ಮತ್ತಾಯ 6:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತುಮೆ ಗರಿಬ ಮನಕ್ಹೊನೆ ಕರಾನು ದಾನನಾಹುತಿ ದೆಕಾಡಿನ ದಿವೊ ನಕೊ. ತುಮೆ ಕಪಟಿಯೊ ಲಿಂಗತ ಕರು ನೈ. ತ್ಯುನೆ ಕರಾನಾ ದಾನನೆ ಮನಕ್ಹೊನೆ ದೆಕಾಡಿನ ದಿವಾನಾಹುತಿ ಕಪಟಿಯೊ ಸಭಾ ಮಂದಿರೊಮಾ ವರಿ ಒಣಿಯೊಮಾ ಪಾಂಯೊ ವಜಾ಼ಡಸ. ಮನಕ್ಹೊಕ್ಹು ಮರ್ಯಾದಿ ಲಿವಾನುಜ ತ್ಯುನು ಉದ್ದೆಶ ವ್ಹೈ.

ಮತ್ತಾಯ 6:2 ပူးပေါင်းရင်းမြစ်များ

ಮತ್ತಾಯ 15:7

ತುಮೆ ಕಪಟಿಯೊ ವ್ಹೈ, ತುಮಾರಾಹುತಿ ಯೆಶಾಯ ಕರೆಟ್ಟ ಪ್ರವಾದನೆ ಕರಿನ, ತೆ ಕವಾನು ಸು ವ್ಹೈ ಕದ್ಯಾಮ,

ಮತ್ತಾಯ 16:3

ಪಾಟೆ, ‘ಹಬಾಳ ಮ್ಹಾಡ ಘಾಲಿನ ಲಾಲ ಥಯಮ ಹಮ್ನಾ ವಾರೊ ಪಾನಿ ಆವಸ' ಕವೊಶಿ. ಹಬಾಳಮಾ ದಿಕ್ಹಾನಾ ಸುಚನೆ ತಿಳ್ದಿಲಿವಾಲಾ ಥಯಾಸ, ತೆನೈಸೊ ಆಂ ಕಾಲಮಾನಾ ಸುಚನೆ ತಿಳ್ದಿಲಿವಾನೆ ತುಮೊನೆ ಥಾವಾಡು ನತ್ತಿ ಸು?

ಮತ್ತಾಯ 22:18

ಯೆಸು ತ್ಯುನೆ ಕವಾನು ಕ್ಹಾರು ಕೆಟ್ಟ ತಿಳದಿಲಿನ ಕಪಟಿಯೊ, ಮನೆ ಕಾ ಪರಿಕ್ಷ್ಯಾ ಕರಾಡ್ಯಾಸ?

ಮತ್ತಾಯ 23:5

ತ್ಯುನೆ ಕರಾನು ಕಾಮ ಕ್ಹಾರು ಮನಕ್ಹೊ ದೆಕು ಕೈನ ಕರಸ. ತ್ಯುನೆ ಭಾಂದಿಲಿವಾನಿ ಷೆ ಮ್ಹೆಲ್ಲಿವಾನಿ ಪಟ್ಟಿಯೊ ತ್ಯುನೆ ಮ್ಹೊಟಿ ಕರಸ. ತ್ಯುನೆ ಘಲ್ಲಿದಲ ವಣ್ಣಾವೊನಾ ಗೊಂಡಾ ಮ್ಹೊಟಾ ಕರಲಿವಸ.

ಮತ್ತಾಯ 23:6

ತೆಕ್ಲುಜ಼ ನೈಸೊ ಉತ್ಸವ ರ‍್ಹಯಲ ಜ಼ಗಾ ಖಾಸ ಮರ್ಯಾದಿ ದ್ಯು ವರಿ ಸಭಾಮಂದಿರ್ಮಾ ಖಾಸ ಖುರ್ಚಿಯೊ ಬೈಟಾನೆ ದ್ಯು;

ಮತ್ತಾಯ 24:51

ಕಪಟ್ಯಾವೊ ನೈಸೊ ಥಾವಾನಿ ಗತಿ ತಿನೆ ತೆ ಕರಸ.ತ್ಯಾ ರವಾನು ಕಟ್ಟ ಕಟ್ಟ ದಾತೊ ಖಾವಾನು ರ‍್ಹವಸ.

ಮತ್ತಾಯ 5:18

ಮಿ ತುಮೊನೆ ಕ್ಹರಿಜ ಕೌಸ. ಸ್ವರ್ಗ ವರಿ ಜಿಮಿನ ನಾಶ ಥಾಯೆಲಕ್ಕಾ ಧರಮಶಾಸ್ತ್ರಮಾತು ಸುಜ಼ ನುಚ್ಚಾತು ನೈ. ಕ್ಹಾರು ಪುರಾ ಥಯೆಲಕ್ಕಾ ಧರಮ ಶಾಸ್ತ್ರಮಾನು ಯಕ್ಕ ಅಕ್ಷರ ರ‍್ಹವಾದೆ ತೆನೈಸೊ ತಿಮಾನಿ ಯಕ್ಕ ಚಿಕ್ಕಿ ರ‍್ಹವಾದೆ ನುಚ್ಚಾತು ನೈ.

ಮತ್ತಾಯ 6:16

ತುಮೆ ಉಪಾಸ ಕರತಾಮಾ ತುಮಾರಾ ಮ್ಹೊಡು ಉತಾರಿಲಿವೊ ನಕೊ. ಕಪಟಿಯೊ ತಿಮ್ಮಜ ಕರಸ. ತೆನೈಸೊ ತುಮೆ ಕಪಟಿಯೊ ಲಿಂಗತ ರ‍್ಹವೊ ನಕೊ. ತ್ಯುನೆ ಉಪಾಸ ಕರಾಡಾಸ ಕವಾನು ಮನಕ್ಹೊನೆ ದೆಕಾಡಾನಾ ಹುತಿ ತ್ಯುನಾ ಮ್ಹೊಡಾ ಉತಾರಿ ಲಿವಸ. ತೆ ಕಪಟಿಯೊ ತ್ಯುನೊನೆ ಆವಾನು ಪ್ರತಿಫಲ ಪುರಾ ಹೊಂದಿಲಿದ್ಯಾಸ ಕೈನ ಮಿ ತುಮೊನೆ ಕ್ಹರಿ ಕವುಸ.

ಮತ್ತಾಯ 6:3

ತಿನಾಹುತಿ ತುಮೆ ಗರಿಬೊನೆ ದೆತಾಮಾ ಘನ್ನಾ ದಡೈನ ದಿವೊ. ತುಮೆ ಕರಾನು ಕಿನೆಜ ಗ್ವತ್ತ ಥೌ ನೈ.

ಮತ್ತಾಯ 6:5

ತುಮೆ ಪ್ರಾಥನಾ ಕರತಾಮಾ ಕಪಟಿಯೊ ಲಿಂಗತ ಪ್ರಾಥನಾ ಕರೊ ನಕೊ. ಕಪಟಿಯೊ ಸಭಾಮಂದಿರಮಾ ವರಿ ಒಣಿಯೊನಾ ಮುಲಾವೊಮಾ ಹುಬ್ರೈನ ಜೊ಼ರ ಪ್ರಾಥನಾ ಕರಾನು ಪಸಂದ ಕರಸ. ತ್ಯುನೆ ಪ್ರಾಥನಾ ಕರಾನು ಮನಕ್ಹೊ ದೆಕು ಕೈನಜ ತ್ಯುನಿ ಆಸ ವ್ಹೈ. ತ್ಯುನೆ ತೆಳಾಮ ತಿನು ಪುರಾ ಪ್ರತಿಫಲ ಹೊಂದಿಲಿದ್ಯಾಸ ಕೈನ ಕ್ಹರಿಮಾಜ಼ ಕೌಸ.

ಮತ್ತಾಯ 7:5

ತು ಕಪಟಿ ವ್ಹೈ ತಾರಾ ಡೊಳಾಮಾ ರ‍್ಹವಾನಿ ಛಕ್ಕಿನೆ ಭಾರೊ ಕಾಡ. ತೆಳಾಮಾ ತಾರಾ ಭೈನಾ ಡೊಳಾಮಾ ರ‍್ಹವಾನಿ ಬಾರಿಕ ಕಸಾ ಕಾಡಾನೆ ತುನೆ ಚೊಕಿತಾ ದಿಕ್ಹಸ.

ಮಾರ್ಕ 12:39

ಸಭಾಮಂದಿರಮಾ ಖಾಸ ಜ಼ಗಾ ಖಾವಾನೆ ಪೈಲಾಸ್ಥಾನ ದಿವಾಮಾ ಇವ್ನು ಮನಸ ಘನ್ನುರ‍್ಹವಸ

ಮಾರ್ಕ 7:6

ಯೆಸು ಜ಼ವಾಬ ದಿದ್ಯೊ ಕಪಟಿಯೊ ಥಯಲ ತಮಾರಾ ವಾಸ್ತರ ಯೆಶಾಯಾ ಬರ್ದಲ ಕೆಕ್ಲೊ ಕರೆಟ್ಟ ಛೆ! ತುಮೆ ಮ್ಹೈ ಯಕ್ಕ ಭಾರಾ ಯಕ್ಕ ತೆ ತಿಮ್ಮ ಬರ್ದಲ, ಕ್ಹುದಾ ಕದ್ಯೊ ಎ ಮನಕ್ಹೊ ಕ್ಹಾಲಿ ವಾತೊಕ್ಹು ಮನೆ ಮರ್ಯಾದಿ ದಿವಸ ವರಿಬಿ ತ್ಯುನು ಮನಸ ಮಕ್ಹು ಘನ್ನು ದುರ ಛೆ.

ಲುಕ ಬರ್ದಲ ಸುವಾರ್ತಾ 11:41

ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ.

ಲುಕ ಬರ್ದಲ ಸುವಾರ್ತಾ 11:43

ಫರಿಸಾಯರೊ ತುಮಾರಿ ಗತಿ ಮಿ ಸು ಕೌ,ಸಭಾಮಂದಿರಮಾ ಖಾಸ ಜ಼ಗಾವೊಪರ ವಾನಿಯಾನಿ ವರಿ ವಾಟ್ಪರ ಮನಕ್ಹೊ ತುಮೊನೆ ಪಗೆ ಪಡಾನು ತುಮೊನೆ ಘನ್ನು ಚೊ಼ಕು ವ್ಹೈ.

ಲುಕ ಬರ್ದಲ ಸುವಾರ್ತಾ 12:33

ತುಮೊಕನ ರ‍್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ‍್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ‍್ಹತಿ ನೈ. ತಿನಾಹುತಿ ಹಮೆಶಾ ರ‍್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ.

ಲುಕ ಬರ್ದಲ ಸುವಾರ್ತಾ 12:56

ತುಮೆ ಕಪಟ್ಯಾ ವ್ಹೈ! ತುಮೆ ಎಕ್ಹಾರು ತಿಳದಿಲಿವೊಸಿ, ಹಮ್ನಾ ಥಾವಾನು ತುಮೆ ತಿಳದಿಲಿವಾನೆ ಥಾತು ನೈಸು?

ಲುಕ ಬರ್ದಲ ಸುವಾರ್ತಾ 13:15

ತೆ ವಾತೆ ಯೆಸು, ತುಮೆ ಕಪಟ್ಯಾ ವ್ಹೈ ತುಮೆ ತುಮಾರಾ ಪಶು ಪಕ್ಷಿಯೊನೆ ದಿನ್ನೆಬಿ ತ್ಯುನೊನೆ ಪಾನಿ ಪಿಲಾವಾನೆ ಲಿನಜಾ಼ವೊಸಿ. ವರಿ ಸಬ್ಬತ ದಿನಮಾ ಎ ಕ್ಹಾರು ಕರೊಶಿ.

ಲುಕ ಬರ್ದಲ ಸುವಾರ್ತಾ 20:46

ಯೆಸು ತಿನಾ ಶಿಷ್ಯಾವೊನೆ ಶಾಸ್ತ್ರಿಯೊನಾ ಹುತಿ ಹುಶಾರ ರ‍್ಹವೊ, ತ್ಯುನೆ ಚೊ಼ಕಾ-ಚೊ಼ಕಾ ವಣ್ಣಾ ಘಾಲ್ಲಿನ ಫರಸ ವರಿ ಬಾಜ಼ರೊಮಾ ಮನಕ್ಹೊನಾ ಹತೆ ನಮಸ್ಕಾರ ಕರೈಲೆ ಲಿವು ಕೈನ ಸಭಾಮಂದಿರಮಾ ವರಿ ಖಾವಾನೆ ಘಾಲಾನಿ ಜ಼ಗಾ ಚೊ಼ಕಿ ಜ಼ಗಾ ಬೈಟಾಡು ಕೈನ ತಿವ್ನಿ ಆಸ ರ‍್ಹವಸ.

ಲುಕ ಬರ್ದಲ ಸುವಾರ್ತಾ 6:24

ವರಿ ಸೌಕಾರ ರ‍್ಹಯಲವಾಲಾ ತುಮಾರಿ ಯಕ್ಕ ಪರಸ್ತಿ ಮಿ ಸು ಕೌ! ತುಮಾರಿ ಸುಖಾನಿ ಜಿವ್ನಾ ತುಮೊನೆ ಮಳಿಸ.

ಲುಕ ಬರ್ದಲ ಸುವಾರ್ತಾ 6:42

ಪೈಲಾ ತು ಹಸಾ ಥಾ ತುನೆ ದೆಕಾಲೊ ತುನೆ ದೆಕಿನ ಸುದ್ರಸ.

ಯೊಹಾನ 13:29

ಶಿಷ್ಯಾನಿ ಸಮುದಾಯನಿ ದೊಕ್ಡಾನಿ ಪಿಶಿನಿ ಜವಾಬ್ದಾರಿ ಯುದನಾ ಹತ್ಮಾ ವ್ಹತ್ತಿ. ತಿನಾಹುತಿ ಸನ್ನನೆ ಚಾ಼ಯೆ ಥಯಲ ದಕ್ಹಾ ಸಾಮನೊ ಲಿನ ಆವಾನಾ ಹುತಿ ಗರಿಬ ಮನಕ್ಹೊನೆ ದಿವಾನಾ ಹುತಿ ಯೆಸು ತಿನೆ ಕದ್ಯೊ ವಸೆ ಕೈನ ದಕ್ಹಾ ಶಿಷ್ಯಾ ತಿಳದಿಲಿದ್ಯಾ.

ಯೊಹಾನ 5:41

ಮನಕ್ಹತಿ ಆವಾನಿ ಹೊಗಳಿಕೆ ಮನೆ ನಕೊ.

ಯೊಹಾನ 5:44

ತುಮೆ ಯಕ್ನೆ ಯಕ್ಕ ಸನ್ಮಾನ ದ್ಯು ಕೈನ ಆಸ ಕರೊಶಿ. ತೆನೈಸೊ ಯಕ್ಕಜ಼ ಕ್ಹುದಾತಿ ಆವಾನಿ ಸನ್ಮಾನ ಲಿವಾನೆ ತುಮೆ ಕೆಳಾಮಾಜ ಕೊಶಿಶ ನೈ ಕರ‍್ತಾ. ಇಮ್ಮ ರ‍್ಹಯುಮ ತುಮೆ ಮನೆ ಕಿಮ್ಮ ಬರೊಕ್ಹೊ ಕರೊಶಿ?

ಯೊಹಾನ 7:18

ಕುನ್ನ ತಿನಾ ಸ್ವಂತ ಅದಿಕಾರಕ್ಹು ಬೊಲಸ ತಿನಾಕ್ಹು ತಿನೆ ಮಹಿಮಾ ಕರ್ಲಿವಸ. ತೆ ನಯಸೊ ಕುನ್ನ ತಿನೆ ಮೊಕ್ಲುಸ ತಿನಿ ಮಹಿಮಾ ಕರಾನೆ ಆಸ ಕರಸ. ತೆ ಕ್ಹರಿನೊ ವ್ಹೈ ವರಿ ತಿನಾಮಾ ಕಯುಜ಼ ತರಾನು ಸುಳ್ಳ ನತ್ತಿ. ತಿ

ಅಪೊಸ್ತಲೊ 10:2

ಕೊರ್ನೆಲಿಯ ಕ್ಹುದಾನೊ ಭಕ್ತ ವ್ಹತ್ತೊ. ತೆ ವರಿ ತಿನಾ ಘರಮಾ ರ‍್ಹಯಲ ಬಿಜಾ಼ ಕ್ಹಾರಾ ಜ಼ನಾ ಕ್ಹರಿನಾ ಕ್ಹುದಾನೆ ಆರಾಧನಾ ಕರ‍್ತಾತಾ. ತೆ ಗರಿಬೊನೆ ದೊಕ್ಡಾವೊನಿ ಮದತ ಕರ್ತೊತೊ. ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ್ತೊತೊ.

ಅಪೊಸ್ತಲೊ 10:31

ತೆ ಮನಕ್ಹ, ‘ಕೊರ್ನೆಲಿಯ! ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.

ಅಪೊಸ್ತಲೊ 10:4

ಕೊರ್ನೆಲಿಯ ಕ್ಹುದಾನಾ ದುತನೆ ದೆಕಿನ ಭೆಂಕ್ಹು "ಸ್ವಾಮಿ, ಆ ಸುವೈ? ಕೈನ ಪುಚ್ಯೊ. ತೆ ಕ್ಹುದಾನೊ ದುತ ತಿನೆ "ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.

ಅಪೊಸ್ತಲೊ 11:29

ಯುದೆಯಮಾ ರ‍್ಹವಾನಾ ಭಾಯೊ ಭೆನೊನೆ ಮದತ ಕರಾನೆ ವಿಶ್ವಾಸಿಯೊ ನಿರ್ಧಾರ ಕರ‍್ಯಾ. ವಿಶ್ವಾಸಿಯೊಮಾ ಹರಯಕ್ಲಾ ತ್ಯುನೊನೆ ಥಯಲ ತೆಕ್ಲು ತ್ಯುನೊನೆ ವಳೈನ ದಿವಾನೆ ವಿಚಾರ ಕರ‍್ಯಾ.

ಅಪೊಸ್ತಲೊ 24:17

ದಕ್ಹಾ ವರಕ್ಹ ಥಯಲ್ಪರ, ಯೆರುಸಲೆಮ್ಮಾ ರ‍್ಹಹೆಲವಾಲಾವೊನೆ ದೊಕಡಾ ವರಿ ಕಾಣಿಕೆ ಯಜ್ಞನೆ ಒಪ್ಪಿಸಾನಾಹುತಿ ಆಯೊ.

ಅಪೊಸ್ತಲೊ 9:36

ಯೊಪ್ಪ ಗಾಮಾಮಾ ತಬಿಥಾ ಕವಾಲಿ ಯಕ್ಕ ವಿಸ್ವಾಸಿ ವ್ಹತ್ತಿ. ತೆ ನಾಮನೆ ಗ್ರಿಕಮಾ ಭಾಶಾಮಾ ದೊರ್ಕ ಕದ್ಯಾಮ ಚಿಗರಿ ವ್ಹೈ. ತೆ ಚೊ಼ಕಾ ಕಾಮೊ ವರಿ ದಾನ ಧರ್ಮ ಘನ್ನಾ ಕರತಿತಿ.

ರೊಮಾಪೂರ 12:8

ಪ್ರೊತ್ಸಾಹ ಕರಾನಿ ವರಾ ಹೊಂದಿಲಿದಲವಾಲೊ ಬಿಜಾ಼ವೊನೆ ಪ್ರೊತ್ಸಾಹ ಕರಾದೆ. ವಾಟಿಲಿವಾನೊ ವರಾ ಹೊಂದಿಲಿದಲವಾಲೊ ವರಾ ಹೊಂದಿಲಿದಲವಾಲೊ ಮ್ಹೊಟಾ ಮನಸೆ ದಿವಾದೆ. ಅದಿಕಾರನಿ ವರಾ ಹೊಂದಿಲಿದಲವಾಲೊ ಅದಿಕಾರಮಾ ರ‍್ಹತಾಮಾ ಮ್ಹೈನತ ಕರಿನ ರಾಬು. ಮರಗಾನು ವರಾ ಹೊಂದಿಲಿದಲವಾಲೊ ಖುಶಿಕ್ಹು ತೆ ಕರಾದೆ

1 ಕೊರಿಂಥ 13:3

ಮಿ ಮಕನ ರ‍್ಹವಾನು ಹರಯಕ್ಕ ಮನಕ್ಹೊನೆ ಖಾವಾನೆ ದೆ ಸಕುಸ. ಹೆಮ್ಮೆ ಪಡ್ದಿಲಿವಾನೆ ಮಿ ಮಾರು ಅಂಗಜ಼ ವಪ್ಸಿನ ದೆ ಸಕುಸ. ತೆನೈಸೊ ಎ ಕಾಮೊ ಕ್ಹಾರಾ ಕರ‍್ಯಾ ತಬಿ ಮಯಾ ನೈ ರ‍್ಹೈಮ, ಮನೆ ಸುಜ಼ ಉಪಯೊಗ ನತ್ತಿ.

ಗಲಾತ್ಯ 2:10

ಗರಿಬ ಮನಕ್ಹೊನೆ ಶೆ ಮ್ಹೆಲ್ಲಿನ ತ್ಯುನೊನೆ ಮದತ ಕರು ಕೈನ ಯಕ್ಕಜ಼ ಯಕ್ಕ ಸಂಗತಿಯೊ ತ್ಯುನೆ ಹಮೊನೆ ಕದ್ಯಾ. ಮಿ ಎ ಕಾಮ ಕರುಕೈನ ವ್ಹತ್ತು.

ಎಫೆಸ 4:28

ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.

1 ಥೆಸಲೊನಿಕ 2:6

ತುಮೊಕನ ರ‍್ಹವಾದೆ ಬಿಜಾ಼ವೊಕನ ಆವಾನು ಮಾನಾ ಮರ್ಯಾದಿ ತುಮೊಕ್ಹು ರ‍್ಹೈನೆಕಾ ವರಿ ಬಿಜಾ಼ ಮನಕ್ಹೊತಿ ರ‍್ಹೈನೆಕಾ ಹಮೆ ಕೆಳಾಮಾಜ಼ ಆಸ ಕರ‍್ಯಾನೈ.

1 ತಿಮೊತಿ 6:18

ಚೊ಼ಕಾ ಕಾಮೊ ಕರು ಕೈನ ಸೌಕಾರೊನೆ ತಿಳಸಾ. ಚೊ಼ಕಾ ಕಾಮೊ ಕರಾಮಾಜ಼ ಸೌಕಾರೊ ಥೈನ ರ‍್ಹವೊ ಕೈನ ತ್ಯುನೊನೆ ತಿಳಸಾ. ಉಪಕಾರ ಕರಾಮಾಬಿ ವಾಟಿಲಿವಾಮಾಬಿ ಕ್ಹುಷ ರ‍್ಹವಾನೆ ತ್ಯುನೊನೆ ತಿಳಸಾ.

ಫಿಲೊಮನ 1:7

ಮಾರಾ ಭೈ, ಕ್ಹುದಾನಾ ಮನಕ್ಹೊ ತು ಮಯಾ ದೆಕಾಡಿನ ತ್ಯುನಾ ಮನ್ಸೊನೆ ಸಮಾಧಾನ ಕರಲ ದೆಕಿನ ಮನೆ ಘನ್ನಿ ಖುಶಿ ಥೈಸ.

ಇಬ್ರಿಯ 13:16

ಎನೈಸೊ ಉಪಕಾರ ಕರಾನು, ಬಿಜಾ಼ವೊನೆ ಮದತ ಕರಾನು ಇಕ್ಹರೊ ನಕೊ. ಎಜ಼ ಕ್ಹುದಾನೆ ಪಸಂದ ರ‍್ಹಯಲ ಬಲಿಯೊ ವ್ಹೈ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.