ಲುಕ ಬರ್ದಲ ಸುವಾರ್ತಾ 10:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಪಾಚಲ್ತೊ ಯೆಸು ಪವಿತ್ರ ಆತ್ಮಾಕ್ಹು ಘನ್ನೊ ಖುಶಿ ಥೈನ ಅಮ್ಮ ಪ್ರಾಥನಾ ಕರ‍್ಯೊ ಸ್ವರಗ ಲೊಕನೊ ಭುಲೊಕನೊ ಕ್ಹುದಾ ಥಯಲ ಬಾ ಮಿ ತುನೆ ಸ್ತುತಿ ಕರುಸ ತು ಗ್ಯಾನಿಯೊನೆ ಗ್ಯಾನ ರ‍್ಹಯಲವಾಲಾವೊನಾ ಎ ಸಂಗತಿ ಝಾಕಿನ ಮುಕ್ಕಕಲ ಹುತಿ ಮಿ ತುನೆ ಸ್ತುತಿ ಕರುಸ ವರಿ ತು ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ಮನಕ್ಹೊನೆ ಎ ಸಂಗತಿಯೊ. ಝಾಕಿನ ಮ್ಹೆಲ್ಯಾವಾಚಿ ಕದ್ಯೊ ಹೊ ತೆಜ಼ ತಾರಿ ಆಸ ವ್ಹತ್ತಿ.

ಲುಕ ಬರ್ದಲ ಸುವಾರ್ತಾ 10:21 ပူးပေါင်းရင်းမြစ်များ

ಮತ್ತಾಯ 16:17

ಯೆಸು, ಯೊನನೊ ದಿಕ್ರೊ ಥಯಲ ಸಿಮೊನ, ತು ಧನ್ಯ ವ್ಹೈ. ಕಾಕದ್ಯಾಮ ಎ ಮನಕ್ಹಕಂತು ತುನೆ ಗೊತ್ತ ನತ್ತಿ ಥಯು, ಪರಲೊಕಮಾ ರ‍್ಹವಾಲೊ ಮಾರೊ ಬಾಜ಼ ಎ ಕ್ಹಾರು ತಿಳ್ಸಾಯೊಸ ಕೈನ ಕದ್ಯೊ.

ಮತ್ತಾಯ 21:16

ತಿನೆ , ಅವ್ನೆ ಕವಾನು ಐಕಾಡ್ಯೊಸು ಕೈನ ಕತಾಮಾ ಯೆಸು, ಹಾ, ಐಕಾಡ್ಯೊಸ, ತೆನೈಸೊ ‘ ನ್ಹಾನಾ ಬಚ್ಚಾ಼ನಾ ಮ್ಹೊಡಾಕ್ಹು ದುದ್ದ ಪಿವಾನಾ ಬಚ್ಚಾ಼ನಾ ಮ್ಹೊಡಾಕ್ಹು ತು ಸ್ತೊತ್ರಾನೆ ತಯ್ಯಾರ ಕರಸಿ’ ಕವಾನು ತುಮೆ ಕೆಳಾಮಾಬಿ ಓದ್ಯಾವಸೆತೊ? ಕೈನ ಪುಚ್ಯೊ಼.

ಮತ್ತಾಯ 3:7

ಘನ್ನಾ ಫರಿಸಾಯರೊ ವರಿ ಸದ್ದುಕಾಯರೊ ಯೊಹಾನನಾ ಹತೆ ಬಾಪ್ತಿಸ್ಮಾ ಕರೈಲಿವಾನಾ ಹುತಿ ಆಯಾ. ಯೊಹಾನ ತ್ಯುನೊನೆ ದೆಕಿನ, ತುಮೆ ಕ್ಹಾರಾ ಕ್ಹಾಪೊ ವ್ಹೈ! ಆವಾನೆ ರ‍್ಹಯಲ ಕ್ಹುದಾನಾ ಶಿಟ್ಟಕ್ಹು ವಾಚಾನೆ ತುಮೊನೆ ಹುಶಾರಕಿ ದಿದಲವಾಲು ಕುನ್ನ ವ್ಹೈ?

ಮಾರ್ಕ 10:15

ತುಮೊನೆ ಕ್ಹರಿಜ಼ ಕೌಸ ಕುನ್ನ ಬಚ್ಚಾ಼ನಾ ಮನಸ ಲಿಂಗತ ಕ್ಹುದಾನಿ ರಾಜ್ಯ ಕುನ್ನ ವಪ್ಪಿಲೆತಾ ನೈ. ತೆ ತಿಮಾ ಮಳತೊಜ಼ ನೈ.

ಲುಕ ಬರ್ದಲ ಸುವಾರ್ತಾ 15:5

ತೆ ಮನಕ್ಹನೆ ಜ಼ವೈಗಯಲ ಬಕ್ರು ಮಳ್ತಮಾ ಘನ್ನೊ ಖುಶಿ ಥಾವಸ. ತೆ ಬಕ್ರಾನೆ ಖಾಂದಾಪರ ಉಚೈಲಿನ ತಿನಾ

ಲುಕ ಬರ್ದಲ ಸುವಾರ್ತಾ 15:9

ಜ಼ವೈ ಗಯಲ ರುಪ್ಪಾನೊ ಬಿಲ್ಲೊ ಮಳಲ್ಪರ ತೆ ತಿನಾ ದೊಸ್ತನಾ ಕ್ಹಾತೆ ಆಜು಼ಬಾಜು಼ವಾಲಾವೊನೆ ಬಲೈನ, ಮಾರಾ ಕ್ಹಾತೆ ಖುಶಿ ಕರೊ ಜ಼ವೈ ಗಯಲ ರುಪ್ಪಾನೊ ಬಿಲ್ಲೊ ಮಳ್ಯೊಸ, ಕವಸ.

ಯೊಹಾನ 11:41

ತಿನಾ ಹುತಿ ಸಮಾದಿನಿ ಝಾಕಲ ದಗ್ಡೊ ಕಾಡ್ಯಾ. ತೆಳಾಮಾ ಯೆಸು ಡೊಳಾ ಉಚೈನ ಸ್ವರ್ಗನೆ ದೆಕಿನ ಬಾ ಮಾರಿ ಪ್ರಾಥನಾ ಐಕಲ ಹುತಿ ಮಿ ತುನೆ ಕೊಂಡಾಡುಸ.

2 ಕೊರಿಂಥ 4:3

ಅಪೆ ಕವಾನಿ ಸುವಾರ್ತೆ ದಕ್ಹಾ ಮನಕ್ಹೊನೆ ದಡಿನ ವಸೆ ತೆ ಸುವಾರ್ತೆ ನಾಶಥಾವಾಲಾವೊನೆ ತೆ ದಡಿನ ಛೆ.

ಎಫೆಸ 1:11

ತೆನೈಸೊ ಅಪೆ ಕ್ಹುದಾನಾ ಬಚ್ಚಾ಼ ಥೈಯೆ ಕೈನ ಕ್ರಿಸ್ತಮಾ ಅಪೊನೆ ಇನಿಲಿದ್ಯಾ. ಅಪೆ ತಿನಾ ಬಚ್ಚಾ಼ ಥೈಯೆಕೈನ ಕ್ಹುದಾ ತಿನಿ ಚಿ಼ತ್ತಲಿಂಗತ ಪೈಲಾಜ಼ ಪ್ಲಾನ ಕರ‍್ಯೊತೊ.

ಎಫೆಸ 1:5

ಅಪೊಪರ ರ‍್ಹಯಲ ಮಯಾಕ್ಹು ಕ್ರಿಸ್ತ ಯೆಸುನಾ ಮುಲಕ ಅಪೊನೆ ತಿನಾ ಸ್ವಂತ ಬಚ್ಚಾ ಥೈನ ಕರಿಲಿವಾನೆ ತೆ ಪೈಲಾಜ಼ ನಿರಧಾರ ಕರ‍್ಯೊತೊ. ತೆ ತಿನಿ ಚಿತ್ತ ವರಿ ಉದ್ದೆಶ ವ್ಹತ್ತಿ.