ಲುಕ ಬರ್ದಲ ಸುವಾರ್ತಾ 9:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ತೆಳಾಮಾ ಯೆಸು ಅಪೊಸ್ತಲೊನೆ ಸು ಕದ್ಯೊ ಕದ್ಯಾಮ, ತುಮೆ ಗಾಮೊಯೆ ಜಾ಼ತಾಮಾ ಲಾಕ್ಡಿ ನಕೊ ಕೈಚಿಲಾ ನಕೊ ದೊಕಡಾ ನಕೊ ಭುತ್ತಿ ನಕೊ. ಬೆ ಅಂಗ್ಡಾ ನಕೊ ನಿಂಜಾ಼ವೊ.

ಲುಕ ಬರ್ದಲ ಸುವಾರ್ತಾ 9:3 ပူးပေါင်းရင်းမြစ်များ

ಮಾರ್ಕ 6:7

ಪಾಚಲ್ತೊ ಯೆಸು ಸುತ್ಲ್ಯಾ ಗಾಮೊಪರ ಫರಿನ ಉಪದೆಶ ಕರತೊ ಆಯೊ. ವರಿ ಬಾರಾ ಜ಼ನಾ ಶಿಷ್ಯಾವೊನೆ ತಿಕನ ಬಲೈನ ತ್ಯುನೊನೆ ಬೆ-ಬೆ ಜ಼ನಾವೊನೆ ಮೊಕಲ್ತಾಮಾ. ವರಿ ತ್ಯುನೊನೆ ಕೆಟ್ಟ ಆತ್ಮಾವೊಪರ ಅದಿಕಾರ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 12:22

ಯೆಸು ತಿನಾ ಶಿಷ್ಯಾವೊನೆ ಅಮ್ಮ ಕದ್ಯೊ" ಎ ಕಾರಣ ಕ್ಹು ಮಿ ತುಮೊನೆ ಸು ಕೌಸ ಕದ್ಯಾಮ, ತಿನಾ ಜ಼ಲಮನಾ ಹುತಿ ಖಾವಾನು ಅನ್ನ ವರಿ ಘಾಲ್ಲಿವಾನಾ ಹುತಿ ವಣ್ಣಾವೊನಾ ಹುತಿ ಚಿಂತಾ ಕರೊ ನಕೊ.

ಲುಕ ಬರ್ದಲ ಸುವಾರ್ತಾ 12:28

ಎ ಬರೊಕ್ಹೊ ನೈಸೊವಾಲಾವೊ ಹಮ್ನಾ ರ‍್ಹೈನ ವ್ಹಂತ್ತಾ ಬಳಿ ಜಾ಼ವಾಲಾ ರಾನ್ಮಾನಾ ಚಾ಼ರೊನೆ ದೆಕೊ. ಕ್ಹುದಾ ತ್ಯುನೊನೆ ಕೆಕ್ಲೊ ಚೊ಼ಕೊ ಕರ‍್ಯೊಸ. ತೆ ಚಾ಼ರಾತಿಬಿ ಕ್ಹುದಾ ತುಮೊಪರ ಮಯಾ ಛೆ. ತುಮೊನೆ ಕೆಕ್ಲೊ ದೆಸ.

ಲುಕ ಬರ್ದಲ ಸುವಾರ್ತಾ 22:35

ಪಾಚಲ್ತೊ ಯೆಸು ಶಿಷ್ಯಾವೊನೆ, ಮಿ ತುಮೊನೆ ಭೊದನೆ ಕವಾನಾ ಹುತಿ ಮೊಕಲ್ತಾಮಾ ದೊಕಡಾವೊನೆ ಕೈಚಿಲಾ ವರಿ ಗಾಮೆ ನಿಂಜಾ಼ವಾನಿ ಕೈಚಿಲಾ ನೈಸೊಜ಼, ಚಪ್ಲೊ ನೈಸೊ ಮೊಕಲ್ಯೊ, ವರಿಬಿ ತುಮೊನೆ ಸುಬಿ ಕಮ ಥೈಸು? ಕೈನ ಪುಚ್ಯೊ. ತೆಳಾಮ ಶಿಷ್ಯಾ ಸುಜ಼ ಕಮ ಥೈಯು ನೈ ಕದ್ಯಾ.

ಲುಕ ಬರ್ದಲ ಸುವಾರ್ತಾ 3:11

ಯೊಹಾನ, ತ್ಯುನೊನೆ "ತುಮೊಕನ ಬೆ ಅಂಗ್ಡಾ ರ‍್ಹಯಾಮ, ವಣ್ಣಾ ನೈಸೊ ವಾಲಾನೆ ಯಕ್ಕ ಅಂಗ್ಡು ದಿವೊ. ತುಮೊಕನ ಅನ್ನ ರ‍್ಹಯುಮ, ತೆ ಅನ್ನ ವಾಟಿನ ಖಾವೊ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 5:29

ಪಾಚಲ್ತೊ ಲೆವಿ ಯೆಸುನಾ ಹುತಿ ತಿನಾ ಘರಮಾ ಖಾವಾನೆ ಮ್ಹೊಟು ಫಂಕ್ಷನ ಕರಾಯೊ ತೆಳಾಮಾ ಭುಭಾಡೊಲಿವಾಲಾ ಘನ್ನಾ ಜ಼ನಾ ವರಿ ಘನ್ನಾ ಮನಕ್ಹೊ ವ್ಹತ್ತಾ.

ಲುಕ ಬರ್ದಲ ಸುವಾರ್ತಾ 9:4

ತುಮೆ ಕಯಾಬಿ ಯಕ್ಕ ಘರಮಾ ರ‍್ಹತಾಮಾ ತೆ ಗಾಮ ಛೊಡಿನ ಜಾ಼ಯೆಲಕ್ಕಾ ತ್ಯಾಜ಼ ರ‍್ಹವೊ.

2 ತಿಮೊತಿ 2:4

ಸೈನಿಕ ತಿನಾ ಸೈನ್ಯಾದಿಕಾರಿನೆ ಪಸಂದ ಔ ಕೈನ ಆಸ ಕರಸ. ತಿನಾಹುತಿ ತೆ ಸೈನಿಕ ಲೊಕ ವ್ಯವಹಾರಮಾ ಅಟಕ್ಯಾವಾಚಿ ಹುಶಾರಮಾ ರ‍್ಹವಸ.