ಲುಕ ಬರ್ದಲ ಸುವಾರ್ತಾ 15:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ತಿನಾ ಲಿಂಗತಜ಼, ಯಕ್ಕ ಪಾಪಿ ತಿನು ಮನಸ. ಕ್ಹುದಾ ಬಗಲ ಫರಯೊಮ ಸ್ವರಗಾಮಾ ಘನ್ನಾ ಖುಶಿ ಥಾವಸ ಕೈನ ಮಿ ತುಮೊನೆ ಕೌಸ. ನೌವ್ವದಪರ ನೌ ಮನಕ್ಹೊ ಕ್ಹುದಾಬಗಲ ಫರಲ ವಾಲಾತಿಬಿ ಯಕ್ಕ ಪಾಪಿ ಕ್ಹುದಾ ಬಗಲ ಫರಯೊಮ ತಿನಾ ವಾಸ್ತರ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 15:7 ပူးပေါင်းရင်းမြစ်များ

ಮತ್ತಾಯ 18:13

ತೆ ತಿನೆ ಮಳ್ಯಾರೆ, ನೈ ತಪ್ಸಿಲಿನ ರ‍್ಹವಾನಾ ನೌವದಪರ ನೌ ಬಕ್ರಾತಿಬಿ ತೆ ಯಕ್ಕ ಬಕ್ರಾನಾಹುತಿ ಘನ್ನೊ ಖುಷಿ ಥೌಸ ಕೈನ ತುಮೊನೆ ಕ್ಹರಿಜ ಕೌಸ.

ಮತ್ತಾಯ 3:8

ತುಮಾರು ಮನಸ ಕ್ಹರಿಮಾಜ಼ ಕ್ಹುದಾ ಬಗಲ ಛೆ ಕೈನ ಕವಾನು ತುಮೆ ಕರಾನಾ ಕಾಮೊಕ್ಹು ದೆಕಾಡೊ.

ಲುಕ ಬರ್ದಲ ಸುವಾರ್ತಾ 15:10

ತಿನಾ ಲಿಂಗತಜ಼ ಯಕ್ಕ ಪಾಪಿ ತಿನಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಯೊಮ ಸ್ವರ್ಗಮಾ ರ‍್ಹಯಲ ದೆವದುತೊ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 15:29

ತೆಳಾಮಾ ತಿನೊ ಮ್ಹೊಟೊ ದಿಕ್ರೊ ತಿನಾ ಬಾನೆ ಮಿ ತಾರೊ ಆಳ ಥೈನ ಘನ್ನಾ ವರಘತೊ ಸೆವಾ ಕರ‍್ಯೊಸ! ವರಿ ತು ಕದಲ ತಿಮ್ಮಜ಼ ಮಿ ಐಕ್ಯೊಸ. ವರಿಬಿ ತು ಮಾರಾಹುತಿ ಮಾರಾ ದೊಸ್ತೊನಾ ಹುತಿ ಯಕ್ಕ ಬಕ್ಕರುಬಿ ಕಾಟ್ಯೊ ನತ್ತಿ. ವರಿ ತು ಮಾರಾಹುತಿ ಮಾರಾ ದೊಸ್ತೊನೆ ಖಾವಾನೆ ಅನ್ನ ಕರಾಯೊ ನತ್ತಿ.

ಲುಕ ಬರ್ದಲ ಸುವಾರ್ತಾ 15:32

ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.

ಲುಕ ಬರ್ದಲ ಸುವಾರ್ತಾ 15:6

ಘರೆ ಆವಸ ತೆ ತಿನಾ ದೊಸ್ತೊನೆ ವರಿ ಆಜು಼ಬಾಜು಼ವಾಲಾನೆ ಬಲೈನ ಮಾರಾ ಕ್ಹಾತೆ ಖುಶಿ ಕರೊ, ಮಾರು ಜ಼ವೈಗಯಲ ಬಕ್ರು ಮಳ್ಯುಸ ಕವಸ.

ಲುಕ ಬರ್ದಲ ಸುವಾರ್ತಾ 15:8

ನೈತೊ "ಯಕ್ಕ ಹೆಣ ಮನಕ್ಹಕನ ದಕ್ಹ ರುಪ್ಪಾನಾ ಬಿಲ್ಲಾ ಛೆ ಕೈನ ತಿಳದಿಲಿಯೆ. ತೆ ಹೆಣ ಮನಕ್ಹ ತಿಮಾನೊ ಯಕ್ಕ ರುಪ್ಪಾನೊ ಬಿಲ್ಲೊ ಜ಼ವೈ ಲಿಪಾಡಸ್. ತೆ ದಿವ್ವೊ ಲೈನ ತಿನು ಘರ ಝಾಡಸ. ತೆ ರುಪ್ಪಾನೊ ಬಿಲ್ಲೊ ಮಳೆ ಲಕ್ಕಾ ಹುಡ್ಕಸ,

ಲುಕ ಬರ್ದಲ ಸುವಾರ್ತಾ 16:15

ವರಿ ಯೆಸು ಫರಿಸಾಯರೊನೆ ಕದ್ಯೊ, ಮನಕ್ಹೊನಾ ಕ್ಹಾಮಾ ತುಮೆ ಚೊ಼ಕಾ ವ್ಹೈ ಕೈನ ಕವೈಲಿವೊಶಿ. ವರಿ ಕ್ಹರಿಮಾಜ಼ ತುಮಾರು ಮನಸ್ಮಾ ರ‍್ಹಯಲ ಕ್ಹುದಾನೆ ಗ್ವತ್ತ ಛೆ. ಮನಕ್ಹೊನಾ ನಜ಼ರಮಾ ಚೊ಼ಕು ರ‍್ಹಯಲ ಕ್ಹುದಾನಿ ನಜ಼ರಮಾ ಕೆಟ್ಟ ವ್ಹೈ.

ಲುಕ ಬರ್ದಲ ಸುವಾರ್ತಾ 5:32

ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರೊ ಕೈನ ನಿತಿವಂತಕ್ಹು ರ‍್ಹಯಲವಾಲಾವೊನಾ ಮಿ ಬಲಾವಾನೆ ನತ್ತಿ ಆಯೊ. ಪಾಪಿಯೊನಾ ಹುತಿ ಆಯೊಸ" ಕದ್ಯೊ.

ರೊಮಾಪೂರ 7:9

ಮಿ ಧರಮಶಾಸ್ತ್ರನೆ ತಿಳ್ದಿಲಿವಾತಿ ಪೈಲಾ ಧರಮಶಾಸ್ತ್ರ ನೈ ರ‍್ಹಯಲವಾಲೊ ಥೈನ ಜಿವ್ತೊ ವ್ಹತ್ತೊ. ತೆನೈಸೊ ಧರಮಶಾಸ್ತ್ರನಿ ಆಜ್ಞಾ ಮಕನ ಆತಾಮಾ, ಪಾಪ ಜಿವ್ತು ಥಯು.