ಯೊಹಾನ 8:52 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵² ಯೆಹುದಿಯೊ ತಿನೆ"ಕ್ಹರಿಮಾಬಿ ತಾರಾಮಾ ಕೆಟ್ಟ ಆತ್ಮಾ ಛೆ ಕೈನ ಹಮ್ನಾ ಹಮೊನೆ ಗ್ವತ್ತ ಥಯು! ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿಗಯಾ ತೆನೈಸೊ ವರಿಬಿ "ಮಾರಿ ಉಪದೆಶನೆ ವಿಧೆಯ ಥಾವಾಲೊ ಕೆಳಾಮಾಜ ಮರ್ತೊಜ ನೈ ಕೈನ ತು ಕವಾಡ್ಯೊಸ.

ಯೊಹಾನ 8:52 ပူးပေါင်းရင်းမြစ်များ

ಮತ್ತಾಯ 11:18

ಆಜ಼ನಾ ಮನಕ್ಹೊ ಎ ಬಚ್ಚಾ ಲಿಂಗತ ಛೆ ಕೈನ ಮಿ ಕದ್ಯಲ ಶಾನೆ ವ್ಹೈ? ಕಾಕದ್ಯಾಮ ಯೊಹಾನ ಆಯೊ. ತೆನೈಸೊ ತೆ ಬಿಜಾ಼ ಮನಕ್ಹೊ ಲಿಂಗತ ಖಾದ್ಯೊ ನೈ; ದ್ರಾಕ್ಷಿಯೊನು ರಕ್ಹ ಪಿದ್ಯೊ ನೈ. ವರಿಬಿ ಮನಕ್ಹೊ, ‘ತಿನೆ ಕೆಟ್ಟ ಆತ್ಮಾ ಧರ‍್ಯುಸ’ ಕೈನ ಕವಸ.

ಯೊಹಾನ 1:19

ತು ಕುನ್ನ ವ್ಹೈ? ಕೈನ ಯೊಹಾನನೆ ಪುಚ್ಚಾನಾ ಹುತಿ ಯೆರುಸಲೆಮನಾ ಯಹುದ್ಯೊನಾ ಅದಿಕಾರಿಯೊ ಯೊಹಾನಕನ ದಕ್ಹಾ ಯಾಜಕೊನೆ ವರಿ ಲೆವಿಯೊನೆ ಮೊಕಲ್ಯಾ.

ಯೊಹಾನ 14:23

ಯೆಸು ಅಮ್ಮ ಜವಾಬ ದಿದ್ಯೊ; ಮನೆ ಮಯಾ ಕರಾಲೊ ಮಾರಾ ಉಪದೆಶನೆ ವಿಧೆಯ ಥಾವಸ. ಮಾರೊ ಬಾ ತಿನೆ ಮಯಾ ಕರಸ. ಹಮೆ ಭಂಬಿ ಜ಼ನಾ ತಿಕನ ಐನ ತಿನಾ ಕ್ಹಾತೆ ರ‍್ಹಯೆಸ.

ಯೊಹಾನ 15:20

"ಸೆವಕ ತಿನಾ ಮಾಲಕತಿ ಮ್ಹೊಟೊ ನ್ಹವೈ "ಕೈನ ಮಿ ತುಮೊನೆ ಕದಲ ವಾತ ಶೆ ಕರಿಲಿವೊ. ಮನಕ್ಹೊ ಮನೆ ತ್ರಾಸ ಕರಲ ಲಿಂಗತ ತುಮೊನೆ ತ್ರಾಸ ಕರಸ ವರಿ ಮಾರಿ ಉಪದೆಶನೆ ವಿಧೆಯ ಥಯಾಮ ತುಮಾರಾ ಉಪದೆಶನೆ ವಿಧೆಯ ಥಾವಸ.

ಯೊಹಾನ 17:6

"ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ.

ಯೊಹಾನ 7:20

ಮನಕ್ಹೊ ಕದ್ಯಾ"ತುನೆ ಭುತಡು ಧರ‍್ಯುಸ. ತುನೆ ಕುನ್ನ ಮಾರಾನೆ ಕೊಶಿಶ ಕರಾಡ್ಯುಸ ಕದ್ಯಾ.

ಯೊಹಾನ 8:22

ಎ ಯಹುದಿಯೊನೆ ತೆ ತಿನೊಜ ಜ಼ಲಮ ಲಿವಸ ಸು? ತಿನಾಹುತಿ ತೆ ಮಿ ಕಿಜಾ಼ ಜೌ಼ಸ ತ್ಯಾ ತುಮೊನೆ ಆವಾನೆ ನೈ ಥಾತು ಕೈನ ಕವಾಡ್ಯೊಸ ಸು? ಕೈನ ತ್ಯುನಾ-ತ್ಯುನಾಮಾ ಬೊಲ್ಲಿವಾ ವರ್ಕ್ಹು ಥಯು.

ಯೊಹಾನ 8:48

ಯಹುದ್ಯೊ ತಿನೆ, ಸು ಹಮೆ ಕವಾನು ಕರೆಟ್ಟ ನ್ಹೊತು ಸು ತು ಸಮಾರ್ಯವಾಲೊ ವ್ಹೈ ಕೈನ ತಾರಾಮಾ ಕೆಟ್ಟ ಆತ್ಮಾ ಛೆ "ಕೈನ ಕದ್ಯಾ.

ಯೊಹಾನ 8:51

ಮಿ ತುಮೊನೆ ಕ್ಹರಿ ರ‍್ಹಯಲಜ ಕೌಸ. ಮಾರಿ ವಾಕ್ಯಾನೆ ವಿಧೆಯ ಥಾವಾಲೊ ಕೆಳಾಮಾಜ ಮರತೊ ನೈ" ಕೈನ ಕದ್ಯೊ.

ಯೊಹಾನ 8:55

ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ.

ಯೊಹಾನ 9:24

ಯಹುದಿಯೊನಾ ನಾಯಕೊ, ಕುಡ್ಡೊ ರ‍್ಹಯಲ ತೆ ಮನಕ್ಹನೆ ಬೆಂವಾ ಸಲಾ ಮ್ಹೈ ಬಲೈನ, ವರಿ "ತು ಕ್ಹುದಾನಾ ಕ್ಹಾಮೊ ಕ್ಹರಿ ಬೊಲ. ತುನೆ ಡೊಳಾ ದಿದಲ ಮನಕ್ಹ ಪಾಪಿ ವ್ಹೈ ಕೈನ ಹಮೊನೆ ಗ್ವತ ಛೆ" ಕದ್ಯಾ.

ಇಬ್ರಿಯ 11:13

ಎ ಕ್ಹಾರಾ ಮ್ಹೊಟಾ ದಾಣಗಾ ಮರೆಲಕ್ಕಾಬಿ ಬರೊಕ್ಹಾಮಾ ವ್ಹತ್ತಾ. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಾತ ತೆ ಮನಕ್ಹೊ ಪಡ್ದಿಲಿದ್ಯಾ ನೈ. ಅಗಾ ಘನ್ನಾ ದಿನೊ ಥಯಲ್ಪರ ತೆ ಥಾವಾನು ದೆಕಿನ ತ್ಯುನೆ ಘನ್ನಾ ಖುಶಿ ಥಯಾ. ತ್ಯುನೆ ಎ ದುನಿಯಾಮಾ ಮಹಿಮಾನ ಥೈನ ರ‍್ಹೈನ ವರಿ ವಳಕ ನೈಸೊವಾಲಾ ವ್ಹೈ ಕೈನ ಒಪ್ಪಿಲಿದ್ಯಾ.

ಇಬ್ರಿಯ 2:9

ದಕ್ಹಾ ಟೈಮ ಲಕ್ಕಾ ಯೆಸುನೆ ದೆವದುತೊತಿ ನಕ್ಕರಜ಼ ಕಮ್ಮ ಕರ‍್ಯೊ. ತೆನೈಸೊ ಯೆಸು ಸ್ವಾಮಿ ಅಪ್ನಾಹುತಿ ದುಕ್ಕ ಖೈನ ಮರಲಹುತಿಜ಼ ಅಪೊನೆ ಮಹಿಮಾನು ವರಿ ಮರ್ಯಾದಿನು ಕಿರಿಟ ಮಳ್ಯುಸ. ತಿನಾಹುತಿಜ಼ ಕ್ಹುದಾನಾ ಕೃಪಾಕ್ಹು ಯೆಸು ಸ್ವಾಮಿ ಕ್ಹಾರಾವೊನಾ ಹುತಿ ಕಷ್ಟ ಅನಭವಿಸಿನ ಮರ‍್ಯೊ.