ಮತ್ತಾಯ 1:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ತೆ ಯಕ್ಕ ಪಟ್ಟಾನೆ ಜನ್ನಸ; ತು ತಿನೆ ಯೆಸು ಕೈನ ನಾಮ ಮ್ಹೆಲು; ಕಾ ಕದ್ಯಾಮ ಎಜ ತಿನಾ ಮನಕ್ಹೊನೆ ತ್ಯುನಾ ಪಾಪೊಕ್ಹು ಚೊಡೈನ ವಚಾಡಸ ಕದ್ಯೊ.

ಮತ್ತಾಯ 1:21 ပူးပေါင်းရင်းမြစ်များ

ಮತ್ತಾಯ 1:25

ತೆನೈಸೊ ಮರಿಯಳ ಪಟ್ಟಾನೆ ಜನ್ನೆಲಕ್ಕಾ ಯೊಸೆಫ ತಿನಾ ಕ್ಹಾತೆ ಶರಿರನಾ ಸಂಭಂದಕ್ಹು ನ್ಹೊತೊ. ಯೊಸೆಫ ತೆ ಪಟ್ಟಾನೆ ಯೆಸು ಕೈನ ನಾಮ ಮ್ಹೆಲ್ಯೊ.

ಲುಕ ಬರ್ದಲ ಸುವಾರ್ತಾ 1:13

ವರಿ ತೆ ದುತ ತಿನೆ ಜಕರಿಯಾ, ಭುಚ್ಕು಼ನಕೊ; ತಾರಿ ಪ್ರಾಥನಾ ಕ್ಹುದಾ ಐಕ್ಯೊಸ; ತಾರಿ ಬೈಕೊ ಎಲಿಸಬೆತ ಯಕ್ಕ ಪಟ್ಟೊ ಜ಼ನ್ನಿನ ತುನೆ ದಿವಸ. ತು ತಿನೆ ಯೊಹಾನ ಕೈನ ನಾಮ ಮ್ಹೆಲು.

ಲುಕ ಬರ್ದಲ ಸುವಾರ್ತಾ 1:31

ಐಕ! ತು ಪೆಟೆ ರ‍್ಹೈನ ಯಕ್ಕ ಪಟ್ಟೊ ಜ಼ನ್ಸಿ. ತು ತಿನು ನಾಮ "ಯೆಸು "ಕೈನ ಮ್ಹೆಲು.

ಲುಕ ಬರ್ದಲ ಸುವಾರ್ತಾ 2:11

ತೆ ಸುವೈ ಕದ್ಯಾಮ ಆಜ಼ನಾ ಟೈಮಮಾ ತುಮಾರಾ ಹುತಿ ದಾವಿದನಾ ಗಾಮ್ಮಾ ಯಕ್ಲೊ ರಕ್ಷಕ ಹುಟ್ಯೊಸ. ತೆ ಕರತಾ ಥಯಲ ಕ್ರಿಸ್ತ ವ್ಹೈ.

ಲುಕ ಬರ್ದಲ ಸುವಾರ್ತಾ 2:21

ತೆ ಪಟ್ಟಾನೆ ಆಟ್ವಾ ದಿನೆ ಸುನ್ನತಿ ಥೈ ತಿನು ನಾಮ "ಯೆಸು "ಕೈನ ಮ್ಹೆಲ್ಯಾ. ಮರಿಯಳನಾ ಪೆಟಮಾ ಬೆಳದಾತಿ ಪೈಲಾ ಕ್ಹುದಾನು ದುತ ಎಜ಼ ನಾಮ ಮ್ಹೆಲ ಕೈನ ಕದ್ಯೊತೊ.

ಯೊಹಾನ 1:29

ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.

ಯೊಹಾನ 4:42

ತ್ಯುನೆ ತೆ ಬಾಕ್ಡಿ ತೆ ಕದಲ ವಾತೊಕ್ಹು ಹಮೆ ಯೆಸುನೆ ನಂಬ್ಯಾತಾ. ತಿನಾ ಹುತಿ ಹಮೆಜ಼ ಖುದ್ದ ದೆಕಿನ ಹಮೆ ನಂಬಿಯೆಸ. ಕ್ಹರಿಮಾಜ಼ ಎಜ಼ ದುನಿಯಾನೆ ವಚಾ಼ಡಾಲೊ ವ್ಹೈ ಹಮ್ನಾ ಹಮೊನೆ ಗ್ವತ್ತ ಥಯುಸ ಕೈನ ಕದ್ಯಾ.

ಅಪೊಸ್ತಲೊ 13:23

"ಕ್ಹುದಾ ತಿನಾ ವಾಗ್ದಾನನಾ ಲಿಂಗತ ದಾವಿದನಾ ಸಂತಾನಮಾನೊ ಯಕ್ಲಾನೆ ಇಸ್ರಾಯೆಲ ರಕ್ಷಕ ಥೈನ ವಳೈನ ದಿದ್ಯೊಸ. ತೆಜ಼ ಯೆಸು ವ್ಹೈ.

ಅಪೊಸ್ತಲೊ 3:26

ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"

ಅಪೊಸ್ತಲೊ 4:12

ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ‍್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.

ಅಪೊಸ್ತಲೊ 5:31

ಕ್ಹುದಾ ತಿನೆ ಇಸ್ರಾಯೆಲ ಮನಕ್ಹೊನೆ ಪಾಪ ಮಾಫ ಕರಾನಾಹುತಿ ತಿನೆ ಪ್ರಭು ಥೈನ, ರಕ್ಷಕ ಥೈನ ತಿನಾ ಶಿದಾ ಹತ್ತ ಬಗಲ ಉನ್ನತ ಸ್ಥಾನಪರ ಉಟಾಡ್ಯೊ.

ತಿತನೆ 2:14

ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.

ಇಬ್ರಿಯ 7:25

ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.

1 ಯೊಹಾನ 1:7

ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.

1 ಯೊಹಾನ 3:5

ಕ್ರಿಸ್ತ ಮನಕ್ಹೊನೆ ಪಾಪಕ್ಹು ಛೊಡಾವಾ ಹುತಿ ಆಯೊಸ ಕವಾನು ತುಮೊನೆ ಗ್ವತ್ತ ಛೆ. ತಿಕನ ಪಾಪ ಕವಾನು ನತ್ತಿ.

ಪ್ರಕಟನೆ 7:14

"ಸ್ವಾಮಿ, ತ್ಯುನೆ ಕುನ ವ್ಹೈ ಕವಾನು ತುನೆ ಗ್ವತ್ತ ಛೆ "ಕೈನ ಮಿ ಕದ್ಯೊ. ತೆಳಾಮಾ ತೆ ಶಾನೊ"ಎ ಮನಕ್ಹೊ ಘನ್ನೊ ತ್ರಾಸ ಖೈನ ಆಯಲವಾಲಾ ವ್ಹೈ. ತ್ಯುನೆ ಬಕ್ರಾನು ಬಚ್ಚಾ಼ನಾ ರಗತಕ್ಹು ತ್ಯುನಾ ವಣ್ಣಾ ಧ್ವಲಿದ್ಯಾಸ. ಹಮ್ನಾ ತ್ಯುನೆ ಹಸಾ ಥಯಾಸ ವರಿ ಧೊಳಾ ಥಯಾಸ.