ಲುಕ ಬರ್ದಲ ಸುವಾರ್ತಾ 12:32 - ಕ್ಹುದಾನಿ ಕ್ಹರಿನಿ ವಾಕ್ಯಾ

³² "ನ್ಹಾನು ಮನಕ್ಹೊನು ಗುಂಪ ಭುಚ಼ಕೊ ನಕೊ, ತುಮೊನೆ ತೆ ರಾಜ್ಯ ದಿವಾನೆ ತುಮಾರಾ ಬಾನೆ ಆಸ ಛೆ.

ಲುಕ ಬರ್ದಲ ಸುವಾರ್ತಾ 12:32 ပူးပေါင်းရင်းမြစ်များ

ಮತ್ತಾಯ 14:27

ತೆಕ್ಲಾಮಾಜ಼಼ ಯೆಸು ತ್ಯುನೆ ದೆಕಿನ ಭುಚ್ಕೊ಼ ನಕೊ ಮಿ ವ್ಹೈ ಕೈನ ಕದ್ಯೊ.

ಮತ್ತಾಯ 20:16

ಇಮ್ಮ ಲಾಸ್ಟನಾ ಪಸ್ಟ ಥಾವಸ ಪಸ್ಟನಾ ಲಾಸ್ಟ ಥಾವಸ ಕದ್ಯೊ.

ಮತ್ತಾಯ 25:34

ತೆಳಾಮಾ ರಾಜೊ಼ ತಿನಾ ಶಿದಾ ಬಗಲ ರ‍್ಹಯಲವಾಲಾವೊನೆ, ಮಾರಾ ಬಾನೊ ಆಶಿರ್ವಾದ ಹೊಂದಲವಾಲಾ ಆವೊ, ಲೊಕಾಧಿತೊ ತುಮಾರಾ ಹುತಿ ತಯ್ಯಾರ ಕರಲ ರಾಜ್ಯ ತುಮಾರಾ ಹತ್ಮಾ ಪಡ್ದಿಲಿವೊ.

ಮತ್ತಾಯ 7:15

ಸುಳ್ಳ ಪ್ರವಾದಿಯೊನಾ ಹುತಿ ಹುಶಾರ ರಹೊ. ತ್ಯುನೆ ಬಕ್ರಾವೊ ಲಿಂಗತ ದಿಕ್ಹಿನ ತುಮೊಕನ ಆವಸ. ತೆನೈಸೊ ತೊಳೊ ಲಿಂಗತ ಕ್ಹರಿಮಾಜ಼ ಕೆಟ್ಟ ರ‍್ಹಯಲ ಲಿಂಗತಜ ಛೆ.

ಲುಕ ಬರ್ದಲ ಸುವಾರ್ತಾ 10:21

ಪಾಚಲ್ತೊ ಯೆಸು ಪವಿತ್ರ ಆತ್ಮಾಕ್ಹು ಘನ್ನೊ ಖುಶಿ ಥೈನ ಅಮ್ಮ ಪ್ರಾಥನಾ ಕರ‍್ಯೊ ಸ್ವರಗ ಲೊಕನೊ ಭುಲೊಕನೊ ಕ್ಹುದಾ ಥಯಲ ಬಾ ಮಿ ತುನೆ ಸ್ತುತಿ ಕರುಸ ತು ಗ್ಯಾನಿಯೊನೆ ಗ್ಯಾನ ರ‍್ಹಯಲವಾಲಾವೊನಾ ಎ ಸಂಗತಿ ಝಾಕಿನ ಮುಕ್ಕಕಲ ಹುತಿ ಮಿ ತುನೆ ಸ್ತುತಿ ಕರುಸ ವರಿ ತು ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ಮನಕ್ಹೊನೆ ಎ ಸಂಗತಿಯೊ. ಝಾಕಿನ ಮ್ಹೆಲ್ಯಾವಾಚಿ ಕದ್ಯೊ ಹೊ ತೆಜ಼ ತಾರಿ ಆಸ ವ್ಹತ್ತಿ.

ಯೊಹಾನ 18:36

ಯೆಸು"ಮಾರಿ ರಾಜ್ಯ ಎ ದುನಿಯಾನೆ ಮಳಲ ನ್ಹವೈ. ತೆ ಎ ದುನಿಯಾನೆ ಮಳಲ ರ‍್ಹವತ್ತು ಯಹುದ್ಯೊನಾ ಹತ್ಮಾ ಕ್ಹಾಪಡ್ಯಾವಾಚಿ ಮಿ ಕ್ಹಾಪಡೆ ನೈಸೊ ಮಾರಾ ಸೆವಕೊ. ತೆನೈಸೊ ಮಾರಿ ರಾಜ್ಯ ನ್ಹ್ಯಾನು ನ್ಹವ್ಹೈ" ಕದ್ಯೊ

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಅಪೊಸ್ತಲೊ 20:29

ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ.

ರೊಮಾಪೂರ 6:23

ಕಾ ಕದ್ಯಾ ಪಾಪನಿ ಪಗಾರ ಮರಣ ವ್ಹೈ. ತೆನೈಸೊ ಕ್ಹುದಾ ಫ್ರಿ ದಿವಾನು ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಮಾ ರ‍್ಹಯಲ ಹಮೆಶಾನೊ ಜ಼ಲಮ ವ್ಹೈ.

1 ಕೊರಿಂಥ 1:21

ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.

ಫಿಲಿಪ್ಪಿ 2:13

ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ.

2 ಥೆಸಲೊನಿಕ 1:11

ತಿನಾಹುತಿ ಹಮೆಶಾಬಿ ತುಮಾರಾ ಹುತಿ ಚೊ಼ಕಿ ವಾಟಮಾ ತುಮೆ ಜಿವ್ನಾ ಕರು ಕೈನ ಕ್ಹುದಾ ತುಮೊನೆ ಬಲಾಯೊ, ತೆ ವಾಟಮಾ ತುಮೆ ಜಿವ್ನಾ ಕರಾನಾ ಹುತಿ ಪ್ರಾಥನಾ ಕರಿಯೆಸ. ತುಮೊಮಾ ರ‍್ಹಯಲ ಚೊ಼ಕಾ ಚೊ಼ಕಾಜ಼ ಕಾಮೊ ಕರಾನಾಹುತಿ ತುಮೊನೆ ಪ್ರೊತ್ಸಾಹ ಕರಸ. ತುಮೊಮಾ ರ‍್ಹಯಲ ಬರೊಕ್ಹೊ ತುಮಾರಾ ಮುಕಾಂತರ ಕಾಮ ಕರಸ. ಎ ಕಾಮೊ ತುಮೆ ಜಾಸ್ತಿ-ಜಾಸ್ತಿ ಕರಾನೆ ಕ್ಹುದಾ ತಿನಿ ತಾಕತಕ್ಹು ಕರಾದೆ ಕೈನ ಮಾಂಗಿಲಿಯೆಸ.

2 ಥೆಸಲೊನಿಕ 1:5

ಕ್ಹುದಾ ನ್ಯಾಯ ರ‍್ಹಯಲ ಫೈಸಲೊ ಕರಸ ಕೈನ ತೆಜ಼ ದೆಕಾಡಿನ ದಿವಸ ಕ್ಹುದಾನಿ ರಾಜ್ಯನೆ ತುಮೆ ಯೊಗ್ಯ ಥೈನ ತುಮೆ ತ್ರಾಸ ಖಾವಾನು ತೆ ರಾಜ್ಯನಾ ಹುತಿಜ಼ ವ್ಹೈ.

ಇಬ್ರಿಯ 12:28

ತಿನಾಹುತಿ ಕುನ್ನಜ಼ ಹಲ್ಲಾಡಲ ನೈ ಥಯಲ ರಾಜ್ಯ ಪಡ್ದಿಲಿವಾಲಾ ಥಯಲ ಅಪೆ ಕೃತಜ್ಞನಾವಾಲಾ ಥೈನ, ತಿನೆ ಪಸದ ಆಯಲ ಆರಾಧನಾನೆ ಭಕ್ತಿಕ್ಹು ವರಿ ಭುಚ಼ಕಕ್ಹು ಕರಿಯೆ;

ಯಾಕೊಬ 2:5

ಮಾರಾ ಮಯಾನಾ ಭಾಯೊ ಭೆನೊ, ಐಕೊ ಕ್ಹುದಾ ಆ ದುನಿಯಾಮಾ ರ‍್ಹಯಲ ಗರಿಬೊನೆ ಬರೊಕ್ಹಾಮಾ ಸೌಕಾರ ವರಿ ತಿನೆ ಮಯಾ ಕರಾಲಾವಾಲಾವೊನೆ ತೆ ಕದಲ ತಿಮ್ಮ ತಿನಾ ರಾಜ್ಯಮಾ ಕೆಳಾಮಾಬಿ ರ‍್ಹವಾನೆ ಇನಿಲಿದ್ಯೊಸ ಸು ನೈ?

2 ಪೆತ್ರಾ 1:11

ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಾ ರಾಜ್ಯಮಾ ತುಮೊನೆ ಮ್ಹೊಟಿ ಸ್ವಾಗತ ದಿವಸ. ತೆ ರಾಜ್ಯ ಹಮೆಶಾ ರ‍್ಹಯಲ ವ್ಹೈ.

ಪ್ರಕಟನೆ 1:6

ಅಪೊನೆ ಯಕ್ಕ ರಾಜ್ಯ ಕರಿನ ಅಪೊನೆ ತಿನೊ ಬಾ ಥಯಲ ಕ್ಹುದಾನೆ ಸೆವೆ ಕರಾಲಾ ಯಾಜಕೊ ಕರ‍್ಯೊ. ಯೆಸುನೆ ಹಮೆಶಾಬಿ ಮಹಿಮಾ ವರಿ ಅದಿಕಾರ ರ‍್ಹವಾದೆ! ತಿಮ್ಮ ಥಾವಾದೆ.

ಪ್ರಕಟನೆ 22:5

ತ್ಯಾ ರಾತ ಕವಾನುಜ಼ ರ‍್ಹತು ನೈ. ಮನಕ್ಹೊನೆ ಲೈಟನು ಉಜಾಲು ರ‍್ಹೈನೆಕಾ ಸುರಯಾನು ಉಜಾಲು ಚಾ಼ಯೆ ಥಾತು ನೈ. ಪ್ರಭು ಥಯಲ ಕ್ಹುದಾಜ಼ ತ್ಯುನೊನೆ ಉಜಾಲು ದಿವಸ. ತ್ಯುನೆ ಹಮೆಶಾಬಿ ರಾಜಾ಼ವೊಲಿಂಗತ ರಾಜ಼ ಕರಸ.