ಮತ್ತಾಯ 9:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ತೆನೈಸೊ ಮನಕ್ಹನಾ ದಿಕ್ರಾನೆ ಪಾಪ ಮಾಫ ಕರಾನೆ ಭುಲೊಕಮಾ ಅದಿಕಾರ ಛೆ ಕವಾನು ಮಿ ತುಮೊನೆ ಗ್ವತ್ತ ರ‍್ಹೌ” ಕದ್ಯೊ. ಪಾಚಲ್ತೊ ಯೆಸು ಲಕ್ವೊ ಮಾರಲ ರೊಗಿನೆ, ಉಟ್ಟ, ತಾರು ವಚ್ಚಾ಼ನೊ ಲಿನ ಘರೆ ಜಾ಼” ಕದ್ಯೊ.

ಮತ್ತಾಯ 9:6 ပူးပေါင်းရင်းမြစ်များ

ಮತ್ತಾಯ 4:24

ತಿನಿ ಸುದ್ದಿ ಸಿರಿಯಾ ದೆಶಮಾ ಫೈಲಿ ಗಯಲಕ್ಹು ಮನಕ್ಹೊ ಅರಾಮ ನೈ ರ‍್ಹಯಲ ವಾಲಾವೊನೆ ಕದ್ಯಾರೆ ತರಾ ತರಾನಾ ರೊಗೊಮಾ ರ‍್ಹೈನ ತ್ರಾಸ ಕ್ಹಾವಾವಾಲಾವೊನೆ ಬೆಹೊಶ ಥೈ ಜಾ಼ವಾನಾವಾಲಾವೊನೆ ಪಾರ್ಶಿಮಾರಾಲವಾಲಾವೊನೆ ತಿಕನ ಲಾಯಾ. ತೆ ತ್ಯುನೊನೆ ಅರಾಮ ಕರ‍್ಯೊ.

ಮತ್ತಾಯ 8:20

ಯೆಸು ತಿನೆ, ನರಿಯೊನೆ ಗುಹೆ ಛೆ, ಪಕ್ಷಿಯೊನೆ ಗುಡೊ ಛೆ. ತೆನೈಸೊ ಮನಕ್ಹನಾ ದಿಕ್ರಾನೆ ಮಾತು ಮ್ಹೆಲಾಯಕ್ಲಿ ಜ಼ಗಾ ನತ್ತಿ” ಕದ್ಯೊ.

ಮತ್ತಾಯ 9:2

ತೆಳಾಮಾ ದಕ್ಹಾ ಜ಼ನಾ ಯಕ್ಕ ಲಕ್ವೊ ಮಾರಲ ರೊಗಿನೆ ಯೆಸು ಕನ ಲಾಯಾ ತೆ ತಿನಾ ವಚ್ಚಾನಾಪರ ಕ್ಹುರಯೊತೊ. ಯೆಸು ಎ ಮನಕ್ಹೊಮಾ ರ‍್ಹಯಲ ಮ್ಹೊಟ್ಟೊ ಭರೊಕ್ಹೊ ದೆಕಿನ ಲಕ್ವೊ ಮಾರ ರೊಗಿನೆ, ಎ ಜಾಂಜಿಮಾನ ಪಟ್ಟಾ, ಕ್ಹುಶಿ ಥಾ. ತಾರಾ ಪಾಪೊ ಮಾಫ ಥಯಾಸ” ಕೈನ ಕದ್ಯೊ.

ಮತ್ತಾಯ 9:5

ಕಯು ಆಸಾನ ವ್ಹೈ? ಎ ಲಕ್ವೊ ಮಾರಲ ರೊಗಿನೆ, ‘ತಾರಾ ಪಾಪೊ ಮಾಫ ಥಯಾಸ’ ಕೈನ ಕವಾನು ಸು ತೆನೈಸೊ ‘ಉಪ್ಪರ ಉಟ್ಟ ಚಾ಼ಲ’ ಕೈನ ಕವಾನು ಸು?

ಮತ್ತಾಯ 9:7

ತೆಳಾಮಾ ತೆ ಉಟಿನ ಘರೆ ಗಯೊ.

ಮಾರ್ಕ 2:10

ವರಿಬಿ ಪಾಪ ಮಾಫಕರಾನೆ ಮನಕ್ಹನಾ ದಿಕ್ರಾನೆ ಭ್ಹುಲೊಕಮಾ (ದುನಿಯಾಮಾ) ಅದಿಕಾರ ಛೆ ಕವಾನು ತಿಳದಿಲಿವೊ ಕದ್ಯೊ. ಲಕ್ವೊ ಮಾರಲವಾಲಾನೆ ದೆಕಿನ.

ಮಾರ್ಕ 2:7

ಆ ಇಮ್ಮ ಕಾ ಬೊಲಾಡೊಸ? ಎ ಕ್ಹುದಾನಾ ವಿರುದ್ದ ವ್ಹೈ. ಕ್ಹುದಾನೆ ಯಕ್ಲಾನೆಜ಼ ಛೊಡಿನ ಬಿಜು಼ ಕುನ್ನ ವ್ಹೈ ಪಾಪ ಮಾಫ ಕರಸ? ಕೈನ ತ್ಯುನಾ-ತ್ಯುನಾ ಮನಸ್ಮಾ ಕೈಲಿದ್ಯಾ.

ಲುಕ ಬರ್ದಲ ಸುವಾರ್ತಾ 5:21

ತ್ಯಾ ರ‍್ಹಯಲವಾಲಾ ಶಾಸ್ತ್ರಿಯೊ ಫರಿಸಾಯರೊ. ತೆ ಐಕಿನ "ಎ ಕ್ಹುದಾನಾ ವಿರುದ್ದ ಬೊಲಾಲೊ ಕುನ್ನ ವ್ಹೈ? ಕ್ಹುದಾನೆ ಯಕ್ಲಾನೆಜ಼ ಪಾಪ ಮಾಫ ಕರಾನೆ ಥಾವಸ "ಕೈನ ತ್ಯುನೊ ತ್ಯುನೊಮಾಜ಼ ವಿಚಾರ ಕರಲಿವಾಡ್ಯಾತಾ.

ಯೊಹಾನ 10:28

ಮಾರಾ ಬಕ್ರಾವೊನೆ ಮಿ ಹಮೆಶಾನೊ ಜ಼ಲಮ ದಿವ್ಸ. ತ್ಯುನೆ ಕೆಳಾಮಾಬಿ ಮರ್ತಾ ನೈ, ವರಿ ತ್ಯುನೊನೆ ಕುನ್ನಜ ಮಕಂತಾ ಉದಾಳಿನ ದುರ ಕರಾನೆ ಥಾತು ನೈ.

ಯೊಹಾನ 17:2

ಕಾ ದ್ಯಾಮ ಕ್ಹಾರಾ ಮನಕ್ಹೊ ಪರ ತು ತಿನೆ ಅದಿಕಾರ ದಿದ್ಯೊಸ. ಅಮ್ಮ ತೆ ತು ತಿನೆ ದಿದಲ ಕ್ಹಾರಾವೊನೆ ಹಮೆಶಾನೊ ಜ಼ಲಮ ದಿವಾದೆ.

ಯೊಹಾನ 5:27

ವರಿ ಕ್ಹಾರಾ ಮನಕ್ಹೊನೊ ಫೈಸಲೊ ಕರಾನು ಅದಿಕಾರ ಬಾ ದಿಕ್ರಾನೆ ಬಿ ದಿದ್ಯೊಸ. ಕಾಕದ್ಯಾಮ ತೆ ದಿಕ್ರೊ ಮನಕ್ಹೊನೆ ದಿಕ್ರೊ ಥಯೊಸ.

ಯೊಹಾನ 5:8

ತೆಳಾಮಾ ಯೆಸು"ಉಟಿನ ಹುಬ್ರೆ! ತಾರು ವಚ್ಚಾ಼ನು ಉಚೈನ ಲಿನ ಜಾ಼" ಕೈನ ಕದ್ಯೊ.

ಅಪೊಸ್ತಲೊ 5:31

ಕ್ಹುದಾ ತಿನೆ ಇಸ್ರಾಯೆಲ ಮನಕ್ಹೊನೆ ಪಾಪ ಮಾಫ ಕರಾನಾಹುತಿ ತಿನೆ ಪ್ರಭು ಥೈನ, ರಕ್ಷಕ ಥೈನ ತಿನಾ ಶಿದಾ ಹತ್ತ ಬಗಲ ಉನ್ನತ ಸ್ಥಾನಪರ ಉಟಾಡ್ಯೊ.

ಅಪೊಸ್ತಲೊ 9:34

ಪೆತ್ರಾ ತಿನೆ ಐನೆಯಾ ಯೆಸು ಕ್ರಿಸ್ತ ತುನೆ ಅರಾಮ ಕರಸ ತು ಉಟಿನ ತಾರು ವಚ್ಚಾ಼ನು ತುಜ಼಼ ಮಡಚ಼ ಕೈನ ಕದ್ಯೊ. ತೆಳಾಮಾಜ಼ ತೆ ಉಟ್ಯೊ.

2 ಕೊರಿಂಥ 2:10

ತುಮೆ ಕಿನೆ ಮಾಫ ಕರೊಶಿ ನೈ ತಿನೆ ಮಿಬಿ ಮಾಫ ಕರುಸ. ತುಮಾರಾ ಹುತಿಜ಼ ತಿನೆ ಕ್ರಿಸ್ತನಾ ಸನ್ನಿದಾನಮಾ ಮಾಫ ಕರ‍್ಯೊಸ.

2 ಕೊರಿಂಥ 5:20

ತಿನಾಹುತಿ ಕ್ರಿಸ್ತನಾ ಬಗಲ್ತಾ ಬೊಲಾನಾಹುತಿ ಮೊಕ್ಲಲ ಛೆ. ಎ ಕ್ಹುದಾ ಎ ಕ್ಹಾರು ಅಪ್ನಾ ಬಗಲ್ತೊ ಮನಕ್ಹೊನೆ ಬಲಾವಾನು ವ್ಹೈ.ಕ್ಹುದಾನಾ ಕ್ಹಾತೆ ತುಮೆ ಸಮಾಧಾನಮಾ ರ‍್ಹವೊ ಕೈನ ತೊಮೊಕನ ಮಾಂಗಿಲೆತಾಮಾ ಕ್ರಿಸ್ತನಾ ಬಗಲ್ತಾ ಬೊಲಾಲಾ ಥಯಾಸ.

ಎಫೆಸ 4:32

ಯಕ್ಕನೆ ಯಕ್ಕ ಮರಗಾ ದೆಕಾಡೊ. ಯಕ್ಕನೆ ಯಕ್ಕ ಮಯಾ ಕರೊ. ಕ್ಹುದಾ ಕ್ರಿಸ್ತಮಾ ತುಮೊನೆ ಮಾಪ ಕರಲ ಲಿಂಗತ ತುಮೆ ಯಕ್ಕನೆ ಯಕ್ಕ ಮಾಫ ಕರೊ.

ಕೊಲೆಸ್ಸೆ 3:13

ಯಕ್ಲಾನೆ ಯಕ್ಲೊ ಖಮಾಳಿನ ಗೈನ, ಬಿಜಾ಼ಯಕ್ಲಾಪರ ತಪ್ಪ ಘಾಲಾನಾಹುತಿ ಕಾರಣ್ ತುಮೊನೆ ಮಳ್ಯುತಬಿ, ತ್ಯುನೊಪರ ತಪ್ಪಘಾಲ್ಯಾವಾಚಿ ಮಾಫ ಕರೊ,ಕರ್ತಾ ತುಮೊನೆ ಮಾಫ ಕರೆಲಲಿಂಗತ ತುಮೆಬಿ ಮಾಫ ಕರೊ.