ಮತ್ತಾಯ 12:34 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁴ ತುಮೆ ಕ್ಹಾಪೊ ವ್ಹೈ! ತುಮೆ ದುಷ್ಠೊ ವ್ಹೈ.! ಕಿಮ ತುಮೆ ಚೊ಼ಕು ಕವೊಶಿ? ತುಮಾರಾ ಮನಸ್ಮಾ ಭರಲಜ ತುಮಾರು ಮ್ಹೊಡು ಬೊಲಸ.

ಮತ್ತಾಯ 12:34 ပူးပေါင်းရင်းမြစ်များ

ಮತ್ತಾಯ 12:35

ಚೊ಼ಕೊ ರ‍್ಹಯಲವಾಲೊ ತಿನಾ ಮನಸ್ಮಾ ಚೊ಼ಕಾನುಜ ಮ್ಹೆಲಿಲಿದಲ ರ‍್ಹವಸ. ತಿನಾ ಹುತಿ ತೆ ತಿನಾ ಮನಸ್ಮಾ ಆವಾನು ಚೊ಼ಕುಜ ಬೊಲಸ. ತೆನೈಸೊ ದುಷ್ಟ ತಿನಾ ಮನಸ್ಮಾ ಕೆಟ್ಟ ರ‍್ಹಯಲಜ ಭರಿಲಿದಲ ರ‍್ಹವಸ. ತಿನಾಹುತಿ ತೆ ತಿನಾ ಮನಸ್ಮಾ ಆವಾನು ಕೆಟ್ಟಜ಼ ಬೊಲಸ.

ಮತ್ತಾಯ 15:18

ತೆನೈಸೊ ಮ್ಹೊಡಾಮಾತಾ ಭಾರಾ ಸು ಆವಸ ಕ್ಹಾರು ಮನಸಮಾತು ಆವಸ. ಎಜ಼ ಮನಕ್ಹನೆ ಅಶುದ್ದ ಕರಸ.

ಮತ್ತಾಯ 23:33

ಕ್ಹಾಪೊ, ಕ್ಹಾಪನಿ ಜಾ಼ತನಾವೊ, ನರಕನಿ ಶಿಕ್ಷಾಕ್ಹು ನ ತುಮೆ ಕಿಮ್ಮ ವಾಚ್ಚೊಸಿ.

ಮತ್ತಾಯ 3:7

ಘನ್ನಾ ಫರಿಸಾಯರೊ ವರಿ ಸದ್ದುಕಾಯರೊ ಯೊಹಾನನಾ ಹತೆ ಬಾಪ್ತಿಸ್ಮಾ ಕರೈಲಿವಾನಾ ಹುತಿ ಆಯಾ. ಯೊಹಾನ ತ್ಯುನೊನೆ ದೆಕಿನ, ತುಮೆ ಕ್ಹಾರಾ ಕ್ಹಾಪೊ ವ್ಹೈ! ಆವಾನೆ ರ‍್ಹಯಲ ಕ್ಹುದಾನಾ ಶಿಟ್ಟಕ್ಹು ವಾಚಾನೆ ತುಮೊನೆ ಹುಶಾರಕಿ ದಿದಲವಾಲು ಕುನ್ನ ವ್ಹೈ?

ಲುಕ ಬರ್ದಲ ಸುವಾರ್ತಾ 3:7

ಮನಕ್ಹೊನು ಗುಂಪ ಯೊಹಾನನಾ ಹತೆ ಬಾಪ್ತಿಸ್ಮ ಕರೈ ಲಿವಾ ಹುತಿ ಆಯಾ. ಯೊಹಾನ ತ್ಯುನೊನೆ "ಎ ಕ್ಹಾಪೊನಿ ಜಾ಼ತ ವಾಲಾವೊ! ಅಗು ದಿಕ್ಹಾನು ಕ್ಹುದಾನಿ ಸಿಟ್ಟಕ್ಹು ವಾಚಾ಼ನಾ ಹುತಿ ತುಮೊನೆ ಹುಶಾರ ರ‍್ಹವೊ ಕೈನ ಕದಲವಾಲು ಕುನ್ನ ವ್ಹೈ?

ಲುಕ ಬರ್ದಲ ಸುವಾರ್ತಾ 6:45

ಚೊ಼ಕು ಮನಸ ರ‍್ಹಯಲವಾಲಾನಾ ಚೊ಼ಕಿಯೊ ಸಂಗತಿಯೊ ಲಾವಸ. ಮನಸ್ಮಾ ಚೊ಼ಕು ರ‍್ಹಯಲಜ಼ ಮ್ಹೊಡಾತು ಆವಸ. ವರಿ ಕೆಟ್ಟ ರ‍್ಹಯಲ ಮನಕ್ಹನಾ ಮನಸ್ಮಾ ರ‍್ಹಯಲಜ಼ ಮ್ಹೊಡಾತು ಕೆಟ್ಟ ಆವಸ.

ಯೊಹಾನ 8:44

ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ.

ಎಫೆಸ 4:29

ತುಮಾರಾ ಮ್ಹೊಡಾಕ್ಹು ಕೆಟ್ಟ ವಾತೊ ಔ ನೈ. ಭಕ್ತಿನೆ ಘಟ್ಟ ಕರಾನಾ ಕಾಲನೆ ಕರೆಟ್ಟ ರ‍್ಹಯಲ ವಾತೊ ರ‍್ಹಯಾರೆ ಐಕಾಲಾವೊನಾ ಚೊ಼ಕಾನಾ ಹುತಿ ತೆ ಕವೊ.

ಎಫೆಸ 5:4

ತೆನೈಸೊ ತುಮಾರಾ ವಚ್ಮಾ ಕೆಟ್ಟ ವಾತೊ ರ‍್ಹೌ ನೈ. ತುಮೆ ಮುರಖ ತನಾಕ್ಹು ಬೊಲು ನೈ ವರಿ ಕೆಟ್ಟ ಅಕ್ಹಾನಾ ವಾತೊ ಬೊಲು ನೈ. ತೆ ತುಮೊನೆ ಚಾ಼ಯೆ ಥಯಲ ನ್ಹವ್ಹೈ. ತೆನೈಸೊ ಕ್ಹುದಾನೆ ಸ್ತೊತ್ರ ಕವಾಲಾ ರ‍್ಹೌ.

ಯಾಕೊಬ 3:2

ಅಪೆ ಕ್ಹಾರಾ ಜ಼ನಾ ಘನ್ನಾ ವಿಶಯಮಾ ತಪ್ಪ ಕರಾಲಾ ಥಯಾಸ. ಯಕ್ಲೊ ವಾತಮಾ ತಪ್ಪ ಕರ‍್ಯಾವಾಚಿ ನೈ ಚಾ಼ಲ್ಯೊಮ ತೆ ಕ್ಹಾರಿ ತರಾಮಾ ಚೊ಼ಕೊ ರ‍್ಹಯಲವಾಲೊ ತಿನಿ ಪುರಾ ಅಂಗನೆ ಹತೊಟಿಮಾ ಮುಕ್ಕಿಲಿವಾನೆ ಯೊಗ್ಯ ಥಯೊಸ.

1 ಯೊಹಾನ 3:10

ತಿನಾ ಹುತಿ ಕ್ಹುದಾನಾ ಬಚ್ಚಾ಼ ವರಿ ಸೈತಾನನಾ ಕುನ ವ್ಹೈ ಕೈನ ತಿಳದಿಲಿಯ್ಯೆಸ. ಯೊಗ್ಯ ರ‍್ಹಯಲ ನೈ ಕರಾಲಾ ಮನಕ್ಹೊ ಕ್ಹುದಾನಾ ಬಚ್ಚಾ಼ ನ್ಹವೈ. ತಿನಾ ಭೈನೆ ನೈ ಮಯಾ ಕರಾಲೊ ಕ್ಹುದಾನೊ ದಿಕ್ರೊ ನ್ಹವೈ.