ಲುಕ ಬರ್ದಲ ಸುವಾರ್ತಾ 11:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.

ಲುಕ ಬರ್ದಲ ಸುವಾರ್ತಾ 11:13 ပူးပေါင်းရင်းမြစ်များ

ಮತ್ತಾಯ 5:16

ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ‍್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.

ಮತ್ತಾಯ 5:45

ತೆಳಾಮಾ ತುಮೆ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನಾ ಕ್ಹರಿನಾ ಬಚ್ಚಾ ಥಾವೊಶಿ. ತುಮಾರೊ ಬಾ ಚೊ಼ಕಾವೊನಾಹುತಿಬಿ ವರಿ ಕೆಟ್ಟ ರ‍್ಹಯಲವಾಲಾವೊನಾಹುತಿಬಿ ಸುರ‍್ಯಾನು ಉಜಾಲು ದಿವಸ ವರಿ ಪಾನಿ ಆವಾ ಲಗಾಡಸ.

ಮತ್ತಾಯ 6:14

ತುಮೆ ಮನಕ್ಹೊನಾ ತಪ್ಪೊ ಮಾಫ ಕರ‍್ಯಾಮ ಸ್ವರ್ಗಾಮಾ ರ‍್ಹವಾಲೊ ಬಾ ತುಮಾರಾ ತಪ್ಪೊ ಮಾಫ ಕರಸ.

ಮತ್ತಾಯ 6:30

ವಾಟ್ಮಾ ರ‍್ಹಯಲ ಚಾರಾನೆ ಕ್ಹುದಾ ತಿಮ್ಮ ವರಾಡಸ. ಚಾರೊತಬಿ ಹಮ್ನಾ ರ‍್ಹೈನ ವಂತಾ ಆಗನಾ ಪಾಲೆ ತಾವಸ. ತಿನಾಹುತಿ ಕ್ಹುದಾ ತುಮೊನೆ ಕ್ಯಕ್ಲೊಕಿ ಜಾಸ್ತ ಪೆರಾಡಸ ಕವಾನು ತುಮೊನೆ ಗ್ವತ್ತ ಛೆ. ಕಮ್ಮ ವಿಶವಾಸ ರ‍್ಹಯಲವಾಲಾವೊ ಲಿಂಗತ ಥಾವೊ ನಕೊ.

ಮತ್ತಾಯ 6:32

ಕ್ಹುದಾನೆ ನೈ ತಿಳದಿಲಿದಲ ಕ್ಹಾರಾ ಮನಕ್ಹೊ ಎ ಕ್ಹಾರು ಪಡ್ದಿಲಿವಾನೆ ಕೊಶಿಶ ಕರಸ. ಚಿಂತಾ ಕರೊ ನಕೊ, ಕಾ ಕದ್ಯಾಮ ಎ ಕ್ಹಾರು ತುಮೊನೆ ಜರುರತ್ತ ಛೆ ಕೈನ ಪರಲೊಕಮಾ ರ್xಹಲವಾಲಾ ತುಮಾರಾ ಬಾನೆ ಗ್ವತ್ತ ಛೆ.

ಮತ್ತಾಯ 7:11

ತುಮೆ ಕ್ಹುದಾ ಲಿಂಗತ ಚೊ಼ಕಾತೊ ನವ್ಹೈ, ಕೆಟ್ಟ ರ‍್ಹಯಲಾತೊಬಿ ತುಮಾರಾ ಬಚ್ಚಾವೊನೆ ಚೊ಼ಕಾಜ಼ ಚಿಜೊ ದ್ಯು ಕೈನ ತುಮೊನೆ ಗ್ವತ್ತ ಛೆ. ಇಮ್ಮ ರ‍್ಹತಾಮಾ ಪರಲೊಕನೊ ತುಮಾರೊ ಬಾ ಬಿ ತಿನೆ ಪುಚ್ಚಾಲಾವೊನೆ ಛೊಕಾ ಚಿಜೊ ಕ್ಹರಿಮಾಜ಼ ದಿವಸ.

ಲುಕ ಬರ್ದಲ ಸುವಾರ್ತಾ 11:12

ತುಮಾರಾ ಬಚ್ಚಾ಼ ಇಂಡು ಮಾಂಗ್ಯಾಮ ಇಚ್ಚಿ ದಿವೊಸಿಸು? ನೈ!

ಲುಕ ಬರ್ದಲ ಸುವಾರ್ತಾ 11:2

ತೆ ವಾತೆ ಯೆಸು ತಿನೆ ತುಮೆ ಅಮ್ಮ ಪ್ರಾಥನಾ ಕರೊ ಬಾ, ತಾರು ನಾಮ ಕೆಳಾಮಾಬಿ ಪರಿಶುದ್ಧ ವ್ಹೈ ಕೈನ ಕವೈಲಿವಾದೆ. ತಾರೊ ರಾಜ್ಯ ಆವಾದೆ.

ಲುಕ ಬರ್ದಲ ಸುವಾರ್ತಾ 18:7

ಕ್ಹುದಾನಾ ಮನಕ್ಹೊ ಕ್ಹುದಾನೆ ದಿನ್ನ ರಾತ ಪ್ರಾಥನಾ ಕರು. ಕ್ಹುದಾ ತಿನಾ ಮನಕ್ಹೊನೆ ಚೊ಼ಕು ರ‍್ಹಯಲಜ಼ ಕೆಳಾಮಾಬಿ ದಿವಸ, ಕ್ಹುದಾ ತಿನಾ ಮನಕ್ಹೊನಿ ಪ್ರಾಥನಾನೆ ಭೆಗಿನಜ಼ ಜವಾಬ ದಿವಸ.

ಯೊಹಾನ 4:10

ಯೆಸು ತಿನೆ"ಕ್ಹುದಾ ಸು ದಿವಸ ಕವಾನು ತುನೆ ಗ್ವತ್ತ ನತ್ತಿ ಪಾನಿ ಪುಚ್ತಾಮಾ ಮಿ ಕುನ್ನ ವ್ಹೈ ಕವಾನು ತುನೆ ಗ್ವತ್ತ ನತ್ತಿ. ತುನೆ ಎ ಕ್ಹಾರು ಗ್ವತ್ತ ರ‍್ಹವತ್ತೊ, ತು ಮಕನ ಮಾಂಗಿಲೆತಿತಿ, ವರಿ ಮಿ ತುನೆ ಜಿವ ಜಲ ದೆತೊತೊ "ಕದ್ಯೊ.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ರೊಮಾಪೂರ 5:17

ಯಕ್ಲೊ ಪಾಪ ಕರ‍್ಯೊ, ತೆ ಯಕ್ಲಾನಾ ಹುತಿ ಕ್ಹಾರಾ ಜ಼ನಾವೊಪರ ಮರಣ ಕವಾನು ರಾಜ಼ ಕರ‍್ಯು. ತೆನೈಸೊ ದಕ್ಹಾ ಮನಕ್ಹೊ ಕ್ಹುದಾನಿ ಘನ್ನಿ ಮರಗಾ ಕ್ಹು ವರಿ ನಿತಿವಂತವಾಲಾ ಕರಾನಿ ತಿನಿ ಮ್ಹೊಟಿ ಗಿಫ್ಟನೆ ಸ್ವಿಕಾರ ಕರಸ. ಕ್ಹರಿಮಾಜ಼ ತ್ಯುನೆ ಯೆಸು ಕ್ರಿಸ್ತ ದಾಣ್ಗಾನಾ ಮುಲಕ,ಕ್ಹರಿನೊ ಜ಼ಲಮ ಹೊಂದಿಲಿವಸ. ವರಿ ರಾಜ಼ ಕರಸ.

ರೊಮಾಪೂರ 7:18

ಹೊ, ಮಾರಾಮಾ ಕದ್ಯಾಮ ಮಾರಾ ಮಾನವ ಸ್ವಭಾವನಿಯೊ ಚಾಳಿಯೊಮಾ ಚೊ಼ಕು ಸುಜ಼ ನತ್ತಿ ಕೈನ ಮನೆ ಗ್ವತ್ತ ಛೆ. ಚೊ಼ಕಾ ಕಾಮೊ ಕರಾನೆ ಮನೆ ಮನಸ ರ‍್ಹೈತುಬಿ ತೆ ಕರಾನೆ ಮನೆ ಥಾತು ನೈ.

ರೊಮಾಪೂರ 8:32

ಕ್ಹುದಾ ತಿನಾ ಸ್ವಂತ ದಿಕ್ರಾನೆ ವಚಾ಼ಡಿ ಲಿದ್ಯಾವಾಚಿ ಅಪೊನೆ ಕ್ಹಾರಾವೊನಾ ಹುತಿ ವಪ್ಸಿನ ದಿದ್ಯೊ. ತಿನಾಹುತಿ ಹಮ್ನಾ, ಕ್ಹುದಾ ಯೆಸುನಾ ಕ್ಹಾತೆ ಅಪೊನೆ ಕ್ಹಾರುಜ಼ ಕ್ಹರಿಬಿ ದಿದ್ಯಾವಾಚಿ ರ‍್ಹವಸ ಸು?

ತಿತನೆ 3:3

ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.