ಮತ್ತಾಯ 2:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಗ್ಯಾನಿಯೊ ಫರಿನ ಗಯೆಲ್ಪರ ಪ್ರಭುನೊ ದುತ ಯೊಸೆಫನೆ ಕ್ಹಪನ್ಮಾ ದಿಕ್ಹಿನಿ, ಉಟ್ಟ! ಬಚ್ಚಾನೆ ವರಿ ತಿನಿ ಯಾನೆ ಬಲೈಲಿನ ಇಜಿಪ್ಟನೆ ನ್ಹಾಟಿನ ಜಾ. ಹೆರೊದ ಬಚ್ಚಾನೆ ಹುಡ್ಕಾನು ಶುರು ಕರಸ. ತೆ ಬಚ್ಚಾನೆ ಕ್ಹಲಾಸ ಕರು ಕೈನ ಕೈಲಿದ್ಯೊಸ. ‘ಸುಜ ಕೆಟ್ಟ ನತ್ತಿ’ ಕೈನ ಮಿ ತುನೆ ಕದೆ ಲಕ್ಕಾ ತು ಇಜಿಪ್ಟಮಾ ರ‍್ಹೈನ” ಕೀನ ಕದ್ಯೊ.

ಮತ್ತಾಯ 2:13 ပူးပေါင်းရင်းမြစ်များ

ಮತ್ತಾಯ 1:20

ತೆ ಎ ವಿಚಾರ ಕರಾನಾ ಟೈಮಮಾ ಪ್ರಭುನೊ ಧುತ ಕ್ಹಪನಮಾ ದಿಕ್ಹಿನ ಎ ಯೊಸೆಫ, ದಾವಿದನಾ ಖಾಂದಾನವಾಲಾ, ತಾರಿ ಬೈಕೊ ಥಯಲ ಮರಿಯಳನೆ ಹಿವಾ ಕರಿಲಿವಾನೆ ಬುಚ್ಕುನಕೊ. ತೆ ಪೆಟೆ ರ‍್ಹಯಲ ಪವಿತ್ರಾತ್ಮಾಕ್ಹುಜ ವ್ಹೈ.

ಮತ್ತಾಯ 10:23

ಯಕ್ಕ ಗಾಮಮಾ ತುಮೊನೆ ತ್ರಾಸ ಕರ‍್ಯಾಮ ಬಿಜಾ಼ ಗಾಮೆ ಜಾವೊ. ಮನಕ್ಹನೊ ದಿಕ್ರೊ ಫರಿನ ಆವಾತಿ ಪೈಲಾ ತುಮೆ ಇಸ್ರಾಯೆಲನಾ ಕ್ಹಾರಾ ಗಾಮೊನೆ ಜಾ಼ವಾನು ಕ್ಹಾರಾಯೆಲಜ಼ ನೈ ರ‍್ಹತಾ ಕೈನ ಮಿ ತುಮೊನೆ ಕ್ಹರಿ ಕೌಸ.

ಮತ್ತಾಯ 2:12

ತೆನೈಸೊ ಕ್ಹುದಾ ತೆ ಗ್ಯಾನಿಯೊನಾ ಕ್ಹಪನ್ಮಾ ಐನ, ತುಮೆ ಹೆರೊದ ಕನ್ನಫರಿನ ಜೌ ನೈ ಕೈನ ಹುಶಾರ ಕರ‍್ಯೊ. ತ್ಯುನೆ ಬಿಜಿ ಯಕ್ಕ ಜ಼ಗಾನಾ ಮುಲಕ ತ್ಯುನಾ ದೆಶನೆ ಫರಿನ ಗಯಾ.

ಮತ್ತಾಯ 2:14

ತೆಳಾಮಾಜ಼, ಯೊಸೆಫ ಉಟಿನ ಬಚ್ಚಾನೆ ವರಿ ತಿನಿ ಯಾನಾ ಕ್ಹಾತೆ ಇಜಿಪ್ಟನೆ ರಾತ್ನಾ ಟೈಮಮಾ ಗೈಪಡ್ಯೊ.

ಮತ್ತಾಯ 2:16

ಗ್ಯಾನಿಯೊ ತಿನೆ ಮೊಸ ಕರ‍್ಯಾಸ ಕೈನ ಗ್ವತ್ತ ಥಯಲ್ಪರ ಹೆರೊದ ಘನ್ನೊ ಶಿಟ್ಟ ಥಯೊ. ತೆಳಾಮಾ ಬಚ್ಚು ಉಟ್ಟಲ ಟೈಮ ಹೆರೊದ ಗ್ಯಾನಿಯೊಕ್ಹು ಗವ್ತ ಕರಿಲಿದ್ಯೊತೊ. ತೆ ಬಚ್ಚು ಹುಟ್ಟಿನ ಬೆ ವರಕ್ಹ ಥಯಾತಾ. ತಿನಾಹುತಿ ಹೆರೊದ ಬೆತ್ಲೆಹೆಮಮಾ ವರಿ ತಿನಾ ಆಜು಼ ಬಾಜುನಾ ಗಾಮೊಮಾ ರ‍್ಹಯಲ ಬೆ ವರಕ್ಹನಾ ವರಿ ತ್ಯುನಾತಿ ನ್ಹಾನಾ ರ‍್ಹಯಲ ಕ್ಹಾರಾ ಪಟ್ಟಾವೊನೆ ಕ್ಹಲಾಸ ಕರು ಕೈನ ಆಗನ್ಯಾ ದಿದ್ಯೊ.

ಮತ್ತಾಯ 2:22

ತೆನೈಸೊ ಹೆರೊದ ಮರಲ್ಪರ ತಿನೊ ದಿಕ್ರೊ ಥಯಲ ಅರ್ಖೆಲಾಯ ಯುದಾಯನೊ ರಾಜೊ ಥಯೊಸ ಕರಿನ ಕವಾನು ಐಕಿನ ತ್ಯಾ ಜಾ಼ವಾನೆ ಭುಚ್ಚಕ್ಯೊ. ಕ್ಹಪನ್ಮಾ ದಿದಲ ಹುಶಾರಕಿ ಲಿಂಗತಜ ತೆ ತೆ ಜ಼ಗಾನೆ ಛೊಡಿನ ಗಲಿಲಾಯ ಗಾಮನೆ ಗೈನ,

ಅಪೊಸ್ತಲೊ 10:22

ತೆ ಮನಕ್ಹೊ "ಕೊರ್ನೆಲಿಯ ಕವಾನಾ ಯಕ್ಕ ಶತಾದಿಪತಿ ಛೆ. ತೆ ಧಾರ್ಮಿಕ ಮನಕ್ಹ ವ್ಹೈ. ತೆ ಕ್ಹುದಾನೆ ಆರಾಧನಾ ಕರಸ. ಯೆಹುದಿ ಮನಕ್ಹೊ ಕ್ಹಾರಾ ತಿನೆ ಮರ್ಯಾದಿ ದಿವಸ. ತುನೆ ತಿನಾ ಘರೆ ಬಲಾವಾನೆ ಕರಿನ ತು ಕವಾನಿಯೊ ಸಂಗತಿಯೊ ಐಕು ಕೈನ ಕ್ಹುದಾನೊ ದುತ ಯಕ್ಲೊ ಕೊರ್ನೆಲಿಯನೆ ಕದ್ಯೊಸ "ಕೈನ ಕದ್ಯಾ.

ಅಪೊಸ್ತಲೊ 10:7

ಕೊರ್ನೆಲ್ಯನ ತಿನಾ ಕ್ಹಾತೆ ಬೊಲಲ ದೆವದುತ ಗಯಲ್ಪರ, ತಿನಾ ಘರ್ಮಾ ರ‍್ಹಯಲ ಆಳೊಮಾ ಬೆ ಜ಼ನಾ ವರಿ ತಿನಾ ಕ್ಹಾಮಾ ಕೆಳಾಮಾಬಿ ರ‍್ಹವಾಲಾ ಸಿಪಾಯಿಯೊಮಾ ಯಕ್ಕ ಕ್ಹುದಾನಾ ಭಕ್ತನೆ ಬಲೈನ,

ಅಪೊಸ್ತಲೊ 12:11

ಥಯಲ ಸಂಗತಿ ತೆಳಾಮಾ ತಿಳ್ದಿಲಿದಲ ಪೆತ್ರಾ "ಪ್ರಭು ಮಕನ ತಿನಾ ದುತನೆ ಕ್ಹರಿಮಾಜ಼ ವಳಾಯೊ ಕೈನ ಹಮ್ನಾ ಮನೆ ಗ್ವತ್ತ ಥಯು. ತೆ ಮನೆ ಹೆರೊದನಾ ಹತ್ಮಾತೊ ಪಾರ ಕರ‍್ಯೊ. ಮನೆ ಸುಬಿ ಥಾವಸ ಕೈನ ಯೆಹುದಿವಾಲಾ ವಿಚಾರ ಕರ‍್ಯಾತಾ. ತೆನೈಸೊ ಪ್ರಭು ಮನೆ ತೆ ತ್ರಾಸಕ್ಹು ವಚಾ಼ಡ್ಯೊ "ಕೈನ ಕೈಲಿದ್ಯೊ.

ಅಪೊಸ್ತಲೊ 12:7

ಅಚಾನಕ ಪ್ರಭುನೊ ದುತ ಯಕ್ಲೊ ತ್ಯಾ ಹುಬ್ರಯೊ. ಉಜಾಲು ಖೊಲಿಮಾ ದಿಕ್ಹ್ಯು. ಕ್ಹುದಾನು ದುತ ಪೆತ್ರಾನಿ ಪಾಕ್ಹಳಿನೆ ಧರಿನ ತಿನೆ ಉಟಾಡಿನ "ಭರ್ನೆ ಉಟ್ಟ" ಕದ್ಯೊ. ತೆಳಾಮಾಜ಼ ಕಾಕ್ಹಳಿಯೊ ಪೆತ್ರಾನಾ ಹತೊಮಾತಾ ತುಟಿನ ಪಡ್ಯಾ.

ಅಪೊಸ್ತಲೊ 16:36

ಜೆಲನೊ ಮಾಲಿಕ ತೆ ವಾತೊ ಕ್ಹಾರಾ ಪೌಲಾನೆ ಕವೊ;ಅಧಿಕಾರಿಯೊ ತಮನೊನೆ ಚ್ಹೊಡಿಪಾಡು ಕೈನ ವಳಾಯಾಸ,ತಿನಾಹುತಿ ಹಮ್ನಾ ತಮೆ ಸಮಾಧಾನಕ್ಹು ಜಾವೊ ಕೈನ ಕದ್ಯೊ.

ಅಪೊಸ್ತಲೊ 5:19

ತೆನೈಸೊ ಕರ್ತಾನೊ ದುತ ರಾತೆ ಜೆಲನಾ ಬಾಕ್ಲೊ ಖುಲ್ಲಾ ಕರಿನ ತ್ಯುನೊನೆ ಭಾರೊ ಬಲೈಲೈನ,

ಅಪೊಸ್ತಲೊ 7:19

ಎ ರಾಜೊ಼ ಹಮಾರಾ ಮನಕ್ಹೊನೆ ಮೊಸ ಕರ‍್ಯೊ. ತೆ ಅಪ್ನಾ ಪಿತೃವೊನೆಬಿ ಕೆಟ್ಟ ಕರ‍್ಯೊ. ತ್ಯುನಾ ನ್ಹಾನಾ ಬಚ್ಚಾ಼ ಮರು ಕೈನ ತ್ಯುನೊನೆ ಭಾರೊ ನಾಕ್ಯೊ.

ಪ್ರಕಟನೆ 12:14

ತೆನೈಸೊ ತೆ ಬಾಕ್ಡಿನೆ ಬೆ ಮ್ಹೊಟಿ ಹದ್ದೊನಾ ರಕ್ಕಯಾ ದಿದಲ ಹುತಿ, ತೆ ಬಾಕ್ಡಿನೆ ಉಸುಕನಾ ಗಾಮ್ಮಾ ತಯ್ಯಾರ ಕರಲ ಜ಼ಗಾ ಉಡಿನೆ ಜಾ಼ವಾನೆ ಥಯೊ. ತ್ಯಾ ತೆ ಬಾಕ್ಡಿ ಕ್ಹಡಾ ತನ್ನ ವರಕ್ಹ ಖತರ್ನಾಕ ಕ್ಹಾಪ್ನೆ ದಿಕ್ಹ್ಯಾವಾಚಿ ಜ಼ತ್ತನ ಥೈ.

ಪ್ರಕಟನೆ 12:4

ತೆ ಕ್ಹಾಪ್ನಿ ಪುಚ಼ಡಿ ಹಬಾಳಮಾನಿಯೊ ಚಿಕ್ಕಕಿಯೊಮಾ ತನ್ವಾ ಯಕ್ಕ ಭಾಗ ಜಗ್ಗಿಲಿನ ಜಿಮಿನಪರ ನಾಕಿ ಪಾಡ್ಯು ತೆ ಕ್ಹಾಪ. ಜ಼ನ್ನಾನಿ ತ್ರಾಸಮಾ ರ‍್ಹಯಲ ಬಾಕ್ಡಿನಾ ಕ್ಹಾಮೊ ಹುಬ್ರಯೊ ತೆ ಬಾಕ್ಡಿ ಜ಼ನ್ನಾನಾ ಬಚ್ಚಾ಼ನೆ. ಗಳಾನೆ ತೆ. ಕ್ಹಾಪ ಕೈದಾಡ್ಯೊತು.

ಪ್ರಕಟನೆ 12:6

ತೆ ಬಾಕಡಿಕ್ಹು ತಿನಾಹುತಿ ಕ್ಹುದಾ ತಯ್ಯಾರ ಕರಲ ಉಸುಕನಾ ಯಕ್ಕ ಗಾಮಾ ನ್ಹಾಟಿ ಗೈ. ತೆ ಉಸುಕನಾ ಗಾಮ್ಮಾ ತಿನೆ ಬಾರಾಕ್ಹೊನ ಕ್ಹಾಟ ದಿನ್ನ ಜ಼ತ್ತನ ಕರಸ.