ಲುಕ ಬರ್ದಲ ಸುವಾರ್ತಾ 6:22 - ಕ್ಹುದಾನಿ ಕ್ಹರಿನಿ ವಾಕ್ಯಾ

²² ಮನಕ್ಹನಾ ದಿಕ್ರಾನಾ ಹುತಿ ಮನಕ್ಹೊ ತುಮೊಪರ ಸಿಟ್ಟ ಮ್ಹೆಲಸ ತುಮೊನೆ ಕೆಟ್ಟ ವ್ಹೈ ಕವಸ ವರಿ ತುಮಾರಿ ಮರ್ಯಾದಿ ಕಾಡಸ ವರಿ ಎ ಕ್ಹಾರು ತಡ್ದಿಲಿವಾಲಾ ತುಮೆ ಧನೈ ವ್ಹೈ.

ಲುಕ ಬರ್ದಲ ಸುವಾರ್ತಾ 6:22 ပူးပေါင်းရင်းမြစ်များ

ಮತ್ತಾಯ 10:18

ತುಮೊನೆ ಅದಿಕಾರಿಯೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಬಲೈಲಿನ ಜಾ಼ವಸ. ಮಾರಾ ಹುತಿ ಮನಕ್ಹೊ ತುಮೊನೆ ಇಮ್ಮ ಕರಸ. ತೆನೈಸೊ ತುಮೆ ತೆ ರಾಜಾ಼ವೊನೆಬಿ ಅದಿಕಾರಿಯೊನೆಬಿ ಯಹುದಿಯೊ ತೆ ಮನಕ್ಹೊನೆ ಮಾರಾ ವಿಶಯಮಾ ಕವೊಶಿ.

ಮತ್ತಾಯ 10:22

ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.

ಮತ್ತಾಯ 10:39

ಮನೆ ಮಯಾ ಕರಾತಿ ಜಾಸ್ತ ತಿನಾ ಜಲಮನೆ ಮಯಾ ಕರಾಲೊ ತಿನೆ ಜವೈಲಿವಸ. ಮಾರಾಹುತಿ ತಿನು ಜ಼ಲಮ ಜವೈಲಿವಾಲೊ ತಿನೆ ಪಡ್ದಿಲಿವಸ.

ಲುಕ ಬರ್ದಲ ಸುವಾರ್ತಾ 20:15

ತೆ ಮಾಲಕನಾ ದಿಕ್ರಾನೆ ದ್ರಾಕ್ಷಿನಾ ಮಳಾಮಾತಾ ಭಾರಾ ನಿಂಗೈನ ಖಲಾಸ ಕರಿನ ನಾಕಿಪಾಡ್ಯಾ. ತಿಮ್ಮ ಥಯುಮ ತೆ ಮಳಾನೊ ಮಾಲಕ ತ್ಯುನೊನೆ ಸು ಕರಸ? ಕೈನ ಯೆಸು ಪುಚ್ಚೊ಼.

ಲುಕ ಬರ್ದಲ ಸುವಾರ್ತಾ 21:17

ವರಿ ತುಮೆ ಮಾರಾ (ಯೆಸುನಾ) ಪಾಚಾ಼ ಆವಾಕ್ಹು ಮನಕ್ಹೊ ತುಮಾರಾ ದುಶ್ಮನೊ ಥಾವಸ.

ಲುಕ ಬರ್ದಲ ಸುವಾರ್ತಾ 6:21

ಭುಕ್ಕಾ ರ‍್ಹಯಲವಾಲಾ ತುಮೆ ಧನ್ಯ ವ್ಹೈ. ತುಮೆ ತೃಪ್ತ ಥಾವೊಸಿ. ವರಿ ತುಮೆ ಹಮ್ನಾ ರವಾಲಾ ತುಮೆ ಧನ್ಯ ವ್ಹೈ; ಪಾಚಾ಼ತಾ ತುಮೆ ಅಕ್ಹೊಸಿ.

ಯೊಹಾನ 12:42

ತೆನೈಸೊ ಘನ್ನಾ ಮನಕ್ಹೊ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ಘನ್ನಾ ಯೆಹುದಿಯೊನಾ ನಾಯಕೊಬಿ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ತೆನೈಸೊ ತ್ಯುನೆ ಫರಿಸಾಯರೊನೆ ಭುಚಿ಼ಕಿನ ತ್ಯುನೊ ಬರೊಕ್ಹೊ ದೆಕಾಡಿನ ದಿದ್ಯಾ ನೈ. ತ್ಯುನೊನೆ ಫರಿಸಾಯರೊ ಸಭಾಮಂದಿರತಾ ಭಾರಾ ಘಾಲಸ ಕೈನ ಭುಚುಕ ತ್ಯುನೊನೆ ವ್ಹತ್ತು.

ಯೊಹಾನ 16:2

ತ್ಯುನೆ ತುಮೊನೆ ಸಭಾಮಂದಿರೊಮಾತಾ ಭಾರಾ ಘಾಲಸ. ವರಿ ಯಕ್ಕ ಟೈಮ ಆವಾಡೊಸ ತ್ಯುನೆ ತುಮೊನೆ ಮಾರಸ ವರಿ ತ್ಯುನೆ ಅಮ್ಮ ವಿಚಾರ ಕರಸ ತ್ಯುನೆ ಕ್ಹುದಾನಿ ಸೆವಾ ಕರ‍್ಯಾಸ ಕೈನ.

ಯೊಹಾನ 17:14

ಮಿ ಇವ್ನೊನೆ ತಾರಿ ವಾಕ್ಯಾ ದಿದ್ಯೊಸ. ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. ಮಿ ಎ ದುನಿಯಾನೆ ಕೈ ತರಾ ಮಿ ನತ್ತಿ ಮಳ್ಯೊ. ತಿನಾ ಲಿಂಗತಜ ಇವ್ನೆ ಎ ಲೊಕನೆ ಮಳಲ ವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ.

ಯೊಹಾನ 7:7

ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.

ಯೊಹಾನ 9:34

ತ್ಯುನೆ ತಿನೆ"ಪಾಪಮಾಜ ಹುಟ್ಟಿನ ಬೆಳದಲವಾಲೊ ತು ವ್ಹೈ! ಹಮೊನೆ ಶಿಕ್ಲಾವಾಡೊಸ ಸು? ಕೈನ ಉತ್ತರ ದಿದ್ಯಾ. ವರಿ ತ್ಯುನೆ ತಿನೆ ಸಭಾಮಂದಿರಮಾತಾ ಭಾರಾ ಢಕಲ್ಯಾ.

ಅಪೊಸ್ತಲೊ 22:22

ತ್ಯಾ ಲಕ್ಕಾ ಪೌಲಾನಿಯೊ ವಾತೊ ಕತಾಮಾ ವಾತೊನೆ ಕಾನ ದಿನ್ನ ಐಕ್ಯಾ ಐಕಿನ ಚಾಲಾಡಾ ತಾ. ತೆಳಾಮಾ ತಿನೆ ಜಿಮಿನಮಾತಾ ಭಾರಾಕಾಡಿಪಡು. ತೆ ಜಿತೊ ರ‍್ಹವಾನೆ ಯೊಗ್ಯ ನತಿ ಕೈನ ವದರಿವ ಕದ್ಯಾ.

ಅಪೊಸ್ತಲೊ 24:5

ಎ ಮನಕ್ಹಮಾ ಅಪಾಯ ದೆಕ್ಯಾ. ದುನಿಮ್ಮಾ ಕ್ಹಾರಿ ಜ಼ಗಾ ರ‍್ಹಯಲ ಯೆಹುದಿಯೊಮಾ ದಂಗೊ ಉಟಾಡಸ ಕವಾನು, ನಜರೆನ ಕವಾನು ಪಂಥನೊ ನಾಯಕ ವ್ಹೈ ಕೈನ ದೆಕ್ಯಾಸ.

ಅಪೊಸ್ತಲೊ 9:16

ತೆ ಮಾರಾ ನಾಮಪರ ಕೆಕ್ಲೊ ತ್ರಾಸ ಖೌ ಕೈನ ತಿನೆ ಮಿಜ಼ ದೆಕಾಡಿನ ದ್ಯುಸ ಕೈನ ಕದ್ಯೊ.

ಯಾಕೊಬ 1:12

ಕುನ್ನ ಕಷ್ಟ ತಡ್ದಿಲಿವಸ ಕ್ಹಾವಸ ತೆ ಆಶಿರ್ವಾದ ವ್ಹಂದಿಲಿದಲವಾಲೊ ವ್ಹೈ. ತೆ ಪರಿಕ್ಷಾಮಾತೊ ಬ್ಹಾರೊ ಆಯಲ್ಪರ ಕರ್ತಾ ತಿನೆ ಮಯಾ ಕರಲವಾಲಾವೊನೆ ಕದಲ ಲಿಂಗತಜ಼ ಹಮೆಶಾನು ಜ಼ಲಮನು ಕಿರಿಟ ವ್ಹಂದಿಲಿವಸ.

1 ಪೆತ್ರಾ 3:14

ತೆನೈಸೊ ಚೊ಼ಕು ಕರತಾಮಾ ತುಮೆ ತ್ರಾಸ ಖಾ ಸಕೊಶಿ. ತೆನೈಸೊ "ತುಮೊನೆ ತ್ರಾಸಮಾ ಘಾಲಾನಾ ಮನಕ್ಹೊನೆ ಭುಚ಼ಕೊ ನಕೊ ವರಿ ಚಿಂತಾ ಕರೊ ನಕೊ"