ಲುಕ ಬರ್ದಲ ಸುವಾರ್ತಾ 20:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತೆ ರೈತರೊ ತೆ ಮಾಲಕನಾ ದಿಕ್ರಾನೆ ದೆಕಿನ ತ್ಯುನೆ-ತ್ಯುನೆ ಬೊಲ್ಲಿನ ಇನೆಜ಼ ಅಪೆ ಮಳಿನ ಖಲಾಸ ಕರಿ ಪಾಡ್ಯಾಮ ಎ ಮಳೊ ಅಪೊನೆ ಥೈಜಾ಼ವಸ ಕೈನ ಬೊಲ್ಲಿದ್ಯಾ.

ಲುಕ ಬರ್ದಲ ಸುವಾರ್ತಾ 20:14 ပူးပေါင်းရင်းမြစ်များ

ಮತ್ತಾಯ 16:7

ತಿನಾಹುತಿ ಶಿಷ್ಯಾ, ಅಪೆ ಅನ್ನನಿ ಭುತ್ತಿ ಲಿದ್ಯಾ ಬಗರ ಆಯಲಕ್ಹು ಇಮ್ಮ ಕದ್ಯೊವಸ ಕೈನ ತ್ಯುನಾ ತ್ಯುನಾಮಾ ಬೊಲಿ ಲಿವಾಡಾತಾ.

ಮತ್ತಾಯ 21:25

ಬಾಪ್ತಿಸ್ಮಾ ದಿವಾನು ಅದಿಕಾರ ಯೊಹಾನನೆ ಕಿಜಾ಼ತು ಐಯುತು ಪರಲೊಕತು ನೈತೊ ಮನಕ್ಹೊಕ್ಹು? ಕದ್ಯೊ. ತೆಳಾಮಾ ತ್ಯುನೆ, ಪರಲೊಕತು ಐಯುಸ ಕೈನ ಹಮೆ ಕದ್ಯಾಮ, ‘ತಿಮ್ಮ ರ‍್ಹಯಾಮ ತುಮೆ ತಿನೆ ಕಾ ನಂಬ್ಯಾ ನತ್ತಿ’ ಕೈನ ಅಪೊನೆ ಪುಚ್ಚಸ;

ಮತ್ತಾಯ 21:34

ಫಲ್ಲ ದಿವಾನೊ ಟೈಮ ನಜಿಕ ಆತಾಮಾ ತೆ ಮಳಾನೊ ಮಾಲಕ ತಿನೊ ವಾಟೊ ಲಿವಾನಾ ಹುತಿ ತೆ ವತ್ತಿ ಘಲ್ಲಿದಲವಾಲಾವೊಕನ ತಿನಾ ಆಳೊನೆ ಮೊಕಲ್ತಾಮಾ,

ಲುಕ ಬರ್ದಲ ಸುವಾರ್ತಾ 19:47

ಯೆಸು ದಿನ್ನೆ ಬಿ ಮಂದಿರಮಾ ಉಪದೆಶ ಕರಾನು ಚಾಲು ಕರ‍್ಯೊ ತಿನಾಹುತಿ ತ್ಯಾನಾ ಯಾಜಕೊ ಶಾಸ್ತ್ರಿಯೊ ವರಿ ಮನಕ್ಹೊಪರ ಮ್ಹೊಟಾ ರ‍್ಹಯಲ ವಾಲಾ ಯೆಸುನೆ ಖಲಾಸ ಕರು ಕೈನ ಟೈಮ ದೆಕಾಡಾತಾ.

ಲುಕ ಬರ್ದಲ ಸುವಾರ್ತಾ 20:13

ತೆಳಾಮಾ ತೆ ದ್ರಾಕ್ಷಿನೊ ಮಳಾನೊ ಮಾಲಕ ಮಿ ಸುಕರು ಕೈನ ಕೈಲಿದ್ಯೊ? ಮಾರಾ ಮಯಾನಾ ದಿಕ್ರಾನೆ ತಬಿ ತ್ಯುನೊಕನ ಮೊಕ್ಕಲುಸ ಕೈಲಿದ್ಯೊ.

ಲುಕ ಬರ್ದಲ ಸುವಾರ್ತಾ 20:15

ತೆ ಮಾಲಕನಾ ದಿಕ್ರಾನೆ ದ್ರಾಕ್ಷಿನಾ ಮಳಾಮಾತಾ ಭಾರಾ ನಿಂಗೈನ ಖಲಾಸ ಕರಿನ ನಾಕಿಪಾಡ್ಯಾ. ತಿಮ್ಮ ಥಯುಮ ತೆ ಮಳಾನೊ ಮಾಲಕ ತ್ಯುನೊನೆ ಸು ಕರಸ? ಕೈನ ಯೆಸು ಪುಚ್ಚೊ಼.

ಲುಕ ಬರ್ದಲ ಸುವಾರ್ತಾ 20:19

ಯೆಸು ಎ ಕ್ಹಾರು ಕತಾಮಾ ಯೆಹುದಿಯೊನಾ ನಾಯಕೊ ಶಾಸ್ತ್ರಿಯೊ ಖಾಸ ಯಾಜಕೊ. ಐಕಿನ ಯೆಸುನೆ ಕೈ ಉಪಾಯಕ್ಹು ಧರಿಯೆ ಕೈನ ಟೈಮ ದೆಕಾಡಾತಾ. ವರಿ ಮನಕ್ಹೊನಾ ಭೆಕ್ಹು ಯೆಸುನೆ ಚೊ಼ಡಿನ ಗಯಾ.

ಲುಕ ಬರ್ದಲ ಸುವಾರ್ತಾ 20:5

ತ್ಯುನೆ ಯಕ್ಲಾನಾ ಕ್ಹಾತೆ ಯಕ್ಲೊ ಬೊಲ್ಲಿನ ಬಾಪ್ತಿಸ್ಮ ಕರಾವಾನೊ ಯೊಹಾನನೆ ಕ್ಹುದಾ ಕಂತೊ ಆಯೊಸ ಕದ್ಯಾಮ ತುಮೆ ತಿಪರ ಕಾ ಬರೊಕ್ಹೊ ಕರ‍್ಯಾ ನೈ ಕೈನ ತೆ (ಯೆಸು) ಪುಚ್ಚಿ಼ ಪಾಡಸ್ತೊ?

ಲುಕ ಬರ್ದಲ ಸುವಾರ್ತಾ 22:2

ಖಾಸ ಯಾಜಕೊ ವರಿ ಶಾಸ್ತ್ರಿಯೊ. ಯೆಸುನೆ ಕಿನೆಜ಼಼ ಗ್ವತ್ತವಾಚಿ಼ ಖಲಾಸ ಕರಿಯೆ ಕೈನ ಟೈಮ ದೆಕಾಡಾತಾ.

ಅಪೊಸ್ತಲೊ 2:23

ಯೆಸುನೆ ತುಮೊಕನ ವಪ್ಸಾಯಾ. ತುಮೆ ಕೆಟ್ಟ ಮನಕ್ಹೊನಾ ಮದತಕ್ಹು ತಿನೆ ಶಿಲುಬಿ ಪರ ಘಾಲ್ಯಾ. ತೆನೈಸೊ ಎ ಕ್ಹಾರು ಥಾವಸ ಕವಾನು ಕ್ಹುದಾನೆ ಗ್ವತ್ತ ವ್ಹತ್ತು. ಎ ಕ್ಹುದಾನಿ ಚಿತ್ತ ವ್ಹತ್ತಿ. ಘನ್ನಾ ಟೈಮನಾ ಪಾಚೊ಼ಜ಼ ಎ ಫೈಸ್ಲೊ ಥಯಲ ವ್ಹತ್ತೊ.

ಅಪೊಸ್ತಲೊ 3:15

ಇಮ್ಮ ತುಮೆ ಜ಼ಲಮ ದಿವಾಲಾನೆ ಖಲಾಸ ಕರಾಯಾಸ! ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊ. ಇನೆ ಹಮೆಜ಼ ಸಾಕ್ಷಿಯೊ ವ್ಹೈ.

ರೊಮಾಪೂರ 8:17

ಅಪೆ ಕ್ಹುದಾನಾ ಬಚ್ಚಾ಼ ಥಯಾಮ, ಹೊ ಕ್ಹುದಾನೆ ವಾರಸ್ದಾರ ಥಯಾಸ. ವರಿ ಕ್ರಿಸ್ತನಾ ಕ್ಹಾತೆ ಛೆ, ಇಮ್ಮ ಥಯುಮ, ಕ್ರಿಸ್ತನಾ ಕ್ಹಾತೆ ಅಪೆ ವಾರಸ್ದಾರ ಥಯಾಸ. ತಿನಿ ಮಹಿಮಾಮಾ ವಾಟೊಲಿವಾ ವ್ಹೈ.

ಇಬ್ರಿಯ 1:2

ತೆನೈಸೊ, ಎ ಲಾಸ್ಟನಾ ದಿನ್ನೊಮಾ ಕ್ಹುದಾ ಅಪ್ನಾ ಕ್ಹಾತೆ ತಿನಾ ದಿಕ್ರಾನಾ ಮುಕಾಂತರ ಬೊಲ್ಯೊಸ. ತಿನಾ ದಿಕ್ರಾಕ್ಹುಜ಼ ಕ್ಹುದಾ ಪುರಾ ದುನಿಯಾಮಾನು ಹರಯಕ್ಕ ಸೃಷ್ಟಿ ಕರ‍್ಯೊ, ವರಿ ಹರಯಕ್ಪರ ತಿನೆ ಅದಿಕಾರ ದಿದ್ಯೊ.