ಯೊಹಾನ 8:44 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴⁴ ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ.

ಯೊಹಾನ 8:44 ပူးပေါင်းရင်းမြစ်များ

ಮತ್ತಾಯ 12:34

ತುಮೆ ಕ್ಹಾಪೊ ವ್ಹೈ! ತುಮೆ ದುಷ್ಠೊ ವ್ಹೈ.! ಕಿಮ ತುಮೆ ಚೊ಼ಕು ಕವೊಶಿ? ತುಮಾರಾ ಮನಸ್ಮಾ ಭರಲಜ ತುಮಾರು ಮ್ಹೊಡು ಬೊಲಸ.

ಮತ್ತಾಯ 13:15

ಎ ಮನಕ್ಹೊನು ಮನಸ ಘಟ್ಟ ಥಯು; ಇವ್ನಾ ಕಾನೊ ಕಿವ್ಡಾ ಥಯಾ; ಇವ್ನೆ ಡೊಳಾ ಝಾಕಿಲಿದ್ಯಾಸ. ತ್ಯುನೆ ಡೊಳಾಕ್ಹು ದೆಕಿನ ಕಾನೊಕ್ಹು ಐಕಿನ ಮನಸಕ್ಹು ತಿಳ್ದಿಲಿನ ಮಕನ ಫರಿನ ಮಾರಾಕ್ಹು ಅರಾಮ ಥೌ ನೈ ಕೈನ ಕರಿಲಿದ್ಯಾಸ.

ಮತ್ತಾಯ 13:38

ತೆ ಖೆತರ ಎ ದುನಿಯಾ ವ್ಹೈ ಚೊ಼ಕೊ ಬಿಯ್ಯೊ ಸ್ವರ್ಗನಾ ಕ್ಹುದಾನಾ ಬಚ್ಚಾ ವ್ಹೈ.

ಯೊಹಾನ 6:70

ಪಾಚಲ್ತೊ ಯೆಸು ಕದ್ಯೊ ಸು ಮಿ ತುಮೊನೆ ಬಾರಾ ಜ಼ನಾವೊನೆ ಇನಿಲಿದ್ಯೊ ನತ್ತಿ ಸು? ವರಿಬಿ ತುಮೊಮಾ ಯಕ್ಲೊ ಸೈತಾನ ಛೆ.

ಯೊಹಾನ 7:17

ಕ್ಹುದಾ ಆಸ ಕರಾನು ಕರಾಲಾನೆ ಮಾರು ಉಪದೆಶ ಕ್ಹುದಾತಿ ಆಯುಸ ತೆನೈಸೊ ಮಾರು ಸ್ವಂತ ನ್ಹವೈ ಕೈನ ಗ್ವತ್ತ ಥಾವಸ.

ಯೊಹಾನ 8:38

ಮಾರೊ ಬಾ ದೆಕಾಡಲಜ ಮಿ ತುಮೊನೆ ಕೌಸ. ತುಮೆತೊ ತುಮಾರೊ ಬಾ ತುಮೊನೆ ಕದಲ ಕರೊಶಿ" ಕೈನ ಕದ್ಯೊ.

ಯೊಹಾನ 8:41

ತಿನಾಹುತಿ ತುಮಾರೊ ಸ್ವಂತ ಬಾ ಕರಲಜ ತುಮೆ ಕರಾಡಾಸ ಕೈನ ಕದ್ಯೊ. ತೆನೈಸೊ ತ್ಯುನೆ"ಹಮೆ ವ್ಯಭಿಚಾರಕ್ಹು ಹುಟ್ಟಲ ನ್ಹವೈ. ಕ್ಹುದಾ ಯಕ್ಲೊಜ ಹಮೊನೆ ಬಾ ವ್ಹೈ. ವರಿ ಹಮೆ ತಿನಾ ಕ್ಹರಿನಾ ಬಚಚಾ ಥಯಾಸ "ಕೈನ ಕದ್ಯಾ.

ಯೊಹಾನ 8:55

ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ.

ಅಪೊಸ್ತಲೊ 13:10

ತಿನೆ, ತು ಸೈತಾನನೊ ದಿಕ್ರೊ ವ್ಹೈ! ಹರಯಕ್ಕ ಚೊ಼ಕಾನೆ ತು ದುಶ್ಮನ ವ್ಹೈ! ತು ಕೆಟ್ಟ ತಂತ್ರೊಕ್ಹು ಸುಳ್ಳಕ್ಹು ಭರಲ ಛೆ. ಪ್ರಭುನಿ ಸತ್ಯನೆ ಸುಳ್ಳ ಕೈನ ಬದಲಾನೆ ತು ಕೊಶಿಶ ಕರಾಡ್ಯೊಸ!

ಅಪೊಸ್ತಲೊ 24:9

ತೆಳಾಮಾ ಯಹುದಿಯೊ ವಕಿಲನಾ ಕ್ಹಾತೆ ಮಳಿನ ಸಂಗತಿಯೊ ಕ್ಹರಿ ವ್ಹೈ ಕೈನ ತ್ಯುನೆ ತೆ ದೊಶಾರೊಪಣೆ ಕರಾಲಾವೊನಾ ಕ್ಹಾತೆ ಮಳ್ಯಾ.

ಅಪೊಸ್ತಲೊ 5:3

ಪೆತ್ರಾ"ಅನನಿಯ, ತಾರು ಮನಸ್ಸ ಆಳಾನೆ ತು ಸೈತಾನನೆ ವಪ್ಸಿನ ಕಾ ದಿದ್ಯೊಸ? ತು ಸುಳ್ಳ ಕೈನ, ಪವಿತ್ರ ಆತ್ಮಾನೆ ಮೊಸ ಕರಾನೆ ಕೊಶಿಶ ಕರ‍್ಯೊಸ. ತು ತಾರಿ ಜಿಮಿನ ಇಕ್ಯೊ, ತೆನೈಸೊ ಆಯಲ ದೊಕ್ಡಾಮಾ ಯಕ್ಕ ಭಾಗ ತು ತಾರಾ ಹುತಿ ಮ್ಹೆಲಿದಲ ಕಾ ವ್ಹೈ?

2 ಕೊರಿಂಥ 11:3

ಕುಯುಕ್ತಿ ಕ್ಹ ಕುಯುಕ್ತಿ ಕ್ಹ ಮೊಸ ಲಿಂಗತ ತಾರ ಹವ್ವ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.

1 ಪೆತ್ರಾ 5:8

ಯಕ್ಕಜ಼ ಮನಸ ವಾಲಾರ‍್ಹವೊ ವರಿ ಹುಶಾರ ಥೈನ ರ‍್ಹವೊ. ಸೈತಾನ ತುಮಾರೊ ದುಶ್ಮನ ವ್ಹೈ. ತೆ ವದ್ರಾನೊ ಶಿಯ್ಯಾ ಲಿಂಗತ ಕಿನೆ ಖೌ ಕೈನ ಹುಡ್ಕತೊ ರ‍್ಹವಸ ತೆ ಮನಕ್ಹೊನೆ ಹುಡ್ಕಾಡ್ಯೊಸ.

2 ಪೆತ್ರಾ 2:4

ದೆವದುತೊ ಪಾಪೊ ಕರತಾಮಾ, ತ್ಯುನೊನೆ ಶಿಕ್ಷಾದಿದ್ಯಾವಾಚಿ಼ ಛೊಡ್ಯೊನೈ. ತೆ ತ್ಯುನೊನೆ ಬೆಡಿಯೊ ಭಾಂದಿನ ನರಕ್ಕಮಾ ಢಕ್ಕಲ್ಯೊ. ಅಂದಾರು ರ‍್ಹಯಲ ಖಾಡಿಮಾ ಘಾಲ್ಯೊ. ತ್ಯುನೊನೆ ಫೈಸಲೊ ಥಾಯೆಲಕ್ಕಾ ತ್ಯಾಜ಼ ರ‍್ಹವಸ.

1 ಯೊಹಾನ 1:8

ಅಪೊಮಾ ಪಾಪ ನತ್ತಿ ಕೈನ ಕೈಲಿದ್ಯಾಮ, ಅಪೊನೆ ಅಪೆಜ಼ ಮೊಸ ಕರಲಿವಾಲಾ ಥಯಾಸ. ವರಿ ಅಪೊಮಾ ಕ್ಹರಿ ನತ್ತಿ.

1 ಯೊಹಾನ 2:21

ಮಿ ತುಮೊನೆ ಕಾ ಬರ್ದಿನ ದ್ಯು? ತುಮೆ ಕ್ಹರಿ ನತ್ತಿ ವಳಕಿ ಲಿದ್ಯಾ ಕೈನ ಬರ್ದುಸು? ನೈತೊ! ತುಮೆ ಕ್ಹರಿ ವಳಕಲ ಹುತಿ ಮಿ ಎ ಪತ್ರ ಬರ್ದಾಡ್ಯೊಸ. ಕ್ಹರಿ ಕ್ಹು ಕಯುಜ಼ ಸುಳ್ಳ ಆತು ನೈ ಕವಾನು ತುಮೊನೆ ಗ್ವತ್ತ ಛೆ.

1 ಯೊಹಾನ 2:4

"ಕ್ಹುದಾನೆ ಮಿ ವಳಕ್ಯೊಸ "ಕೈನ ಕವಾಲೊ ಕ್ಹುದಾನಿ ಆಗ್ಯ್ನಾನೆ ನೈ ವಿಧೆಯ ಥಯಲ ರ‍್ಹಯೊಮ, ತೆ ಸುಳ್ಳಮಾ ರ‍್ಹಯಲವಾಲೊ ವ್ಹೈ ವರಿ ತಿಕನ ಕ್ಹರಿಜ಼ ನತ್ತಿ.

1 ಯೊಹಾನ 3:12

ತುಮೆ ಕಾಯಿನ ಲಿಂಗತ ರ‍್ಹವೊ ನಕೊ. ತೆ ಕೆಟ್ಟನಾ ಕ್ಹಾತೆ ರ‍್ಹಯಲವಾಲೊ ವ್ಹತ್ತೊ. ತೆ ತಿನಾ ಭೈನೆ (ಹೆಬಲ) ಖಲಾಸ ಕರಿಪಾಡ್ಯೊ. ತೆ ತಿನಾ ಭೈನೆ ಖಲಾಸ ಕರಲ ಶಾನಾ ಹುತಿ ವ್ಹೈ? ತಿನಾ ಕಾಮೊ ಕೆಟ್ಟಜ಼ ವ್ಹೈ. ತಿನಾ ಭೈನಾ ಕಾಮೊ ಚೊ಼ಕಾ ರ‍್ಹಯಲ ಹುತಿ ವ್ಹೈ.

1 ಯೊಹಾನ 3:15

ತಿನಾ ಖುದ್ದನಾ ಭೈನೆ ದ್ವೆಶ ಕರಾಲೊ ಹರಿ ಯಕ್ಲೊ ಖಲಾಸ ಕರಾಲೊ ಥಯಾಸ. ಕಯಾಜ಼ ಖಲಾಸ ಕರಾಲಾಮಾ ಹಮೆಶಾನೊ ಜ಼ಲಮ ರ‍್ಹತೊ ನೈ. ಕೈನ ಮನೆ ಗ್ವತ್ತ ಥಯುಸ.

ಯುದ ಬರ್ದಲ ಪತ್ರ 1:6

ದೆವದುತೊ ಅದಿಕಾರ ವ್ಹಂದ್ಯಾತಬಿ ತೆ ವಚಾ಼ಡಿಲಿದ್ಯಾವಾಚಿ ಸ್ವಂತ ರ‍್ಹಯಲ ಜ಼ಗಾ ‍ಚೊಡಿನ ಗಯಲ ಶೆ ಕರೊ. ತಿನಾಹುತಿ ಪ್ರಭು ತೆ ದೆವದೊತೊನೆ ಅಂದಕಾರಮಾ ಮ್ಹೆಲ್ಯೊ. ತ್ಯುನೊನೆ ಹಮೆಶಾಬಿ ಬೆಡಿಯೊಮಾ ಭಾಂದಿನ ಮ್ಹೆಲ್ಯೊ.ಮ್ಹೊಟಾ ದಿನ್ನ ದಿನ್ನೆ ತ್ಯೊನೊನೆ ಫಸ್ಒ ಥಾವಾನಾ ಹುತಿ ತ್ಯಾ ಮ್ಹೆಲ್ಯೊ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 13:14

ಎ ಬೆವಾ ಜಾನ್ವರ ಅದ್ಭುತ ಕರಾನೆ ತಿನೆ ದಿದಲ ತಾಕತ ಕ್ಹು ಜಿಮಿನಪರ ರ‍್ಹಯಲ ಮನಕ್ಹೊನೆ ಮಳ್ಳ ಕರಸ. ಪೈಲಾನಿ ಜಾನ್ವರ ಮನಕ್ಹೊ ತಿನಿ ಸೆವೆ ಕರು ಕೈನ ಮ್ಹೊಟು ಅದ್ಭುತ ಕರಸ. ತಲ್ವಾರ ಕ್ಹು ದುಖ ಕರಲಿದಲ ಮರಾನಿ ಕ್ಹು ವಾಚ಼ಲ ಜಾನ್ವರನೆ ಮರ್ಯಾದಿ ದೆಕಾಡಾನಾ ಹುತಿ ಮೊರತಿಯೊ ತಯ್ಯಾರ ಕರಾನಾ ಹುತಿ ಮನಕ್ಹೊನೆ ಕದ್ಯು.

ಪ್ರಕಟನೆ 2:10

ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.

ಪ್ರಕಟನೆ 22:15

ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.

ಪ್ರಕಟನೆ 9:11

ಪ್ಹಿರಕಾವೊಪರ ಯಕ್ಕ ರಾಜೊ಼ ವ್ಹತ್ತೊ. ಪಾತಾಳಮಾ ರ‍್ಹವಾಲೊ ದುತ ತ್ಯುನೊ ರಾಜೊ಼ ಥಯೊತೊ. ತಿನೆ ಹಿಬ್ರುಮಾ "ಅಬದ್ದೊನ; ಕೈನ ನಾಮ ವ್ಹತ್ತೊ. ಗ್ರಿಕ್ಕಮಾ "ಅಪೊಲ್ಲ್ಯೊನ "ಕೈನ ನಾಮ ವ್ಹತ್ತು.