ಲುಕ ಬರ್ದಲ ಸುವಾರ್ತಾ 3:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ಯೊಹಾನ, ತ್ಯುನೊನೆ "ತುಮೊಕನ ಬೆ ಅಂಗ್ಡಾ ರ‍್ಹಯಾಮ, ವಣ್ಣಾ ನೈಸೊ ವಾಲಾನೆ ಯಕ್ಕ ಅಂಗ್ಡು ದಿವೊ. ತುಮೊಕನ ಅನ್ನ ರ‍್ಹಯುಮ, ತೆ ಅನ್ನ ವಾಟಿನ ಖಾವೊ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 3:11 ပူးပေါင်းရင်းမြစ်များ

ಮತ್ತಾಯ 25:40

ತೆ ವಾತೆ ರಾಜೊ಼ ಆ ಮಾರಾ ಭಾಯೊಮಾ ಇಮಾನಾ ಯಕ್ಲಾನೆಬಿ ಸುಸು ಕರ‍್ಯಾ ತೆ ಕ್ಹಾರು ಮಾರಾ ಕ್ಹಾತೆ ಕರಲನಿಂಗತ ವ್ಹೈ ಕ್ಹರಿಮಾಜ಼ ಕೌಸ, ಕವಸ

ಲುಕ ಬರ್ದಲ ಸುವಾರ್ತಾ 11:41

ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ.

ಲುಕ ಬರ್ದಲ ಸುವಾರ್ತಾ 18:22

ತೆಳಾಮಾ ಯೆಸು ತಿನೆ"ತು ಕರಾನು ಕಾಮ ಬಿಜೆಕ ಛೆ. ತಾರಿ ಆಸ್ತಿ ಇಕ್ಕಿನ ಆಯಲ ದೊಕ್ಡಾ ಗರಿಬೊನೆ ದೆ. ತೆಳಾಮಾ ತುನೆ ಸ್ವರ್ಗಮಾ ಇನೊ ಪ್ರತಿಫಲ ಮಳಸ. ತು ಮಾರಾ ಪಾಚೊ಼ ಆ"

ಲುಕ ಬರ್ದಲ ಸುವಾರ್ತಾ 19:8

ತೆಳಾಮಾ ಜಕ್ಕಾಯಾ ಉಟಿನ ಹುಬ್ರೈನ ಯೆಸುನೆ ಪ್ರಭು ಮಿ ಮಾರಿ ಆಸ್ತಿಮಾನೊ ಹೆಚ್ಕಿ ವಾಟೊ ಗರಿಬೊನೆ ದ್ಯುಸ. ವರಿ ಕಿಕಂತು ಬಿ ಮೊಸ ಕ್ಹು ಲಿದಲ ರ‍್ಹಯೊಮ ತಿನೆ ಚಾರ ಯಕ್ಲು ಹೆಚ್ಕಿ ದ್ಯುಸ. ಕದ್ಯೊ.

ಯೊಹಾನ 13:29

ಶಿಷ್ಯಾನಿ ಸಮುದಾಯನಿ ದೊಕ್ಡಾನಿ ಪಿಶಿನಿ ಜವಾಬ್ದಾರಿ ಯುದನಾ ಹತ್ಮಾ ವ್ಹತ್ತಿ. ತಿನಾಹುತಿ ಸನ್ನನೆ ಚಾ಼ಯೆ ಥಯಲ ದಕ್ಹಾ ಸಾಮನೊ ಲಿನ ಆವಾನಾ ಹುತಿ ಗರಿಬ ಮನಕ್ಹೊನೆ ದಿವಾನಾ ಹುತಿ ಯೆಸು ತಿನೆ ಕದ್ಯೊ ವಸೆ ಕೈನ ದಕ್ಹಾ ಶಿಷ್ಯಾ ತಿಳದಿಲಿದ್ಯಾ.

ಅಪೊಸ್ತಲೊ 10:2

ಕೊರ್ನೆಲಿಯ ಕ್ಹುದಾನೊ ಭಕ್ತ ವ್ಹತ್ತೊ. ತೆ ವರಿ ತಿನಾ ಘರಮಾ ರ‍್ಹಯಲ ಬಿಜಾ಼ ಕ್ಹಾರಾ ಜ಼ನಾ ಕ್ಹರಿನಾ ಕ್ಹುದಾನೆ ಆರಾಧನಾ ಕರ‍್ತಾತಾ. ತೆ ಗರಿಬೊನೆ ದೊಕ್ಡಾವೊನಿ ಮದತ ಕರ್ತೊತೊ. ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ್ತೊತೊ.

ಅಪೊಸ್ತಲೊ 10:31

ತೆ ಮನಕ್ಹ, ‘ಕೊರ್ನೆಲಿಯ! ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.

ಅಪೊಸ್ತಲೊ 10:4

ಕೊರ್ನೆಲಿಯ ಕ್ಹುದಾನಾ ದುತನೆ ದೆಕಿನ ಭೆಂಕ್ಹು "ಸ್ವಾಮಿ, ಆ ಸುವೈ? ಕೈನ ಪುಚ್ಯೊ. ತೆ ಕ್ಹುದಾನೊ ದುತ ತಿನೆ "ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.

ಎಫೆಸ 4:28

ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.

1 ತಿಮೊತಿ 6:17

ಇಹಲೊಕನಾ ವಿಚಾರಮಾ ಸೌಕಾರ ರ‍್ಹಯಲ ಮನಕ್ಹೊನೆ ಎ ಆಗನ್ಯಾ ತಿಳಸಾ. ಗರವ ಕರ‍್ಯಾವಾಚಿ ದೊಕಡಾನಾ ಪಾಚೊ಼ ಪಡ್ಯಾವಾಚಿ ಕ್ಹುದಾಪರ ಆಸ ಮ್ಹೆಲ್ಯಲವಾಲೊ ಥೈನ ತ್ಯುನೊನೆ ತಿಳಸಾ. ದೊಕಡಾ ಬರೊಕ್ಹೊನಾ ನ್ಹವೈ. ಕ್ಹುದಾತುಬಿ ಅಪ್ನಾ ಕ್ಹುಷಿನಾಹುತಿ ಕ್ಹಾರು ಅಪೊನೆ ದಿವಸ.

1 ತಿಮೊತಿ 6:18

ಚೊ಼ಕಾ ಕಾಮೊ ಕರು ಕೈನ ಸೌಕಾರೊನೆ ತಿಳಸಾ. ಚೊ಼ಕಾ ಕಾಮೊ ಕರಾಮಾಜ಼ ಸೌಕಾರೊ ಥೈನ ರ‍್ಹವೊ ಕೈನ ತ್ಯುನೊನೆ ತಿಳಸಾ. ಉಪಕಾರ ಕರಾಮಾಬಿ ವಾಟಿಲಿವಾಮಾಬಿ ಕ್ಹುಷ ರ‍್ಹವಾನೆ ತ್ಯುನೊನೆ ತಿಳಸಾ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

ಯಾಕೊಬ 1:27

ಕಸ್ಟಮಾ ರ‍್ಹಯಲ ಕುನ್ನಜ ನೈಸೊವಾಲಾವೊನೆ, ರಾಂಡಿ ಬಾಕ್ಡಿಯೊನೆ ಧೈರ್ಯ ದಿನ ತಿನೆ ಆ ದುನಿಯಾಮಾ ಕಯುಜ಼ ದಾಗ ಲಾಗ್ಯಾ ಬಗರ ದೆಕಿಲಿವಾನುಜ಼ ಅಪ್ನೊ ಬಾ ಥಯಲ ಕ್ಹುದಾನಾ ಸನ್ನಿದಿಮಾ ಶುದ್ಧ, ಚೊ಼ಕಿ ರ‍್ಹಯಲ ಭಕ್ತಿ ವ್ಹೈ.

ಯಾಕೊಬ 2:14

ಮಾರಾ ಭಾಯೊ ಭೆನೊ, ಯಕ್ಲೊ ತಿನೆ ಬರೊಕ್ಹೊ ಛೆ ಕೈನ ತಿನಾ ಲಿಂಗತ ತಿಮಾ ಕ್ರಿಯೆ ನೈ ರ‍್ಹಯರೆ ಸು ಉಪಯೊಗ ವ್ಹೈ? ತೆ ಬರೊಕ್ಹೊ ತಿನೆ ವಚಾ಼ಡಸ ಸು?

1 ಯೊಹಾನ 3:17

ಎ ದುನಿಯಾಮಾ ಸೌಕಾರ ರ‍್ಹಯಲ ಕುನಬಿ ಕೊರೆತೆಮಾ ರ‍್ಹಯಲ ತಿನಾ ಭೈನೆ ದೆಕಿನಬಿ ಮದತ ನೈ ಕರ‍್ಯಮ ತಿಮಾ ಕ್ಹುದಾನಿ ಮಯಾ ರ‍್ಹವಾನೆ ಸಾದ್ಯ ಛೆ ಸು?

1 ಯೊಹಾನ 4:20

ಯಕ್ಲೊ ತೆ ಕ್ಹುದಾನೆ ಮಯಾ ಕರಸ ತೆ ಕೈನ ತಿನಾ ಭಾಯೊನೆ ದುಶ್ಮನಿ ಕರ‍್ಯಾಮ ತೆ ಸುಳ್ಳ ಬೊಲಾಲೊ ಥಯೊಸ. ಕಾ ಕದ್ಯಾಮ್ಮಾ ತಿನಾ ಕ್ಹಾತೆ ರ‍್ಹಯಲ ಭಾಯೊನೆಬಿ ಮಯಾ ಕರವಾಲೊ, ತೆ ನೈ ದೆಕೆಲ ಕ್ಹುದಾನೆ ಕಿಮ್ಮ ಮಯಾ ಕರಸಕ?