ಮತ್ತಾಯ 5:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಯೆಸು ತೆ ಮನಕ್ಹೊನು ಗುಂಪ ದೆಕಿನ ಡೊಂಗರ ಚ಼ಡಿನ ಬೈಟಲ್ಪರ ತಿನಾ ಶಿಷ್ಯಾ ತಿಕನ ಆಯಾ.

ಮತ್ತಾಯ 5:1 ပူးပေါင်းရင်းမြစ်များ

ಮತ್ತಾಯ 13:2

ಘನ್ನಾ ಮನಕ್ಹೊ ಯೆಸುನಾ ಸುತ್ತೆ ಆಯಲಕ್ಹು, ತೆಳಾಮಾ ಯೆಸು ಹಡಗಮಾ ಗೈನ ಬೆಟ್ಯೊ. ಮನಕ್ಹೊ ಕ್ಹಾರಾ ದಂಡಿಕನ ಹುಬ್ರಯಾತಾ.

ಮತ್ತಾಯ 15:29

ಯೆಸು ತ್ಯಾಂತೊ ಗೈನ ಗಲಿಲಾಯ ಸಮಂದರ ಕನ ಗಯೊ. ತೆಳಾಮಾ ತೆ ಯಕ್ಕ ಡೊಂಗರ ಚ಼ಡಿನ ಬೈಟ್ಯೊ.

ಮತ್ತಾಯ 4:25

ವರಿ ಗಲಿಲಾಯ ದೆಕಪೊಲಿ ಯುದಾಯ ಕವಾನಾ ಗಾಮೊತಾ ವರಿ ಯೊರ್ದನ ನದಿಕನ ರ‍್ಹಯಲ ಆಜು಼ ಬಾಜುನಾ ಗಾಮೊನಾ ಮನಕ್ಹೊ ತಿನಾ ಪಾಚಾ಼ ಗುಂಪ ಗುಂಪ ಥೈನ ಗಯಾ.

ಮತ್ತಾಯ 5:2

ತೆ ತ್ಯುನೊನೆ ಉಪದೆಶ ಕರತೊ ಸು ಕದ್ಯೊ ಕದ್ಯಾರೆ -

ಮಾರ್ಕ 3:13

ತೆ ಥಯಲ್ಪರ ಯೆಸು ಡೊಂಗರಪರ ಚ಼ಡಿನ ತಿನೆ ಚಾ಼ಯೆಥಯಲವಾಲಾವೊನೆ ತಿಕನ ಬಲಾಯೊ. ತ್ಯುನೆ ತಿಕನ ಆಯಾ.

ಮಾರ್ಕ 3:20

ಯೆಸು ಘರಮಾ ಜಾ಼ತಾಮಾ ಮನಕ್ಹೊನು ಮ್ಹೊಟು ಗುಂಪ‍ ಥೈನ ಆತಾಮಾ ಯೆಸುನೆ ವರಿ ತಿನಾ ಶಿಷ್ಯಾವೊನೆಬಿ ಖಾವಾನೆ ಟೈಮ ಮಳ್ಯೊ ನೈ.

ಮಾರ್ಕ 4:1

ಯೆಸು ಫರಿನ ಸಮುಂದರನಿ ದಂಡಿಕನ ಉಪದೆಶ ಕರತೊ ವ್ಹತ್ತೊ ಘನ್ನಾ ಜ಼ನಾ ತಿಕನ ಮಳಿನ ಆಯಲ ಹುತಿ ತೆ ಸಮುಂದರಮಾ ರ‍್ಹಯಲ ಹಡಗಾಮಾ ಚ಼ಡಿನ ಬೈಟ್ಯೊ.

ಲುಕ ಬರ್ದಲ ಸುವಾರ್ತಾ 6:12

ಯಕ್ಕ ದಿನ್ನ ಪ್ರಾಥನಾ ಕರಾ ಹುತಿ ಯೆಸು ಡೊಂಗರಪರ ಗೈನ ಕ್ಹಾರಿ ರಾತ ಪ್ರಾಥನಾ ಕರ‍್ಯೊ.

ಲುಕ ಬರ್ದಲ ಸುವಾರ್ತಾ 6:17

ಯೆಸು ವರಿ ಅಪೊಸ್ತಲೊ ಡೊಂಗರಪರತಾ ಉತ್ರಿನ ಸಿದಾ ರ‍್ಹಯಲ ಜಿಮಿನ್ಪರ ಹುಬ್ರಯಾ. ತ್ಯಾ ತಿನಾ ಪಾಚಾ಼ ಆಯಲ ಶಿಷ್ಯಾವೊನು ಮ್ಹೊಟು ಗುಂಪ ವರಿ ಯುದಾಯತಾ ಯೆರುಸೆಲೆಮ್ತಾ ತುರ ಸಿದೊನ ಗಾಮ್ತಾ ವರಿ ಸಮುಂದರನಿ ಆಜು಼ಬಾಜು಼ಮಾ ರ‍್ಹಯಲ ಮನಕ್ಹೊನು ಮ್ಹೊಟು ಗುಂಪ ತ್ಯಾ ವ್ಹತ್ತು.

ಲುಕ ಬರ್ದಲ ಸುವಾರ್ತಾ 6:20

ಯೆಸು ತಿನಾ ಶಿಷ್ಯಾವೊನೆ ದೆಕಿನ ಸು ಕದ್ಯೊ ಕದ್ಯಾಮ, "ಗರಿಬೊ ರ‍್ಹಯಲವಾಲಾ ತುಮೆ ಧನೈ ವ್ಹೈ; ಕ್ಹುದಾನಿ ರಾಜ್ಯ ತುಮಾರಿ ವ್ಹೈ.

ಲುಕ ಬರ್ದಲ ಸುವಾರ್ತಾ 9:28

ಎಕ್ಹಾರು ಕೈನ ಆಟದಿನ ಥಯಲ್ಪರ ಯೆಸು ಪೆತ್ರಾ ಯಾಕೊಬ ವರಿ ಯೊಹಾನನೆ ಬಲೈ ನಿಂಗೈನ ಪ್ರಾಥನಾ ಕರಾ ಹುತಿ ಡೊಂಗರಪರ ಗಯೊ.

ಯೊಹಾನ 6:15

ತಿನೆ ಜಬರದಸ್ತಿಕ್ಹು ರಾಜೊ಼ ಕರಾನೆ ಮನಕ್ಹೊ ವಿಚಾರ ಕರಾಡಾಸ ಕೈನ ಯೆಸುನೆ ಗ್ವತ್ತ ಥೈಯುತು. ತಿನಾಹುತಿ ತ್ಯಾಂತೊ ತೆ ಯಕ್ಲೊಜ ಡೊಂಗರಪರ ವರಿ ಗಯೊ.