ಮಾರ್ಕ 4:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ದಕ್ಹಾ ಜ಼ನಾ ವಾಟಪರ ಪಡಲ ಬಿಯ್ಯಾ ಲಿಂಗತ ರ‍್ಹವಸ ಕ್ಹುದಾನಿ ವಾತೊ ಐಕಲ ಬರೊಬ್ಬರ ಸೈತಾನ ಐನ ತ್ಯುನಾಮಾ ರ‍್ಹಯಲ ಕ್ಹುದಾನಿ ವಾತೊ ಕಾಳ್ಳಿನ ಗೈ ಪಡಸ.

ಮಾರ್ಕ 4:15 ပူးပေါင်းရင်းမြစ်များ

ಮತ್ತಾಯ 13:19

ರಸ್ತಾನಾ ಬಾಜು಼ಮಾ ಪಡಲ ಬಿಯ್ಯಾ ಕದ್ಯಾಮ ಸು ವ್ಹೈ? ಪರಲೊಕನಾ ಹುತಿ ಕದಲ ಐಕಿನ ತಿನೆ ತಿಳ್ದಿಲಿದ್ಯಾವಾಚಿ ರ‍್ಹಯಲ ಮನಕ್ಹ ಬಿಯ್ಯಾ ಪಡಲ ರಸ್ತಾನಾ ಬಾಜುನಿ ವಾಟ ವ್ಹೈ. ಕೆಟ್ಟ ರ‍್ಹಯಲವಾಲೊ (ಸೈತಾನ) ಐನ ತೆ ಮನಕ್ಹನಾ ಮನಸಮಾ ಬಿತ್ತಲ ಬಿಯ್ಯಾ ಕಾಳಿನ ಜಾ಼ವಸ.

ಮತ್ತಾಯ 22:5

ವರಿಬಿ ತ್ಯುನೆ ಮಿ ಬಲಾಯಲನೆ ಠುಕರೈನ ಯಕ್ಲೊ ತಿನಾ ಖೆತ್ರೆ ಯಕ್ಲೊ ವ್ಯಾಪಾರ ಕರಾನಾ ಹುತಿ ಗೈ ಪಡ್ಯೊ.

ಮತ್ತಾಯ 4:10

ಯೆಸು ತಿನೆ ಸೈತಾನ ತು ಗೈ ಪಡ, ತಾರೊ ಕ್ಹುದಾ ಥಯಲ ಕರ್ತಾನೆ ಯಕ್ಕಜ ಅಡ್ಡ ಪಡಿನ ತಿನೆ ಯಕ್ಕಲಾನೆಜ ಆರಾದನಾ ಕರು ಕೈನ ಬರ್ದಲ ಛೆ ತೊ” ಕದ್ಯೊ.

ಮಾರ್ಕ 4:14

ತೆ ಬಿತ್ತಾಲೊ ಕ್ಹುದಾನಿಯೊ ವಾತೊ ಕವಾನಾ ಬಿಯ್ಯಾ ಬಿತ್ತಸ.

ಮಾರ್ಕ 4:16

ದಕ್ಹಾ ಜ಼ನಾ ದಗ್ಡಾಪರ ಪಡಲ ಬಿಯ್ಯಾ ಲಿಂಗತ ರ‍್ಹವಸ. ತಿಮ್ಮ ತೆ ಮನಕ್ಹೊ ಕ್ಹುದಾನಿಯೊ ವಾತೊ ಐಕಲ ಬರೊಬ್ಬರ ಖುಶಿಕ್ಹು ರ‍್ಹವಸ.

ಮಾರ್ಕ 4:4

ತಿಮ್ಮ ತೆ ಬಿಯ್ಯಾ ಬಿತತಾಮಾ ದಕ್ಹಾ ಬಿಯ್ಯಾ ವಾಟಪರ ಪಡ್ಯಾ. ಪಕ್ಷಿಯೊ ಐನ ತೆ ಬಿಯ್ಯಾ ಖೈಪಾಡಿಯೊ.

ಲುಕ ಬರ್ದಲ ಸುವಾರ್ತಾ 8:12

ವಾಟ್ಮಾ ಪಡಲ ಬಿಯ್ಯಾ ಕದ್ಯಾಮ? ಕ್ಹುದಾನಿಯೊ ವಾತೊ ಕುನ್ನ ಐಕಸ. ವರಿ ಸೈತಾನ ಐನ ತ್ಯುನಾ ಮನಸೊಮಾ ರ‍್ಹಯಲ ಕ್ಹುದಾನಿ ವಾತೊ ಕಾಳ್ಳಿನ ಗೈ ಪಾಡ್ಯೊ. ತ್ಯುನೆ ಕ್ಹುದಾನಿಯೊ ವಾತೊಪರ ಬರೊಕ್ಹೊ ನೈ ರ‍್ಹಯಲ ಹುತಿ ತ್ಯುನೊನೆ ರಕ್ಷಣೆ ಥಾತಿ ನೈ.

ಅಪೊಸ್ತಲೊ 17:32

ಮರೆಲ ಮಾತೊ ಜುತೊ ಥೈಲ ತ್ಯುನಾಹುತಿ ಐಕಿ ದಕ್ಹಾಜ಼಼ನಾ ಪೌಲಾನೆ ಹಿನಾಯಾ ತಿಮಾನಾ ದಕ್ಹಾಜ಼಼ನಾ ಕದ್ಯಾ ತು ಕದಲ ವಾತೊ ಹಮೆ ಹಜಿ ಎಕ ಸಲಾ ಐಕಿಯೆಸ ಕೈನ.

ಅಪೊಸ್ತಲೊ 5:3

ಪೆತ್ರಾ"ಅನನಿಯ, ತಾರು ಮನಸ್ಸ ಆಳಾನೆ ತು ಸೈತಾನನೆ ವಪ್ಸಿನ ಕಾ ದಿದ್ಯೊಸ? ತು ಸುಳ್ಳ ಕೈನ, ಪವಿತ್ರ ಆತ್ಮಾನೆ ಮೊಸ ಕರಾನೆ ಕೊಶಿಶ ಕರ‍್ಯೊಸ. ತು ತಾರಿ ಜಿಮಿನ ಇಕ್ಯೊ, ತೆನೈಸೊ ಆಯಲ ದೊಕ್ಡಾಮಾ ಯಕ್ಕ ಭಾಗ ತು ತಾರಾ ಹುತಿ ಮ್ಹೆಲಿದಲ ಕಾ ವ್ಹೈ?

2 ಕೊರಿಂಥ 2:11

ಸೈತಾನ ಅಪೊನೆ ಮೊಸ ಕರಿಪಾಡು ನೈ ಕೈನ ಅಮ ಕರ‍್ಯೊ. ತೆ ಸು ಕರಸ ತಿನಾ ವಿಚಾರೊ ಕಿಮ ಶೆ ಕೈನ ಅಪೆತೊ ಚೊ಼ಕಿ ತರಾಜ಼ ತಿಳದಿಲಿದ್ಯಾಸ.

2 ಥೆಸಲೊನಿಕ 2:9

ತೆ ವಿರೊದಿ ಸೈತಾನನಿ ಮ್ಹೊಟಿ ತಾಕತಕ್ಹು ಮಳಲ ರ‍್ಹವಸ ತೆ ಘನ್ನಿಯೊ ಮೊಸನಾ ಪವಾಡೊ ಮ್ಹೊಟಾ ಕಾಮೊ ಅದ್ಭುತ ಕಾಮೊ ಕರಸ.

ಇಬ್ರಿಯ 12:16

ಕಯೊಜ಼ ಹಾಳ ಥಾವಾಲೊ, ಎಸಾವ ಲಿಂಗತ ತುಮೊಮಾ ಕಯೊಬಿ ದುನಿಯಾಮಾ ರ‍್ಹಯಲ ತುಮೊಮಾ ರ‍್ಹಯೆ ನೈಸೊ ಹುಶಾರಕಿಮಾ ರ‍್ಹವೊ. ತೆ ಎಸಾವ ಯಕ್ಕಜ಼ ಯಕ್ಕ ಖಾವಾನಾ ಅನ್ನನ ಹುತಿ ತಿನು ಮ್ಹೊಟಾಪನ್ನನು ಹಕ್ಕ ಇಕ್ಕಿಪಾಡ್ಯೊ.

ಇಬ್ರಿಯ 2:1

ತಿನಾಹುತಿ ಅಪ್ನೊನೆ ಶಿಕ್ಲಾಯಲ ಸಂಗತಿಯೊನಾ ಲಿಂಗತ ಘನ್ನಾ ಹುಶಾರಕ್ಹು ಚಾ಼ಲು, ಕ್ಹರಿನಿ ವಾಟ ಛೊಡ್ಯಾ ಬಗರ ಹುಶಾರ ರ‍್ಹೌ.

1 ಪೆತ್ರಾ 5:8

ಯಕ್ಕಜ಼ ಮನಸ ವಾಲಾರ‍್ಹವೊ ವರಿ ಹುಶಾರ ಥೈನ ರ‍್ಹವೊ. ಸೈತಾನ ತುಮಾರೊ ದುಶ್ಮನ ವ್ಹೈ. ತೆ ವದ್ರಾನೊ ಶಿಯ್ಯಾ ಲಿಂಗತ ಕಿನೆ ಖೌ ಕೈನ ಹುಡ್ಕತೊ ರ‍್ಹವಸ ತೆ ಮನಕ್ಹೊನೆ ಹುಡ್ಕಾಡ್ಯೊಸ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 20:10

ಸೈತಾನನೆ ಬಳತಿ ರ‍್ಹಯಲ ಆಗನಿ ಇರಮಾ ನಕೈ ಗಯೊ. ತ್ಯಾ ಜಾನ್ವರಬಿ ವ್ಹತ್ತಿ, ಸುಳ್ಳ ಪ್ರವಾದಿಯೊಬಿ ವ್ಹತ್ತಾ. ತ್ಯಾ ತ್ಯುನೆ ಹಮೆಶಾಬಿ ದಿನ್ನ ರಾತ ತ್ರಾಸ ಖಾವಸ.

ಪ್ರಕಟನೆ 20:7

ಯಕ್ಕ ಹಜಾ಼ರ ವರಕ್ಹ ಥಯಲ್ಪ, ಸೈತಾನನೆ ಭಾಂದಿನ ಘಾಲಲಮಾತಾ ಛೊ಼ಡಸ.