ಮಾರ್ಕ 7:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ವರಿ ಯೆಸುನಾ ಶಿಷ್ಯಾ ತಿವ್ನಿ ಪದ್ದತಿನಿOಗತ ಹತ್ ಧ್ವಯಾವಾಚಿ ಅನ್ನ ಖಾವಾನು ದೆಕ್ಯಾ ತ್ಯುನೆ ಕಾಕದ್ಯಾಮ ತ್ಯುನಿ ಪದ್ದತ್ ಲಿಂಗತ ಖಾವಾತಿ ಅಗ್ದುರ ಹತ್ ಧ್ವಯಾನ್ಹೊತಾ.

ಮಾರ್ಕ 7:2 ပူးပေါင်းရင်းမြစ်များ

ಮತ್ತಾಯ 15:2

"ತಾರಾ ಶಿಷ್ಯಾ ಶಾನಾ ಮನಕ್ಹೊ ಕರಲ ಪದ್ದತನೆ ಕಾ ದಾಟಿನ ಜಾ಼ವಸ? ತ್ಯುನೆ ಖಾತಾಮಾ ತ್ಯುನಾ ಹತೊ ಧ್ವಯಿಲೆತಾ ನೈ ಕಾ? ಕೈನ ಪುಚ್ಯಾ.

ಮಾರ್ಕ 7:5

ಇನಾಹುತಿ ಫರಿಸಾಯೊರೊ ಶಾಸ್ತ್ರಿಯೊ ಯೆಸುನೆ ಪುಚ್ಯಾ ತಾರಾ ಶಿಷ್ಯಾಮ್ಹೊಟಾ ಮನಕ್ಹೊತಿ ಆಯಲ ಪದ್ದತಿ ಲಿಂಗತ ಕಾ ನೈ ಚಾ಼ಲ್ತಾ? ರಾಡಿ ಹತೊ ಕ್ಹು ಅನ್ನ ಕಾ ಖಾವಸ?

ಲುಕ ಬರ್ದಲ ಸುವಾರ್ತಾ 11:38

ಯೆಸು ತಿನಾ ಹತೊ ಧ್ವಲಿದ್ಯಾವಾಚಿ ಖಾವಾನೆ ಬೈಟಲ ದೆಕಿನ ತೆ ಫರಿಸಾಯರ ವಾಲೊ ಘಾಬ್ರೊಥಯೊ.

ಅಪೊಸ್ತಲೊ 10:28

ಪೆತ್ರಾ ತ್ಯುನೊನೆ"ಯಕ್ಲೊ ಯೆಹುದಿ ಬಿಜಾ಼ ಮನಕ್ಹೊನಾ ಕ್ಹಾತೆ ಸಂಬಂಧ ಮ್ಹೆಲ್ಯಾನು ರ‍್ಹವಾದೆ ತ್ಯುನೊನೆ ಮಳಾನು ರ‍್ಹವಾದೆ ಅಪ್ನಾ ಯೆಹುದಿ ಧರಮಶಾಸ್ತ್ರನಾ ವಿರುದ್ದ ವ್ಹೈ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಕಯಾಬಿ ಮನಕ್ಹನೆ ಪವಿತ್ರ ನೈ ರ‍್ಹಯಲ ವ್ಹೈ ಕೈನ ಶುದ್ಧ ನೈ ರ‍್ಹಯಲ ವ್ಹೈ ಕೈನ ಬಲೌ ನೈ ಕೈನ ಕ್ಹುದಾ ಮನೆ ದೆಕಾಡಿನ ದಿದ್ಯೊಸ.

ಅಪೊಸ್ತಲೊ 11:8

"ತೆನೈಸೊ ಮಿ, ‘ಪ್ರಭು, ಮಿ ತಿಮ್ಮ ನೈ ಕರಸಕ್ತೊ! ಪವಿತ್ರ ನೈ ರ‍್ಹಯಲ ವರಿ ಶುದ್ಧ ನೈ ರ‍್ಹಯಲ ಸುಬಿ ರ‍್ಹವಾದೆ ಮಿ ಕೆಳಾಮಾಜ಼ ನತ್ತಿ ಖಾದ್ಯೊ’ ಕೈನ ಕದ್ಯೊ.

ರೊಮಾಪೂರ 14:14

ಮಿ ಪ್ರಭು ಥಯಲ ಯೆಸುಮಾ ಛೆ. ಕಯುಬಿ ಅನ್ನ ಪದಾರ್ಥನೆ ರ‍್ಹೈನೆಕಾ ಖಾವಾನು ತಪ್ಪ ನ್ಹವೈ ಕೈನ ಮನೆ ಗ್ವತ್ತ ಛೆ. ಯಕ್ಲೊ ಕಯುಬಿ ಅನ್ನ ಖಾವಾನು ತಪ್ಪ ವ್ಹೈ ಕೈನ ನಂಬ್ಯಾಮ, ತೆ ಅನ್ನ ತಿನೆ ಅಶುದ್ಧಥಾವಸ.

ಇಬ್ರಿಯ 10:29

ತಿಮ್ಮ ರ‍್ಹತಾಮಾ, ಕ್ಹುದಾನಾ ದಿಕ್ರಾನೆ ಕ್ಹುಂದಿನ, ತಿನಾಕ್ಹು ತೆ ಶುದ್ಧ ಕರಲಿನ ಒಂಡಬಡಿಕೆನಾ ರಗತನೆ ಅಶುದ್ಧ ವ್ಹೈ ಕೈನ, ಕ್ಹುದಾನಿ ಮರಗಾ ರ‍್ಹಯಲ ವರಾನೆ ಆತ್ಮಾನೆ ಠುಕ್ರಾವಸ ಸು, ಹಜು಼ನ ಕೆವಾ ಖತರನಾಕ ಶಿಕ್ಷಾನೆ ಗುರಿ ಥಾವಸ ಕೈನ ತ್ಯುಮೆಜ ವಿಚಾರ ಕರಿನ ದೆಕೊ?

ಪ್ರಕಟನೆ 21:27

ಪರಿಶುದ್ಧ ನೈ ರ‍್ಹಯಲ ಗಾಮೊ ತೆ ಗಾಮ್ಮಾ ಆತುಜ಼಼ ನೈ. ಮರ್ಯಾದಿ ಕಾಡಾನಾ ಕಾಮೊ ಕರಾಲೊ ರ‍್ಹೈನೆಕಾ ಸುಳ್ಳ ಬೊಲಾಲೊ ರ‍್ಹೈನೆಕಾ ತೆ ಗಾಮ್ಮಾ ಕೆಳಾಮಾಜ಼ ಆತೊಜ಼ ನೈ. ಬಕ್ರಾನು ಬಚ್ಚು಼ ಥಯಲವಾಲೊ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದ್ಯೊಸ ತ್ಯುನೆ ಯಕ್ಕಜ಼ ತೆ ಗಾಮ್ಮಾ ಆ ಸಕಸ.