ಲುಕ ಬರ್ದಲ ಸುವಾರ್ತಾ 5:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ರೊಗಿನೆ, ಮಾರಾ "ದೊಸ್ತ ತಾರು ಪಾಪ ಮಾಫ ಥಯುಸ "ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 5:20 ပူးပေါင်းရင်းမြစ်များ

ಮತ್ತಾಯ 9:2

ತೆಳಾಮಾ ದಕ್ಹಾ ಜ಼ನಾ ಯಕ್ಕ ಲಕ್ವೊ ಮಾರಲ ರೊಗಿನೆ ಯೆಸು ಕನ ಲಾಯಾ ತೆ ತಿನಾ ವಚ್ಚಾನಾಪರ ಕ್ಹುರಯೊತೊ. ಯೆಸು ಎ ಮನಕ್ಹೊಮಾ ರ‍್ಹಯಲ ಮ್ಹೊಟ್ಟೊ ಭರೊಕ್ಹೊ ದೆಕಿನ ಲಕ್ವೊ ಮಾರ ರೊಗಿನೆ, ಎ ಜಾಂಜಿಮಾನ ಪಟ್ಟಾ, ಕ್ಹುಶಿ ಥಾ. ತಾರಾ ಪಾಪೊ ಮಾಫ ಥಯಾಸ” ಕೈನ ಕದ್ಯೊ.

ಮತ್ತಾಯ 9:5

ಕಯು ಆಸಾನ ವ್ಹೈ? ಎ ಲಕ್ವೊ ಮಾರಲ ರೊಗಿನೆ, ‘ತಾರಾ ಪಾಪೊ ಮಾಫ ಥಯಾಸ’ ಕೈನ ಕವಾನು ಸು ತೆನೈಸೊ ‘ಉಪ್ಪರ ಉಟ್ಟ ಚಾ಼ಲ’ ಕೈನ ಕವಾನು ಸು?

ಮಾರ್ಕ 2:5

ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ಲಕ್ವೊ ಮಾರಲವಾಲಾನೆ ದಿಕ್ರಾ ತಾರು ಪಾಪ ಮಾಫ ಥಯುಸ ಕದ್ಯೊ.

ಲುಕ ಬರ್ದಲ ಸುವಾರ್ತಾ 7:48

ತೆ ಥಯಲ್ಪರ ಯೆಸು ತೆ ಬಾಕಡಿನೆ "ತಾರಾ ಪಾಪೊ ಮಾಫ ಥಯಾಸ "ಕೈನ ಕದ್ಯೊ.

ಯೊಹಾನ 2:25

ಕುನ್ನಜ ಮನಕ್ಹೊನಾ ಹುತಿ ತಿನೆ ಕವಾನೆ ಸುಜ಼ ಜರುರತ ನ್ಹೊತಿ. ಮನಕ್ಹನಾ ಮನಸ್ಮಾ ಸು ಛೆ ಕವಾನು ಯೆಸುನೆ ಗ್ವತ್ತ ವ್ಹತ್ತು.

ಯೊಹಾನ 5:14

ತೆ ಥಯಲ್ಪರ ಯೆಸು ತೆ ಮನಕ್ಹನೆ ದೆವಾಲಯಮಾ ದೆಕಿನ ತಿನೆ, ಐಕ ಹಮ್ನಾ ತು ಅರಾಮ ಥಯೊಸ. ತೆನೈಸೊ ಪಾಪ ಕರಾನು ಛೊಡಿಪಾಡ. ತಿನಾಹುತಿ ತುನೆ ಕಯುಜ಼ ಕೆಟ್ಟ ಥೌ ನೈ! ಕದ್ಯೊ.

ಅಪೊಸ್ತಲೊ 11:23

ಬಾರ್ನಬ ಚೊ಼ಕೊ ಮನಕ್ಹ ವ್ಹತ್ತೊ. ತೆ ಪವಿತ್ರ ಆತ್ಮಾಕ್ಹು ಭರಲ ವ್ಹತ್ತೊ ವರಿ ಪುರಾ ಬರೊಕ್ಹೊ ರ‍್ಹಯಲವಾಲೊ ವ್ಹತ್ತೊ. ಬಾರ್ನಬ ಅಂತಿಯೊಕ್ಯನೆ ಗಯಲ್ಪರ, ಕ್ಹುದಾ ತೆ ಮನಕ್ಹೊನೆ ಘನ್ನೊ ಆಶಿರ್ವಾದ ಕರಾನು ದೆಕ್ಯೊ. ಇಕ್ಹು ಬಾರ್ಬನನೆ ಘನ್ನಿ ಖುಶಿ ಥಯು. ಅಂತಿಯೊಕ್ಯಮಾ ರ‍್ಹವಾಲಾ ವಿಶ್ವಾಸಿಯೊನೆ ಕ್ಹಾರಾ ತೆ ಪ್ರೊತ್ಸಾಹ ಕರ‍್ಯೊ.

ಅಪೊಸ್ತಲೊ 14:9

ಎ ಮನಕ್ಹ ತೆ ಬೆಟಲ ಜ಼ಗಾಜ಼ ಪೌಲಾನಿ ವಾತೊ ಐಕಾಡೊತೊ. ಪೌಲಾ ತಿನೆ ಡೊಳಾ ಕಾಡಿನ ದೆಕ್ಯೊ. ಕ್ಹುದಾ ಅರಾಮ ಕರಸ ಕವಾನೊ ಬರೊಕ್ಹೊ ತಿನಾಮಾ ರ‍್ಹಯಲ ಪೌಲಾ ದೆಕಿನ,

2 ಕೊರಿಂಥ 2:10

ತುಮೆ ಕಿನೆ ಮಾಫ ಕರೊಶಿ ನೈ ತಿನೆ ಮಿಬಿ ಮಾಫ ಕರುಸ. ತುಮಾರಾ ಹುತಿಜ಼ ತಿನೆ ಕ್ರಿಸ್ತನಾ ಸನ್ನಿದಾನಮಾ ಮಾಫ ಕರ‍್ಯೊಸ.

ಕೊಲೆಸ್ಸೆ 3:13

ಯಕ್ಲಾನೆ ಯಕ್ಲೊ ಖಮಾಳಿನ ಗೈನ, ಬಿಜಾ಼ಯಕ್ಲಾಪರ ತಪ್ಪ ಘಾಲಾನಾಹುತಿ ಕಾರಣ್ ತುಮೊನೆ ಮಳ್ಯುತಬಿ, ತ್ಯುನೊಪರ ತಪ್ಪಘಾಲ್ಯಾವಾಚಿ ಮಾಫ ಕರೊ,ಕರ್ತಾ ತುಮೊನೆ ಮಾಫ ಕರೆಲಲಿಂಗತ ತುಮೆಬಿ ಮಾಫ ಕರೊ.

ಯಾಕೊಬ 2:18

ರ‍್ಹೈತಬಿ ಯಕ್ಲೊ; ತುನೆ ಬರೊಕ್ಹೊ ಛೆ ವರಿ ಮಾರಾಮಾ ಕ್ರಿಯೆ ಛೆ ತು ತಾರಾಮಾ ಕ್ರಿಯೆ ನೈಸೊ ಬರೊಕ್ಹೊ ದೆಕಾಡ. ಮಿ ಮಾರಾ ಕ್ರಿಯೆಕ್ಹು ಬರೊಕ್ಹೊ ದೆಕಾಡುಸ ಕೈನ ಕತೊ ನೈ ಸು?