ಲುಕ ಬರ್ದಲ ಸುವಾರ್ತಾ 8:43 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴³ ತೆ ಮನಕ್ಹೊನಾ ಗುಂಪಮಾ ಬಾರಾ ವರಕ್ಹತಿಬಿ ಅಂಗಮಾನು ರಗತ ಜಾ಼ವಾಲಿ ತ್ಯಾ ಯಕ್ಕ ಹೆಣ ಮನ್ಹಖ ವ್ಹತ್ತಿ. ತಿಕನ ರ‍್ಹಯಲ ಕ್ಹಾರಾ ದೊಕಡಾ ಡಾಕ್ಕಟರನೆ ಘಾಲಿತಿ. ತೆ ತೆಕ್ಲಾ ದೊಕಡಾ ಘಾಲಿತೊಬಿ ಕಯೊಜ಼ ಡಾಕ್ಕಟರನೆ ತಿನೆ ಅರಾಮ ಕರಾನೆ ಥಯುನೈ.

ಲುಕ ಬರ್ದಲ ಸುವಾರ್ತಾ 8:43 ပူးပေါင်းရင်းမြစ်များ

ಮಾರ್ಕ 12:44

ಕಿಮ ಕದ್ಯಾಮ ತ್ಯುನೊನೆ ಬಸ ಥೈನ ಉಗ್ರಲ ಘಾಲ್ಯಾಸ ;ಎ ಹೆಣ ಮನಕ್ಹ ತೆಕ್ಕಲಿ ಗರಿಬನಿ ಸ್ತಿತಿಮಾ ತಿಕನ ರ‍್ಹಯಲ ತೆಕ್ಕಲುಬಿ ಘಾಲಿಪಾಡಿಸ ಕದ್ಯೊ. ತೆ ಗರಿಬನಿ ರ‍್ಹೈತಬಿ ತಿಕನ್ನು ರ‍್ಹಯಲ ತೆಕ್ಲು ಘಾಲಿ.

ಮಾರ್ಕ 9:18

ತೆ ಕಿಜ್ಗಾ಼ಬಿ ತಿಪರ ಐನ ತಿನೆ ಪಾಡಿಪಾಡಸ; ತೆಳಾಮಾ ತಿನಾ ಮ್ಹೊಡಾಮಾತು ಬುರುಕ ಚು಼ವಾವಸ. ವರಿ ಕಟ-ಕಟ ದಾತೊ ಖಾತೊ ಶಡ್ದೈ ಜಾ಼ವಸ ತೆ ಛೊಡಾಕೈನ ತಾರಾ ಶಿಷ್ಯಾವೊಕನ ಕೈಲಿದ್ಯೊ. ತಿವ್ನಾ ಹತೆ ಥಯ್ಯೊನೈ. ಕದ್ಯೊ.

ಲುಕ ಬರ್ದಲ ಸುವಾರ್ತಾ 13:11

ತೆ ಸಬಾಮಂದಿರಮಾ ಯಕ್ಕ ಕೆಟ್ಟ ಆತ್ಮಾ ಧರಲ ಹೆಣ ಮನಕ್ಹ ತ್ಯಾ ವ್ಹತ್ತಿ, ತೆ ಹೆಣ ಮನಕ್ಹ ತೆ ಕೆಟ್ಟ ಆತ್ಮಾ ಕ್ಹು ಅಟ್ರಾ ವರಕ್ಹತಿಬಿ ಡುಗಿ ವ್ಹತ್ತಿ.

ಲುಕ ಬರ್ದಲ ಸುವಾರ್ತಾ 13:16

ಮಿ ಅರಾಮ ಕರಲ ಹೆಣ ಮನಕ್ಹ ಅಬ್ರಹಾಮನಿ ಖಾಂದಾನವಾಲಿ ವ್ಹೈ. ಸೈತಾನ ಎ ಹೆಣ ಮನಕ್ಹನೆ ಅಟ್ರಾ ವರಕ್ಹತು ಬಂದನಮಾ ಮ್ಹೆಲ್ಯುತು, ತಿನಾ ಹುತಿ ಎ ಹೆಣ ಮನಕ್ಹನೆ ಸಬ್ಬತ ದಿನಮಾ ತಿನೊ ರೊಗ ಮಿ ಅರಾಮ ಕರ‍್ಯೊ, ತಿನಾ ಹುತಿ ಕ್ಹರಿಮಾಜ಼ ಎ ತಪ್ಪ ನ್ಹವೈ"ಕದ್ಯೊ.

ಲುಕ ಬರ್ದಲ ಸುವಾರ್ತಾ 8:27

ಯೆಸು ಹಡಗಾಮಾತೊ ಉತರತಾಮಾ ತೆ ಗಾಮ್ನೊ ಯಕ್ಕ ಮನಕ್ಹ ಯೆಸುಕನ ಐನ ಎ ದಾಣಗಾಮಾ ಕೆಟ್ಟ ಆತ್ಮಾ ವ್ಹತ್ತಿಯೊ. ಘನ್ನಾ ದಿನತೊ ತೆ ವಣ್ಣಾಜ಼ ಘಾಲ್ಲಿದ್ಯೊ ನ್ಹೊತೊ. ತೆ ಮಜಾ಼ರೊನಿಯೊ ಗವಿಯೊಮಾ ರ‍್ಹತೊತೊ.

ಲುಕ ಬರ್ದಲ ಸುವಾರ್ತಾ 8:42

ಕಾಕದ್ಯಾಮ ತಿನೆ ಯಕ್ಕಲಿಜ಼ ದಿಕ್ರಿ ವ್ಹತ್ತಿ. ತೆ ಬಾರಾ ವರಕ್ಹನಿ ವ್ಹತ್ತಿ. ತೆ ಮರಾನಿ ಹಾಲತಮಾ ವ್ಹತ್ತಿ. ಯೆಸು ಯಾಯಿರನಾ ಘರೆ ಜಾ಼ತಾಮಾ ಮನ್ಹಖೊ ತಿನಾ ಸುತ್ತೆಬಿ ಆಯಾ.

ಲುಕ ಬರ್ದಲ ಸುವಾರ್ತಾ 8:44

ತೆಳಾಮಾ ತೆ ಹೆಣ ಮನ್ಹಖ ಯೆಸುನಾ ಪಾಚಿ಼ ಐನ ಯೆಸುನು ಅಂಗ್ಡು ಮುಟ್ಟಿ. ತೆ ಹೆಣ ಮನ್ಹಖ ಯೆಸುನು ಅಂಗ್ಡು ಧರಲ ಬರೊಬ್ಬರ ತಿನೆ ಅರಾಮ ಥಯು.

ಯೊಹಾನ 9:1

ಯೆಸು ಚಾಲ್ತೊ ಜಾ಼ತಾ ಟೈಮ್ಮಾ ಯಕ್ಕ ಹುಟ್ಟತೊಜ ಕುಡ್ಡೊ ರ‍್ಹಯಲ ವಾಲಾನೆ ದೆಕ್ಯೊ.

ಯೊಹಾನ 9:21

ತೆನೈಸೊ ಕುನ್ನ ಮಾತಿ ಲಗಾಡಿನ ತಿನೆ ದಕ್ಹಾ ವರಕ್ಹು ಕರ‍್ಯು ಕವಾನು ಹಮೊನೆ ವರಿ ಇನೆ ಕಿಮ್ಮ ದಿಕ್ಹಾಡುಸ ಕವಾನು ಹಮೊನೆ ಗ್ವತ್ತ ನತ್ತಿ. ತಿನೆಜ ಪುಚ್ಚೊ. ತೆ ತಿನಾ ಹುತಿ ಕವಾಯಕ್ಲೊ ಹಜು಼ನ ಜಾಂಜಿಮಾನ ಛೆ" ಕದ್ಯಾ.

ಅಪೊಸ್ತಲೊ 3:2

ದೆವಾಲಯಮಾ ಜ಼ಾವಾಲಾವೊಕಂತೊ ಭಿಕ ಮಾಂಗಾನಾಹುತಿ ತಿನೆ ದೆವಾಲಯನಾ ಸುಂದರ ದ್ವಾರಬಾಕಲಕನ್ನ ದಿನ್ನೆ ಬೈಟಾಡತಾತಾ.

ಅಪೊಸ್ತಲೊ 4:22

ಎ ಸುಚಕ ಕಾಮೊಕ್ಹು ಅರಾಮ ಥಯಲ ಮನಕ್ಹೊನಿ ವೈಸ ಚಾ಼ಳಕ್ಹತಿಬಿ ಜಾಸ್ತ ವೈಸ ವ್ಹತ್ತಿ! ತಿನಾಹುತಿ ಯೆಹುದಿ ನಾಯಕೊ ಅಪೊಸ್ತಲೊನೆ ವರಿ ತಾಕಿತ ಕರಿನ ವಳೈ ಪಡ್ಯಾ.