ಮಾರ್ಕ 10:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತೆ ಯೆಸು ದೆಕಿನ ಶಿಟ್ಟಥೈನ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ -ಬಚ್ಚಾವೊನೆ ಮಕನ ಆವಾನೆ ದಿವೊ ತ್ಯುನೊನೆ ಅಡ್ಡಿ ಕರೊ ನಕೊ. ಕ್ಹುದಾನಿ ರಾಜ್ಯ ಇವ್ನಾ ವರಕ್ಹಾವೊನೆ ವ್ಹೈ

ಮಾರ್ಕ 10:14 ပူးပေါင်းရင်းမြစ်များ

ಮತ್ತಾಯ 18:10

ಆ ನ್ಹಾನಾವೊಮಾ ಯಕ್ಲೊಬಿ ರ‍ಹೈತಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾ ಕದ್ಯಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನೊ ಬಾನೂ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.

ಮತ್ತಾಯ 18:4

ಅಮ್ಮ ರ‍್ಹತಾಮಾ ಕುನ್ನ ಆ ನ್ಹಾನಾ ಬಚ್ಚಾನಿಂಗತ ತಿನೆ ತೆಜ ತಗ್ಗಿಸಿಲಿವಸ ತೆಜ ಪರಲೊಕ ರಾಜ್ಯಮಾ ಮ್ಹೊಟೊ ವ್ಹೈ.

ಮತ್ತಾಯ 19:14

ತೆನೈಸೊ ಯೆಸು, ನ್ಹಾನಾ ಬಚ್ಚಾ಼ವೊನೆ ಛೊಡೊ. ಮಕನ ಆವಾನೆ ತ್ಯುನೊನೆ ಅಡ್ಡ ಕರೊ ನಕೊ. ಕಾಕದ್ಯಾಮ ಪರಲೊಕ ರಾಜ್ಯ ಹೆವಾವೊನುಜ಼ ವ್ಹೈ ಕೈನ ಕದ್ಯೊ.

ಮತ್ತಾಯ 5:10

ನಿತಿನಾ ಹುತಿ ತ್ರಾಸ ಖಾವಾಲಾ ಧನ್ಯ ವ್ಹೈ. ಸ್ವರ್ಗಲೊಕ ರಾಜ್ಯ ತ್ಯುನು ವ್ಹೈ.

ಮತ್ತಾಯ 5:3

ಆತ್ಮಾಮಾ ಗರಿಬ ರ‍್ಹಯಲ ವಾಲಾ ಧನ್ಯ ವ್ಹೈ; ಪರಲೊಕ ರಾಜ್ಯ ತ್ಯುನು ವ್ಹೈ.

ಮಾರ್ಕ 3:5

ತೆಳಾಮಾ ತ್ಯುನಾ ಮನಸೊ ದಗಡಾ ಥಯಲ ದೆಕಿನ ಯೆಸು ದುಖಿ ಥಯೊ ವರಿ ತೆ ಶಿಟ್ಟಥೈನ ಸುತ್ತೆ ತ್ಯುನೊನೆ ದೆಕಿನ ಹತ್ತ ಕುಕ್ಹಾಯಲ ಮನಕ್ಹನೆ ತಾರೊ ಹತ್ತ ಅಗೊ ಕರ ಕೈನ ಕದ್ಯೊ. ತೆ ಹತ್ತ ಅಗೊ ಕರ‍್ಯೊ ಹತ್ತ ಅರಾಮ ಥಯು.

ಮಾರ್ಕ 8:33

ತೆಳಾಮಾ ಯೆಸು ಶಿಷ್ಯಾವೊನೆ ಪಾಚೊ಼ ಫರಿನ ದೆಕಿನ ಪೆತ್ರಾನೆ ಸೈತಾನ. ಮಾರಾ ಕ್ಹಾಮೊ ಹುಬ್ರೌ ನಕೊ. ಜಾ಼. ತಾರಿ ವಿಚಾರ ವ್ಹೈ ಕ್ಹುದಾಕಂತು ಆಯಲ ವಿಚಾರ ನ್ಹವೈ ಕೈನ ಗದರಶೊ.

ಯೊಹಾನ 3:3

ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ನವೊ ಥೈನ ಹುಟ್ಟುಜ. ಯಕ್ಲೊ ನವೊ ಥೈನ ನೈ ಹುಟ್ಯೊಮ ತೆ ಕ್ಹುದಾನಿ ರಾಜ್ಯ ನೈ ದೆಕತೊ "ಕೈನ ಉತ್ತರ ದಿದ್ಯೊ.

ಯೊಹಾನ 3:5

ತಿನೆ ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ಪಾನಿಕ್ಹು ಆತ್ಮಾಕ್ಹು ಹುಟ್ಟುಜ. ನೈತೊ ತೆ ಕ್ಹುದಾನಿ ರಾಜ್ಯನೆ ನೈ ಜಾತೊ.

ಅಪೊಸ್ತಲೊ 2:39

ತೆ ವಾಗ್ದಾನ ತುಮೊನೆ ತುಮಾರಾ ಬಚ್ಚಾವೊನೆ ದುರ ರ‍್ಹಯಲ ಮನಕ್ಹೊನೆಬಿ ದಿದಲ ಛೆ. ಅಪ್ನೊ ಕ್ಹುದಾ ಥಯಲ ಪ್ರಭು ತಿಕನ ಬಲಾವಾನಾ ಹರ ಯಕ್ಲಾನೆ ಎ ವಾಗ್ದಾನ ದಿದ್ಯೊಸ" ಕೈನ ಕದ್ಯೊ.

ಅಪೊಸ್ತಲೊ 3:25

ತೆ ಪ್ರವಾದಿಯೊ ಕದಲ ಸಂಗತಿಯೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರಾ ಪಿತೃವೊನಾ ಕ್ಹಾತೆ ಬೊಲಲ ವಾತೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರೊ ಪಿತೃ ಥಯಲ ಅಬ್ರಹಾಮನೆ, ‘ತಾರಿ ಸಂತತಿಕ್ಹು ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊ ಆಶಿರ್ವಾದ ವ್ಹಂದಿಲಿವಸ’ ಕೈನ ಕದ್ಯೊ.

ರೊಮಾಪೂರ 11:16

ರೊಕ್ಲಾನು ಪಸ್ಟಲ್ಯೊ ತುಕ್ಡೊ ಕ್ಹುದಾನೆ ಚ಼ಡಾಯಲ ಟೈಮ್ಮಾ, ಪುರಾ ರೊಕ್ಲೊಜ಼ ಕ್ಹುದಾನೊ ಥಯೊ. ಝಾಡನಾ ಬೆರಜ಼ ಕ್ಹುದಾನೆ ದಿದ್ಯಾಮ ಪುರಾ ಝಾಡಜ಼ ಕ್ಹುದಾನು ಥಯು.

ರೊಮಾಪೂರ 11:28

ಯಹುದ್ಯೊ ಸುವಾರ್ತೆ ಒಪ್ಪಿಲಿದ್ಯಾ ನೈ. ತಿನಾಹುತಿ ತ್ಯುನೆ ಕ್ಹುದಾನಾ ವಿರೊಧಿ ಥಯಾಸ. ಯಹುದಿ ನೈಸೊ ಮನಕ್ಹೊನೆ ಮದತ ಥೌಕೈನ ಎ ಥಯು. ತೆನೈಸೊ ಯಹುದ್ಯೊ ಹಜ಼ುನ ಕ್ಹುದಾತಿ ಇನಿಲಿದಲ ಮನಕ್ಹೊ ಥಯಾಸ. ತಿನಾಹುತಿ ತೆ ಪಿತೃವೊನಾ ಕ್ಹಾತೆ ಕರಲ ವಡಂಬಡಿಕೆನಾ ಮುಲಕ ತ್ಯುನೊನೆ ಮಯಾ ಕರಸ.

1 ಕೊರಿಂಥ 14:20

ಮಾರಾ ಭಾಯೊ ಭೆನೊ, ಬಚ಼್ಚಾವೊ ಲಿಂಗತ ವಿಚಾರ ಕರ‍್ಯಾವಾಚಿ ಮ್ಹೊಟಾವೊಲಿಂಗತ ವಿಚಾರ ಕರೊ. ಕೆಟ್ಟ ವಿಷಯಮಾ ನ್ಹಾನಾ ಬಚ಼್ಚಾ ಲಿಂಗತ ರ‍್ಹವೊ. ತೆನೈಸೊ ತುಮಾರಿ ವಿಚಾರೊಮಾ ಜಾಂಜಿಮಾನ ಲಿಂಗತ ರ‍್ಹವೊ.

1 ಕೊರಿಂಥ 7:14

ಕಾಕದ್ಯಾಮ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲಲ ಮಾಟಿ ತಿನಾ ಬೈಕೊಕ್ಹು ಕ್ಹುದಾನಾ ಮನಕ್ಹೊಮಾ ಸಂಬಂದ ಪಡಲವಾಲೊ ಥಯೊ. ತಿನಾನಿಂಗತಜ಼ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲಲ ಬೈಕೊ ತಿನಾ ಮಾಟಿಕ್ಹು ಕ್ಹುದಾನಾ ಮನಕ್ಹೊಮಾ ಸಂಬಂದ ಪಡಲವಾಲಿ ಥೈ. ತಿಮ್ಮ ನೈ ರ‍್ಹಯಾಮ ತಿನಾ ಬಚ್ಚಾ ಅಪವಿತ್ರ ಥಾತಾತಾ. ಹಮ್ನಾ ತುಬಿ ತ್ಯುನೆ ಕ್ಹುದಾನಾ ಮನಕ್ಹೊಮಾ ಮಳಲವಾಲಾ ಥಯಾಸ.

ಎಫೆಸ 4:26

ಶಿಟ್ಟ ಥಯಾತುಬಿ ಪಾಪ ಕರೊ ನಕೊ ವರಿ ದಿನ್ನ ಕ್ಹಾರಿ ಶಿಟ್ಟಮಾಜ಼ ರ‍್ಹವೊ ನಕೊ.

2 ತಿಮೊತಿ 1:5

ತಾರೊ ಕ್ಹರಿನೊ ಬರೊಕ್ಹೊ ಮನೆ ಶೆ ಛೆ. ತೆ ಬರೊಕ್ಹೊ ತಾರಿ ಬುಡಿ ಥಯಲ ಲೊವಿಯಾಮಾ ತಾರಿ ಮಾ ಥಯಲ ಯುನಿಕಮಾ ವ್ಹತ್ತೊ. ಹಮ್ನಾ ತೆಜ಼ ಬರೊಕ್ಹೊ ತಾರಾಮಾ ಛೆ ಕೈನ ಮನೆ ಗ್ವತ್ತ ಛೆ.

2 ತಿಮೊತಿ 3:15

ತು ಶೆ ಕರಿಲೆ ನ್ಹಾನ ಪಂತೊಜ಼ ತುನೆ ಪವಿತ್ರ ಗ್ರಂಥನಾ ಹುತಿ ಗ್ವತ್ತ ಛೆ. ತುನೆ ಗ್ಯಾನಿ ಕರಾನೆ ಎ ಪವಿತ್ರ ಗ್ರಂಥಜ಼ ಕಾರಣ ವ್ಹೈ. ಕ್ರಿಸ್ತ ಯೆಸುಮಾ ರ‍್ಹವಾನೊ ಬರಕ್ಹಾಕ್ಹು ಎ ಗ್ಯಾನ ರಕ್ಷಣೆಮಾ ಚ಼ಲಾವಸ.

1 ಪೆತ್ರಾ 2:2

ಹಮ್ನಾ ಹುಟ್ಟಲ ಬಚ್ಚಾ಼ವೊ ಲಿಂಗತ ರ‍್ಹವೊ. ತುಮಾರಿ ಆತ್ಮಾ ಜ಼ತ್ತನ ಕರಲ ಲಿಂಗತ ಶುದ್ಧ ದುದ್ದನೆ (ಕ್ಹುದಾನಿಯೊ ವಾತೊ) ಆಸ ಕರೊ. ತುಮೆ ತೆ ಪಿದ್ಯಾಮ ಬೆಳ್ದಿನ ರಕ್ಷಣೆ ವ್ಹಂದೊಶಿ

ಪ್ರಕಟನೆ 14:5

ಎ ಮನಕ್ಹೊ ಸುಳ್ಳ ಕವಾಲಾ ನ್ಹೊತಾ. ಇವ್ನೆ ದೊಶ ನೈಸೊವಾಲಾ ವ್ಹತ್ತಾ.