ಮತ್ತಾಯ 11:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಬಾಪ್ತಿಸ್ಮಾ ದಿವಾಲೊ ಯೊಹಾನ ಆಯಲ ಟೈಮತೊ ನ್ಹ್ಯಾ ಲಕ್ಕಾ ಪರಲೊಕ ರಾಜ್ಯ ಘನ್ನಾ ತಾಕತನಾ ಯುದ್ದೊನೆ ಮ್ಹೈ ಥಯುಸ. ಹಿಂಸೆನೆ ಉಪಯೊಗ ಕರಿನ ಮನಕ್ಹೊ ರಾಜ್ಯ ಲಿವಾನೆ ಕೊಶಿಶ ಕರಸ.

ಮತ್ತಾಯ 11:12 ပူးပေါင်းရင်းမြစ်များ

ಮತ್ತಾಯ 11:11

ಬಾಪ್ತಿಸ್ಮಾ ದಿಲಾವಾಲೊ ಯೊಹಾನ ಪೈಲಾ ಜಿವ್ತಾ ರ‍್ಹಯಲ ಮನಕ್ಹೊತಿ ಮ್ಹೊಟೊ ವ್ಹೈ. ತೆನೈಸೊ ಪರಲೊಕ ರಾಜ್ಯಮಾ ರ‍್ಹವಾಲೊ ನ್ಹಾನೊಬಿ ಯೊಹಾನತಿಬಿ ಮ್ಹೊಟೊ ವ್ಹೈ ಕೈನ ಕ್ಹರಿಮಾಜ಼ ಮಿ ತುಮೊನೆ ಕೌಸ.

ಮತ್ತಾಯ 11:13

ಕ್ಹಾರಾ ಪ್ರವಾದನೆ ವರಿ ಮೊಶೆನು ಧರಮ ಶಾಸ್ತ್ರ ಯೊಹಾನ ಆಯೆಲಕ್ಕಾ ಪರಲೊಕ ರಾಜ್ಯನಾ ಹುತಿ ಪೈಲಾಜ ಕದ್ಯಾಸ.

ಮತ್ತಾಯ 3:15

ಯೆಸು "ಹಮ್ನಾ ತು ಇನಿ ಒಪ್ಪಿಲೆ ಅಪೆ ಕಾಮೊ ಕರಾನು ಶೆ" ಕದ್ಯೊ. ತೆಳಾಮಾ ಯೊಹಾನ ಯೆಸುನೆ ಬಾಪ್ತಿಸ್ಮಾ ದಿವಾನೆ ಒಪ್ಪಿಲಿದ್ಯೊ.

ಲುಕ ಬರ್ದಲ ಸುವಾರ್ತಾ 13:24

ತೆ ವಾತೆ ಯೆಸು ಸ್ವರಗೆ ಜಾ಼ವಾನು ಅಗ್ದಿ ನ್ಹಾನಾ ಬಾಕಲಮಾತಾ ಜಾ಼ವಾನಾ ಹುತಿ ತ್ರಾಸ ಖಾವೊ! ಘನ್ನಾ ಮನಕ್ಹೊ ತ್ಯಾ ಜಾ಼ವಾನೆ ಕೊಶಿಶ ಕರಸ, ತೆನೈಸೊ ತ್ಯುನೊಕನ ಥಾತು ನೈ.

ಲುಕ ಬರ್ದಲ ಸುವಾರ್ತಾ 16:16

"ಮನಕ್ಹೊ ಮೊಶೆ ಬರ್ದಲ ಧರಮಶಾಸ್ತ್ರ ಪ್ರಕಾರ ಪ್ರವಾದಿಯೊ ಕದಲಜ಼ ತಿಮ್ಮಜ಼ ಮನಕ್ಹೊ ಜಿವ್ನಾ ಕರು ಕವಾನಿ ಕ್ಹುದಾನಿ ಆಸ ವ್ಹತ್ತಿ. ದಿಕ್ಕಷಾಸ್ನಾನ ದಿಲಾವಾಲೊ ಯೊಹಾನನಾ ಆಯಲ ಕಾಲ್ಮಾ ಕ್ಹುದಾನಿ ರಾಜ್ಯನಾ ಹುತಿ ತಿಳ್ಸಸ, ಘನ್ನಾ ಮನಕ್ಹೊ ಕ್ಹುದಾನಿ ರಾಜ್ಯಮಾ ಜಾ಼ವಾನಾ ಹುತಿ ಘನ್ನಾ ಕಷ್ಟ ಪಡಾಡ್ಯಾಸ.

ಯೊಹಾನ 5:4

ಕಾಕದ್ಯಾಮ ಹರಿಯಕ್ಕಸಲಾ ದಕ್ಹೊ ಟೈಮ್ಮ ಥಯಲ್ಪರ ಪ್ರಭುನೊ ದುತ ಹೆಟೊ ಉತ್ರಿನ ಐನ ತೆ ವ್ಹಂಡಮಾನು ಪಾನಿ ಹಲಾತೊತೊ ಅರಾಮ ನೈಸೊವಾಲೊ ಕಯೊಬಿ ಮನಕ್ಹ ಪಾನಿ ಹಲ್ತಾಮಾ ಪೈಲಾ ಗೈಯಾಮ ತೆ ಕಯಾಬಿ ರೊಗ್ಮಾ ರ‍್ಹಯೊತಬಿ ಅರಾಮಾ ಥಾತೊತೊ.

ಯೊಹಾನ 6:27

ಹಾಳ ಥಾವಾನು ರ‍್ಹಯಲ ಅನ್ನನಾ ಹುತಿ ರಾಬೊ ನಕೊ ತೆನೈಸೊ ಹಮೆಶಾನಾ ಜ಼ಲಮ ದಿವಾನು ಅನ್ನನಾಹುತಿ ರಾಬೊ. ತೆ ಮನಕ್ಹನೊ ದಿಕ್ರೊ ದಿವಸ. ತಿಪರ ಬಾ ಥಯಲ ಕ್ಹುದಾ ಅದಿಕಾರನೊ ಶಿಕ್ಕೊ ಮಾರ‍್ಯೊಸ.

ಫಿಲಿಪ್ಪಿ 2:12

ತಿಮ್ಮ ರ‍್ಹಯಲಕ್ಹು ಮಾರಾ ಮಯಾನಾ ತಮ್ಮೆ ಮಾರಾ ವಾತೊ ಹಮೆಶಾಬಿ ಪಾಲನೆ ಕರಲ ಲಿಂಗತ ಹಮ್ನಾಬಿ ಪಾಲನೆ ಕರೊ. ಮಿ ತಮಾರಾ ಕ್ಹಾತೆ ರ‍್ಹತ್ತಾಮ್ಮಾ ಯಕ್ಕ ನೈಸೊ, ಮಿ ನೈಸೊ ಟೆಮ್ಮಾ ಘನಿ ಭಕ್ಹು ಕಾಪಾಲಾ ಥೈನ ತಮಾರಾ ತಮಾರಾ ರಕ್ಷಣೆ ಕರಲಿಯೊ.