25 ವರಿ ಗಲಿಲಾಯ ದೆಕಪೊಲಿ ಯುದಾಯ ಕವಾನಾ ಗಾಮೊತಾ ವರಿ ಯೊರ್ದನ ನದಿಕನ ರ್ಹಯಲ ಆಜು಼ ಬಾಜುನಾ ಗಾಮೊನಾ ಮನಕ್ಹೊ ತಿನಾ ಪಾಚಾ಼ ಗುಂಪ ಗುಂಪ ಥೈನ ಗಯಾ.
ಪರಿಸಾಯರೊ ಸು ಕರಾಡಾಸ ಕೈನೆ ಯೆಸುನೆ ಗ್ವತ ಥಯುತು. ತಿನಾಹುತಿ ಯೆಸು ತೆ ಜ಼ಗಾ ಛೊಡಿನ ಗಯೊ. ಘನ್ನಾ ಮನಕ್ಹೊ ತಿನಾ ಪಾಚಾ಼ ಗಯಾ. ಯೆಸು ಘನ್ನಾ ಮನಕ್ಹೊನಾ ರೊಗೊ ಅರಾಮ ಕರ್ಯೊ.
ಮನಕ್ಹೊನು ಮ್ಹೊಟು ಗುಂಪ ತಿನಾ ಪಾಚಾ ಗಯಾ, ತೆ ತ್ಯುನೊನೆ ತ್ಯಾಜ಼ ಅರಾಮ ಕರ್ಯೊ.
ಜೆಬುಲೊನ ಸಿಮೆ ವರಿ ನಫ್ತಾಲಿನ ಸಿಮೆ , ಯೊರ್ದನನಾ ಬಾಜು, ಸಮುದ್ರಕನ ರ್ಹಯಲ ಸಿಮೆ, ಬಿಜಾ಼ ಜಾ಼ತನಾ ಮನಕ್ಹೊ ರ್ಹಯಲ ಗಲಿಲಾಯ ಸಿಮೆ
ಯೆಸು ತೆ ಮನಕ್ಹೊನು ಗುಂಪ ದೆಕಿನ ಡೊಂಗರ ಚ಼ಡಿನ ಬೈಟಲ್ಪರ ತಿನಾ ಶಿಷ್ಯಾ ತಿಕನ ಆಯಾ.
ಯೆಸು ಡೊಂಗರಪರತೊ ಉತ್ರಿನ ಹೆಟೊ ಆಯೊ. ಮನಕ್ಹೊ ಗುಂಪ-ಗುಂಪ ಥೈನ ಯೆಸುನಾ ಪಾಚಾ಼ ಆಯಾ.
ತೆ ಗೈನ ಯೆಸು ತಿನೆ ಕರಲ ಉಪಕಾರ ದಕ್ಹೆ ಗಾಮೊಮಾ ಕವಾನು ಶುರು ಕರ್ಯೊ ಐಕಿನ ಕ್ಹಾರಾ ಜ಼ನಾ ಘಾಬ್ರಾಥಯಾ.
ಸಬ್ಬತ (ಐತ್ವಾರ) ದಿನ್ನ ಆತಾಮಾ ಯೆಸು ಸಭಾಮಂದಿರಮಾ ಗೈನ ಉಪದೆಶ ಕರಾನು (ಕ್ಹುದಾನಿಯೊ ಚೊ಼ಕಿಯೊ ವಾತೊ ಕವಾನು) ಶುರುಕರ್ಯೊ ಘನ್ನಾ ಮನಕ್ಹೊ ತ್ಯಾ ವ್ಹತ್ತಾ ಕ್ಹಾರಾಜ಼ನಾ ತಿನಿಯೊ ವಾತೊ ಐಕಿನ ಘಾಬ್ರಾಥಯಾ. ಇನೆ ಎ ವಾತೊ ಕಿಜ಼್ಗಾಂತಿಯೊ ಆಯೊಸ? ಇನೆ ಎ ಕ್ಹಾರು ಗ್ಯಾನ ಕಿಜ್ಗಾಂತು ಮಳ್ಯುಸ? ಎ ಕಿಮ ಅದ್ಭುತ ಕರಾಡ್ಯೊಸ.
ತೆ ಥಯಲ್ಪರ ಯೆಸು ತೊರ ಗಾಮ ಛೊಡಿನ ಸಿದೊನ ಗಾಮ ಪರತೊ ದೆಕಪೊಲಿ ಗಲಿಲಾಯ ಸಮುಂದರಕನ ರ್ಹಯಲ 10 ಗಾಮೊ ದಾಟಿನ ಚಾ಼ಲ್ಯೊತೊ.
ಯೆಸು ವರಿ ಅಪೊಸ್ತಲೊ ಡೊಂಗರಪರತಾ ಉತ್ರಿನ ಸಿದಾ ರ್ಹಯಲ ಜಿಮಿನ್ಪರ ಹುಬ್ರಯಾ. ತ್ಯಾ ತಿನಾ ಪಾಚಾ಼ ಆಯಲ ಶಿಷ್ಯಾವೊನು ಮ್ಹೊಟು ಗುಂಪ ವರಿ ಯುದಾಯತಾ ಯೆರುಸೆಲೆಮ್ತಾ ತುರ ಸಿದೊನ ಗಾಮ್ತಾ ವರಿ ಸಮುಂದರನಿ ಆಜು಼ಬಾಜು಼ಮಾ ರ್ಹಯಲ ಮನಕ್ಹೊನು ಮ್ಹೊಟು ಗುಂಪ ತ್ಯಾ ವ್ಹತ್ತು.
ಕ್ಹಾರಾ ಮನಕ್ಹೊ ಯೆಸುನೆ ಮುಟ್ಟಾನಾ ಹುತಿ ಕೊಶಿಶ ಕರಾಡಾತಾ. ಕಾಕದ್ಯಾಮ ಯೆಸುಮಾತಿ ತಾಕತ ಭಾರಿ ಐನ ಕ್ಹಾರಾ ಮನಕ್ಹೊನೆ ಅರಾಮ ಕರಾಡಿತಿ!