ಮಾರ್ಕ 12:27 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁷ ತೆ ಜಿವ್ತಾ ರ‍್ಹಯಲ ವಾಲಾವೊನೆ ಕ್ಹುದಾ ಥಯೊಸ ವರಿ ಕ್ಹುದಾನೆ ನಂಬಿನ ಮರಲವಾಲಾವೊನೆ ಕ್ಹುದಾ ವ್ಹೈ ವರಿ ಕ್ಹುದಾನೆ ನಂಬ್ಯಾವಾಚಿ ಮರಲವಾವೊನೊ ಕ್ಹುದಾ ನ್ಹವೈ. ತುಮೆ ಧರಲಿದಲ ಪದ್ದತ ಘನ್ನು ತಪ್ಪ ಛೆ ಕದ್ಯೊ.

ಮಾರ್ಕ 12:27 ပူးပေါင်းရင်းမြစ်များ

ಮತ್ತಾಯ 22:29

ತೆ ವಾತೆ ಯೆಸು ತ್ಯುನೊನೆ, ತುಮೆ ಕ್ಹುದಾನಿ ವಾಕ್ಯಾ ವರಿ ಕ್ಹುದಾನಿ ತಾಕತನೆ ಕ್ಹರಿಮಾಜ಼ ನೈ ತಿಳದಿಲಿದ್ಯಾವಾಚಿ ತಪ್ಪ ಅಬಿಪ್ರಾಯಮಾ ಛೆ.

ಮತ್ತಾಯ 22:32

ಮಿ ಅಬ್ರಹಾಮನೊ ಕ್ಹುದಾ, ಇಸಾಕನು ಕ್ಹುದಾ, ಯಾಕೊಬನೊ ಕ್ಹುದಾ, ಕೈನ ಕ್ಹುದಾ ತುಮೊನೆ ಕದ್ಯೊಸ ಕೈನ ತುಮೆ ಒದ್ಯಾ ನತ್ತಿಸು, ತೆ ಮರಲವಾಲಾವೊನೆ ಕ್ಹುದಾ ನ್ಹವೈ. ತೆನೈಸೊ ಜಿವ್ತಾರ‍್ಹಯಲವಾಲಾವೊನೆ ಕ್ಹುದಾ ವ್ಹೈ ಕೈನ ಕದ್ಯೊ.

ಮಾರ್ಕ 12:24

ಯೆಸು ತ್ಯುನೊನೆ, ತುಮೆ ಕಾ ತಪ್ಪಮಾ ಛೆ ವರಿ ತುಮೆ ಕಾ ತಪ್ಪ ವಿಚಾರಮಾ ಛೆ ಕಾಕದ್ಯಾಮ. ಕ್ಹುದಾನಿ ತಾಕತನೆ ರ‍್ಹವಾದೆ ಪವಿತ್ರ ಗ್ರಂಥನೆ ರ‍್ಹವಾದೆ ತಿಳದಿಲಿದ್ಯಾ ನತ್ತಿ

ಲುಕ ಬರ್ದಲ ಸುವಾರ್ತಾ 20:38

ಕ್ಹುದಾಜ಼ ತಿವ್ನೊ ಕ್ಹುದಾ ಥಯಲ ಹುತಿ ತ್ಯುನೆ ಕ್ಹಾರಾ ಕ್ಹರಿಮಾಜ಼ ಮರ‍್ಯಾ ನತ್ತಿ. ಕಾಕದ್ಯಾಮ ಜಿವ್ತಾ ರ‍್ಹಯಲವಾಲಾವೊನೊ ಕ್ಹುದಾ ವ್ಹೈ. ಕ್ಹುದಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ಜಿವ್ತಾ ರ‍್ಹಯಲ ಲಿಂಗತ ವ್ಹೈ.

ರೊಮಾಪೂರ 14:9

ತಿನಾಹುತಿ ವರಿ ಜಿವ್ನಾ ಕರಾನೆ ಕ್ರಿಸ್ತ ಮರಿನ ಮಜಾ಼ರೊಮಾತೊ ಜಿವ್ತೊ ಥೈ ಆಯೊ. ಮರಿಗಯಲ ಮನಕ್ಹೊನೆ ವರಿ ಜಿವ್ತಾ ರ‍್ಹಯಲ ಮನಕ್ಹೊನಾ ಹುತಿ ತೆ ಪ್ರಭು ವ್ಹೈ ಕೈನ ದೆಕಾಡಿನ ದಿದ್ಯೊ.

ರೊಮಾಪೂರ 4:17

"ಮಿ ತುನೆ ಘನ್ನಿ ಜನಾಂಗನಾ ಮನಕ್ಹೊನೆ ಬಾ ಥಾವಾ ವರಕ್ಹು ಕರ‍್ಯೊಸ "ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. ಎ ಕ್ಹುದಾನಿ ಸನ್ನಿದಿಮಾ ಕ್ಹರಿ ವ್ಹೈ. ಮರಲವಾಲಾವೊನೆ ಜ಼ಲಮ ದಿವಾನು ಹಜು಼ನಬಿ ನೈ ಥಯಲ ಕಾಮೊ ಕರಾಲಾ ಕ್ಹುದಾನೆ ಅಬ್ರಹಾಮ ನಂಬ್ಯೊ.

ಇಬ್ರಿಯ 3:10

ತಿನಾಹುತಿ ತ್ಯುನಾ ಉಪ್ಪರ ಮಿ ಶಿಟ್ಟ ಥಯೊತೊ, ತ್ಯುನು ಮನಸ ಕೆಳಾಮಾಬಿ ಭಟಕ್ತು ರ‍್ಹವಸ ಮಾರಿ ವಾಟನೆ ತ್ಯುನೆ ತಿಳ್ದಿಲಿದ್ಯಾ ನೈ” ಕೈನ ಮಿ ಕದ್ಯೊ.