ಮತ್ತಾಯ 7:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತ್ರಾಸನಾ (ಇಕ್ಕಟ್ಟನಾ) ಬಾಕಲಕ್ಹು ಪರಲೊಕ ರಾಜ್ಯಮಾ ಪ್ರವೆಶ ಕರೊ. ನರಕನೆ ಜಾ಼ವಾನಿ ವಾಟ ಮ್ಹೊಟಿ ವ್ಹೈ, ಬಾಕಲ ಘನ್ನು ಮ್ಹೊಟು ಶೆ. ಘನ್ನಾ ಜ಼ನಾ ತೆ ಬಾಕಲಮಾ ಜಾ಼ವಸ.

ಮತ್ತಾಯ 7:13 ပူးပေါင်းရင်းမြစ်များ

ಮತ್ತಾಯ 23:13

ಅಯ್ಯೊ ಕಪಟಿಯೊ ಶಾಸ್ತ್ರಯೊ, ಫರಿಸಾಯರೊ, ಪರಲೊಕ ರಾಜ್ಯ ನು ಬಾಕಲ ಮನಕ್ಹೊನಾ ಕ್ಹಾಮಾ ಝಾಕಿಪಾಡೊಸಿತುಮೆತೊ ಮ್ಹೈ ನೈ ಜಾ಼ತಾ. ಮ್ಹೈ ಜಾ಼ವಾಲಾವೊನೆಬಿ ಜಾ಼ವಾನೆ ದೆತಾ ನೈ.

ಮತ್ತಾಯ 25:41

ಪಾಚಾ಼ತೊ ಡಾವಾಬಗಲ ರ‍್ಹಯಲವಾಲಾವೊನೆ, ಶ್ರಾಪ ಹೊಂದಲವಾಲಾ ಮನೆ ಛೊಡಿನ ಪಿಶಾಚಿನೆ ತಿನಾ ದುತೊನೆ ತಯ್ಯಾರ ಕರಲ ಹಮೆಶಾನಿ ಆಗ್ಮಾ ಜಾ಼ವೊ.

ಮತ್ತಾಯ 25:46

ವರಿ ಅನಿತಿವಂತವಾಲಾ ರ‍್ಹಯಲ ಇವ್ನೆ ಹಮೆಶಾನಿ ದಂಡನೆಮಾ ಜಾ಼ವಸ ತೆನೈಸೊ ನಿತಿವಂತವಾಲಾ ಹಮೆಶಾನೊ ಜ಼ಲಮಾ ರ‍್ಹಯಲ ಜ಼ಗಾ ಜಾ಼ವಸ ಕೈನ ಕದ್ಯೊ.

ಮತ್ತಾಯ 3:2

ಸ್ವರ್ಗನೊ ರಾಜ್ಯ ನಜಿಕ ಆಯೊಸ. ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡ್ದಿನ ಕ್ಹುದಾಕನ ಫರೊ” ಕೈನ ತೆ ಬೊದನೆ ಕರ‍್ಯೊ.

ಮತ್ತಾಯ 3:8

ತುಮಾರು ಮನಸ ಕ್ಹರಿಮಾಜ಼ ಕ್ಹುದಾ ಬಗಲ ಛೆ ಕೈನ ಕವಾನು ತುಮೆ ಕರಾನಾ ಕಾಮೊಕ್ಹು ದೆಕಾಡೊ.

ಮತ್ತಾಯ 7:14

ತೆನೈಸೊ ನಿತ್ಯಜಿವನೆ ರ‍್ಹಯಲ ಬಾಕಲ ಘನ್ನು ನ್ಹಾನು ಛೆ, ವಾಟ ಕಷ್ಟನಿ ಛೆ. ದಕ್ಹಾಜ಼ ಜ಼ನಾ ತೆ ವಾಟನೆ ಇನಿಲಿವಸ.

ಲುಕ ಬರ್ದಲ ಸುವಾರ್ತಾ 14:33

ತಿನಾ ಲಿಂಗತಜ಼ ತುಮೆ ವಿಚಾರ ಕರು. ತುಮೆ ಮಾರಾ ಪಾಚಾ಼ ಔಸ ಕದ್ಯಾಮ ತುಮೊಮಾ ರ‍್ಹಯಲ ಮಾರಾ ಶಿಷ್ಯಾ ಥಾವಾನೆ ಸಾದ್ಯ ನತ್ತಿ!

ಲುಕ ಬರ್ದಲ ಸುವಾರ್ತಾ 9:33

ತೆ ಬೆ ಜ಼ನಾ ಯೆಸುನೆ ಚೊ಼ಡಿನ ಜಾ಼ತಾಮಾ ಪೆತ್ರಾ ಯೆಸುನೆ ಗುರು ಅಪೆ ನ್ಹ್ಯಾಜ಼ ರ‍್ಹವಾನು ಚೊ಼ಕು ವ್ಹೈ ನ್ಹ್ಯಾಜ಼ ಅಪೆ ತನ ಝುಪ್ಡಾ ಭಾಂದಿಯೆ ತುನೆ ಯಕ್ಕ ಮೊಶೆನೆ ಯಕ್ಕ ಎಲಿಯಾನೆ ಯಕ್ಕ ತುನೆ ಕದ್ಯೊ. ಪೆತ್ರಾ ಸು ಕವಾಡ್ಯೊಸ ತಿನೆಜ಼ ಗೊತ್ತ ನ್ಹೊತು.

ಯೊಹಾನ 10:9

ಮಿಜ಼ ಬಾಕಲ ವ್ಹೈ. ಕುನ್ನ ಮಾರಾ ಮುಲಕ ಮ್ಹೈ ಜಾ಼ವಸ ತೆ ಬಿಡುಗಡೆ ವ್ಹಂದಿಲಿವಸ. ತೆ ಮ್ಹೈ ಆ ಸಕಸ. ಭಾರೊಬಿ ಜಾ಼ ಸಕಸ ವರಿ ತಿನೆ ಚಾರೊ ಮಳಸ.

ಯೊಹಾನ 14:6

ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ರೊಮಾಪೂರ 9:22

ಕ್ಹುದಾ ಕರಲಬಿ ಅಮ್ಮಜ಼ ವ್ಹೈ. ತೆ ತಿನಿ ಶಿಟ್ಟ ದೆಕಾಡಿನ, ತಿನಿ ತಾಕತ ಮನಕ್ಹೊನೆ ದೆಕ್ಕಲಾಡಿನ ದ್ಯು ಕೈನ ವ್ಹತ್ತೊ. ವರಿಬಿ ತೆ ತಿನಿ ಶಿಟ್ಟನೆ ಗುರಿ ಥೈನ ಹಾಳ ಥಾವಾನಾ ಮನಕ್ಹೊನೆ ಘನ್ನಿ ಸಮಾದಾನಕ್ಹು ತಡ್ದಿಲಿದ್ಯೊ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

2 ಕೊರಿಂಥ 6:17

ಕಿಮ ಮನಕ್ಹೊ ಕ್ಹುದಾನಿ ವಾಕ್ಯ ಬಿಜಾ಼ ಮಳೈ ವ್ಯಾಪಾರ ಕರಸ. ಅಪೆ ತೆ ನ್ಹ ಹೊಲಸ ರ‍್ಹಯಲ ಮುಟ್ಟ ನಕೊ ಕೈನ ರ‍್ಹಯಲ ಪ್ರಭು ಕವಸ.

ಗಲಾತ್ಯ 5:24

ಕ್ರಿಸ್ತ ಯೆಸುನಾ ಮನಕ್ಹೊ ತ್ಯುನು ಅಂಗನು ಆಸನೆ ಶಿಲುವಿಪರ ಚ಼ಡಾಯಾಸ. ತ್ಯುನೆ ತ್ಯುನಾ ಪೈಲಾನಿ ಸ್ವಾರ್ಥನಿಯೊ ಆಸೊ ವರಿ ತ್ಯುನೆ ಕರು ಕೈನ ಕೈಲಿದಲ ಕೆಟ್ಟಕಾಮೊ ಛೊಡಿನೆ ದಿದಲವಾಲಾ ಥಯಾಸ.

ಫಿಲಿಪ್ಪಿ 3:19

ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ.

1 ಯೊಹಾನ 5:19

ಕ್ಹಾರಿ ದುನಿಯಾಮ್ಮಾ ಕೆಟನಾ ವಿಷಮಾ ರ‍್ಹೈತಬಿ ಅಪೆ ಕ್ಹುದಾನೆ ಸಂಬಂಧಪಟ್ಟೆಲ ವಾಲಾ ಛೆ ಕೈನ ಅಪನೊನೆ ಗೊತ್ತ ಛೆ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 20:15

ಜಿವ ಭಾದ್ಯ ಪುಸ್ತಕ್ಕಮಾ ಕಿನೊ ನಾಮ ಬರ್ದಲ ನತ್ತಿ ತೆ ಮನಕ್ಹನೆ ತೆ ಆಗನಿ ಇರಮಾ ನಾಕಾಲಗಡಸ.

ಪ್ರಕಟನೆ 20:3

ತೆ ದೆವದುತ ತೆ ಮ್ಹೊಟಾ ಕ್ಹಾಪನೆ ಪಾತಾಳಮಾ ಢಕ್ಕಲಿನ ಬಾಕಲ ಘಾಲಿನ ಚಾವಿ ಘಾಲ್ಯೊ, ತೆ ಮ್ಹೊಟೊ ಕ್ಹಾಪ ಹಜಾ಼ರ ವರಕ್ಹ ಥಾಯೆಲಕ್ಕಾ ದುನಿಯಾಮಾ ರ‍್ಹಯಲ ಮನಕ್ಹೊನೆ ಮಳ್ಳ ಕರಲ ಹುತಿ ತೆ ದೆವದುತ ಇಮ್ಮ ಕರ‍್ಯೊ. ಯಕ್ಕ ಹಜಾ಼ರ ವರಕ್ಹ ಥಯಲ್ಪರ ತೆ ಮ್ಹೊಟಾ ಕ್ಹಾಪನೆ ದಕ್ಹಾದಿನ್ನ ಬಿಡುಗಡೆ ಕರಸ.