ಲುಕ ಬರ್ದಲ ಸುವಾರ್ತಾ 9:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ಯಕ್ಲೊ ಜಗತಮಾನು ಕ್ಹಾರು ಗಳ್ಸಿನ ಮಕ್ಕಯೊಮ ತಿನೆ ತೆ ತಿನೊ ಜ಼ಲಮ ಜ಼ವೈಲಿದ್ಯೊಮ ತಿನಾ ಹುತಿ ತಿಕ್ಹು ಸು ತಿನೆ ಫೈದೊ ಛೆ?

ಲುಕ ಬರ್ದಲ ಸುವಾರ್ತಾ 9:25 ပူးပေါင်းရင်းမြစ်များ

ಮತ್ತಾಯ 13:48

ತೆ ಭರಲ್ಪರ ಮಚ್ಲಿ಼ಯೊ ಧರಾಲಾ ತ್ಯುನೆ ಧಂಡಿಯೆ ಲೈನ ಚೊ಼ಕಿಯೊ ಮಚ್ಲಿಯೊ ಇನಿಲಿನ ಕೆಟ್ಟ ಮಚ್ಲಿ಼ಯೊ ನಾಕಿಪಾಡಸ.

ಮತ್ತಾಯ 13:50

ತ್ಯಾ ರವಾನು ವರಿ ಕಟ್ಟ-ಕಟ್ಟ ದಾತೊ ಖಾವಾನು ರ‍್ಹವಸ.

ಮತ್ತಾಯ 16:26

ಯಕ್ಕ ಮನಕ್ಹ ಭುಲೊಕ ಕ್ಹಾರು ಕಮೈಲಿದ್ಯೊತಬಿ ತಿನೊ ಜ಼ಲಮ ಜ಼ವೈಲಿದ್ಯೊಮ ತಿನೆ ಲಾಭ ಸು ವ್ಹೈ? ತೆನೈಸೊ ಯಕ್ಲೊ ತಿನಾ ಜ಼ಲಮನಾಹುತಿ ಸು ದೆಸಕಸ?

ಮಾರ್ಕ 8:36

ಯಕ್ಕ ಮನಕ್ಹ ದುನಿಯಾಮಾ ಸುಬಿ ಗಳಶ್ಯೊಮ ತಿನೊ ಜ಼ಲಮ ಗೈ ಪಾಡ್ಯೊಮ ತಿನೆ ಸು ಫೈದೊ ಕದ್ಯಾಮ ಕ್ಹುದಾನಾ ಕ್ಹಾತೆ ರ‍್ಹವಾನೊ ಹಮೆಶಾನೊ ಜ಼ಲಮ ಜ಼ವೈಲಿದ್ಯೊಮ ತಿನೆ ಸು ಫೈದೊ ವ್ಹೈ? ಸುಜ಼ ನ್ಹವೈ

ಅಪೊಸ್ತಲೊ 1:18

ಎ ಮೊಸನು ಕಾಮ ಕರಾನೆ ಯುದನೆ ದೊಕ್ಡಾ ದಿದ್ಯಾತಾ. ತೆ ದೊಕ್ಡಾಕ್ಹು ಯಕ್ಕ ಖೆತರ ತಿನಾಹುತಿ ಲಿದ್ಯಾ. ತೆನೈಸೊ ಯುದ ಮಾತು ಹೆಟು ಕರಿನ ಪಡಲ್ಪರ ತಿನು ಪೆಟ ಫುಟಿ ಗೈಯು. ತಿನಾ ಕ್ಹಾರಾ ಅತ್ತೊಡಾ ಭಾರಾ ಆಯಾ.

ಅಪೊಸ್ತಲೊ 1:25

ತೆಳಾಮಾ ತ್ಯುನೆ ಅಮ್ಮ ಪ್ರಾಥನಾ ಕರ‍್ಯಾ" ಪ್ರಭು ತು ಕ್ಹಾರಾ ಮನಕ್ಹೊನು ಮನಸ್ಸ ತಿಳ್ದಿಲಿದ್ಯೊಸ. ಎ ಕಾಮ ಕರಾನಾ ಹುತಿ ಎ ಬೆ ಜ಼ನಾವೊಮಾ ತು ಕಿನೆ ಇನಿಲಿದ್ಯೊಸ ಕವಾನು ಹಮೊನೆ ದೆಕಾಡ. ಯುದ ಎ ಕಾಮನೆ ವಿರುದ್ದ ಥೈನ ತೆ ಕಿಜಾ಼ ಜಾ಼ವಾನು ವ್ಹತ್ತು ತ್ಯಾ ಗಯೊ. ಪ್ರಭು, ತಿನಿ ಜ಼ಗಾಪರ ಅಪೊಸ್ತಲ ಕುನ್ನ ಥೌ ಕೈನ ಹಮೊನೆ ದೆಕಾಡ"

1 ಕೊರಿಂಥ 9:27

ಬಿಜಾ಼ವೊನೆ ಬಲೈನ ಮಿಜ಼ ನಾ ಕಾಬಿಲ ಲಿಂಗತ, ಮಾರಾ ಅಂಗನೆ ರಬಾಡಿನ, ಮನೆ ಮಿಜ಼ ಹತೊಟಿಮಾ ಮ್ಹೆಲ್ಯುಸ.

ಇಬ್ರಿಯ 10:34

ತುಮೆ ಜೆಲಮಾ ರ‍್ಹಯಲವಾಲಾವೊನೆ ಮರಗಾ ದೆಕಾಡೊ ತುಮಾರಾ ಹುತಿ ಚೊ಼ಕು ಘಟ್ಟ ರ‍್ಹಯಲ ರ‍್ಹವಾನಿ ಆಸ್ತಿ ಛೆ ಕೈನ ಚೊ಼ಕಿತರಾ ತಿಳ್ದಿನ ತುಮಾರಿ ಆಸ್ತಿ ಉದಾಳಿವಾಲಾವೊನೆ ಕ್ಹುಶಿಕ್ಹು ಛೊಡಿನ ದಿದ್ಯಾಸ.