ಮಾರ್ಕ 12:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ತಿನೆ ಹಜು಼ನ ಯಕ್ಲೊ ವ್ಹತ್ತೊ. ಕುನ್ನ ವ್ಹೈ ಕದ್ಯಾಮ ತಿನೊ ಮಯಾನೊ ದಿಕ್ರೊ ಮಾರಾ ದಿಕ್ರಾನೆತಬಿ ಮೊಕಲ್ಯೊಮ ತಿನೆ ಮರ್ಯಾದಿ ದೆಸಕೈನ ಮಾಲಕನಾ ತರಪತೊ ಲಾಸ್ಟಮಾ ತಿನೆ ತ್ಯುನೊಕನ ಮೊಕ್ಕಲತಾಮಾ ತೆನೈಸೊ ತೆ ರೈತರೊ

ಮಾರ್ಕ 12:6 ပူးပေါင်းရင်းမြစ်များ

ಮತ್ತಾಯ 1:23

ದೆಕ, ಯಕ್ಕ ಜಾಂಜಿಮಾನ ಛೊಕ್ರಿ ಪೆಟೆ ರ್‍ಹೈನ ಪಟ್ಟಾನೆ ಜನ್ನಸ; ತಿನೆ ಇಮ್ಮಾನುವೆಲ ಕೈನ ನಾಮ ಮ್ಹೆಲಸ ಕವಾನು ವ್ಹೈ. ಕ್ಹುದಾ ಅಪ್ನಾ ಕ್ಹಾತೆ ಛೆ ಕೈನ ಎ ನಾಮನು ಮತಲಬ ವ್ಹೈ.

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಮತ್ತಾಯ 17:5

ತೆ ಹಜ಼ುನ ಬೊಲ್ತೊ ರ‍್ಹತಾಮಾಜ಼ ಉಜಾಲಾನು ಮ್ಹಾಡ ಐನ ತ್ಯುನಾ ಉಪ್ಪರ ಐಯು. ತೆನೈಸೊ ತೆ ಮ್ಹಾಡಮಾತು ಎ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಪಸಂದ ಕರ‍್ಯೊಸ. ಎ ಕವಾನು ಐಕೊ ಕೈನ ಅವಾಜ಼ ಅಯು.

ಮತ್ತಾಯ 26:63

ಮಹಾಯಾಜಕ ಯೆಸುನೆ, ತುನೆ ಜಿವ್ತೊ ರ‍್ಹಯಲ ಕ್ಹುದಾನಾ ಉಪ್ಪರ ಖಮ್ಮ ಘಾಲಿನ ಪುಚ್ಚಾ಼ಡೊಸ; ತು ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ರ‍್ಹಯೊಮ, ಹಮೊನೆ ಕೌ ಕೈನ ಕದ್ಯೊ.

ಮತ್ತಾಯ 3:17

ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಚೊಸ".

ಮಾರ್ಕ 1:11

ತೆಳಾಮಾ, ತು ಮಯಾನೊ ಥಯಲ ಮಾರೊ ದಿಕ್ರೊ ವ್ಹೈ. ತುನೆ ಮಿ ಮೆಚ್ಯೊಸ. ಕೈನ ಸ್ವರ್ಗಮಾತು ಆವಾಜ಼ ಐಯು.

ಮಾರ್ಕ 12:5

ತೆ ಥಯಲ್ಪರ ಮಳಾನೊ ಮಾಲಕ ವರಿ ಯಕ್ಲಾನೆ ಮೊಕಲ್ತಾಮಾ ತಿನೆಬಿ ಖಲಾಸ ಕರಿಪಾಡ್ಯಾ. ಹಜು಼ನ ದಕ್ಹಾ ಜ಼ನಾವೊನೆ ಮೊಕಲ್ತಾಮಾ ತಿಮಾನಾ ದಕ್ಹಾ ಜ಼ನಾವೊನೆ ಮಾರಿನ ದಕ್ಹಾ ಜ಼ನಾವೊನೆ ಕತ್ರಿನ ನಾಕಿಪಾಡ್ಯಾ

ಮಾರ್ಕ 12:7

ತೆಜ಼ ವಾರಿಸದಾರ ವ್ಹೈ ಕೈನ. ಮಾಲಕನಾ ದಿಕ್ರಾನೆ ಖಲಾಸ ಕರಿಪಾಡಿಯೆ ತೆಳಾಮಾ ಎ ಪುರಾ ಅಪ್ನೊನೆ ಥೈಜಾ಼ವಸ. ಕೈನ ರೈತರೊ ಯಕ್ಲಾನಾ ಕ್ಹಾತೆ ಯಕ್ಲಾ ಬೊಲ್ಲಿವಾಡ್ಯಾತಾ.

ಮಾರ್ಕ 9:7

ತೆಕ್ಲಾಮಾಜ಼಼ ಮ್ಹಾಡ ತ್ಯುನಾ ಉಪ್ಪರ ಐನ ಹುಬ್ರಯು. ತೆ ಮ್ಹಾಡಮಾತು ಎ ಮಾರೊ ಮಯಾನೊ ಥಯಲ ದಿಕ್ರೊ ವ್ಹೈ ಇನಿ ವಾತ ಐಕೊ ಕೈನ ಹಬಾಳಮಾತೊ ಬೊಲಲ ಅವಾಜ಼ ಐಯು.

ಲುಕ ಬರ್ದಲ ಸುವಾರ್ತಾ 3:22

ತೆಳಾಮಾ ಪವಿತ್ರ ಆತ್ಮಾ ಕ್ಹಹಬುತರನಾ ರುಪಮಾ ತಿಪರ ಐನ ಉತರ‍್ಯು. ತೆಳಾಮಾಜ಼ ಸ್ವರ್ಗಮಾತೊ ಅವಾಜ಼ ಆಯೊ" ತು ಮಾರೊ ಮಯಾನೊ ದಿಕ್ರೊ ವ್ಹೈ, ಮಿ ತುನೆ ಮೆಚ್ಯೊಸ "ಕೈನ ಅವಾಜ಼ ಆಯು.

ಲುಕ ಬರ್ದಲ ಸುವಾರ್ತಾ 9:35

ತೆಳಾಮಾಜ಼ ತೆ ಮ್ಹಾಡ ಮಾತು ಅವಾಜ಼ ಐಯು "ಎ ಮಾರೊ ಮಯಾನೊ ಥಯಲ ದಿಕ್ರೊ ವ್ಹೈ ಮಿ ಇನೆ ಇನಿಲಿದ್ಯೊಸ ಇನೆ ತುಮೆ ತಿನೆ ವಿದೆಯ (ವಿಧೆಯೆ ಕದ್ಯಾಮ ತಿನು ಕ್ಹಾರುಜ಼ ಐಕಿನ ಚಾ಼ಲಾನು) ಥಾವೊ "ಕವಾನು.

ಯೊಹಾನ 1:14

ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ.

ಯೊಹಾನ 1:18

ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.

ಯೊಹಾನ 1:34

ತಿನಾಹುತಿ "ಮಿ ಸು ದೆಕ್ಯೊಸ ತೆಜ಼ ಮಿ ಕೌಸ. ತೆಜ಼ (ಯೆಸು) ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಮನಕ್ಹೊನೆ ತಿಳ್ಸುಸ "ಕದ್ಯೊ.

ಯೊಹಾನ 1:49

ತೆಳಾಮಾ ನತಾನಿಯೆಲ ತಿನೆ"ಗುರು, ತುಜ಼಼ ಕ್ಹುದಾನೊ ದಿಕ್ರೊ ವ್ಹೈ. ತು ಇಸ್ರಾಯಲನೊ ರಾಜೊ಼ ವ್ಹೈ" ಕೈನ ಕದ್ಯೊ.

ಯೊಹಾನ 3:35

ಬಾ ದಿಕ್ರಾನೆ ಮಯಾ ಕರಸ. ಬಾ ದಿಕ್ರಾನೆ ಹರಯಕ್ಕ ಪರ ಅದಿಕಾರ ದಿದ್ಯೊಸ.

ಯೊಹಾನ 5:23

ತಿನಾಹುತಿ ಕ್ಹಾರಾ ಜ಼ನಾ ಬಾನೆ ಮರ್ಯಾದಿ ದಿದಲ ಲಿಂಗತ ದಿಕ್ರಾನೆಬಿ ಮರ್ಯಾದಿ ದ್ಯುಕೈನ ಕ್ಹುದಾ ಇಮ್ಮ ಕರ‍್ಯೊ. ಕುನ್ನ ದಿಕ್ರಾನೆ ಮರ್ಯಾದಿ ನೈ ದೆತು ತೆ ತಿನೆ ಮೊಕ್ಲಲವಾಲೊ ಬಾನೆ ಮರ್ಯಾದಿ ನೈ ದೆತೊ.

ಇಬ್ರಿಯ 1:6

ತೆನೈಸೊ ಕ್ಹುದಾ ತಿನಾ ಪೈಲಾರ ದಿಕ್ರಾನೆ ದುನಿಯಾಮಾ ಫರಿನ ವಳಾತಾಮಾ, ದೆವದುತೊ ಕ್ಹಾರಾ ತಿನೆ ಆರಾಧನಾ ಕರು” ಕೈನ ಕದ್ಯೊಸ.

1 ಯೊಹಾನ 4:9

ಕ್ಹುದಾ ತಿನಾ ರ‍್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ.

3 ಯೊಹಾನ 1:1

ಸಭೆಮಾ ಮ್ಹೊಟೊ ಥಯಲ ಮಿ ಕ್ಹರಿಕ್ಹು ಮಯಾ ಕರಲ ಮಯಾನಾ ಭೈನೆ ಗಾಯನನೆ ಬರ್ದಾನು ಸುವೈ ಕದ್ಯಾಮ ;