ ಸೆವಕೊನೆ"ತೆ ತುಮೊನೆ ಸು ಕವಸ ತೆ ಕರೊ" ಕದಿ.

ಯೊಹಾನ 6:23

ತೆಳಾಮಾ ಬಿಜಿಯೊ ಹಡಗಾ ತಿಬೆರಿಯಸ ಸಮುಂದರಮಾತಾ ಕರ್ತಾನೆ ಸ್ತೊತ್ರಾ ಕದಲ್ಪರ ದಿದಲ ರೊಕ್ಲಾ ಮನಕ್ಹೊನು ಗುಂಪ ಖಾದಲ ಜ಼ಗಾನಾ ನಜಿಕ ದಂಡಿಯೆ ಐನ ಮುಟ್ಯಾ.

ರೊಮಾಪೂರ 14:6

ಕಯೊ ಮನಕ್ಹ ಬಿಜಾ಼ ದಿನ್ನೊತಿ ಯಕ್ಕ ದಿನ್ನ ಖಾಸ ವ್ಹೈ ಕೈನ ವಿಚಾರ ಕರಾಲೊ ಮನಕ್ಹ ಪ್ರಭುನೆ ಸನ್ಮಾನ ದಿವಾನಾ ಹುತಿ ಕರಾಲೊ ಥಯೊಸ. ತಿನಾ ಲಿಂಗತಜ಼ ಕ್ಹಾರಿ ತರಾಕ್ಹು ಅನ್ನ ಖಾವಾಲೊ ಮನಕ್ಹ ಪ್ರಭುನೆ ಸನ್ಮಾನ ದಿವಾನೆ ತೆ ಕ್ಹಾರು ಖಾವಸ. ಹೊ, ತೆ ತೆ ಅನ್ನನಾ ಹುತಿ ಕ್ಹುದಾನೆ ಸ್ತುತಿ ಕರಸ. ವರಿ ಕುನ ತರಕಾರಿಯೊ ಖಾವಸ ತೆಬಿ ಪ್ರಭುನೆ ಸನ್ಮಾನ ದಿನಾನೆಜ಼ ತಿಮ್ಮ ಕರಸ. ತೆಬಿ ಕ್ಹುದಾನೆ ಸ್ತುತಿ ಕರಾಲೊ ಥಯೊಸ.

ಕೊಲೆಸ್ಸೆ 3:17

ತುಮೆ ತುಮಾರಾ ವಾತೊಖು ರ‍್ಹವಾದೆ,ತುಮಾರಾ ಚಾಳಿಯೊಖು ಸು ಕರಿತೊಬಿ ತೆ ಕ್ಹಾರು ಅಪ್ನೊ ಕರ್ತಾ ಥಯಲ ಯೆಸುನಾ ನಾಮಪರ ಕರೊ ವರಿ ಅಪ್ನೊ ಬಾ ಥಯಲ ಕ್ಹುದಾನೆ ಕ್ರಿಸ್ತನಾ ಮುಲಕ ಸ್ತುತಿ ಕರೊ.