ಲುಕ ಬರ್ದಲ ಸುವಾರ್ತಾ 16:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತಿನಾಹುತಿ ತೆ ಸೌಕಾರ ತಿನಾ ಆಳನೆ ಬಲೈನ, ತಾರಾ ಹುತಿ ಮನೆ ಸುದ್ದಿ ಐಸ. ಕದ್ಯೊ. ಮಾರಾ ದೊಕ್ಡಾ ತು ಶಾನಾ ಹುತಿ ಖರಚ್ಯೊ ಕರ‍್ಯೊಸ ಕೈನ? ತು ಮನೆ ಲೆಕ್ಕೊ ದೆ ತು ಕೆ. ಇತ್ತಿ ಉಪ್ಪರ ಮಿ ಕರಾನು ವ್ಯಾಪಾರ ತು ನಕೊ ದೆಕಿಲಿವ, ಕದ್ಯೊ

ಲುಕ ಬರ್ದಲ ಸುವಾರ್ತಾ 16:2 ပူးပေါင်းရင်းမြစ်များ

ಮತ್ತಾಯ 12:36

ಮನಕ್ಹೊ ಅರುವಾಚಿ ಬೊಲಲ ಹರಿಯಕ್ಕ ವಾತನೆ ನ್ಯಾಯನಾ ದಿನ್ಮಾ ಜವಾಬ ದ್ಯು ಲಾಗಸ.

ಮತ್ತಾಯ 20:8

ಕ್ಹಾಂಜ಼ ಥಯಲ್ಪರ ದ್ರಾಕ್ಷಿಯೊನಾ ಮಳಾನೊ ಮಾಲಕ ತಿನಾ ಮೆಲ್ವಚಾರಕನೆ, ತೆ ಕುಲಿ ಆಳೊನೆ ಬಲೈನ ಲಾಸ್ಟನೆ ಆಯಲವಾಲಾವೊತೊ ಪಸ್ಟ ಆಯಲವಾಲಾವೊ ಲಕ್ಕಾ ಪಗಾರ ದೆ’ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 12:20

ತೆನೈಸೊ ಕ್ಹುದಾ ತಿನೆ, ತು ಗ್ಯಾನ ನೈಸೊವಾಲಾ! ಆಜ಼ ರಾತೆಜ಼ ತು ಮರಸಿ! ಹಮ್ನಾ ಕೆ ತು ಕುಡ್ಸಿನ ಮ್ಹೆಲಲ ಅನಾಜ಼ ತೆ ಸು ಥಾಸ? ತೆ ಕ್ಹಾರು ಅನಾಜ಼ ಕಿನಾ ಪಾಲ ಥಾಸ? ಕೈನ ಪುಚ್ಯೊ.

ಲುಕ ಬರ್ದಲ ಸುವಾರ್ತಾ 12:42

ಯೆಸು ಅಮ್ಮ ಕದ್ಯೊ" ಗ್ಯಾನಿ ರ‍್ಹಯಲ ವರಿ ಬರೊಕ್ಹಾನೊ ಥಯಲ ಆಳ ಕುನ್ನ ವ್ಹೈ? ಟೈಮ ಟೈಮೆ ಕರೆಟ್ಟ ಕುಲಿ ಆಳೊನೆ ಅನಾಜ಼ ತುಕಾ ಕರಿನ ದಿವಾನಾ ಘರಪರ ನೆಮಿಸಲ ಆಳಜ಼ ಬರೊಕ್ಹೊ ವಾಲೊ ವ್ಹೈ.

ಲುಕ ಬರ್ದಲ ಸುವಾರ್ತಾ 16:1

ಯೆಸು ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ. ಯಕ್ಕ ಕಾಲ್ಮಾ ಯಕ್ಕ ಸೌಕಾರ ವ್ಹತ್ತೊ. ತೆ ಸೌಕರ, ತೆ ಕರಾನೊ ವ್ಯಾಪಾರ ದೆಕಿಲಿವಾಹುತಿ ಯಕ್ಕ ಆಳನೆ ಮ್ಹೆಲ್ಯೊತೊ. ದಕ್ಹಾದಿನ್ನ ಥಯಲ್ಪರ, ತೆ ಆಳ ಸೌಕಾರನೆ ಮೊಸ ಕರಾಡ್ಯೊಸ ಕವಾನು ಸೌಕಾರನೆ ಗ್ವತ್ತ ಥಯು.

ಲುಕ ಬರ್ದಲ ಸುವಾರ್ತಾ 16:3

ತೆಳಾಮಾ ತೆ ಆಳ ತಿನಾ ಮನಸ್ಮಾ ಮಿ ಸು ಕರು ಕೈನ? ವಿಚಾರ ಕರಲಿದ್ಯೊ. ಮಾರೊ ಮಾಲಕ ಮನೆ ಕಾಮ ಪರತೊ ಕಾಡಿ ಪಾಡಸ! ಖಾಡಿಯೊ ಖಂದಾನೆ ಮನೆ ತಾಕತ ನತ್ತಿ. ಭಿಕ ಮಾಂಗಾನೆ ಮನೆ ಸರಮ ವಾಟಸ.

ರೊಮಾಪೂರ 14:12

ತಿನಾಹುತಿ ಅಪ್ನೊಮಾ ಹರಿ ಯಕ್ಲೊ ತ್ಯುನಿ-ತ್ಯುನಿ ಜಿವಿತನಾ ಹುತಿ ಕ್ಹುದಾಕನ ಲೆಕ್ಯೊದ್ಯು.

1 ಕೊರಿಂಥ 1:11

ಮಾರಾ ಭಾಯೊ ಭೆನೊ, ಖ್ಲೊಯೆಯನಾ ಘರತಾ ಆಯಲ ದಕ್ಹಾ ಜ಼ನಾ ತುಮಾರಾ ಹುತಿ ಮನೆ ಕದ್ಯಾ. ತುಮಾರಾ ವಚ್ಮಾ ವಾದ ವಿವಾದ ಚಾ಼ಲಾಡುಸ ಕೈನ ಮನೆ ಗ್ವತ್ತ ಥಯು.

1 ಕೊರಿಂಥ 4:2

ಇಮ್ಮ ರ‍್ಹತಾಮಾ, ಜವಾಬ್ದಾರಿ ಲಿದಲವಾಲಾ ಸೆವಕ ಮಾಲಕನೆ ಕಾಮೊಮಾ ಬರೊಕ್ಹೊವಾಲಾ ವ್ಹೈ ಕೈನ ದೆಕಾಡು.

1 ಕೊರಿಂಥ 4:5

ತಿನಾಹುತಿ ಕರೆಟ್ಟ ಟೈಮತಿ ಪೈಲಾ ಪೈಸ್ಲೊ ಕರೊ ನಕೊ. ಅಂದಾರಾಮಾ ದಡಿರ‍್ಹಯಲ ಕ್ಹಾರಾವೊನಾ ಉಪ್ಪರ ತೆ ಉಜಾಲು ದಿವಸ. ಮನಕ್ಹೊನಾ ಮನಸೊ ರಹಸ್ಯ ರ‍್ಹಯಲ ಉದ್ದೆಶೊ ತೆ ದೆಕಾಡಿನ ದಿವಸ. ತೆಳಾಮಾ ಹರ ಯಕ್ಲಾನೆ ಆವಾನು ಹೊಗಳಿಕೆ ಕ್ಹುದಾಕ್ಹುಜ಼ ಆವಸ.

2 ಕೊರಿಂಥ 5:10

ಅಪೆ ಕ್ಹಾರಾ ನ್ಯಾಯ ವಿಚಾರಣೆನಾ ಹುತಿ ಕ್ರಿಸ್ತನಾ ಕ್ಹಾಮಾ ಹುಬ್ರೌ. ಹರಿಯಕ್ಲೊ ದುನಿಯಾನಿ ಅಂಗಮಾ ರ‍್ಹತಾಮಾ ಕರಲ ಚೊ಼ಕಾನಾ ಹುತಿ ವರಿ ಕೆಟ್ಟನಾ ಹುತಿ ರ‍್ಹೈನೆಕಾ ತಿನೊ ಪ್ರತಿಫಲ ಹೊಂದಸ.

1 ತಿಮೊತಿ 4:14

ತುಕನ ರ‍್ಹಯಲ ಮರಗಾನಿ ವರಾನೆ ತಿನೆ ಅಲಕ್ಷ ಕರೊ ನಕೊ ತೆ ವರಾ ತಮಾರಾ ಪ್ರವಾದಿ ಕರಲ ಹತ್ತ ವ್ಹೈ. ವರಿ ಮ್ಹೊಟಾ ಮನಕ್ಹೊಕ್ಹು ತಾರಾ ಉಪ್ಪರ ಹತ್ತ ಮ್ಹೆಲ್ಯಾಸ.

1 ತಿಮೊತಿ 5:24

ದಕ್ಹಾ ಮನಕ್ಹೊ ಕರಲ ಪಾಪೊ ದಿಕ್ಹಿನ ಆವಸ. ತ್ಯುನೊನೆ ಫೈಸಲೊ ಥಾವಸ ಕವಾನು ದೆಕಾಡಿನ ದಿವಸ. ತೆ ದಕ್ಹಾ ಮನಕ್ಹೊ ಕರಲ ಪಾಪೊ ದಕ್ಹಯೆಳ ಪರ ಕಳಸ.

1 ಪೆತ್ರಾ 4:10

ತುಮೊಮಾ ಹರಿ ಯಕ್ಲೊ ಕ್ಹುದಾ ಕಂತೊ ಆತ್ಮಿಕನಿ ವರಾ ಪಡ್ದಿಲಿದ್ಯಾಸ. ಕ್ಹುದಾ ತುಮೊನೆ ಘನ್ನಿತರಾಮಾ ತಿನಿ ಕೃಪಾಕ್ಹು ದಿದ್ಯೊಸ. ತುಮೆ ಕ್ಹುದಾನಿ ವರಾ ಉಪಯೊಗ ಜವಾಬ್ದಾರಿವಾಲಾ ಥೈನ ಸೆವಕೊ ಥಯಾಸ. ತಿನಾಹುತಿ ಚೊ಼ಕಾ ಸೆವಕೊ ಥಾವೊ. ಯಕ್ನಾ ಯಕ್ಕ ಸೆವೆ ಕರಾನೆ ತುಮೊನೆ ದಿದಲ ವರಾ ಉಪಯೊಗ ಕರೊ.

1 ಪೆತ್ರಾ 4:5

ತೆನೈಸೊ ಬರೊಕ್ಹೊ ನೈಸೊವಾಲಾ ತ್ಯುನೆ ಕರಾನಾ ಕಾಮೊನಾ ಹುತಿ ತ್ಯುನೆಜ಼ ಕೌ ಲಾಗಸ. ಮರಿಗಯಲ ಮನ್ಹೊನೆ ವರಿ ಜಿವ್ತಾ ರ‍್ಹಯಲ ಮನಕ್ಹೊನೆ ಫೈಸ್ಲೊ ಕರಾನೆ ತಯ್ಯಾರ ರ‍್ಹಯಲ ಕ್ರಿಸ್ತನೆ ತ್ಯುನೆ ತಿನೆ ವಿಚಾರಣೆ ದ್ಯು.

ಪ್ರಕಟನೆ 20:12

ಮರಿಗೈಲವಾಲಾವೊಮಾ ನ್ಹಾನಾ ಮ್ಹೊಟಾ ಮನಕ್ಹೊ ತೆ ಸಿಂಹಾಸನ್ನಾ ಕ್ಹಾಮಾ ಹುಬ್ರಾಯಾತಾ. ತೆಳಾಮಾ ಜಿವಭಾದ್ಯ ಪುಸ್ತಕ ಖಲ್ಲಾ ಕರ‍್ಯಾ. ಬಿಜಾ಼ ಪುಸ್ತಕೊಬಿ ಖುಲ್ಲಾ ಕರಿನ ಮುಕ್ಕಯಾತಾ. ಮರಿಗಯಲ ಮನಕ್ಹೊ ವರಿ ತ್ಯುನೆ ಕರಲ ಕ್ಹಾರಾ ಕಾಮೊನೆ ದೆಕಿನ ತ್ಯುನೊ ಫೈಸಲೊ ಕರ‍್ಯಾ. ಎ ಕ್ಹಾರು ಪುಸ್ತಕೊಮಾ ಬರ್ದಲ ಛೆ.