ಮಾರ್ಕ 8:31 - ಕ್ಹುದಾನಿ ಕ್ಹರಿನಿ ವಾಕ್ಯಾ

³¹ ಎನೈಸೊ ಮನಕ್ಹನೊ ದಿಕ್ರೊ ಘನ್ನು ಕಷ್ಟ ಖೈನ ಮ್ಹೊಟಾ ಮನಕ್ಹೊನಾ ಹತೆ ಖಾಸ ಯಾಜಕನಾ ಹತೆ ಶಾಸ್ತ್ರಿಯೊನಾಹತೆ ಇನ್ಕಾರಿನ ಮಾರಾ ಲಗಾಡಿಪಾಡಸ. ಮರಿನ ತನ ದಿನ್ಪರ‍ ವಾಚಿ಼ನ ಆವಾನು ಛೆ ಕೈನ ಉಪದೆಶ ಕವಾನು ಶುರು ಕರ‍್ಯೊ.

ಮಾರ್ಕ 8:31 ပူးပေါင်းရင်းမြစ်များ

ಮತ್ತಾಯ 12:40

ಪ್ರವಾದಿ ಥಯಲ ಯೊನ ತನ್ನ ದಿನ್ನ ಲಕ್ಕಾ ದಿನ್ನ ರಾತ ಯಕ್ಕ ಮ್ಹೊಟ್ಟಿ ಮಚ್ಲಿನಾ ಪೆಟಮಾ ಕಿಮ್ಮ ವ್ಹತ್ತೊ ತಿನಾ ದಾಕ್ಹಲಜ ಮನಕ್ಹನೊ ದಿಕ್ರೊಬಿ ಮಜಾರಮಾ ತನ್ನ ದಿನ್ನ-ದಿನ್ನ ರಾತ ಲಕ್ಕಾ ರ‍್ಹವಸ. ಎನೈಸೊ ಬಿಜು ಕಯುಜ ಅದ್ಭುತ ಕಾಮ ತ್ಯುನೊನೆ ದೆಕಾಡತಾ ನೈ.

ಮತ್ತಾಯ 21:42

ಯೆಸು ತ್ಯುನೊನೆ, ಘರ ಭಾಂದಾಲಾ ನಕೊ ಕೈನ ಠುಕ್ರಾಯಲ ದಗ್ಡೊಜ಼ ಖಾಸ ಮುಲಾನೊ ದಗ್ಡೊ ಥಯೊ; ಎ ಕರ್ತಾಕ್ಹುಜ಼ ಥಯು. ವರಿ ತೆ ಕ್ಹಾರು ಅಪ್ನಾ ಡೊಳಾನೆ ಆಶ್ಚರ್ಯನಿಂಗತ ದಿಕ್ಹಸ ಕವಾನು ತುಮೆ ಧರ್ಮಶಾಸ್ತ್ರಮಾ ಕೆಳಾಮಾಬಿ ಒದ್ಯಾ ನತ್ತಿ ಸು?

ಮತ್ತಾಯ 27:63

"ಮಾಲಕ, ತೆ ಸುಳ್ಳ ಬೊಲಾಲೊ ಜಿವ್ತೊ ರ‍್ಹತಾಮಾ, ‘ತನ್ನ ದಿನ್ನ ಥಯಲ್ಪರ ಮಿ ಪುನರುತ್ಥಾನ ವ್ಹಂದುಸ’ ಕೈನ ಕದ್ಯಲ ಹಮೊನೆ ಹಜಿ಼ನ ಶೆಂ ಛೆ.

ಮಾರ್ಕ 12:10

ತುಮೆ ಗ್ರOಥಮಾ ಒದ್ಯಾವಸೆತೊ ಘರ ಭಾಂದಾಲಾವೊನೆ ನಕೊ ಚಾ಼ಯೆ ಕೈನ ಭಿರಕಾಯಲ ದಗ್ಡೊಜ಼ ಚಾ಼ಯೆಥಯಲ ಮುಲಾನೊ ದಗ್ಡೊ ಥಯೊ.

ಲುಕ ಬರ್ದಲ ಸುವಾರ್ತಾ 17:25

ತೆನೈಸೊ ಪೈಲಾ ಮನಕ್ಹನೊ ದಿಕ್ರೊ ಘನ್ನು ಕಷ್ಟ ಖೈನ ಎ ಕಾಲನಾ ಮನಕ್ಹೊ ತಿನೆ ಠುಕ್ಕರಾವಸ.

ಲುಕ ಬರ್ದಲ ಸುವಾರ್ತಾ 24:26

ಕ್ರಿಸ್ತ ತಿನಿ ಮಹಿಮಾ ದೆಕಾಡಾತಿ ಅಗ್ದುರ ಹವಾ ತ್ರಾಸೊ ಅನುಭವಿಸು ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 24:44

ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ.

ಯೊಹಾನ 12:48

ಮಾರಾ ಉಪ್ಪರ ಬರೊಕ್ಹೊ ನೈ ಕರಾಲಾನೆ ವರಿ ಮಿ ಕವಾನು ಇನ್ಕಾರಾಲಾವೊನೆ ಫೈಸಲೊ ಕರಾನು ಮಿ ಕದಲ ವಾತೊಜ ವ್ಹೈ. ಲಾಸ್ಟನಾ ದಿನ್ನೆ ತೆಜ಼ ತಿನೆ ಫೈಸಲೊ ಕರಸ.

ಯೊಹಾನ 2:19

ಯೆಸು"ಎ ದೆವಾಲಯ ಪಾಡಿಪಾಡೊ, ಅಗಲ್ಯಾ ತನ್ನ ದಿನ್ಮಾ ವರಿ ಫರಿನ ತೆ ಭಾಂದುಸ" ಕೈನ ಕದ್ಯೊ.

ಅಪೊಸ್ತಲೊ 7:35

ಅಪ್ನೊ ಫೈಸ್ಲೊ ಕರಾನೆ ಅದಿಕಾರ ತುನೆ ಕುನ್ನ ದಿದ್ಯೊಸ? ಕೈನ ಇಸ್ರಾಯಲೊಕ್ಹು ತಿರಸ್ಕಾರ ಥಯಲಜ಼ ಎ ಮೊಶೆ ವ್ಹೈ. ಆಗ ಲಾಗಲ ಝಾಡಮಾ ದಿಕ್ಹಲ ದುತನಾ ಮುಲಕ ಕ್ಹುದಾ ಅದಿಪತಿ ಕರಿನ ವಿಮೊಚ಼ಕ ಕರಿನ ನೆಮ್ಸಲ ಇನೆಜ಼ ವ್ಹೈ.

1 ಕೊರಿಂಥ 15:4

ತಿನೆ ಮಜಾ಼ರಮಾ ಘಾಲ್ಯಾ. ತೆಜ಼ ಗ್ರಂಥನಾ ಪ್ರಕಾರ ತನ್ವಾ ದಿನ್ನೆ ತೆ ಪುನರುತ್ಥಾನ ಥಯೊ.