ಲುಕ ಬರ್ದಲ ಸುವಾರ್ತಾ 24:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತೆನೈಸೊ ತಿನಾ ಅಪೊಸ್ತಲೊ ತೆ ವಾತೆ ಬರೊಕ್ಹೊ ಕರ‍್ಯಾ ನೈ. ತಿವ್ನಿವಾತೊ ಮಸ್ಕಿರಿ ಲಿಂಗತ ಲಾಗಿಯೊ.

ಲುಕ ಬರ್ದಲ ಸುವಾರ್ತಾ 24:11 ပူးပေါင်းရင်းမြစ်များ

ಮಾರ್ಕ 16:11

ತೆ ಜಿವ್ತೊ ಛೆ ಮನೆ ದಿಕ್ಹ್ಯೊಸ ಕದಲ ಐಕಿನ ತ್ಯುನೆ ಬರೊಕ್ಹೊ ಕರ‍್ಯಾ ನೈ.

ಮಾರ್ಕ 16:13

ತ್ಯುನೆ ಗೈನ ವರಿ ಫರಿನ ಐನ ಉಗ್ರಲವಾಲಾವೊನೆ ತಿಳಶ್ಯಾ. ವರಿಬಿ ತ್ಯುನೆ ಬರೊಕ್ಹೊ ಕರ‍್ಯಾ ನೈ.

ಮಾರ್ಕ 16:14

ಲಾಸ್ಟೆ ತ್ಯುನೆ ಗ್ಯಾರಾ ಜ಼ನಾ ಶಿಷ್ಯಾ ಖಾವಾನೆ ಬೈಟಲ ಟೈಮಮಾ ತ್ಯುನೊನೆ ತೆ ದಿಖ್ಯೊ. ತೆ ಜಿವ್ತೊ ಥೈನ ಉಟಲ ದಿಕ್ಹಲ ವಾಲಾವೊನಿ ವಾತಪರ ನೈ ಬರೊಕ್ಹೊ ಕರಲಕ್ಹು ತ್ಯುನಿ ಯಕ್ಕ ಅಪನಂಬಿಕಿಕ್ಹು ತ್ಯುನಾ ಘಟ್ಟ ಥಯಲ ಮನಸೊನೆ ಭುಚ್ಕಾ಼ಡ್ಯೊ.

ಲುಕ ಬರ್ದಲ ಸುವಾರ್ತಾ 24:25

ತೆಳಾಮ ಯೆಸು ತ್ಯುನೊನೆ ಕದ್ಯೊ. ತುಮೆ ಗ್ಯಾನ ನೈಸೊವಾಲಾ ವ್ಹೈ. ವರಿ ಕ್ಹರಿ ತುಮೊನೆ ವಳಕಾನೆ ಥಾತು ನೈ. ಪ್ರವಾದಿಯೊ ಕವಾನು ಕ್ಹಾರು ತುಮೆ ನಂಬು.

ಲುಕ ಬರ್ದಲ ಸುವಾರ್ತಾ 24:41

ತೆಳಾಮಾ ತಿನಾ ಶಿಷ್ಯಾ ಘಾಬ್ರಾಥಯಾ ವರಿ ತ್ಯುನೆ ಜಿವ್ತೊ ಥಯಲ ದೆಕಿನ ಘನ್ನಾ ಖುಶಿ ಥಯಾ. ವರಿಬಿ ತ್ಯುನೆ ಬರೊಕ್ಹೊ ಕರಾನೆ ಥಯು ನೈ. ಯೆಸು ತ್ಯುನೊನೆ ತುಮೊಕನ ಖಾವಾನೆ ಸುಬಿ ಅನ್ನ ಛೆಸು? ರ‍್ಹಯುಮ ಮನೆ ದಿವೊ ಕೈನ ಕದ್ಯೊ.

ಅಪೊಸ್ತಲೊ 12:9

ಕ್ಹುದಾನೊ ದುತ ಭಾರೊ ಗಯೊ. ಪೆತ್ರಾ ತಿನಾ ಪಾಚೊ಼ ಗಯೊ. ಕ್ಹುದಾನೊ ದುತ ಕ್ಹರಿಮಾಜ಼ ಇಮ್ಮ ಕರಾಡ್ಯೊಸ ಕವಾನು ಪೆತ್ರಾನೆ ಗ್ವತ್ತ ನ್ಹೊತು. ತೆ ಕ್ಹಪನ ದೆಕಾಡೊ ವಸೆ ಕೈನ ತೆ ತಿಳ್ದಿಲಿದ್ಯೊತೊ.