ಲುಕ ಬರ್ದಲ ಸುವಾರ್ತಾ 6:26 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁶ "ಮನಕ್ಹೊನಾ ಮ್ಹೊಡೆ ಕೆಳಾಮಾಬಿ ಚೊ಼ಕೊ ಛೆ ಕವೈಲಿವಾಲಾ ತುಮಾರಿ ಗತಿ ಸು ಕೌ! ತ್ಯುನಾ ಪಿತ್ರೊ ಸುಳ್ಳ ಪ್ರವಾದಿಯೊನೆ ಚೊ಼ಕಾ ಛೆ ಕತಾತಾ.

ಲುಕ ಬರ್ದಲ ಸುವಾರ್ತಾ 6:26 ပူးပေါင်းရင်းမြစ်များ

ಮತ್ತಾಯ 7:15

ಸುಳ್ಳ ಪ್ರವಾದಿಯೊನಾ ಹುತಿ ಹುಶಾರ ರಹೊ. ತ್ಯುನೆ ಬಕ್ರಾವೊ ಲಿಂಗತ ದಿಕ್ಹಿನ ತುಮೊಕನ ಆವಸ. ತೆನೈಸೊ ತೊಳೊ ಲಿಂಗತ ಕ್ಹರಿಮಾಜ಼ ಕೆಟ್ಟ ರ‍್ಹಯಲ ಲಿಂಗತಜ ಛೆ.

ಲುಕ ಬರ್ದಲ ಸುವಾರ್ತಾ 6:25

ಹಮ್ನಾ ಪೆಟ ಭರಲವಾಲಾ ಮನಕ್ಹೊ, ತುಮಾರಿ ಗತಿ ಮಿ ಸು ಕೌ! ತುಮೆ ಭುಕ್ಕಾ ಥಾವೊಸಿ. ಹಮ್ನಾ ಅಕ್ಹಾಲಾ ಮನಕ್ಹೊ, ತುಮಾರಿ ಗತಿ ಮಿ ಸು ಕೌ! ತುಮೆ ದುಖಿ ಥೈನ ರವೊಸಿ.

ಯೊಹಾನ 15:19

ತುಮೆ ಎ ದುನಿಯಾನೆ ಮಳಲವಾಲಾ ರ‍್ಹಯುಮ, ಎ ದುನಿಯಾ ತಿನಾ ಸ್ವಂತ ಮನಕ್ಹೊನೆ ಮಯಾ ಕರಲ ಲಿಂಗತ ತುಮೊನೆ ಮಯಾ ಕರಸ. ತೆನೈಸೊ ಮಿ ತುಮೊನೆ ಎ ದುನಿಯಾತೊ ಇನಿಲಿದ್ಯೊಸ. ತಿನಾಹುತಿ ತುಮೆ ಎ ದುನಿಯಾನೆ ಮಳಲವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ತುಮೊನೆ ದ್ವೆಶ ಕರಸ.

ಯೊಹಾನ 7:7

ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.

ರೊಮಾಪೂರ 16:18

ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.

ಯಾಕೊಬ 4:4

ವ್ಯಭಿಚಾರಿಯೊ, ಎ ದುನಿಯಾನಿ ದೊಸ್ತಿ ಕ್ಹುದಾನೆ ದುಶ್ಮನ ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ದುನಿಯಾನೆ ದೊಸ್ತ ಥೈನ ರ‍್ಹೌಸ ಕವಾಲೊ ತಿನೆ ಕ್ಹುದಾನೊ ವಿರೊದಿ ಥೈನ ಕರಿಲಿವಸ.