ಮತ್ತಾಯ 22:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ತಿಕನ ತ್ಯುನಾ ಶಿಷ್ಯಾವೊಎ ಯಹುದ್ದಿಯೊನಾ ಕ್ಹಾತೆ ಮಳೈನ ಮೊಕಲ್ಯಾ. ತ್ಯುನೆ ಯೆಸುನೆ, ಗುರು, ತು ಕ್ಹರಿನೊ ವ್ಹೈ ಕ್ಹುದಾನಿ ವಾಟ ದೆಕಾಡಾಲೊ ವ್ಹೈ, ಕಿನೆಜ಼ ಭುಚಕ್ತೊ ನೈ; ತು ಮನಕ್ಹೊನಾ ಮ್ಹೊಡಾ ದೆಕಿನ ಬೊಲಾಲೊ ನ್ಹವೈ ಕೈ ಹಮೊನೆ ಗ್ವತ್ತ ಛೆ.

ಮತ್ತಾಯ 22:16 ပူးပေါင်းရင်းမြစ်များ

ಮತ್ತಾಯ 22:24

ಇವ್ನೆ ತಿನೆ, ಗುರು, ಯಕ್ಲೊ ಬಚ್ಚಾ಼ ನೈಸೊ ಮರ‍್ಯೊಮ ತಿನಿ ಬೈಕೊನೆ ತಿನೊ ನ್ಹಾನೊ ಭೈ ಹಿನಾ ಕರಿಲಿದ್ಯೊಮ ತಿನಾ ಮ್ಹೊಟಾ ಬೈನಾ ಬಚ್ಚಾ಼ ಪಡ್ದಿಲ್ಯು ಕೈನ ಮೊಶೆ ಕದ್ಯೊಸ.

ಮತ್ತಾಯ 22:26

ತಿನಾನಿಂಗತಜ಼ ಬೆವಾವಾಲೊ ತನ್ವಾವಾಲೊ ತಿನಾನಿಂಗತಜ಼ ಕ್ಹಾತ್ವಾಲಕ್ಕಾ ಕರ್ಯಾ.

ಮತ್ತಾಯ 26:18

ತೆ ತ್ಯುನೊನೆ ಗಾಮ್ಮಾ ಗ ಮಿ ಕವದಲವಾಲಾಕನ ಗೈನ ತಿನೆ, ಮಾರೊ ಟೈಮ ನಜಿಕ ಆಯೊಸ , ಮಿ ಮಾರಾ ಶಿಶ್ಯಾವೊನಾ ಕ್ಹಾತೆ ಪಸ್ಕ ಸನ್ನ ಕರುಸ ಕೈನ ಗುರು ಕವಾಡ್ಯೊಸ ಕೈನ ಕವೊ ಕದ್ಯೊ.

ಮತ್ತಾಯ 26:49

ತೆಳಾಮಾಜ಼ ತೆ ಯೆಸುಕನ ಐನ, ಗುರು ನಮಸ್ಕಾರ ಕೈನ ತಿನೆ ಮಟ್ಟಿ ದಿದ್ಯೊ.

ಮಾರ್ಕ 10:17

ಯೆಸು ವಾಟ ಧರಿನ ಜಾ಼ತಾಮಾ ಯಕ್ಲೊ ನ್ಹಾಟತೊ ತಿನಾ ಕ್ಹಾಮೊ ಐನ ಉಂದಾಗುಡಗಾ ಘಾಲ್ಲಿನ ಚೊ಼ಕಾ ಭೊದಕ ಮನೆ ಹಮೆಶಾನೊ ಜ಼ಲಮ ಮಳು ಕದ್ಯಾಮ ಮಿ ಸುಕರು ಕೈನ ಯೆಸುನೆ ಪುಚ಼ತಾಮಾ,

ಮಾರ್ಕ 12:13

ತೆ ಥಯಲ್ಪರ ಯೆಸುನೆ ವಾತೊಮಾ ತಪ್ಪ ಧರುಕೈನ ಫರಿಸಾಯರೊ ವರಿ ಹೆರೊದ್ಯೆ ಗುOಪ ಮಾನಾ ದಕ್ಹಾ ಜ಼ನಾವೊನೆ ಯೆಸುಕನ ಮೊಕ್ಕಲ್ಯಾ.

ಮಾರ್ಕ 12:14

ಇವ್ನೆ ಐನ ಭೊದಕ, ತು ಕ್ಹರಿನೊಜ಼ ವ್ಹೈ. ಕಿನೆಜ಼಼ ಭುಚ಼ಕಾಲೊ ನ್ಹವೈ; ತು ಮನಕ್ಹೊನಾ ಮ್ಹೊಡಾ ದೆಕ್ಯಾವಾಚಿ ಬೊಲಾಲೊ ವ್ಹೈ ವರಿ ಕ್ಹುದಾನಿ ವಾಟ ಕ್ಹರಿಮಾಜ಼ ದೆಕಾಡಾಲೊ ವ್ಹೈ ಕೈನ ಹಮೆ ತಿಳದಿಲಿದ್ಯಾಸ ರೊಮನನಾ ಚಕ್ರವರ್ತಿನೆ ಅಪೆ ಭುಭಾಡೊ ದಿವಾನು ಅಪ್ನಾ ನಿಯಮನಾ ವಿರುದ್ದ ವ್ಹೈ ಅಪೆ ದ್ಯುಸು ನೈ.

ಮಾರ್ಕ 3:6

ಫರಿಸಾಯರೊ ಭಾರಾಗಯಲ ಬರೊಬ್ಬರ ಹೆರೊದ್ಯನನಾ ಗುಂಪನಾ ಕ್ಹಾತೆ ಮಳಿನ ಯೆಸುನೆ ಕೈ ಉಪಾಯಕ್ಹು ಖಲಾಸ ಕರಿಯೆ ಕೈನ ತಿನಾ ವಿರುದ್ದ ವಿಚಾರ ಕರ‍್ಯಾ.

ಮಾರ್ಕ 8:15

ಯೆಸು ತ್ಯುನೊನೆ. ಫರಿಸಾಯರೊ ವರಿ ಹೆರೊದನಾ ಖಾಟೊ ಲೊಟನಾ ವಾಸ್ತರ ಹುಶಾರ. ದೆಕಿ ಲಿವೊ ಕೈನ ಖರಿಮಾಜ಼಼ ತ್ಯುನೊನೆ ಕತಾಮಾ ತ್ಯುನೆ

ಲುಕ ಬರ್ದಲ ಸುವಾರ್ತಾ 20:21

ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಶಿಕಲೈನ ಮೊಕ್ಕಲಲ ಮನಕ್ಹೊ ಯೆಸುನೆ ಉಪದೆಶ ಕರಾಲಾ ಗುರು ತು ಕ್ಹರಿನೊಜ಼ ವ್ಹೈ ತು ಮ್ಹೊಡು ದೆಕಿನ ಬೊಲಾಲೊ ನ್ಹವೈ ತು ಕ್ಹುದಾನಿ ಕ್ಹರಿನಿ ವಾಟಮಾ ಚ಼ಲಾವಾಲೊ ವ್ಹೈ!

ಲುಕ ಬರ್ದಲ ಸುವಾರ್ತಾ 7:40

ತೆ ವಾತೆ ಯೆಸು ಫರಿಸಾಯರನೆ"ಸಿಮೊನ ಮಿ ತುನೆ ಯಕ್ಕ ವಾತ ಕೌ ಕೈನ ಛೆ ಕದ್ಯೊ. ತೆಳಾಮಾ ಸಿಮೊನ ಯೆಸುನೆ "ಗುರು ಕೆ "ಕದ್ಯೊ.

ಯೊಹಾನ 14:6

ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.

ಯೊಹಾನ 18:37

ಪಿಲಾತನ"ತಿಮ್ಮ ರ‍್ಹಯುಮ ತು ರಾಜೊ಼ ವ್ಹೈ ಸು? ಕದ್ಯೊ. ಯೆಸು ತಿನೆ"ತುಜ಼಼ ಮನೆ ರಾಜೊ಼ ವ್ಹೈ ಕೈನ ಕವಾಡ್ಯೊಸ. ಮಿ ಮನಕ್ಹೊನೆ ಕ್ಹರಿ ಹುತಿ ಕವಾನೆ ಮಿ ಎ ದುನಿಯಾಮಾ ಹುಟ್ಯೊಸ. ಕ್ಹರಿಮಾ ರ‍್ಹಯಲ ಹರಿ ಯಕ್ಲೊ ಮಿ ಕದಲ ಐಕಸ ಕೈನ ಕದ್ಯೊ.

ಯೊಹಾನ 7:18

ಕುನ್ನ ತಿನಾ ಸ್ವಂತ ಅದಿಕಾರಕ್ಹು ಬೊಲಸ ತಿನಾಕ್ಹು ತಿನೆ ಮಹಿಮಾ ಕರ್ಲಿವಸ. ತೆ ನಯಸೊ ಕುನ್ನ ತಿನೆ ಮೊಕ್ಲುಸ ತಿನಿ ಮಹಿಮಾ ಕರಾನೆ ಆಸ ಕರಸ. ತೆ ಕ್ಹರಿನೊ ವ್ಹೈ ವರಿ ತಿನಾಮಾ ಕಯುಜ಼ ತರಾನು ಸುಳ್ಳ ನತ್ತಿ. ತಿ

2 ಕೊರಿಂಥ 2:17

ಕೆಕ್ಲಾಲಿ ಮನಕ್ಹೊ ಕ್ಹುದಾನಿ ವಾಕ್ಯಾ ತಿಮಾ ಸು ಚಾ಼ಯೆ ತೆ ಘಾಲಿನ ಕೈನ ವ್ಯಾಪಾರ ಕರಸ. ಹಮೆ ತೊ ತಿಮ್ಮ ನವೈ. ಕ್ಹುದಾ ಕಂತಾಜ ಇನಿಲಿದಲವಾಲಾ ಥೈನ ಕ್ಹುದಾ ಕ್ಹಾಮಾ ಕ್ರಿಸ್ತ ಯೆಸುನಾ ಅನ್ಯೊನ್ಯತೆಮಾ ಹಮೆ ಸು ಹೊತ್ತು ತೆಜ಼ ತುಮೊನೆ ಕದ್ಯಾಸ.

2 ಕೊರಿಂಥ 4:2

ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.

2 ಕೊರಿಂಥ 5:16

ಇಮ್ಮ ರ‍್ಹಯಲಹುತಿ ದುನಿಯಾ ಮನಕ್ಹೊನಾಹುತಿ ವಿಚಾರ ಕರಾನು ಆಜತಾ ಅಪೆ ಕಿನಾಜ ಹುತಿ ವಿಚಾರ ಕರ್ತಾ ನೈ. ದುನಿಯಾ ವಿಚಾರ ಕರಲಿಂಗತ ಪಾಚ಼ಲ್ಯಾ ಕಾಲಮಾ ಹಮೆ ಕ್ರಿಸ್ತನಾ ಹುತಿ ವಿಚಾರ ಕರ್xಯಾತಾ. ಹಮ್ನಾ ತಿಮ ಹಮೆ ವಿಚಾರ ಕರ್ತಾ ನೈ.

ಗಲಾತ್ಯ 1:10

ಮನಕ್ಹೊ ಮನೆ ಸ್ವಿಕಾರ ಕರಾನಾ ಹುತಿ ಮಿ ಕೊಶಿಶ ಕರಾಡ್ಯೊಸ ಕೈನ ತುಮೆ ತಿಳ್ದೊಸಿಸು? ನೈ! ಮಿ ಕ್ಹುದಾನೆಜ಼ ಖುಶಿ ಕರಾನೆ ಕೊಶಿಶ ಕರಾಡ್ಯೊಸ. ಮನಕ್ಹೊನೆ ಖುಶಿ ಕರಾನಾ ಹುತಿ ಮಿ ಕೊಶಿಶ ಕರಾಡೊ ಸು? ಮಿ ಮನಕ್ಹೊನೆ ಖುಶಿ ಕರಾನೊ ರ‍್ಹಯೊಮ ಯೆಸು ಕ್ರಿಸ್ತನೊ ಸೆವಕ ಥೈನ ರ‍್ಹತೊ ನ್ಹೊತೊ.

ಗಲಾತ್ಯ 2:6

ತಿನಾಹುತಿ ಮಿ ಬೊದನೆ ಕರಾನು ಸುವಾರತೆನೆ ತ್ಯುನೆ ಸುಜ಼ ಮಳಾಯಾ ನೈ. ತ್ಯುನೆ ಮ್ಹೊಟಾ ರ‍್ಹಯಾತಬಿ ಮ್ಹೊಟಾ ಥೈನ ನ್ಹೊತಾಸು ತೆ ಮನೆ ಖಾಸ ನ್ಹವೈ. ಕ್ಹುದಾನೆ ಕ್ಹಾರಾ ಮನಕ್ಹೊ ಯಕ್ಕಜ಼ ವ್ಹೈ.

1 ಥೆಸಲೊನಿಕ 2:4

ಹಮೆ ಸುವಾರ್ತೆ ತಿಳ್ಸಿಯೆಸ. ಕಾಕದ್ಯಾಮ ಕ್ಹುದಾ ಹಮೊನೆ ಪರಿಕ್ಷಾ ಕರ‍್ಯೊಸ ವರಿ ಸುವಾರ್ತೆ ಕವಾಹುತಿ ಹಮೊನೆ ದಿದ್ಯೊಸ. ತಿನಾಹುತಿ ಮನಕ್ಹೊನೆ ಮೆಚ್ಚಿಸಾನು ಛೊಡಿನ ಅಪ್ನೊ ಮನಸ ಪರಿಕ್ಷಾ ಕರಾಲೊ ಕ್ಹುದಾನೆಜ಼ ಮೆಚ್ಚಿಸಾನೆ ಕೊಶಿಶ ಕರಿಯೆಸ.

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.