ಲುಕ ಬರ್ದಲ ಸುವಾರ್ತಾ 18:22 - ಕ್ಹುದಾನಿ ಕ್ಹರಿನಿ ವಾಕ್ಯಾ

²² ತೆಳಾಮಾ ಯೆಸು ತಿನೆ"ತು ಕರಾನು ಕಾಮ ಬಿಜೆಕ ಛೆ. ತಾರಿ ಆಸ್ತಿ ಇಕ್ಕಿನ ಆಯಲ ದೊಕ್ಡಾ ಗರಿಬೊನೆ ದೆ. ತೆಳಾಮಾ ತುನೆ ಸ್ವರ್ಗಮಾ ಇನೊ ಪ್ರತಿಫಲ ಮಳಸ. ತು ಮಾರಾ ಪಾಚೊ಼ ಆ"

ಲುಕ ಬರ್ದಲ ಸುವಾರ್ತಾ 18:22 ပူးပေါင်းရင်းမြစ်များ

ಮತ್ತಾಯ 19:21

ಯೆಸು ತಿನೆ, ತು ಪರಿಪುರ್ಣ ಥಾವಾನೊ ರ‍್ಹಯೊಮ, ಗೈನ ತುನೆ ರ‍್ಹಯಲ ಕ್ಹಾರು ಇಕ್ಕಿನ, ಗರಿಬೊನೆ ದೆ, ತೆಳಾಮಾ ತುನೆ ಪರಲೊಕಮಾ ಆಸ್ತಿ ರ‍್ಹವಸ. ಪಾಚ಼ಲ್ತೊ ತು ಮಾರಾ ಪಾಚೊ ಆ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 10:42

ಯಕ್ಕಜ಼ ಯಕ್ಕ ಚೊ಼ಕು ರ‍್ಹಯಲ ಮರಿಯಳ ಇನಿಲಿದಿಸ. ತೆ ತಿಮಾತು ಕೆಳಾಮಾಜ಼ ಕಾಡಾನೆ ಥಾತು ನೈ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 12:33

ತುಮೊಕನ ರ‍್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ‍್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ‍್ಹತಿ ನೈ. ತಿನಾಹುತಿ ಹಮೆಶಾ ರ‍್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ.

ಲುಕ ಬರ್ದಲ ಸುವಾರ್ತಾ 16:9

ಮೊಸ ಕರಿನ ರಾಬೆಲ ಆಸ್ತಿಕ್ಹು ದೊಸ್ತ ಕರಲಿವೊ ತೆ ಆಸ್ತಿ ತುಮೊನೆ ಛೊಡಿನ ಜಾ಼ತಾಮಾ ತ್ಯುನೆ ತುಮೊನೆ ಹಮೆಶಾ ರ‍್ಹವಾನ ಜ಼ಗಾ ಬಲೈಲಿವಸ.

ಲುಕ ಬರ್ದಲ ಸುವಾರ್ತಾ 18:21

ತಿಮ್ಮ ಕತಾಮಾ ತೆ ಮನಕ್ಹ ಮಿ ನ್ಹಾನ್ಪಂತೊ ಎ ಕ್ಹಾರು ಕರತೊ ಆಯೊಸ, ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 18:23

ಯೆಸುನಿಯೊ ವಾತೊ ತೆ ಮನಕ್ಹ ಐಕ್ತಾಮಾ ಘನ್ನೊ ಬೆಜ್ಯಾರ ಥಯೊ ಕಾಕದ್ಯಾಮ ತೆ ಮನಕ್ಹ ಘನ್ನೊ ಸೌಕಾರ ವ್ಹತ್ತೊ.

ಲುಕ ಬರ್ದಲ ಸುವಾರ್ತಾ 9:23

ಯೆಸು ತಿನಿಯೊ ವಾತೊ ಕತೊ ತೆ ಕ್ಹಾರಾವೊನೆ ಸು ಕದ್ಯೊ ಕದ್ಯಾಮ ಮಾರಾ ಪಾಚೊ಼ ಔಸ ಕವಾಲೊ ತೆ ತಿನೊ ಕ್ಹಾರು ಇಕ್ಹರಿನ ದಿನ್ನೆಬಿ ತಿನಿ ಶಿಲುಬಿ ಉಚೈಲಿನ ಮಾರಾ ಪಾಚೊ಼ ಆವಾದೆ "ಕದ್ಯೊ,

ಫಿಲಿಪ್ಪಿ 3:13

ಭಾಯೊ ಮಿ ಪಡದಿಲಿವಾಲೊ ವ್ಹೈ ಕೈನ ಮಿ ಹಜು಼ನ ಲಕ್ಕಾ ಕೈಲೆತೊ ನೈ. ತೆನೈಸೊ ಯಕ್ಕ ಮಿ ಪಾಚ ಥಯಲ ಕ್ಹಾರು ಇಕ್ಹರಿನ ಅಗ್ಲು ಥಾವಾನು ಕರಾನಾ ಹುತಿ ಮಿ ತಗ್ಗಲವಾಲೊ ಥೈನ,

2 ಪೆತ್ರಾ 3:8

ತೆನೈಸೊ ಮಯಾನಾ ಭಾಯೊ, ಆ ಯಕ್ಕ ತುಮೆ ಇಕ್ಹರೊ ನಕೊ. ಪ್ರಭುನೆ ಯಕದಿನ್ಬಿ ಹಜಾ಼ರ ಕ್ಹವರಹ ರ‍್ಹಯಲಲಿಂಗತ ವ್ಹೈ ವರಿ ಹಜಾ಼ ವರಕ್ಹು ಯಕ್ಕದಿನ ರ‍್ಹಯಲ ಲಿಂಗತ ವ್ಹೈ.