ಲುಕ ಬರ್ದಲ ಸುವಾರ್ತಾ 5:32 - ಕ್ಹುದಾನಿ ಕ್ಹರಿನಿ ವಾಕ್ಯಾ

³² ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರೊ ಕೈನ ನಿತಿವಂತಕ್ಹು ರ‍್ಹಯಲವಾಲಾವೊನಾ ಮಿ ಬಲಾವಾನೆ ನತ್ತಿ ಆಯೊ. ಪಾಪಿಯೊನಾ ಹುತಿ ಆಯೊಸ" ಕದ್ಯೊ.

ಲುಕ ಬರ್ದಲ ಸುವಾರ್ತಾ 5:32 ပူးပေါင်းရင်းမြစ်များ

ಮತ್ತಾಯ 18:10

ಆ ನ್ಹಾನಾವೊಮಾ ಯಕ್ಲೊಬಿ ರ‍ಹೈತಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾ ಕದ್ಯಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನೊ ಬಾನೂ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.

ಮತ್ತಾಯ 9:13

ತುಮೆ ಜಾ಼ವೊ, ‘ಮನಿ ಬಲಿ ನಕೊ, ಮರ್ಗಾ ಚಾ಼ಯೆ’ ಕೈನ ಪವಿತ್ರ ಗ್ರಂಥಮಾ ಬರದಲ ವಾಕ್ಯಾನು ಮತಲಬ ಶಿಕ್ಕಿಲಿವೊ. ಮಿ ನಿತಿವಂತವಾಲಾವೊನೆ ಬಲಾವೊನೆ ನತ್ತಿ ಆಯೊ, ಪಾಪಿಯೊನೆ ಬಲಾವಾನೆ ಆಯೊಸ” ಕೈನ ಕದ್ಯೊ.

ಮಾರ್ಕ 15:10

ಖಾಸ ಯಾಜಕೊಮಾ ಸOಗಟ ಹೆಚ್ಕಿ ಥಯಲ ಹುತಿ ಯೆಸುನೆ ಧರಿನ ದಿದ್ಯಾತಾ ಕೈನ ಪಿಲಾತನೆ ಗೊತ್ತ ವ್ಹತ್ತು.

ಮಾರ್ಕ 15:7

ತೆಳಾಮಾ ಬರಬ್ಬ ಕವಾಲೊ ಯಕ್ಕ ಕೈದಿ ವ್ಹತ್ತೊ ತೆ ಲಡೈಕರಾಲಾವೊನಾ ಕ್ಹಾತೆ ಮಳಿನ ಮನಕ್ಹೊನೆ ಖಲಾಸ ಕರ‍್ಯೊತೊ ತಿನೆ ಧರಿನ ಜೆಲಮಾ ಘಾಲ್ಯಾತಾ.

ಮಾರ್ಕ 2:17

ಯೆಸು ತೆ ಐಕಿನ ಜವಾಬ ದಿದ್ಯೊ ಚೊ಼ಕಾ ರ‍್ಹಯಲ ವಾಲಾವೊನೆ ಡಾಕ್ಟರನಿ ಜ಼ರುರತ ನತ್ತಿ; ರೊಗಿಯೊನೆ ಡಾಕ್ಟರನಿ ಜ಼ರುರತ ಛೆ. ಮಿ ಚೊ಼ಕಾವೊನಾ ಹುತಿ ನತ್ತಿ ಆಯೊ ಪಾಪಿಯೊನಾ ಹುತಿ ಆಯೊಸ.

ಲುಕ ಬರ್ದಲ ಸುವಾರ್ತಾ 15:10

ತಿನಾ ಲಿಂಗತಜ಼ ಯಕ್ಕ ಪಾಪಿ ತಿನಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಯೊಮ ಸ್ವರ್ಗಮಾ ರ‍್ಹಯಲ ದೆವದುತೊ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 15:7

ತಿನಾ ಲಿಂಗತಜ಼, ಯಕ್ಕ ಪಾಪಿ ತಿನು ಮನಸ. ಕ್ಹುದಾ ಬಗಲ ಫರಯೊಮ ಸ್ವರಗಾಮಾ ಘನ್ನಾ ಖುಶಿ ಥಾವಸ ಕೈನ ಮಿ ತುಮೊನೆ ಕೌಸ. ನೌವ್ವದಪರ ನೌ ಮನಕ್ಹೊ ಕ್ಹುದಾಬಗಲ ಫರಲ ವಾಲಾತಿಬಿ ಯಕ್ಕ ಪಾಪಿ ಕ್ಹುದಾ ಬಗಲ ಫರಯೊಮ ತಿನಾ ವಾಸ್ತರ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 19:10

ತಿನಾಹುತಿ ಮನಕ್ಹನೊ ದಿಕ್ರೊ ಜ಼ವೈ ಗಯಲ ಮನಕ್ಹೊನೆ ಹುಡಕಿನ ರಕ್ಷಣೆ ದಿವಾನೆ ಆಯೊಸ,

ಲುಕ ಬರ್ದಲ ಸುವಾರ್ತಾ 24:47

ಎಕ್ಹಾರು ಪುರಾ ಥಾವಾನು ತುಮೆ ದೆಕ್ಯಾಸ. ತುಮೆಜ಼ ಇನೆ ಸಾಕ್ಷಿ ವ್ಹೈ.

ಲುಕ ಬರ್ದಲ ಸುವಾರ್ತಾ 5:31

ತೆಳಾಮಾ ಯೆಸು ತೆ ಐಕಿನ ಅರಾಮ ನೈಸೊವಾಲಾನೆ ಡಾಕ್ಟರನಿ ಜ಼ರುರತ ಛೆ ಅರಾಮ ರ‍್ಹಯಲವಾಲಾವೊನಾ ನ್ಹವೈ.

ಲುಕ ಬರ್ದಲ ಸುವಾರ್ತಾ 5:33

ದಕ್ಹಾ ಮನಕ್ಹೊ ಯೆಸುನೆ"ಫರಿಸಾಯರೊನಾ ಶಿಷ್ಯಾ ವರಿ ಯೊಹಾನನಾ ಶಿಷ್ಯಾ ಹಗ್ಲೆಲ್ಲಾ ಉಪಾಸ ವರಿ ಪ್ರಾಥನಾ ಕರಸ; ವರಿ ತಾರಾ ಶಿಷ್ಯಾ ಖಾವಾಡ್ಯಾಸ ಪಿವಾಡ್ಯಾಸ ಕೈನ ಕತಾಮಾ

ಅಪೊಸ್ತಲೊ 17:30

ತೆ ಗ್ಯಾನ ನೈಸೊ ದಿನೊನೆ ಕ್ಹುದಾ ಲೆಕಾಮಾ ಲಿದ್ಯೊನೈ. ಕ್ಹುದಾ ಹಮ್ನಾ ಬಿ ಚಾರ ದಿಕೊಮಾ ಮನಕ್ಹೊನೆ ಪಚಾತಾಪ ಪಡಿನ ಮಕನ ಪ್ಹರೊ ಕೈನ ಕ್ಹುದಾ ಅಪ್ಪಣೆ ಕರ್ಯೊ.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 20:21

ಯೆಹುದಿಯೊನೆ ವರಿ ಗ್ರಿಕವಾಲಾಬಿ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರು ಕೈನ, ಅಪ್ನೊ ಕರ್ತಾ ಥಯಲ ಯೆಸುಪರ ಬರೊಕ್ಹೊ ಮ್ಹೆಲು ಕೈನ ಮಿಜ಼ ಕದ್ಯೊ.

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ಅಪೊಸ್ತಲೊ 3:26

ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"

ಅಪೊಸ್ತಲೊ 5:31

ಕ್ಹುದಾ ತಿನೆ ಇಸ್ರಾಯೆಲ ಮನಕ್ಹೊನೆ ಪಾಪ ಮಾಫ ಕರಾನಾಹುತಿ ತಿನೆ ಪ್ರಭು ಥೈನ, ರಕ್ಷಕ ಥೈನ ತಿನಾ ಶಿದಾ ಹತ್ತ ಬಗಲ ಉನ್ನತ ಸ್ಥಾನಪರ ಉಟಾಡ್ಯೊ.

2 ಪೆತ್ರಾ 3:9

ದಕ್ಹಾ ಮನಕ್ಹೊ ತಿಳ್ದಲ ತಿಮ್ಮ, ಪ್ರಭು ತೆ ವಾತ ದಿದಲ ತಿಮ್ಮ ಕರಾನು ತಡಾಕರಿನ ಪುರಾ ಕರತೊ ನೈ. ಕ್ಹುದಾ ತುಮಾರಾ ಹುತಿ ದಡ್ದಿಲಿನೆ ಛೆ ಕಯುಜ಼ ಮನಕ್ಹ ಜ಼ವೈಜೌನೈಕೈ ಕ್ಹುದಾನು ಮನಸ ಛೆ. ಹರಿ ಯಕ್ಲೊ ತಿನು ಮನಸ ಬದ್ಲಿಕರಲಿನ, ಪಾಪ ಕರಾನು ಹುಬ್ರಾಡಿಪಾಡು ಕ್ಹುದಾನಿ ಆಸ ಛೆ.