ಯೊಹಾನ 9:39 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁹ ಯೆಸು"ಎ ದುನಿಯಾನೆ ಫೈಸಲೊ ಕರಾನೆ ಆಯೊಸ. ವರಿ ಕುಡ್ಡಾ ದೆಕೆ ಲಿಂಗತ ಥೌ ಕೈನ ಡೊಳಾ ರ‍್ಹಯಲವಾಲಾ ಕುಡ್ಡಾ ಥೌ ಕೈನ ಮಿ ಆಯೊ" ಕೈನ ಕದ್ಯೊ.

ಯೊಹಾನ 9:39 ပူးပေါင်းရင်းမြစ်များ

ಮತ್ತಾಯ 11:5

ಕುಡ್ಡಾವೊನೆ ಡೊಳಾ ಆವಸ; ಲಂಗ್ಡಾ ರ‍್ಹಯಲ ಚಾ಼ಲಸ; ಕುಷ್ಟ ರೊಗಿಯೊ ಅರಾಮ ಥಾವಸ; ಕಿವ್ಡಾ ಐಕಸ; ಮರಲವಾಲಾ ಜಿವ್ತಾ ಥಾವಸ ವರಿ ಗರಿಬ ರ‍್ಹಯಲವಾಲಾವೊನೆ ಕ್ಹುದಾನಿ ವಾತೊ ಕವಸ.

ಮತ್ತಾಯ 15:14

ತ್ಯುನೊನೆ ಛೊಡೊ, ತ್ಯುನೆ ಕಡ್ಡಾವೊನೆ ವಾಟ ದೆಕಾಡಾಲಾ ಕುಡ್ಡಾ ಲಿಂಗತ ಛೆ. ಕುಡ್ಡೊ ಕುಡ್ಡಾನೆ ವಾಟ ದೆಕಾಡ್ಯಮ ತ್ಯುನೆ ಭಂಬಿ ಜ಼ನಾ ಖಾಡಿಮಾ ಪಡಸ ಕದ್ಯೊ.

ಮತ್ತಾಯ 6:23

ತೆನೈಸೊ ತಾರೊ ಡೊಳೊ ಕೆಟ್ಟ ರ‍್ಹಯಲೊಮ, ತಾರು ಪುರಾ ಅಂಗ ಅಂದಾರಾಮಾ (ಪಾಪಮಾ) ಭರಲ ರ‍್ಹವಸ. ತಾರಾಮಾ ರ್xಹವಾನು ಯಕ್ಕಜ ಉಜಾಲು ಕ್ಹರಿಮಾಜ಼ ಅಂದಾರು ಥಯುಮ, ತೆಳಾಮಾ ಮರಣನಾ ಅಂದಾರಾಮಾ ರ್xಹಶಿ.

ಲುಕ ಬರ್ದಲ ಸುವಾರ್ತಾ 1:79

ವರಿ ಅಂದಾರಾಮಾ ಜಿವ್ನಾ ಕರತಾ ರ‍್ಹಯಲ ವಾಲಾವೊನೆ ಮರಾನೊ ಭೆ ರ‍್ಹಯಲವಾಲಾ ಮನಕ್ಹೊನೆ ಕ್ಹುದಾ ಆಸ್ರೊ ಕರಸ ವರಿ ತೆ ಅಪೊನೆ ಸಮಾಧಾನ ದಿವಸ.

ಲುಕ ಬರ್ದಲ ಸುವಾರ್ತಾ 13:30

ಹಮ್ನಾ, ಲಾಸ್ಟೆ ರ‍್ಹಯಲ ವಾಲಾ ದಕ್ಹಾ ಜ಼ನಾ ಪಸ್ಟ ಥಾವಸ, ಪಸ್ಟ ರ‍್ಹಯಲವಾಲಾ ಲಾಸ್ಟೆ ಥಾವಸ"

ಲುಕ ಬರ್ದಲ ಸುವಾರ್ತಾ 2:34

ಪಾಚಲ್ತೊ ಸಿಮೊನ ಆಶಿರ್ವಾದ ದಿನ್ನ ಮರಿಯಳನೆ "ದೆಕ ಎ ಪಟ್ಟಾನಾ ಹುತಿ ಇಸ್ರಾಯಲನಾ ಘನ್ನಾ ಜ಼ನಾ ಪಡಸ ಘನ್ನಾ ಜ಼ನಾ ಉಟಸ. ದಕ್ಹಾ ಜ಼ನಾ ತಿನೆ ನೈ ವಪ್ಪಿಲೆತಾ. ಎ ಕ್ಹುದಾಕಂತೊ ಆಯೊಸ ಕವಾನು ವಳಕ ಥಾವಸ.

ಲುಕ ಬರ್ದಲ ಸುವಾರ್ತಾ 4:18

"ಕ್ಹುದಾನಿ ಆತ್ಮಾ ಮಪರ ಛೆ. ಗರಿಬ ಮನಕ್ಹೊನೆ ಚೊ಼ಕಿ ಸುದ್ದಿ ಕವಾ ಹುತಿ. ಕ್ಹುದಾ ಮನೆ ಅಭಿಶೆಕ ಕರ‍್ಯೊಸ. ಪಾಪ ಕವಾನಿ ಯಕ್ಕ ಜೆಲಮಾ ರ‍್ಹಯಲವಾಲಾವೊನಾ ಮನಕ್ಹೊನೆ ಛೊ಼ಡಾವಾನೆ ವರಿ ಕುಡ್ಡಾವೊನೆ, ಡೊಳಾ ದಿವಾನೆ ವರಿ ತ್ಯುನೊನೆ ಚೊ಼ಕಿ ಸ್ತಿತಿನಾ ಹುತಿ ಮನಸ ಭಗೈ ಗಯಲವಾಲಾವೊನಾ ಹುತಿ ತ್ಯುನು ಮನಸ ಚೊ಼ಕು ಕರಾಹುತಿ. ಮನೆ ಕ್ಹುದಾ ಮೊಕ್ಕಲ್ಯೊಸ"

ಲುಕ ಬರ್ದಲ ಸುವಾರ್ತಾ 7:21

ತೆಜ಼ ಟೈಮಾ ಯೆಸು ಘನ್ನಾ ಜ಼ನಾವೊನೆ ರೊಗ ರ‍್ಹಯಲವಾಲಾವೊನಾ ಕೆಟ್ಟ ಆತ್ಮಾ ರ‍್ಹಯಲವಾಲಾವೊನಾ ಛೊಡೈನ ಅರಾಮ ಕರ‍್ಯೊ ವರಿ ಘನ್ನಾ ಮನಕ್ಹೊನೆ ಕುಡ್ಡಾವೊನೆ ದಿಕ್ಹಾ ವರಕ್ಹು ಕರ‍್ಯೊ.

ಯೊಹಾನ 12:31

ಎ ದುನಿಯಾನೆ ಫೈಸಲೊ ಥಾವಾನೊ ಟೈಮ ಹಮ್ನಾ ಆಯೊಸ.. ಹಮ್ನಾ ಎ ದುನಿಯಾನೊ ಅದಿಪತಿನೆ ಭಾರಾ ಕಾಡಸ.

ಯೊಹಾನ 12:46

ಮಿ ದುನಿಯಾಮಾ ಉಜಾಲು ಥೈನ ಆಯೊ. ಕಾಕದ್ಯಾಮ ಕುನ್ನ ಮಪರ ಬರೊಕ್ಹೊ ಮ್ಹೆಲಸ ತೆ ಅಂದಾರಾಮಾ ರ‍್ಹೌ ನೈ.

ಯೊಹಾನ 3:17

ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.

ಯೊಹಾನ 3:19

ತೆ ನ್ಯಾಯನೊ ಫೈಸಲೊ ಅಮ್ಮ ರ‍್ಹವಸ ಉಜಾಲು ದುನಿಯಾಮಾ ಆಯು ವರಿಬಿ ಮನಕ್ಹೊ ಉಜಾಲಾನಾ ಬದಲ ಅಂದಾರಾನೆ ಮಯಾ ಕರ‍್ಯಾ ಕಾಕದ್ಯಾಮ ತಿನಾ ಕಾಮೊ ಕೆಟ್ಟ ವ್ಹೈ.

ಯೊಹಾನ 8:12

ಪಾಚಾ಼ತಾ, ಯೆಸು ವರಿ ಮನಕ್ಹೊನಾ ಕ್ಹಾತೆ ಬೊಲ್ತೊ"ಮಿಜ಼ ಎ ದುನಿಯಾನೆ ಉಜಾಲು ವ್ಹೈ. ಮಾರಾ ಪಾಚೊ಼ ಆವಾಲೊ ಯಕ್ಲೊಬಿ ಅಂದಾರಾಮಾ ಕೆಳಾಮಾಜ ಚಾಲ್ತೊನೈ. ತೆ ಜ಼ಲಮ ದಿವಾನು ಉಜಾಲು ವ್ಹಂದಿಲಿದಲವಾಲೊ ಥಾವಸ ಕದ್ಯೊ.

ಯೊಹಾನ 8:15

ತುಮೆ ಮನಕ್ಹೊ ಕರಲ ಲಿಂಗತ ಫೈಸಲೊ ಕರಾಡಾಸ. ತೆನೈಸೊ ಮಿ ಕಿನೆಜ಼ ಫೈಸಲೊ ಕರ್ತೊ ನೈ.

ಯೊಹಾನ 9:25

ತೆ ಮನಕ್ಹ "ತೆ ಪಾಪಿ ವ್ಹೈ ಸು ನ್ಹವೈ ಮನೆ ಗ್ವತ್ತ ನತ್ತಿ. ತೆನೈಸೊ ಮಿ ಕುಡ್ಡೊ ವ್ಹತ್ತೊ; ಹಮ್ನಾ ಮಿ ದಿಕಾಡೊಸ ಕವಾನು ಮನೆ ಗ್ವತ್ತ ಛೆ ಕದ್ಯೊ"

ಅಪೊಸ್ತಲೊ 26:18

ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ.

2 ಕೊರಿಂಥ 2:16

ಅಪೆ ನಾಶನಾ ವಾಟ್ಮಾ ರ‍್ಹಯಲ ವಾಲಾವೊನೆ ತ್ಯುನೆ ಬಳಾನು ಆಗ ಥಯಾಸ; ರಕ್ಶನನಾ ವಾಟ್ಮಾ ರ‍್ಹಯಲವಾಲಾವೊನೆ ಜುವ ದಿವಾಲಾ ಸುಗಂದ ವ್ಹೈ. ಹವಾ ಕಾಮೊನೆ ಕುನ್ನ ಲಾಯಕ ವ್ಹೈ?

ಎಫೆಸ 5:14

ಹರಯಕ್ಕಬಿ ಚೊ಼ಕಿ ತರಾ ದೆಕಾಡಾನುಜ಼ ಉಜಾಲು ವ್ಹೈ. ತಿನಾಹುತಿ ಅಮ್ಮ ಬರ್ದಲ ಛೆ;

2 ಥೆಸಲೊನಿಕ 2:10

ಕ್ಹರಿನೆ ಮಯಾ ಕರ‍್ಯಾವಾಚಿ ಚು಼ಕಿಗಯಲ ಮನಕ್ಹೊನೆ ಮೊಸ ಕರಾನೆ ತೆ ಕ್ಹಾರಾ ತರಾನಾ ತಂತ್ರ ಕರಸ. ತ್ಯುನೆ ಕ್ಹರಿ ಸು ವ್ಹೈ ಮಯಾ ತಿಳ್ದಿಲಿನಬಿ ರಕ್ಷಣೆ ಹೊಂದಿಲಿದ್ಯಾ ನೈ.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.

1 ಯೊಹಾನ 2:11

ತೆನೈಸೊ ತಿನಾ ಭೈನೆ ಮೊಸ ಕರಾಲೊ ಅಂದಕಾರಮಾ ಛೆ. ತೆ ಅಂದಕಾರಮಾ ಜಿವ್ನಾ ಕರಸ. ತಿನೆ ತೆ ಕಿಜ್ಗಾ಼ ಚಾ಼ಲ್ಯೊಸ ಕವಾನು ಗ್ವತ್ತ ನತ್ತಿ. ಕಾಕದ್ಯಾಮ ಅಂದಕಾರನಿ ತಾಕತ ತಿನೆ ಡೊಳಾ ದಿಕ್ಹೆ ನೈಸೊ ಕರಿಪಾಡ್ಯುಸ.