ಲುಕ ಬರ್ದಲ ಸುವಾರ್ತಾ 2:37 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁷ ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ.

ಲುಕ ಬರ್ದಲ ಸುವಾರ್ತಾ 2:37 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 5:33

ದಕ್ಹಾ ಮನಕ್ಹೊ ಯೆಸುನೆ"ಫರಿಸಾಯರೊನಾ ಶಿಷ್ಯಾ ವರಿ ಯೊಹಾನನಾ ಶಿಷ್ಯಾ ಹಗ್ಲೆಲ್ಲಾ ಉಪಾಸ ವರಿ ಪ್ರಾಥನಾ ಕರಸ; ವರಿ ತಾರಾ ಶಿಷ್ಯಾ ಖಾವಾಡ್ಯಾಸ ಪಿವಾಡ್ಯಾಸ ಕೈನ ಕತಾಮಾ

ಅಪೊಸ್ತಲೊ 13:3

ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ.

ಅಪೊಸ್ತಲೊ 14:23

ಪೌಲಾ ಬಾರ್ನಬ ಹರ ಯಕ್ಕ ಸಭೆನೆ ಮ್ಹೊಟಾವೊನೆ ಇನಿ ಲಿದ್ಯಾ. ತ್ಯುನೆ ಎ ಮ್ಹೊಟಾವೊನಾ ಹುತಿ ಉಪಾಸ ರ‍್ಹೈನ ಪ್ರಾಥನಾ ಕರಿನ ತ್ಯುನೊನೆ ಪ್ರಭುನಾ ಹತ್ಮಾ ವಪ್ಸಿನ ದಿದ್ಯಾ.

ಅಪೊಸ್ತಲೊ 26:7

ಅಪ್ನಾ ಬಾರಾ ಖಾಂಧಾವಾಲಾ ದಿನ್ನ ರಾತ ಆಸಕ್ತಿಕ್ಹು ಕ್ಹುದಾನೆ ಆರಾದಾನಾ ಕರ್ತಾ ತೆ ವಾತನಿ ಫಲ ಮಳಾನಾ ಹುತಿ ಆಸ ಕರ್ತಾ ಛೆ. ರಾಜಾ಼, ತೆಜ಼ ಆಸನಾ ಹುತಿ ಯೆಹುದಿಯೊ, ಮಾರಾ ವಿರುದ್ದ ದೊಶಾರೊಪಣೆ ಕರಾಡಾಸ.

1 ತಿಮೊತಿ 5:5

ಯಕ್ಕ ರಾOಡಿ ಹೆಣ ಮನಕ್ಹ ಕ್ಹರಿಮಾಜ಼ ತಿನೆ ಕುನ್ನಜ಼ ಆಸ್ರೊ ನೈಸೊ ಯಕ್ಕಲಿಜ಼ ರ‍್ಹೈಮ, ತೆಳಾಮಾ ತೆ ತಿನಾ ಆಸ್ರಾನೆ ಕ್ಹುದಾಪರ ಆಸ ಮ್ಹೆಲಸ. ತೆ ಹೆಣ ಮನಕ್ಹ ದಿನ್ನ ರಾತ ಪ್ರಾಥನಾ ಕರಸ. ತೆ ಆಸ್ರೊ ಮಾಂಗಸ.

ಪ್ರಕಟನೆ 3:12

ಝಿತ್ತಲ ಮನಕ್ಹನೆ ಮಿ ಮಾರಾ ಕ್ಹುದಾನಿ ಆಲಯಮಾ ಆಧಾರಸ್ತಂಭ ಕರುಸ. ತೆ ಕ್ಹುದಾನಿ ಆಲಯ ಕೆಳಾಮಾಜ಼ ಛೊಡಿನ ಜಾ಼ವಾನಿ ಜ಼ರುರತ್ತ ನತ್ತಿ. ಮಾರಾ ಕ್ಹುದಾನು ನಾಮ ವರಿ ಮಾರಾ ಕ್ಹುದಾನು ಗಾಮನು ನಾಮ ತಿಪರ ಬರದುಸ. ನವು ಯರುಸೆಲಿಮಜ಼ ತೆ ಗಾಮನು ನಾಮ ವ್ಹೈ. ತೆ ಗಾಮ ಮಾರಾ ಕ್ಹುದಾಕಂತು ಸ್ವರಗತು ಉತ್ರಿನ ಆವಸ. ಮಾರು ನವು ನಾಮ ತಿಪರ ಬರದುಸ.

ಪ್ರಕಟನೆ 7:15

ತಿನಾಹುತಿ ಎ ಮನಕ್ಹೊ ಹಮ್ನಾ ಕ್ಹುದಾನಾ ಸಿಂಹಾಸನ್ನಾ ಕ್ಹಾಮಾ ಹುಬ್ರಯಾಸ. ತ್ಯುನೆ ಕ್ಹುದಾನೆ ತಿನಿ ಆಲಯಮಾ ದಿನ್ನ ರಾತ ಆರಾಧನಾ ಕರಸ. ಸಿಂಹಾಸನ್ನಪರ ಬೈಟಲವಾಲೊ ತ್ಯುನೊನೆ ಜ಼ತ್ತನ ಕರಸ.