ಲುಕ ಬರ್ದಲ ಸುವಾರ್ತಾ 9:41 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴¹ ತೆಳಾಮಾ ಯೆಸು ತ್ಯುನಾ ಶಿಷ್ಯಾವೊಕನ ದೆಕಿನ ಬರೊಕ್ಹೊ ನೈಸೊ ವಾಲಾವೊನೆ ಹಜು಼ನ ಕೆಕ್ಕಲಾ ದಿನ್ನ ತುಮಾರಾ ಕ್ಹಾತೆ ಮಿ ತಡ್ದಿಲಿನ ರ‍್ಹೌ? ಕದ್ಯೊ ತೆ ಮನಕ್ಹನೆ ತಾರಾ ದಿಕ್ರಾನೆ ನ್ಹ್ಯಾ ಬಲೈಲಿನಾ ಆ ಕದ್ಯೊ.

ಲುಕ ಬರ್ದಲ ಸುವಾರ್ತಾ 9:41 ပူးပေါင်းရင်းမြစ်များ

ಮತ್ತಾಯ 11:28

ಕಷ್ಟಮಾ ರ‍್ಹಯಲವಾಲಾ, ವಜ್ಜು಼ ಉಚೈಲಿದಲವಾಲಾ, ತುಮೆ ಕ್ಹಾರಾ ಮಕನ ಆವೊ. ಮಿ ತುಮೊನೆ ಸಮಾಧಾನ ದ್ಯುಸ.

ಮತ್ತಾಯ 12:39

ಯೆಸು, ದುಷ್ಟರೊ ವರಿ ಪಾಪಿಯೊ ಅದ್ಭುತ ಕಾಮ ದೆಕಾನೆ ಮನಸ ಕರಸ. ತೆನೈಸೊ ತ್ಯುನೊನೆ ಯಕ್ಕ ಬಿ ಅದ್ಭುತ ಕಾಮ ದೆಕಾಡತಾ ನೈ.

ಮತ್ತಾಯ 12:45

ತೆಳಾಮಾ ತೆ ಕೆಟ್ಟ ಆತ್ಮಾ ಗೈನ ತಿನಾತಿಬಿ ಕೆಟ್ಟ ರ‍್ಹಯಲ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈ ಲಾವಸ. ತೆ ಕೆಟ್ಟ ಆತ್ಮಾವೊ ತೆ ಮನಕ್ಹನಾ ಅಂಗಮಾ ಗೈನ ತ್ಯಾ ರ‍್ಹವಾನು ಶುರು ಕರಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಜಾಸ್ತ ತ್ರಾಸ ಥಾವಸ. ಎ ದಿನ್ನೊಮಾ ರ‍್ಹಯಲ ಕೆಟ್ಟ ಮನಕ್ಹೊನೆ ಇನಾಲಿಂಗತಜ಼ ಥಾವಸ ಕದ್ಯೊ.

ಮತ್ತಾಯ 16:4

ವ್ಯಬಿಚಾರಿ ಲಿಂಗತ ರ‍್ಹಯಲ ಎ ದುಶ್ಟ ಸಂತತಿ ಸುಚಕ ಕಾಮ ದೆಕು ಕೈನ ಹುಡಕಸ. ತೆನೈಸೊ ಯೊನನು ಸುಚಕ ಕಾಮ ಛೊಡಿನ ಬಿಜು಼ ಕಯುಜ಼ ನೈ ಮಳ್ತು ಕೈನ ಜವಾಬ ದಿದ್ಯೊ. ಪಾಚ಼ಲ್ತೊ ಯೆಸು ತ್ಯುನೊನೆ ಛೊಡಿನ ಗಯೊ.

ಮತ್ತಾಯ 17:17

ಯೆಸು, "ಅಯ್ಯೊ, ಬರೊಕ್ಹೊ ನೈಸೊ ಗ್ಯಾನ ನೈಸೊವಾಲಾವೊನಾ ಬಚ್ಚಾ಼ವೊ, ಹಜು಼ನ ಕೆಕ್ಲಾದಿನ್ನ ತುಮಾರಾ ಕ್ಹಾತೆ ರ‍್ಹೌ? ವರಿ ಕೆಕ್ಲಾ ದಿನ್ನ ತುಮೊನೆ ತಡ್ದಿಲ್ಯು? ತೆ ಪಟ್ಟಾನೆ ಮಕನ ಲಿನ ಆವೊ ಕೈನ ಕದ್ಯೊ.

ಮತ್ತಾಯ 23:36

ಎ ಕ್ಹಾರಾ ಅ ಸಂತತಿವಾವಾಲಾವೊಪರ ಅವಸ ಕೈನ ಮಿ ತುಮೊನೆ ಕ್ಹರಿಮಾಜ಼ ಕೌಸ.

ಮತ್ತಾಯ 3:7

ಘನ್ನಾ ಫರಿಸಾಯರೊ ವರಿ ಸದ್ದುಕಾಯರೊ ಯೊಹಾನನಾ ಹತೆ ಬಾಪ್ತಿಸ್ಮಾ ಕರೈಲಿವಾನಾ ಹುತಿ ಆಯಾ. ಯೊಹಾನ ತ್ಯುನೊನೆ ದೆಕಿನ, ತುಮೆ ಕ್ಹಾರಾ ಕ್ಹಾಪೊ ವ್ಹೈ! ಆವಾನೆ ರ‍್ಹಯಲ ಕ್ಹುದಾನಾ ಶಿಟ್ಟಕ್ಹು ವಾಚಾನೆ ತುಮೊನೆ ಹುಶಾರಕಿ ದಿದಲವಾಲು ಕುನ್ನ ವ್ಹೈ?

ಮಾರ್ಕ 10:14

ತೆ ಯೆಸು ದೆಕಿನ ಶಿಟ್ಟಥೈನ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ -ಬಚ್ಚಾವೊನೆ ಮಕನ ಆವಾನೆ ದಿವೊ ತ್ಯುನೊನೆ ಅಡ್ಡಿ ಕರೊ ನಕೊ. ಕ್ಹುದಾನಿ ರಾಜ್ಯ ಇವ್ನಾ ವರಕ್ಹಾವೊನೆ ವ್ಹೈ

ಮಾರ್ಕ 10:49

ತೆಳಾಮಾ ಯೆಸು ಹುಬ್ರೈನ ತಿನೆ ಬಲೈ ಲಾವೊ ಕದ್ಯೊ. ತೆಳಾಮಾ ಮನಕ್ಹೊ ತೆ ಕುಡ್ಡಾನೆ ಬಲೈನ ಖುಶಿ ಕರ ಉಟ. ತುನೆ ಬಲಾವಾಡ್ಯೊಸ ಕದ್ಯಾ.

ಮಾರ್ಕ 9:19

ತಿನಾಹುತಿ ಯೆಸು ತಿನಾಶಿಷ್ಯಾವೊನೆ -ಎ ಬರೊಕ್ಹೊ ನೈಸೊವಾಲಾವೊ? ಮಿ ಹಜು಼ನ ಕೆಕ್ಲಾ ದಿನ್ನ ತುಮಾರಾ ಕ್ಹಾತೆ ರ‍್ಹೌ? ಹಜು಼ನ ಕೆಕ್ಲಾ ದಿನ್ನ ತುಮೊನೆ ತಡ್ದಿಲಿವ? ತೆ ಪಟ್ಟಾನೆ ಲಿನ ಮಕನ ಆವೊ.

ಲುಕ ಬರ್ದಲ ಸುವಾರ್ತಾ 8:25

ತೆಳಾಮಾ ಯೆಸು"ತುಮಾರೊ ಬರೊಕ್ಹೊ ಕಿಜಾ಼ ಛೆ? ಕೈನ ತ್ಯುನೊನೆ ಪುಚ್ಯೊ. ತೆಳಾಮಾ ಕ್ಹಾರಾ ಶಿಷ್ಯಾ ಭುಚ್ಕಿನ ಘಾಬ್ರಾಥಯಾ"ಎ ಕುನ್ನ ವಸ? ಪಾನಿನೆ ವಾರಾನೆ ಅಪ್ಪಣೆ ದಿವಸ, ಎ ಕ್ಹಾರು ಯೆಸು ಕದಲ ತಿಮ್ಮಜ಼ ಐಕಸ್ತೊ"ತ್ಯುನೊಮಾ ತ್ಯುನೊಮಾಜ಼ ಬೊಲ್ಲಿನ ಘನ್ನಾ ಘಾಬ್ರಾ ಥಯಾ;

ಲುಕ ಬರ್ದಲ ಸುವಾರ್ತಾ 9:40

ಮಾರಾ ದಿಕ್ರಾಮಾತು ತೆ ಕೆಟ್ಟ ಆತ್ಮಾ ಛೊಡಾಕೈನ ತಾರಾ ಶಿಷ್ಯಾವೊಕನ ಮಾಂಗಲಿದ್ಯೊ ತೆನೈಸೊ ತಿವ್ನಾ ಹತೆ ಥಯು ನೈ ಕೈನ ಯೆಸುಕನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 9:42

ತೆ ಪಟ್ಟೊ ಆತಾಮಾ ತೆ ಕೆಟ್ಟ ಆತ್ಮಾ ತಿನೆ ಜಿಮಿನ್ಪರ ಪಾಡಿನ ಪಟ್ಟಾನೆ ವದ್ಯಾಡ್ಸಿನ ತೆಳಾಮಾ ಯೆಸು ತೆ ಕೆಟ್ಟ ಆತ್ಮಾ ನೆ ಭುಚ್ಕಾ಼ಡಿನ ತೆ ಪಟ್ಟಾನೆ ಅರಾಮ ಕರ‍್ಯೊ, ಪಾಚಲ್ತೊ ತೆ ಪಟ್ಟಾನೆ ತಿನಾ ಬಾನಾ ಹತ್ಮಾ ವಪ್ಸಿನ ದಿದ್ಯೊ.

ಯೊಹಾನ 14:9

ಯೆಸು "ಫಿಲಿಪ್ಪ ಮಿ ಅಕ್ಲಾ ಟೈಮತೊ ತುಮಾರಾ ಕ್ಹಾತೆ ರ‍್ಹೈತಬಿ ತು ಮನೆ ತಿಳ್ದಿಲಿದ್ಯೊ ನತ್ತಿ ಸು? ಮನೆ ದೆಕಲವಾಲೊ ಬಾನೆಬಿ ದೆಕಲವಾಲೊ ವ್ಹೈ. ತಿನಾಹುತಿ "ಬಾನೆ ಹಮೊನೆ ದೆಕಾಡ, ಕೈನ ಕಾ ಪುಚ್ಚಾಡಾಸ? ಕೈನ ಉತ್ತರ ದಿದ್ಯೊ.

ಯೊಹಾನ 20:27

ಪಾಚಲ್ತೊ ಯೆಸು ತೊಮಾನೆ ತಾರೊ ಬೊಟ ಘಾಲಿನ ಮಾರಾ ಹತೊ ದೆಕ. ತಾರೊ ಹತ ಮಾರಿಯೊ ಪಾಕ್ಹಳಿಮಾ ಘಾಲ ಸಂಶೊ ಕರ‍್ಯಾವಾಚಿ ಮನೆ ನಂಬಾಲೊ ಥಾ. ಕೈನ ಕದ್ಯೊ.

ಅಪೊಸ್ತಲೊ 13:18

ಉಸುಕನಾ ಗಾಮಮಾ ತ್ಯುನೊನೆ ಚಾ಼ಳಕ್ಹ ವರಕ್ಹ ತ್ಯುನೊನೆ ತಡ್ದಿಲಿದ್ಯೊ.

ಅಪೊಸ್ತಲೊ 2:40

ಪೆತ್ರಾ ಹಜು಼ನ ಘನ್ನಾ ವಾತೊಕ್ಹು ತ್ಯುನೊನೆ ಹುಶಾರ ಕರಿನ"ಎ ಕೆಟ್ಟ ಸಂತತಿವಾಲಾಕ್ಹು ಚು಼ಕೈಲಿವೊ" ಕೈನ ಮಾಂಗಿಲಿದ್ಯೊ.

ರೊಮಾಪೂರ 2:4

ಕ್ಹುದಾ ತುಮಾರಿ ವಿಷಯಮಾ ಘನ್ನು ಮರಗಾಲೊ ಥಯೊಸ; ತಡ್ದಿಲಿವಾಲೊ ವ್ಹೈ. ತುಮೆ ಬದಲಿ ಥೌ ಕೈನ ಕ್ಹುದಾ ತುಮಾರಾ ಹುತಿ ಕೈದಾಡ್ಯೊಸ. ವರಿಬಿ ತುಮೆ ತಿನಿ ಮರಗಾನಾ ಹುತಿ ವಿಚಾರ ಕರತಾ ನೈ. ತುಮೆ ತುಮಾರಿ ಮನಸೊ ಜಿವ್ನಾ ಬದಲಿ ಕರಲಿವಾನೆ ಥಾವಸ ಕೈನ ಕ್ಹುದಾನಿ ಮರಗಾನೆ ತಿಳ್ದಿಲಿದ್ಯಾವಾಚಿ ಛೆ.

ಇಬ್ರಿಯ 3:19

ತಿನಾಹುತಿ ಕ್ಹುದಾನಿ ಸಮಾಧಾನ ಕಾ ಮಳಿ ನೈ ಕೈನ ಕದ್ಯಾಮ, ತ್ಯುನೊನೆ ಕ್ಹುದಾಪರ ಬರೊಕ್ಹೊ ನೈ ರ‍್ಹಯಲ ಹುತಿಜ಼ ವ್ಹೈ ಕೈನ ಅಪೊನೆ ದಿಕ್ಹಿನ ಆವಸ.

ಇಬ್ರಿಯ 4:11

ಕ್ಹುದಾನಾ ಅರಾಮಮಾ ಅಪೆ ಜಾ಼ವಾನಾ ಹುತಿ ಕೊಶಿಶ ಕರಿಯೆ ಅಪ್ನಾಮಾನೊ ಯಕ್ಲೊಬಿ ತೆ ಮನಕ್ಹೊನಾ ಲಿಂಗತ ತಿನಿ ವಾತ ಐಕ್ಯಾ ಬಗರ ರ‍್ಹಯಾವಾಚಿ ಘನ್ನಾ ಹುಷಾರಕ್ಹು ರ‍್ಹಯೆ.

ಇಬ್ರಿಯ 4:2

ರಕ್ಷಣೆನಿ ವಾಟನಾ ಹುತಿ ತ್ಯುನೊನೆ ತಿಳಸಾಯಲ ಲಿಂಗತ ಅಪೊನೆಬಿ ತಿಳಸ್ಯಾ. ತ್ಯುನೆ ತೆ ಬೊಧನೆ ಐಕ್ಯಾತಬಿ ತ್ಯುನೊನೆ ಉಪಯೊಗ ಥೈಯು ನೈ. ಕಾಕದ್ಯಾಮ ತ್ಯುನೆ ತಿನೆ ಬರೊಕ್ಹಾಕ್ಹು ಸ್ವಿಕಾರ ಕರ‍್ಯಾ ನೈ.

ಇಬ್ರಿಯ 7:25

ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.