ಲುಕ ಬರ್ದಲ ಸುವಾರ್ತಾ 4:40 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴⁰ ಸುರ‍್ಯೊ ಡುಬಲ್ಪರ, ಕಿನಾ-ಕಿನಾ ಘರಮಾ ತರಾ ತರಾನಾ ರೊಗ ರ‍್ಹಯಲವಾಲಾವೊನಾ ಯೆಸುಕನ ಲಾಯಾ. ತೆ ರೊಗಿಯೊಪರ ಯೆಸು ತಿನೊ ಹತ್ತ ಮ್ಹೆಲಿನ ಅರಾಮ ಕರ‍್ಯೊ.

ಲುಕ ಬರ್ದಲ ಸುವಾರ್ತಾ 4:40 ပူးပေါင်းရင်းမြစ်များ

ಮತ್ತಾಯ 11:5

ಕುಡ್ಡಾವೊನೆ ಡೊಳಾ ಆವಸ; ಲಂಗ್ಡಾ ರ‍್ಹಯಲ ಚಾ಼ಲಸ; ಕುಷ್ಟ ರೊಗಿಯೊ ಅರಾಮ ಥಾವಸ; ಕಿವ್ಡಾ ಐಕಸ; ಮರಲವಾಲಾ ಜಿವ್ತಾ ಥಾವಸ ವರಿ ಗರಿಬ ರ‍್ಹಯಲವಾಲಾವೊನೆ ಕ್ಹುದಾನಿ ವಾತೊ ಕವಸ.

ಮತ್ತಾಯ 14:13

ಯೆಸು ಎ ಕ್ಹಾರು ಐಕಿನ ಹಡಗೊ ಚ಼ಡಿನ ತ್ಯಾಂತೊ ತೆ ಜ಼ಗಾ ಛೊಡಿನ ಕುನ್ನಜ಼ ನೈಸೊ ಜ಼ಗಾ ಗಯೊ. ಎ ಸುದ್ದಿ ಐಕಲ ಕ್ಹಾರಾ ಮನಕ್ಹೊ ತ್ಯುನಾ ತ್ಯುನಾ ಗಾಮ್ತಾ ಚಾ಼ಲ್ತಾ ಯೆಸುನಾ ಪಾಚಾ಼-ಪಾಚಾ಼ ಆಯಾ.

ಮಾರ್ಕ 3:10

ಕಾಕದ್ಯಾಮ ಯೆಸು ಘನ್ನಾ ರೊಗಿಯೊನೆ ಅರಾಮ ಕರಲಹುತಿ ರೊಗಮಾ ರ‍್ಹಯಲವಾಲಾನೆ ಘನ್ನಾ ಮನಕ್ಹೊನೆ ತಿನೆ ಮುಟ್ಟಾನಾ ಹುತಿ ತಿನೆ ಢಕ್ಲಾಡಾತಾ.

ಮಾರ್ಕ 5:23

ಮಾರಿ ಮಯಾನಿ ನ್ಹಾನಿ ದಿಕ್ರಿ ಹಮ್ನಾ ತಿನೆ ಅರಾಮ ನತ್ತಿ (ತೆ ಮರಾ ವರಕ್ಹಿ ಥೈಸ) ತು ಐನ ತಿಪರ ಹತ್ ಮ್ಹೆಲ ಕೈನ ಮಾಂಗಿಲಿದ್ಯೊ. ತೆ ಅರಾಮ ಥಾವಸ ವರಿ ವಾಚಿ಼ಜಾ಼ವಸ.

ಮಾರ್ಕ 6:5

ತೆ ತ್ಯಾ ದಕ್ಹಾಜ಼಼ನಾ ರೊಗ ರ‍್ಹಯಲ ವಾಲಾವೊಪರ ಹತ್ತ ಮ್ಹೆಲಿನ ಅರಾಮ ಕರ‍್ಯೊ ತೆ ಛೊಡಿನ ಬಿಜು಼ ಕಯುಜ಼ ಮ್ಹೊಟು ಕಾಮ ಕರಾನೆ ಥಯೊನೈ ಕಾಕದ್ಯಾಮ ತ್ಯುನೊಮಾ ಬರೊಕ್ಹೊ ನ್ಹೊತೊ

ಅಪೊಸ್ತಲೊ 19:12

ತಿನಾಹುತಿ ಪೌಲಾನಾ ಉಪ್ಪರಲ್ಯಾ ವಣಾ ವರಿ ನ್ಹಾನು ಟುವಾಲ ಮನಕ್ಹೊ ಲಿನ ರೊಗಿಯೊನಾ ಉಪ್ಪರ ಘಾಲ್ತಾಮಾ ತ್ಯುನಾ ರೊಗೊ ವಾಸಿ ಥಯಾ ವರಿ ಭುತ್ಡಾ ಛೊಡಿನ ಜಾತ್ತಾತ್ತಾ.

ಅಪೊಸ್ತಲೊ 5:15

ಇಮ್ಮ ರ‍್ಹತಾಮಾ ಅಪೊಸ್ತಲೊನಿ ಸುದ್ದಿ ಐಕಿನ ಮನಕ್ಹೊ ಕ್ಹಾರಾ ಅರಾಮ ನೈಸೊ ವಾಲಾವೊನೆ ಪಲಂಗನಾ ಕ್ಹಾತೆ ವರಿ ವಚ್ಚಾನಾನಾ ಕ್ಹಾತೆಜ಼ ಉಚೈ ಲೈನ ತ್ಯುನಿ ಜಾ಼ವಾನಿ ವಾಟಪರ ಲೈ ಪಡತಾತಾ ಕಾಕದ್ಯಾಮ ಪತ್ರಾನಿ ಛೌಲಿ ಪಡ್ಯಾಮ ಅರಾಮ ಥಾವಸ ಕೈನ ತ್ಯುನೊನೆ ಬರೊಕ್ಹೊ ವ್ಹತ್ತೊ..