ಮತ್ತಾಯ 8:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಯೆಸು ತಿನೆ, ಎ ಕಿಮ್ಮ ಥಯು ಕೈನ ಕಿನೆ ಕೌ ನಕೊ. ಹಮ್ನಾ ತು ಗೈನ ಯಾಜಕನೆ ತಾರು ಅಂಗ ದೆಕಾಡ. ಅರಾಮ ಥಯಲವಾಲಾ ಮೊಶೆನಿ ಆಗನ್ಯಾ ಲಿಂಗತ ದಿವಾನಿ ಕಾಣಿಕ ದೆ. ತು ಅರಾಮ ಥಯಲನೆ ತೆ ಸಾಕ್ಷಿ ಥೈನ ರ‍್ಹವಾದೆ" ಕೈನ ಕದ್ಯೊ.

ಮತ್ತಾಯ 8:4 ပူးပေါင်းရင်းမြစ်များ

ಮತ್ತಾಯ 10:18

ತುಮೊನೆ ಅದಿಕಾರಿಯೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಬಲೈಲಿನ ಜಾ಼ವಸ. ಮಾರಾ ಹುತಿ ಮನಕ್ಹೊ ತುಮೊನೆ ಇಮ್ಮ ಕರಸ. ತೆನೈಸೊ ತುಮೆ ತೆ ರಾಜಾ಼ವೊನೆಬಿ ಅದಿಕಾರಿಯೊನೆಬಿ ಯಹುದಿಯೊ ತೆ ಮನಕ್ಹೊನೆ ಮಾರಾ ವಿಶಯಮಾ ಕವೊಶಿ.

ಮತ್ತಾಯ 16:20

ತೆಳಾಮಾ ಯೆಸು , ಮಿ ಕ್ರಿಸ್ತ ಥಯೊಸ ಕವಾನು ಕಿನೆಜ಼ ಕವೊ ನಕೊ ಕೈನ ತಿನಾ ಶಿಶ್ಯಾವೊನೆ ಆಗನ್ಯಾ ದಿದ್ಯೊ.

ಮತ್ತಾಯ 17:9

ತ್ಯುನೆ ತೆ ಡೊಂಗರ ಉತ್ರಿನ ಆತಾಮಾ ಯೆಸು ತ್ಯುನೊನೆ, ಆಂ ದರ್ಶನನಾಹುತಿ ಮನಕ್ಹನೊ ದಿಕ್ರೊ ಮರಿನ ಜಿವ್ತೊ ಥಯೆ ಲಕ್ಕಾ ಕಿನೆಜ಼ ಕೌ ನೈ ಕೈನ ಆಗನ್ಯಾ ದಿದ್ಯೊ.

ಮತ್ತಾಯ 3:15

ಯೆಸು "ಹಮ್ನಾ ತು ಇನಿ ಒಪ್ಪಿಲೆ ಅಪೆ ಕಾಮೊ ಕರಾನು ಶೆ" ಕದ್ಯೊ. ತೆಳಾಮಾ ಯೊಹಾನ ಯೆಸುನೆ ಬಾಪ್ತಿಸ್ಮಾ ದಿವಾನೆ ಒಪ್ಪಿಲಿದ್ಯೊ.

ಮತ್ತಾಯ 5:17

ಮಿ ಮೊಶೆನು ಧರಮಶಾಸ್ತ್ರ ರ‍್ಹವಾದೆ ಪ್ರವಾದಿಯೊನಾ ಉಪದೆಶೊ ರ‍್ಹವಾದೆಕಾಡಿಪಡಾನೆ ಆಯೊಸ ಕೈನ ತಿಳ್ದಲಿವೊ ನಕೊ. ಮಿ ತೆ ಕ್ಹಾರಾವೊನೆ ನಾಶ ಕರಾನೆ ನೈ ತೆ ಕ್ಹಾರು ಪುರಾ ಕರಾನೆ ಅಯೊಸ.

ಮತ್ತಾಯ 6:1

ಹುಶಾರ ರ‍್ಹವೊ ತುಮೆ ಚೊ಼ಕಾ ಕಾಮೊ ಮನಕ್ಹೊನಾ ಕ್ಹಾಮಾ ಕರೊ ನಕೊ. ಮನಕ್ಹೊ ದೆಕು ಕೈನ ತುಮೆ ತೆಕ್ಹಾರು ಕರ‍್ಯಾಮ ಸ್ವರ್ಗಮಾ ರ‍್ಹಯಲ ತುಮಾರಾ ಬಾಕ್ಹು ತುಮೊನೆ ಪ್ರತಿಫಲ ನೈ ಮಳ್ತು.

ಮತ್ತಾಯ 9:30

ತೆಳಾಮಾಜ಼ ತ್ಯುನೊನೆ ಡೊಳಾ ಆಯಾ. ಎ ವಿಶಯ ಕಿಜೆಜ಼ ಕೌ ನೈ” ಕೈನ ಯೆಸು ತ್ಯುನೆನೊ ಹುಶಾರಕಿ ದಿದ್ಯೊ.

ಮಾರ್ಕ 13:9

ವರಿ ತುಮಾರಾ ಹುತಿ ತುಮೆ ದೆಕಿಲಿವೊ. ತುಮೊನೆ ಧರಿನ ತುಮೊನೆ ಸಭಾಮಂದಿರಮಾ ಯಳ್ದಿನ ಲಿನಜಾ಼ವಸ ತುಮೊನೆ ಮಾರಸ ಮಾರಾಹುತಿ ತುಮೊನೆ ಮ್ಹೊಟಾ ಮನಕ್ಹೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಸಾಕ್ಷಿನಾಹುತಿ ಹುಬ್ರಾಡಸ ಇಮ್ಮ ತ್ಯುನೊನೆ ಸುವಾರ್ತೆ ಸಾಕ್ಷಿ ಥಾವಸ

ಮಾರ್ಕ 3:12

ವರಿ ತಿಮ್ಮ ರ‍್ಹಯುತಬಿ ಕೆಟ್ಟ ಆತ್ಮಾವೊನೆ ಮಿ ಹವೊಜ಼ ವ್ಹೈ ಕೈನ ಕಿನೆಜ಼಼ ಕೌ ನೈ ಕೈನ ತಾಕಿತ ಕರಿನ ಕವಾಡೊತೊ.

ಮಾರ್ಕ 5:43

ತೆಳಾಮಾಜ಼ ಯೆಸು ತ್ಯುನೊನೆ ಆ ಕಿನೆಜ಼಼ ಗೊತ್ತಥೌನೈ ಕೈನ ತಾಕಿತ ಕವಾಡ್ಯೊಸ ಕದ್ಯೊ. ತೆ ಛೊಕ್ರಿನೆ ಖಾವಾನೆ ದಿವೊ ಕದ್ಯೊ.

ಮಾರ್ಕ 6:11

ತುಮೆ ಯಕ್ಕ ಗಾಮ್ಮಾ ಆತಾಮಾ ತ್ಯಾ ತುಮೊನೆ ಮನಕ್ಹೊ ಒಪ್ಪಿನೈಲಿದ್ಯಾಮ ಎನೈಸೊ ಮನಕ್ಹೊ ತುಮಾರಿಯೊ ವಾತೊ ನೈ ಐಕ್ಯಾಮ ತುಮಾರಾ ಪಗೊನು ಧುಳ್ಳ ತ್ಯಾಜ಼ ಝಾಡಿಸಿಲಿವೊ ತೆ ತ್ಯುನೊನೆ ಯಕ್ಕ ಸಾಕ್ಷಿ ಥೈನ ರ‍್ಹವಾದೆ.

ಮಾರ್ಕ 7:36

ತೆಳಾಮಾ ಯೆಸು ಕಿನೆಜ಼಼ ಎ ತಿಳಸುನಕೊ ಕೈನ ತಾಕಿತ ಕರ‍್ಯೊ ವರಿ ಕೆಕ್ಲೊ ಕದ್ಯೊತಬಿ ವರಿ ಘನ್ನಾ ಮನಕ್ಹೊಕನ ಕದ್ಯೊ.

ಮಾರ್ಕ 8:30

ತೆ ವಾತೆ ಯೆಸು ಮಾರಾ ಹುತಿ ಕಿನೆಜ಼಼ ಕೌ ನಕೊ ಕದ್ಯೊ.

ಮಾರ್ಕ 9:9

ತ್ಯುನೆ ತೆ ಡೊಂಗರಪರತಾ. ಉತ್ರಿನ ಆತಾಮಾ ಯೆಸು ತ್ಯುನೊನೆ - ತುಮೆ ಎ ದೆಕಲ ಮನಕ್ಹನೊ ದಿಕ್ರೊ ಮರಿನ ಜುತೊ ಥೈನ ಉಟಿನ ಆಯೆಲಕ್ಕಾ ಕಿನೆಜ಼಼ ಕವೊನಕೊ ಕದ್ಯೊ.

ಲುಕ ಬರ್ದಲ ಸುವಾರ್ತಾ 17:14

ಯೆಸು ತ್ಯುನೊನೆ ದೆಕಿನ"ಜಾ಼ವೊ ತುಮಾರು ಅಂಗ ಯಾಜೊ಼ಕೊನೆ ದೆಕಾಡೊ ಕೈನ "ತ್ಯುನೊನೆ ಕದ್ಯೊ. ತ್ಯುನೆ ಯಾಜಕೊನೆ ತ್ಯುನು ಅಂಗ ದೆಕಾಡಾನೆ ಜಾ಼ತಾಮಾಜ಼ ತ್ಯುನೊ ಕುಷ್ಟರೊಗ ರ‍್ಹಯಲ ಗೈಪಡ್ಯುತು.

ಲುಕ ಬರ್ದಲ ಸುವಾರ್ತಾ 21:13

ಇನಾಹುತಿ ತುಮಾರಾ ಬರೊಕ್ಹಾನಾ ಹುತಿ ಸಾಕ್ಷಿ ಕವಾನೆ ಚೊ಼ಕೊ ಟೈಮ ವ್ಹೈ.

ಲುಕ ಬರ್ದಲ ಸುವಾರ್ತಾ 4:41

ಘನ್ನಾ ಮನಕ್ಹೊನಾ ಅಂಗಮಾತಾ ಕೆಟ್ಟ ಆತ್ಮಾ ತು ಕ್ಹುದಾನೊ ದಿಕ್ರೊ ವ್ಹೈ ಕೈನ ಜೊ಼ರ ವದ್ರಿನ ತ್ಯುನಾ ಅಂಗಮಾತಾ ಭಾರಾ ಆಯಾ ಯೆಸು ತ್ಯುನೊನೆ ಬೊಲೊ ನಕೊ ಕೈನ ಕದ್ಯೊ. ಕಾಕದ್ಯಾಮ ತೆ ಕೆಟ್ಟ ಆತ್ಮಾವೊನೆ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಗೊತ್ತ ವ್ಹತ್ತು.

ಲುಕ ಬರ್ದಲ ಸುವಾರ್ತಾ 5:14

ಯೆಸು ತಿನೆ, ಎ ಕ್ಹಾರು ತಾರಾ ಖಾಮು ಥಯಲ ಅದ್ಭುತ ಕಿಕನಜ಼ ಕೌ ನಕೊ, ತೆನೈಸೊ ತು ಗೈನ ಸಾಕ್ಷಿ ಥಾವಾನಾ ಹುತಿ ಯಾಜಕನೆ ತಾರು ಅಂಗ ದೆಕಾಡಿನ ಮೊಶೆ ನಿಯಮ ಕರಲ ಶುದ್ಧವಿಚಾರೊ ಪುರಾಕರ ಕೈನ"ಅಪ್ಪಣೆ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 8:56

ಛೊಕ್ರಿನಾ ಮಾ ಬಾಪ ಘಾಬ್ರಾ ಥಯಾ. ಎ ಥಯಲ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ತ್ಯುನೊನೆ ಅಪ್ಪಣೆ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 9:21

ಎ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ಶಿಷ್ಯಾವೊನೆ ಅಪ್ಪಣೆ ಕರ‍್ಯೊ.

ಯೊಹಾನ 5:41

ಮನಕ್ಹತಿ ಆವಾನಿ ಹೊಗಳಿಕೆ ಮನೆ ನಕೊ.

ಯೊಹಾನ 7:18

ಕುನ್ನ ತಿನಾ ಸ್ವಂತ ಅದಿಕಾರಕ್ಹು ಬೊಲಸ ತಿನಾಕ್ಹು ತಿನೆ ಮಹಿಮಾ ಕರ್ಲಿವಸ. ತೆ ನಯಸೊ ಕುನ್ನ ತಿನೆ ಮೊಕ್ಲುಸ ತಿನಿ ಮಹಿಮಾ ಕರಾನೆ ಆಸ ಕರಸ. ತೆ ಕ್ಹರಿನೊ ವ್ಹೈ ವರಿ ತಿನಾಮಾ ಕಯುಜ಼ ತರಾನು ಸುಳ್ಳ ನತ್ತಿ. ತಿ

ಯೊಹಾನ 8:50

ಮನೆ ಮರ್ಯಾದಿ ಮಳು ಕೈನ ಮಿ ಕೊಶಿಶ ಕರಾಡ್ಯೊ ನತ್ತಿ. ಮನೆ ಮರ್ಯಾದಿ ಮಳು ಕೈನ ಕವಾಲೊ ಬಿಜೆಕ್ಲೊ ಛೆ. ತೆಜ಼ ನ್ಯಾಯಾದಿಪತಿ ವ್ಹೈ.