ಮತ್ತಾಯ 10:22 - ಕ್ಹುದಾನಿ ಕ್ಹರಿನಿ ವಾಕ್ಯಾ

²² ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.

ಮತ್ತಾಯ 10:22 ပူးပေါင်းရင်းမြစ်များ

ಮತ್ತಾಯ 10:39

ಮನೆ ಮಯಾ ಕರಾತಿ ಜಾಸ್ತ ತಿನಾ ಜಲಮನೆ ಮಯಾ ಕರಾಲೊ ತಿನೆ ಜವೈಲಿವಸ. ಮಾರಾಹುತಿ ತಿನು ಜ಼ಲಮ ಜವೈಲಿವಾಲೊ ತಿನೆ ಪಡ್ದಿಲಿವಸ.

ಮತ್ತಾಯ 24:13

ವರಿಬಿ ಲಾಸ್ಟಲಕ್ಕಾ ತಡ್ದಿಲಿವಾಲೊ ರಕ್ಷಣೆ ಹೊಂದಿಲಿವಸ.

ಮತ್ತಾಯ 24:9

ತೆಳಾಮಾ ತುಮೊನೆ ತ್ರಾಸ ಕರಿನ ಖಲಾಸ ಕರಸ; ಮಾರಾ ಹುತಿ ತುಮೊನೆ ಕ್ಹಾರಾ ಮನಕ್ಹೊ ದ್ವೆಶಕರಸ.

ಮತ್ತಾಯ 5:11

ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಕದ್ರಾಯಮ, ತ್ರಾಸ ಕರ‍್ಯಾಮ ವರಿ ತುಮಾರಾ ಉಪ್ಪರ ಕೆಟ್ಟ ವಿಶಯ ಸುಳ್ಳ ಘಾಲ್ಯಮ ತುಮೆ ಧನ್ಯ ವ್ಹೈ.

ಮಾರ್ಕ 13:13

ವರಿ ಮಾರಾ ನಾಮಪರ ತುಮೊನೆ ಕದ್ರಾವಸ. ತಿಮ್ಮ ಥಯಲ್ಪರಬಿ ಕುನ್ನ-ಕುನ್ನ ಲಾಸ್ಟಲಕ್ಕಕಾ ತಡ್ದಿಲಿವಾಲಾನೆ ರಕ್ಷಣೆ ಮಳಸ.

ಲುಕ ಬರ್ದಲ ಸುವಾರ್ತಾ 21:17

ವರಿ ತುಮೆ ಮಾರಾ (ಯೆಸುನಾ) ಪಾಚಾ಼ ಆವಾಕ್ಹು ಮನಕ್ಹೊ ತುಮಾರಾ ದುಶ್ಮನೊ ಥಾವಸ.

ಲುಕ ಬರ್ದಲ ಸುವಾರ್ತಾ 21:19

ತುಮೆ ತಮಾರಾ ಬರೊಕ್ಹಾಪರ ಘಟ್ಟ ರ‍್ಹಯಾಮ ತಮಾರಾಕ್ಹು ತುಮೆ ವಚಾ಼ಡಿ ಲಿವೊಸಿ.

ಲುಕ ಬರ್ದಲ ಸುವಾರ್ತಾ 6:22

ಮನಕ್ಹನಾ ದಿಕ್ರಾನಾ ಹುತಿ ಮನಕ್ಹೊ ತುಮೊಪರ ಸಿಟ್ಟ ಮ್ಹೆಲಸ ತುಮೊನೆ ಕೆಟ್ಟ ವ್ಹೈ ಕವಸ ವರಿ ತುಮಾರಿ ಮರ್ಯಾದಿ ಕಾಡಸ ವರಿ ಎ ಕ್ಹಾರು ತಡ್ದಿಲಿವಾಲಾ ತುಮೆ ಧನೈ ವ್ಹೈ.

ಲುಕ ಬರ್ದಲ ಸುವಾರ್ತಾ 8:15

ತೆನೈಸೊ ಚೊ಼ಕಿ ಜಿಮಿನ್ಪರ ಪಡಲ ಬಿಯ್ಯಾ ಕದ್ಯಾಮ, ವರಿ ದಕ್ಹಾ ಜ಼ನಾ ಕ್ಹುದಾನಿಯೊ ವಾತೊ ಐಕಿನ ಚೊ಼ಕಾ ಮನಸ್ಮಾ ಮುಕ್ಕಕಿಲಿನ ತಡ್ದಿಲಿನ ಫಲ ದಿವಸ.

ಯೊಹಾನ 17:14

ಮಿ ಇವ್ನೊನೆ ತಾರಿ ವಾಕ್ಯಾ ದಿದ್ಯೊಸ. ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. ಮಿ ಎ ದುನಿಯಾನೆ ಕೈ ತರಾ ಮಿ ನತ್ತಿ ಮಳ್ಯೊ. ತಿನಾ ಲಿಂಗತಜ ಇವ್ನೆ ಎ ಲೊಕನೆ ಮಳಲ ವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ.

ಯೊಹಾನ 7:7

ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.

ಅಪೊಸ್ತಲೊ 9:16

ತೆ ಮಾರಾ ನಾಮಪರ ಕೆಕ್ಲೊ ತ್ರಾಸ ಖೌ ಕೈನ ತಿನೆ ಮಿಜ಼ ದೆಕಾಡಿನ ದ್ಯುಸ ಕೈನ ಕದ್ಯೊ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

2 ಕೊರಿಂಥ 4:11

ಅಪೆ ಜಿವ್ತಾ ರ‍್ಹಯಾತುಬಿ ಯೆಸುನಾ ಹುತಿ ಹಮೆಶಾಬಿ ಮರಣನಿ ಅಪಯಮಾ ಛೆ. ಮರಿಜಾ಼ವಾನು ಅಪ್ನಾ ಅಂಗಮಾ ತಿನೊ ಜ಼ಲಮ ದಿಕ್ಹಾದೆ ಕೈನ ಎ ಅಪ್ನಾ ಕ್ಹಾತೆ ಥಯು.

ಗಲಾತ್ಯ 6:9

ಅಪೆ ಚೊ಼ಕಾ ಕಾಮೊ ಕರಾಮಾ ಬೆಜ್ಜಾರ ಥೌ ನೈ. ಕರೆಟ್ಟ ಟೈಮಮಾ ಅಪೆ ಹಮೆಶಾನು ಜ಼ಲಮ ಪಡ್ದಿಲಿವಸ. ತಿನಾಹುತಿ ಚೊ಼ಕಾ ಕಾಮೊ ಕರಾನು ಛೊಡುನೈ.

ಇಬ್ರಿಯ 3:14

ಅಪೊನೆ ರ‍್ಹಯಲ ಪೈಲಾನೊ ಬರೊಕ್ಹೊ ಲಾಸ್ಟಲಕ್ಕಾ ಅಪೆ ಘಟ್ಟ್ಟ ಧರ‍್ಯಾರೆ ಅಪೆ ಕ್ರಿಸ್ತನಾ ಹಿಸ್ಸಾಮಾ ಭಾಗಿದಾರ ಥಯೆಸ.

ಇಬ್ರಿಯ 6:11

ತುಮೆ ವ್ಹಂದಿಲಿದಲ ಆಸ ಪುರಾ ಥಾಯೆಲಕ್ಕಾ ತುಮೊಮಾ ಹರಿ ಯಕ್ಲೊ ಪೈಲಾನಿ ಆಸಕ್ತಿ ರ‍್ಹಯಲ ಲಾಸ್ಟ ಲಕ್ಕಾಬಿ ದೆಕಾಡಿನ ದ್ಯು ಕೈನ ಆಸ ಕರುಸ.

ಯಾಕೊಬ 1:12

ಕುನ್ನ ಕಷ್ಟ ತಡ್ದಿಲಿವಸ ಕ್ಹಾವಸ ತೆ ಆಶಿರ್ವಾದ ವ್ಹಂದಿಲಿದಲವಾಲೊ ವ್ಹೈ. ತೆ ಪರಿಕ್ಷಾಮಾತೊ ಬ್ಹಾರೊ ಆಯಲ್ಪರ ಕರ್ತಾ ತಿನೆ ಮಯಾ ಕರಲವಾಲಾವೊನೆ ಕದಲ ಲಿಂಗತಜ಼ ಹಮೆಶಾನು ಜ಼ಲಮನು ಕಿರಿಟ ವ್ಹಂದಿಲಿವಸ.

1 ಯೊಹಾನ 3:13

ಭಾಯೊ ಭೆನೊ, ಎ ದುನಿಯಾಮಾನಾ ಮನಕ್ಹೊ ತುಮೊನೆ ದುಶ್ಮನಿ ಕರ್ತಾಮಾ ಘಾಬ್ರಾಥಾವೊನಕೊ.

ಪ್ರಕಟನೆ 2:10

ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.

ಪ್ರಕಟನೆ 2:17

"ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊಜ಼ ಮನಸ ದಿನ್ನ ಐಕ ಝಿತ್ತಾಲಗಾಡಲ ಹರಿ ಯಕ್ಕ ಮನಕ್ಹನೆ ಮಿ ಝಾಕಿನ ಮ್ಹೆಲಲ ಮನ್ನ ದ್ಯುಸ ತಿನೆ ಮಿ ಧೊಳೊ ರ‍್ಹಯಲ ದಗ್ಡೊ ದ್ಯುಸ ತೆ ದಗ್ಡಾಪರ ನೌ ನಾಮ ಬರ್ದ್ಯಾಸ ಎ ನೌ ನಾಮ ಕಿನೆಜ಼಼ ಗ್ವತ್ತ ನತ್ತಿ ಎ ದಗ್ಡೊ ಮಳಲವಾಲೊ ಯಕ್ಕಜ಼ ನೌ ನಾಮ ವಳಕಿಲಿವಸ.

ಪ್ರಕಟನೆ 2:26

"ಜಿತ್ತಾಲಾನೆ ವರಿ ಮಿ ಆಸ ಕರಾನು ಲಾಸ್ಟ ಲಕ್ಕಾ ಕರಾಲಾನೆ ಮನಕ್ಹೊನಾ ಉಪ್ಪರ ಅದಿಕಾರ ದ್ಯುಸ"

ಪ್ರಕಟನೆ 2:3

ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ.

ಪ್ರಕಟನೆ 2:7

ಪವಿತ್ರ ಆತ್ಮಾ ಸಬೆನೆ ಕತೊ ರ‍್ಹಯಲ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ. ಕಯೊ ಝಿತ್ತಸ ತಿನೆ ಜ಼ಲಮ ರ‍್ಹಯಲ ಝಾಡನು ಪ್ಹಲ ತಿನೆ ಖಾವಾನು ಹಕ್ಕ ದ್ಯುಸ. ಎ ಝಾಡ ಕ್ಹುದಾನಾ ಮಳಾಮಾ ಛೆ.

ಪ್ರಕಟನೆ 3:21

"ಮಿ ಝಿತ್ತಿನ ಮಾರಾ ಬಾನಾ ಕ್ಹಾತೆ ತಿನಾ ಸಿಂಹಾಸನ್ಪರ ಬೈಟ್ಯೊಸ. ತಿನಾ ಲಿಂಗತಜ಼ ಝಿತ್ತಲ ಹರಿ ಯಕ್ಲೊ ಮಾರಾ ಕ್ಹಾತೆ ಸಿಂಹಾಸನ್ಪರ ಬೈಟಾನಾ ಲಿಂಗತ ಹಕ್ಕ ದ್ಯುಸ.