ಮಾರ್ಕ 13:22 - ಕ್ಹುದಾನಿ ಕ್ಹರಿನಿ ವಾಕ್ಯಾ

²² ಸುಳ್ಳ ಮಸ್ಸಿಹಾ ವರಿ ಸುಳ್ಳ ಪ್ರವಾದಿಯೊ ಉಟಿನ. ಸಾದ್ಯಥಯೊಮ ಕ್ಹುದಾ ಇನಿಲಿದಲವಾಲಾವೊನೆ ಮೊಸಕರಾಹುತಿ ಘಾಬ್ರಾಥಾವಾನು ಕಾಮ ಅದ್ಭುತ ಕಾಮ ಕರಿನ ದೆಕಾಡಸ.

ಮಾರ್ಕ 13:22 ပူးပေါင်းရင်းမြစ်များ

ಮತ್ತಾಯ 24:24

ಸುಳ್ಳ ಕ್ರಿಸ್ತೊ, ಸುಳ್ಳ ಪ್ರವಾದಿಯೊ ಉಟಿನ ಸಾಧ್ಯ ಥಯುಮ ಕ್ಹುದಾ ಇನಿಲಿದಲ ಮನಕ್ಹೊನೆ ಬಿ ಮೊಸ ಕರಾನಾ ಹುತಿ ಮ್ಹೊಟಾ ಸುಚಕ ಕಾಮೊ ಘಾಬ್ರಾ ಥಾವಾನಾ ಕಾಮೊ ಕರಿನೆ ದೆಕಾಡಸ.

ಮತ್ತಾಯ 7:15

ಸುಳ್ಳ ಪ್ರವಾದಿಯೊನಾ ಹುತಿ ಹುಶಾರ ರಹೊ. ತ್ಯುನೆ ಬಕ್ರಾವೊ ಲಿಂಗತ ದಿಕ್ಹಿನ ತುಮೊಕನ ಆವಸ. ತೆನೈಸೊ ತೊಳೊ ಲಿಂಗತ ಕ್ಹರಿಮಾಜ಼ ಕೆಟ್ಟ ರ‍್ಹಯಲ ಲಿಂಗತಜ ಛೆ.

ಮಾರ್ಕ 13:21

ದೆಕೊ ಕುನ್ನಬಿ ತುಮೊನೆ - ಮಸ್ಸಿಹಾ ನ್ಯಾಛೆ ದೆಕೊ ಮಸ್ಸಿಹಾ ತ್ಯಾ ಛೆ ಕೈನ ಕದ್ಯಾಮ ನಂಬೊನಕೊ ;

ಮಾರ್ಕ 13:23

ತುಮೆ ಹುಶಾರ ರ‍್ಹವೊ;ತುಮೊನೆ ಕ್ಹಾರುಜ಼ ಅಗು ಕೈಪಾಡ್ಯೊಸ.

ಮಾರ್ಕ 13:6

ಘನ್ನಾ ಜ಼ನಾ ಐನ ಮಾರಾ ನಾಮಪರ -ಮಿ ಕ್ರಿಸ್ತ ವ್ಹೈ ಮಿ ಕ್ರಿಸ್ತ ವ್ಹೈ ಕೈನ ಕೆಕ್ಲಾಕಿ ಜ಼ನಾವೊನೆ ಮೊಸಕರಸ.

ಯೊಹಾನ 4:48

ಯೆಸು ತಿನೆ"ಸುಚಕ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ದೆಕ್ಯಾವಾಚಿ ಮನೆ ನಂಬತಾಜ಼ ನೈ" ಕೈನ ಕದ್ಯೊ.

2 ತಿಮೊತಿ 2:19

ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.

1 ಯೊಹಾನ 2:18

ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 2:19

ಕ್ರಿಸ್ತನೊ ದುಶ್ಮನೊ ಅಪ್ನಾ ಗುಂಪಮಾ ರ‍್ಹಯಾತಬಿ. ತ್ಯುನೆ ಅಪೊನೆ ಛೊಡಿನ ಗಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ಸಭೆವಾಲಾ ರ‍್ಹವತ್ತೊ ಅಪ್ನಾ ಕ್ಹಾತೆ ರ‍್ಹತಾತಾ. ತೆನೈಸೊ ತ್ಯುನೆ ಗೈ ಪಡ್ಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ ಕವಾನು ಇಕ್ಹು ದೆಕಾಡಿನ ದಿವಸ.

1 ಯೊಹಾನ 2:26

ತುಮೊನೆ ತಪ್ಪ ವಾಟ್ಮಾ ನಿಂಜಾ಼ವಾಲಾ ಮನಕ್ಹೊನಾ ಹುತಿ ಎ ಪತ್ರ ಬರ್ದಾಡ್ಯೊಸ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 17:8

ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼.