ಲುಕ ಬರ್ದಲ ಸುವಾರ್ತಾ 8:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಕಮ ಮಾತಿ ದಗ್ಡಾಪರ ಪಡಲ ಬಿಯ್ಯಾ ಕದ್ಯಾಮ ಕುನ್ನ-ಕುನ್ನ ಕ್ಹುದಾನಿಯೊ ವಾತೊ ಖುಶಿಕ್ಹು ಐಕಿನ ತ್ಯುನೊಮಾ ಬರೊಕ್ಹೊ ಕಮ ರ‍್ಹಯಲ ಹುತಿ ತ್ಯುನೊನೆ ತರಾಸ ಆಯೊಮ ತ್ಯುನೆ ಕ್ಹುದಾತಿ ದುರ ಜಾ಼ವಸ.

ಲುಕ ಬರ್ದಲ ಸುವಾರ್ತಾ 8:13 ပူးပေါင်းရင်းမြစ်များ

ಮಾರ್ಕ 6:20

ಹೆರೊದ ಯೊಹಾನ ಕ್ಹುದಾನೊ ಭೆ ರ‍್ಹಯಲ ವಾಲೊ ವರಿ ಪರಿಶುದ್ಧ ವ್ಹೈ ಕೈನ ತಿಳ್ದಿನ ತಿಕ್ಹು ಭುಚ಼ಕಿನ ತಿನೆ ಸು ಥಾವುನೈ ಕೈನ ಮುಕ್ಕಯೊತೊ ಎನೈಸೊ ಯೊಹಾನ ಕವಾನು ತಿನೆ ಐಕ್ತಾಮಾ ಮನಸೆ ಘನ್ನು ಗಲಿಬಿಲಿ ಥಯುತಬಿ ತಿನಿಯೊ ವಾತೊ ಧ್ಯಾನ ದಿನ್ನ ಐಕ್ತೊತೊ.

ಲುಕ ಬರ್ದಲ ಸುವಾರ್ತಾ 8:12

ವಾಟ್ಮಾ ಪಡಲ ಬಿಯ್ಯಾ ಕದ್ಯಾಮ? ಕ್ಹುದಾನಿಯೊ ವಾತೊ ಕುನ್ನ ಐಕಸ. ವರಿ ಸೈತಾನ ಐನ ತ್ಯುನಾ ಮನಸೊಮಾ ರ‍್ಹಯಲ ಕ್ಹುದಾನಿ ವಾತೊ ಕಾಳ್ಳಿನ ಗೈ ಪಾಡ್ಯೊ. ತ್ಯುನೆ ಕ್ಹುದಾನಿಯೊ ವಾತೊಪರ ಬರೊಕ್ಹೊ ನೈ ರ‍್ಹಯಲ ಹುತಿ ತ್ಯುನೊನೆ ರಕ್ಷಣೆ ಥಾತಿ ನೈ.

ಲುಕ ಬರ್ದಲ ಸುವಾರ್ತಾ 8:14

ಕಾಟಾವೊನಿಯೊ ಕಂಟಿಯೊಮಾ ಪಡಲ ಬಿಯ್ಯಾ ಕದ್ಯಾಮ. ತ್ಯುನೆ ತ್ಯವಾ ಮನಕ್ಹೊ ವ್ಹೈ. ದಕ್ಹಾ ಮನಕ್ಹೊ ಕ್ಹುದಾನಿಯೊ ವಾತೊ ಐಕಿಸ ವರಿ ಇವ್ನೆ ಜಗತಿನಿ ಸುಖಮಾ ವರಿ ಚಿಂತಾಮಾ, ಸೌಕಾರನಿ ಆಸಮಾ ಆಸ್ತಿನಾ ಹುತಿ ತ್ಯುನೆ ತಿನೆಜ಼ ಹೆಚ್ಕಿ ಟೈಮ ದಿನ್ನ ತ್ಯುನೆ ಬೆಳತ್ತಾ ನೈ; ತ್ಯುನೆ ಚೊ಼ಕು ಫಲ ದೆತಾ ನೈ.

ಯೊಹಾನ 15:2

ಮಕನ ರ‍್ಹಯಲ ಫಲ ನೈ ದಿವಾನು ಹರಯಕ್ಕ ಜಡನೆ ತೆ ಕತ್ರಿನ ನಾಕಸ. ಫಲ ದಿವಾನು ಠೊಂಗಿ ಹಜು಼ನ ಹೆಚ್ಕಿ ಫಲಾ ದಿಯೆ ಲಿಂಗತ ತಿನೆ ಶುದ್ಧ ಕರಸ.

ಯೊಹಾನ 15:6

ಮಾರಾಮಾ ರ‍್ಹಯಲವಾಲೊ ವರಾಯಲ ಠೊಂಗಿ ಲಿಂಗತ ರ‍್ಹವಸ. ತಿನೆ ಜಮಾ ಕರಿನ ಆಗಮಾ ಘಾಲಸ. ತೆ ಆಗಮಾ ಪಡಿನ ಮರಿ ಜಾ಼ವಸ.

ಯೊಹಾನ 5:35

ಯೊಹಾನ ದಿವ್ವೊ ಲಾಗಲಲಿಂಗತ ವ್ಹತ್ತೊ ತೆ ಉಜಾಲು ದಿದ್ಯೊ, ವರಿ ತುಮೆ ತಿನು ಉಜಾಲಾನೆ ದಕ್ಹಾ ಟೈಮ ಖುಶಿಕ್ಹು ಅನುಭವ ಲಿವಾನೆ ದೆಕ್ಯಾ.

1 ಕೊರಿಂಥ 13:2

ಪ್ರವಾದನೆ ಕರಾನಿ ವರಾ ಮನೆ ವಸೆ; ಕ್ಹುದಾನಿ ರಹಸ್ಯ ಸಂಗತಿಯೊ ಕ್ಹಾರಾ ವರಿ ಗ್ಯಾನ ಕ್ಹಾರು ಮಿ ತಿಳ್ದಿಲಿದ್ಯೊ ವಸೆ ವರಿ ಡೊಂಗರೊನೆ ಚ಼ಲಾವಾನಿ ಮ್ಹೊಟೊ ಬರೊಕ್ಹೊ ಮನೆ ವಸೆ. ಎ ಕ್ಹಾರು ಮಾರಾಮಾ ರ‍್ಹೈತಬಿ ಮಯಾಜ಼ ನೈ ರ‍್ಹೈಮ, ಮಿ ಶಾನಾ ಕಾಮನೊ ಮನಕ್ಹ ನ್ಹವೈ.

1 ಕೊರಿಂಥ 15:2

ಮಿ ತುಮೊನೆ ಚೊ಼ಕಿ ಸಂದೆಶ ಕೈನ ದಿದಲ ಸಂಗತಿನೆ ಘಟ್ಟ ವಿಶ್ವಾಸ ಕರ‍್ಯಾಮ ತುಮೆ ಜ಼ಲಮ ಉದ್ದಾರ ಪಡ್ದಿಲಿವೊಶಿ. ನೈತೊ ತುಮಾರು ವಿಶ್ವಾಸ ಹಾಳಥಾಸ.

ಗಲಾತ್ಯ 3:1

ಯೆಸು ಕ್ರಿಸ್ತ ಶಿಲುವಿಪರ ಮರಲ ಹುತಿ ಗಲಾತ್ಯಮಾ ರ‍್ಹಯಲ ತುಮೊನೆ ಘನ್ನಿ ಚೊ಼ಕಿತರಾ ಕದ್ಯಾ. ತೆನೈಸೊ ತುಮೆ ವಟ್ಟಜ಼ ಗ್ಯಾನ ನೈಸೊವಾಲಾ ವ್ಹೈ. ತುಮೊನೆ ಮೊಸ ಕರಾನೆ ಬಿಜೆ಼ಕ್ಲಾನೆ ಮೌಕೊ ಕರಿನ ದಿದ್ಯಾ.

ಗಲಾತ್ಯ 3:4

ಘನಿಯೊ ಸಂಗತಿಯೊ ಅನುಭವಕ್ಹು ತಿಳ್ದಿಲಿದ್ಯಾಸ. ತೆ ಅನುಭವ ಕ್ಹಾರು ವೈರ್ಥ ವ್ಹೈ?

ಎಫೆಸ 3:17

ತುಮಾರಾ ಬರೊಕ್ಹಾನಾ ಮುಲಕ ಕ್ರಿಸ್ತ ತುಮಾರಾ ಮನಸ್ಸೊಮಾ ರ‍್ಹೌ ಕೈನ ಪ್ರಾಥನಾ ಕರುಸ. ತುಮಾರಿ ಜಿವ್ನಾ ಮಯಾಮಾ ಘಟ್ಟ ಥೈನ ರ‍್ಹೌ ಕೈನ ವರಿ ಮಯಾನಾ ಉಪ್ಪರ ಭಂದೌ ಕೈನ ಮಾಂಗಿಲ್ಯುಸ.

ಕೊಲೆಸ್ಸೆ 1:23

ಹಬಾಳನಾ ಹೆಟು ರ‍್ಹಯಲ ಕ್ಹಾರಿ ಸೃಷ್ಟಿನೆ ಕದಲ ಸುವಾರ್ತೆಕ್ಹು ಹುಟ್ಟಲ ಆಸಕ್ಹು ಹಲ್ಲು ನೈ ಕೈನ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ರ‍್ಹಯಾಮ

ಕೊಲೆಸ್ಸೆ 2:7

ತುಮೆ ತಿಮಾ ಬೆರುರಿನ,ತಿಮಾಜ಼ ಆಗಾ ಬಡತಾ ವರಿ ತುಮೊನೆ ಕದಲ ವಾಕ್ಯಾನಾ ಪ್ರಕಾರ ಬರೊಕ್ಹಾಕ್ಹು ರ‍್ಹೈನ ಕ್ಹುದಾನೆ ಜಾಸ್ತ-ಜಾಸ್ತ ಸ್ತೊತ್ರಾ ಕವೊ.

1 ಥೆಸಲೊನಿಕ 3:5

ತಿನಾಹುತಿ ಹಜು ತಡ್ದಿಲಿದೆ ವಾಚಿ ಯಕ್ಕ ಟೈಮ್ಮ ಸೈತಾನ ತಮನೊನೆ ಶೊದನೆ ಲಿದೆಲಕ್ಹು ಹಮೆ ಕರಲ ಕ್ಹಾರು ಹಾಳ ಥೈಗಯು ಸುನೈ ಕೈನ ತಮಾರಾ ಬರೊಕ್ಹೊನಾಹುತಿ ಮಿ ತಿಳ್ದಿಲಿವಾನಾಹುತಿ ತೆ ಮಿ ತುಮೊಕನ ವಳೈನ ದಿದ್ಯೊ.

1 ತಿಮೊತಿ 1:19

ತಾರಾಮಾ ಬರೊಕ್ಹೊ ಘಟ್ಟ ಥೈನ ರ‍್ಹವಾದೆ, ತುನೆ ಚೊ಼ಕು ಲಾಗಲಜ಼ ಕರ. ದಕ್ಹಾಜ಼಼ನಾ ಇಮ್ಮ ಕರ‍್ಯಾನೈ. ತ್ಯುನೊ ಬರೊಕ್ಹೊ ಕ್ಹಾರೊ ಹಾಳ ಥೈ ಗಯೊ.

ಇಬ್ರಿಯ 10:39

ಅಪೆತೊ ಪಾಚಾ಼ ಸರಕ್ಯಾಚಿ ರ‍್ಹೈನ ಹಾಳ ಥಾತಾ ನೈ ಬರೊಕ್ಹೊ ಕರಾಲಾ ಥೈನ ಆತ್ಮಾ ರಕ್ಷಣೆ ವ್ಹಂದಾಲಾ ಥಯಾಸ.

ಯಾಕೊಬ 2:26

ಆತ್ಮಾ ನೈಸೊ ಕಿಮ್ಮ ಅಂಗ ಮರ‍್ಯುಸ ತಿನಾ ಲಿಂಗತ ಕಾಮ ನೈಸೊ ಬರೊಕ್ಹೊ ಮರಲ ಲಿಂಗತ ವ್ಹೈ.

2 ಪೆತ್ರಾ 2:20

ಎ ಜಗತ್ಮಾನಾ ಕೆಟ್ಟ ಕಾಮೊಕ್ಹು ತೆ ಮನಕ್ಹೊನೆ ವಚಾ಼ಡ್ಯಾ. ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನೆ ತಿಳದಿಲಿವಾನಾಹುತಿ ತ್ಯುನೊನೆ ಬಿಡುಗಡೆ ಥೈ. ತೆನೈಸೊ ತೆ ಮನಕ್ಹೊ ತ್ಯುನಾ ಪಾಚ಼ಲ್ಯಾ ಸಂಗತಿಯೊನೆ ಪಾಚಾ಼ ಫರಿನ ಗಯಾಮಾ ವರಿ ತೆ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿದಲ ರ‍್ಹಯಾಮ ತ್ಯುನೆ ಪೈಲಾತಿಬಿ ಘನ್ನಾ ಕೆಟ್ಟ ಥೈ ಜಾ಼ವಸ.

2 ಪೆತ್ರಾ 2:22

ಕ್ಹರಿಮಾಜ಼ ಎ ವಾತೊ ಲಿಂಗತ ತ್ಯುನೆ ಕರ‍್ಯಾ; "ಕುತ್ರು ತೆ ವಕ್ಕಕಲಜ಼ ಚಾ಼ಟಾನೆ ಫ್ಹರಿನ ಗಯು. ವರಿ ಧ್ವಯಲ ಢುಕ್ಕುರ ರಾಡಿಮಾ ಉಳ್ಯಾಡಾನೆ ಗಯು"

1 ಯೊಹಾನ 2:19

ಕ್ರಿಸ್ತನೊ ದುಶ್ಮನೊ ಅಪ್ನಾ ಗುಂಪಮಾ ರ‍್ಹಯಾತಬಿ. ತ್ಯುನೆ ಅಪೊನೆ ಛೊಡಿನ ಗಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ಸಭೆವಾಲಾ ರ‍್ಹವತ್ತೊ ಅಪ್ನಾ ಕ್ಹಾತೆ ರ‍್ಹತಾತಾ. ತೆನೈಸೊ ತ್ಯುನೆ ಗೈ ಪಡ್ಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ ಕವಾನು ಇಕ್ಹು ದೆಕಾಡಿನ ದಿವಸ.

ಯುದ ಬರ್ದಲ ಪತ್ರ 1:12

ತುಮಾರಾ ಅನ್ಯುನೆತೆನಾ ಭೊಜನಮಾ ಎ ಮನಕ್ಹೊ ಡುಬಿ ಗಯಲ ದಗ್ಡಾವೊಲಿಂಗತ ಛೆ. ತ್ಯುನೆ ಭೆ ನೈಸೊ ತುಮಾರಾ ಕ್ಹಾತೆ ಕವಾಡ್ಯಾಸ. ತ್ಯುನೆ ಖುದ್ದನಾ ಹುತಿಜ಼ ಚಿಂತಾ ಕರಾಲಾ ಕುರಬುರ‍್ಯಾ ಥಯಾಸ. ತ್ಯುನೆ ಪಾನಿ ನೈಸೊ ಮ್ಹಾಡಲಿಂಗತ ಥಯಾಸ. ವಾರೊ ತೆ ಮ್ಹಾಡನೆ ತಿನಾ ಕ್ಹಾತೆ ಲಿನ ಗೈಪಡಸ. ತ್ಯುನೆ ಕಯಾ ಟೈಮ್ಮಾ ಫಲ ದ್ಯು ತೆ ಕಾಲಮಾ ಫಲ ದಿದ್ಯಾವಾಚಿ ಬೆರ ಕ್ಹಮಾತಾಜ಼ ಕಿತೈನ ಪಡಲ ಝಾಡೊಲಿಂಗತ ಛೆ.