ಲುಕ ಬರ್ದಲ ಸುವಾರ್ತಾ 8:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಯೆಸು, ತ್ಯುನೊನೆ "ಕ್ಹುದಾನಿ ರಾಜ್ಯನಿ ಗುಟ್ಟ ತುಮೆ ತಿಳದಿಲಿವಾದೆ ಕೈನ ಗ್ಯಾನ ತುಮೊನೆ ದಿದ್ಯಾಸ. ಬಿಜಾ಼ ಮನಕ್ಹೊನೆ ಮಿ ಕಾನಿಕ್ಹು ಬೊಲುಸ, ಕಾಕದ್ಯಾಮ, ತ್ಯುನೆ ದೆಕ್ಯಾತಬಿ ದಿಕ್ಹತು ನೈ, ಐಕ್ಯಾತಬಿ ತಿಳ್ದಿಲೆತಾ ನೈ.

ಲುಕ ಬರ್ದಲ ಸುವಾರ್ತಾ 8:10 ပူးပေါင်းရင်းမြစ်များ

ಮತ್ತಾಯ 11:25

ಪಾಚಲ್ತೊ ಯೆಸು, ಪರಲೊಕ ವರಿ ಜಿಮಿನನೊ ಪ್ರಭು ಥಯಲ ಬಾ, ಮಿ ತುನೆ ಸ್ತುತಿ ಕರುಸ. ಕಾಕದ್ಯಾಮ, ತು ಎ ಕ್ಹಾರಾ ವಾತೊ ಗ್ಯಾನಿಯೊನೆಬಿ ಮಾತು ಹುಶಾರ ರ‍್ಹಯಲವಾಲಾವೊನೆಬಿ ಝಾಕಿನ ಮ್ಹೆಲ್ಯೊಸ. ತೆನೈಸೊ ನ್ಹಾನಾ ಬಚ್ಚಾ ಲಿಂಗತ ರ‍್ಹಯಲ ಎ ಮನಕ್ಹೊನೆ ತು ದೆಕಾಡ್ಯೊಸ.

ಮತ್ತಾಯ 16:17

ಯೆಸು, ಯೊನನೊ ದಿಕ್ರೊ ಥಯಲ ಸಿಮೊನ, ತು ಧನ್ಯ ವ್ಹೈ. ಕಾಕದ್ಯಾಮ ಎ ಮನಕ್ಹಕಂತು ತುನೆ ಗೊತ್ತ ನತ್ತಿ ಥಯು, ಪರಲೊಕಮಾ ರ‍್ಹವಾಲೊ ಮಾರೊ ಬಾಜ಼ ಎ ಕ್ಹಾರು ತಿಳ್ಸಾಯೊಸ ಕೈನ ಕದ್ಯೊ.

ಮಾರ್ಕ 4:11

ಯೆಸು ತ್ಯುನೊನೆ ಕ್ಹುದಾನಿ ರಾಜ್ಯನು ಗುಟ್ಟ ತುಮ್ನೊನೆ ದಿದ್ಯೊಸ ; ಭಾರಲ್ಯಾವೊನೆ ಸಾಮ್ಯ ಲಿಂಗತ ಕವಸ.

ಮಾರ್ಕ 4:12

ತಿನಾಹುತಿ ತ್ಯುನಾ ಡೊಳಾ ರ‍್ಹೈತಬಿ ದೆಕತಾ ನೈ. ಕಾನೊ ರ‍್ಹೈತಬಿ ಐಕ್ಯಾತಬಿ ತ್ಯುನೆ ತಿಳದಿಲೆತಾನೈ ತಿಮ್ಮ ದೆಕಿನ ಐಕಿನ ತಿಳದಿಲಿದ್ಯಾಮ. ತ್ಯುನೆ ಕ್ಹುದಾಕನ ಫರಿನ ಕರಲ ಪಾಪನೆ ಕೈಲಿನ ಮಾಫಿ ವ್ಹಂದಸ.

ಯೊಹಾನ 12:40

"ತ್ಯುನಾ ಡೊಳಾವೊಕ್ಹು ನೈ ದಿಕ್ಹೆ ಲಿಂಗತ ತ್ಯುನಾ ಮನಸೊಕ್ಹು ನೈ ತಿಳ್ದಿಲಿದಲ ಲಿಂಗತ ಬದ್ಲಿ ಥೈನ ಅರಾಮ ನೈ ಥಾಯೆ ಲಿಂಗತ ತೆ ತ್ಯುನೊನೆ ಕುಡ್ಡಾ ಕರ‍್ಯೊಸ, ತ್ಯುನಾ ಮನಸೊನೆ ದಗ್ಡಾ ಕರ‍್ಯೊಸ" ಯೆಶಾಯ 6:10

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

1 ಕೊರಿಂಥ 12:11

ಎ ವರಾ ಕ್ಹಾರಾ ತೆ ಪವಿತ್ರ ಆತ್ಮಾ ಯಕ್ಕಜ಼ ತಿನಿ ಪಸಂದ ಲಿಂಗತ ಹರ ಯಕ್ಲಾನೆ ವಾಟಸ.

ಕೊಲೆಸ್ಸೆ 2:2

ತ್ಯುನೆ ಅಂತರ್ಯಮಾ ಆಸಕ್ತಿವಾಲಾ ಮಯಾಮಾ ಯಕ್ಕ ಥೈನ ರ‍್ಹೌ ಕೈನ

1 ತಿಮೊತಿ 3:16

ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.